芯 (Closed)

黃店系列 今次介紹食日本野既小店 🇯🇵 小編私心勁鍾意呢種近似居酒屋既餐廳 店面唔大但好舒服 ʕ•ᴥ•ʔ 刺身拼盤都幾多款 但偏偏冇三文魚 唯有自己嗌 刺身肥美得黎新鮮 (略嫌帶子薄身左少少🤌🏻) 和牛西冷面頭勁多金箔 生熟度適中 牛味重而唔膩 真係齒頰留香🥩到串燒同小食環節 牛肋肉香口 雞胸軟骨好少見 味道唔錯而易入口😆 但最最值得encore絕對係大蔥雞腿肉 雞皮微脆而肉嫩 我地食完一串再嗌多左一串 (੭•̀ᴗ•̀)੭ 黃店加埋美食 地理位置方便 值得大家一試🎏

夜晚買左7:15既戲飛睇戲，於是我同男朋友早啲食晚飯。我地叫左正宗大阪燒、M6-7和牛牛腹肉、刺身拼盤、帶子刈包。正宗大阪燒上碟啲木魚郁郁下，好過癮。Size比我想像中大，包住好多椰菜，仲有啲紅薑，成件事令人好似有去左日本既錯覺。M6-7和牛牛腹肉肉眼睇都覺得係靚牛，燒到五成熟，肉質幾腍，有牛味。刺身拼盤有四種刺身: 三文魚、油甘魚、帶子、赤蝦。全部都好鮮甜而且厚切，令人好滿足。帶子刈包(海膽&紅蝦)原來係帶子夾住海膽同紅蝦一齊食，好奢侈既感覺，食得出好新鮮既味道，啖啖肉既口感好正。