Deluxe Daikiya Japanese Restaurant (Causeway Bay Plaza 1)

年少時，成日睇蕾、食日式放題。出嚟社會後，越嚟越少，逐漸將呢兩件事淡忘。最近先知蕾已經引退咗成年，19歲做到35歲。重溫舊時女神、workday又食咗次午市《極尚大喜屋》放題，嗰種美好同埋滿足返晒嚟。🤩少見多怪，估唔到午市嘅《極尚大喜屋》放題咁多人食。坐低落咗第一轉order之後，去自助區行一轉，即刻明白點解咁多人幫襯——花多眼亂，總有啱你食嘅嘢呀❗️淨係飲品都眼花撩亂。基本嘅樽裝茶、紙包飲品、各式罐裝汽水梗係走唔甩。意想不到嘅係，連啤酒都咁多款揀，而且唔係啲cheap cheap🦁威、藍🧊，藍係藍，但係藍妹，仲有嘉士伯同Asahi。啤酒唔啱飲？清酒、燒酒、梅酒又啱唔啱？鍾意養生啲咪飲熱羅漢果茶、熱菊花蜜同埋各款中式養生湯囉。日式放題來講，犀利嘅地方係有唔少中式熱葷，連酸菜魚同埋炆豬手都有。我就冇試啦，但係同行同事鍾意食豬手，可以話係豬手界嘅品嚐家，尤其鍾意鹹豬手，連佢都舉起隻手指公讚炆得軟稔又入味。主角刺身拼盤上枱，個擺盤一睇就覺得開胃，尤其係「三文魚刺身」以及「油甘魚刺身」，相當厚切，口感好full，食得好滿足。我最欣賞係佢嘅「帶子刺身」，雖然唔似三文魚同油甘魚咁厚切，但係味道相當清新鮮甜，就好似19歲初出道嘅蕾咁清澀甜美，一試難忘，所以前後都encore咗三次。食放題，唔知大家同唔同意，「芝麻炸雞翼」可以話係必食菜品，但好驚有啲放題店嘅炸雞翼預先炸起，上菜時已經凍咗，有啲又會炸得好鹹。不過，《極尚大喜屋》嘅炸雞翼冇以上問題，芝麻味仲相當香濃。熟食嚟講，《極尚大喜屋》菜式，應該有嘅佢都有：各類串燒、炸物、壽司🍣、卷物等等。其他放題店冇嘅佢都有，令人驚喜，例如：鮑魚、紅燒乳鴿、炸蒜粉絲蒸帶子、燒鰻魚等等。其中有一款，我哋一台四人一致話要翻啅嘅就係「窩蛋肥牛雜菜粉絲煲」。個醬油味香濃而不膩，無論你食肥牛、雜菜定係粉絲，全部都好索味同開胃。尾段令我覺得一流嘅仲有「烤菠蘿」、「炸貓山王波波」。「烤菠蘿」唔酸已經好難得，但佢甜入心之餘，仲要勁多汁，啡we good。至於「炸貓山王波波」，外皮酥脆、內裡綿軟，而且榴槤味非常香甜濃郁，簡直就係食緊榴槤蓉咁，冇得彈。👍🏾其實，呢兩樣嘢都令我好後悔🥲。「點解食飽晒last order先嚟試，想再三翻啅都已經嚟唔切！」😭如果個天俾個機會我食多一次，仲要為食「烤菠蘿」同「炸貓山王波波」 加1個時限，我希望食佢哋食足個半鐘。🤭吖！其實唔使個天比俾機會，等到月頭個銀包俾機會我就得。😎…Read More

如果講日式放題, 相信冇人唔識大喜屋, 因為出名高質而近年大喜屋都越開越多分店, 食物level再升一級今次就去比普通大喜屋再高一級既極尚大喜屋坐位舒服就唔使多講架啦, 極尚大喜屋除左落單點既食物之外仲有自助區域睇睇自助區有咩食先前菜區有沙律, 八爪魚, 螺肉, 中華沙律等等熟食區以中式食品為主, 有蒸魚, 炒菜, 蕃薯糖水, 木瓜雪耳糖水等等甜品區起碼有10款甜品選擇, 仲有盒裝豆腐花, 杯裝乳酪, 大福餅, 蛋糕.......真係花多眼亂呀放生果既區域竟然有荔枝同龍眼, 真係前所未見驚喜陸續有黎, 望下個雪糕櫃, 雪糕雪條任食, 眼見都有8個唔同款, 當中最特別既係玄米茶雪糕除左相中既雪糕之外, 都另外會有每一杯既haagen dazs或者movenpick雪糕呢樣都未算最驚喜, 行去飲品區之後比我發現最驚喜既野係軟糖任夾呀, 真係估佢唔到飲品區除左雪櫃既罐裝或者樽裝飲品外仲有清酒, 梅酒, 沙冰, 咖啡機, 所有飲品都好齊全, 一定有樣岩你講完自助區, 講返落單點既食物, 而家改用QR code手機落單, 方便又環保刺身一定係必點既, 極尚大喜屋係有長腳蟹任食架, 仲會好細心地提供埋較剪壽司, 手卷, 全部細細舊, 唔會好飽肚竟然仲有原盅燉湯, 好足料架所有食品都好齊全, 燒物, 串燒, 天婦羅, 炸物, 款式齊全不論你鍾意食咩, 幾咁偏食都總會搵到岩你既既野…Read More

作為完sem pre-celebration，揀咗嚟極尚大喜屋簡直係最明智嘅決定本身驚好full所以提早book咗5:30pm，不過可能時間尚早，入到去只有一兩枱有人。一入去就見到成個場中間位置嘅各樣熟食，有小菜，最驚喜係有片皮鴨！不過只張部分時間有，我地早咗，就想等晏少少再去，點知已經飽到食唔落一開波就嗌咗呢個花膠湯，啲花膠又大又厚，入面嘅料都好足，冬菇大大舊，暖下肚啱哂跟住嚟咗刺身同壽司，壽司細細件可以瘋狂食，種類同配搭都不錯喲！啲蝦真心甜！覺得極尚嘅刺身真心幾高質，我平時唔太食生野，尤其是生八爪魚，但都食咗幾件朋友幾推薦牛油果嗰件。我呢個唔食牛油果嘅就推薦左邊嗰款芒果吉列蝦壽司卷饅魚好肥美講番即場攞到嘅野食，真係好多種類！甜品連豆腐花都有仲有熱櫃熱住啲維他奶同麥精最fun嘅係有夾糖lmao最後幾欣賞佢雪糕竟然有Häagen-Dazs嘅caramel biscuit朋友想試吓佢季節限定，不過原來係fro yo嗰款，唔係最新嘅mochi款服務方面，十分夠人手，唔會話太忙嘅時候想搵個staff都搵唔到。負責我地個zone嘅嗰位姐姐簡直係世界級，跟得勁足，足到我地一清咗隻碟佢就直刻拎走雖然我地就搞到少老尷，不過服務效率同態度的確不錯…Read More

天氣最近就凍左好多，即刻想食好多野，本身就直頭想去酒店食返個自助餐，但係一想到聖誕新年大把錢要洗，都係整返個日式放題，為自己荷包留一條活路。唔知係唔係因爲早BOOK位，一去到已經比左勁大張枱我地。其實我一直覺得食放題，食物都唔係最重要，最重要係張枱既大細同埋座位既空間感，我敢講銅鑼灣極尚大喜屋既座位同張枱係我食過十幾間放題當中最濶落既！有時有D放題，根本連行出個座位都有困難，點會想出去拎野食野飲，真係幾好食都假。跟住勁係要講返食物質素啦。刺身就當然係放題必備啦！刺身全部都算中上等級，唯獨油甘魚麻麻地，唔好叫黎食！特別推介 拖羅&松葉蟹腳！！！堅必食！出面求其食碗鰻魚飯都幾十蚊啦！呢個仲要甘肥厚，回本之選。牛油果煙三文魚 + 三色花之戀賣相真係無多得，食落反而唔捨得跟住呢個又係不得不提，其實我自己成日去食日本野，跟住都係得熱茶飲，食得普通D既地方都唔會有酒飲啦。呢度唔止啤酒，燒酒有凍有熱，仲要係燒酒機自助打酒，係幾好FEEL。搭配呢個原條星鰻壽司，入口即溶，慢慢品嘗，真係好有日本FEEL。飲品區 + 前菜區 + 甜品區飲品區 有料到，對於鐘意飲酒既，呢度酒款真係夠多又特別，其他飲料都應有盡有。前菜 就真係唔多識欣賞，款式雖然好多，但係唔係我意中之物。甜品 其實都麻麻，不過勝在雪糕有M字頭雪糕，計反都OK啦。最後就要特別講一講佢地既服務。呢位男師傅，自己已經有好多燒味要切 (無錯，呢度放題係有燒味ga，聽聞有時仲有片皮鴨)，但係佢真係貼心睇到每個客人既需要，抵讚。呢位師兄全程無停過fill野，每次見到佢，都fill緊唔同既野。呢位經理哥哥，客人投訴食物，佢真係好認真對待客人投訴，睇返食物邊度有問題，其實放題甘大既量，少少錯真係難免，但係呢種用心都真係難得。認真，呢次放題真係放到酒店自助餐甘…Read More

「啤王」老五吹得、飲得、又食得，最鍾意就係四周尋覓高質抵食o既放題店。上個月佢喺社交網上得悉銅鑼灣新開咗間「極尚大喜屋日本料理」，因記得XO仔屬同道中人，所以就立刻約訂中秋後一齊去擦餐勁o既！嘩，真係冇諗過一早訂咗枱都要落返大廈門口排隊攞籌入座。街上o既人龍打哂蛇餅都幾誇張架，途人見到都走咗過黎了解情況，當中更不乏外國遊客，廣告效益可以話係滿分呀！兩口子被安排入座梳化式二人卡位，比之前去過o既餐廳寬闊舒服得多。桌上擺有兩本厚厚o既皮套餐牌、齊備o既餐具、鮮橙色o既棄骨桶、醬油、乾濕紙巾，感覺非常衛生。深知小肥每到一家新店都總愛巡視一番並拍下照片，為咗要善用三個鐘寶貴o既時間，老五就安排細佬出去攞啤酒，佢就負責填寫共有九頁之多o既彩圖點菜紙。店內其實有多款凍熱飲品提供，包括自助茶水、果汁、汽水、凍奶、涼茶、清酒、啤酒等等，就連即叫即做o既特飲都有幾種選擇，不過我地兩隻酒鬼就只攻啤酒，結果三個鐘每人飲咗八大罐，可謂超級歡樂！放題專家教落，埋位第一樣就係要先點魚生。由經驗豐富o既老五所剔選出黎o既刺身拼盤外觀極度震撼，果然係無人能敵！二人對「極尚大喜屋」全新分店o既刺身質素同樣感到好有意外驚喜。當中最令人情緒高漲o既必選粉紅潤澤，肥美鮮嫩，入口即溶o既卜口。正到我地重複又重複咁叫咗好多次，相信淨食依味已成功回本！躲藏喺卜口後面o既厚切三文魚腩及卜口前面o既油甘魚刺身均爽潤甜美，同屬高質之列，只不過當有得任食卜口時，數口奇精o既學長就話唔洗諗，一定要主攻卜口，出咗名順得人o既XO仔當然係俾佢話哂事啦！白滑o既北海道帶子刺身幼嫩滑溜。白雪雪o既馬刀貝刺身巧薄脆口。赤貝同北寄貝刺身則同為爽脆潤甜。老五除咗係「啤王」，原來仲係「蝦王」一名，愛食甜蝦之餘仲好識「蝦」學弟添。頭輪刺身咁堅，兩口子當然係要追加啦！由於醫生叮囑過要XO仔食少啲澱粉質，壽司嗰環就由身材瘦瘦o既師兄一人獨享。為慶祝新店開幕，晚市每枱食客都可享用「磯燒海鮮拼盤」一客，每客有五款海鮮，份量以人頭計。所有磯燒海鮮都要由自己黎燒，每枱都有張「食法指引」詳細講解燒煮時間及方法。只係我地兩個大男人都極少機會入廚，玩起上黎當真雞手鴨腳，哈哈，結果除咗燒燶咗啲海鮮之外，仲剪爛埋啲內臟，唔洗旁人取笑，自己都有感慚愧。咁多味磯燒海鮮中，只有自己識開口o既大蜆冇被燒焦，食落鮮甜得黎酒味醇濃，不得不讚賞燒功了得喎。值得一讚o既就係店子不單樓底高，其冷氣亦好夠強勁，即使火爐喺餐桌長期開著都未有絲毫令小肥覺得熱。除咗回本海鮮之外，餐店中央位置仲有個於不同時段燒出不同燒肉o既燒味部。眼見第一輪o既燒雞早已排哂長龍，小弟就等到燒豬同燒鵝出爐時先預早少少去等。一夠鐘，師傅即衛生地帶上手套，從烤爐中攞出五隻燒豬，續一為食客切出豬件。個人覺得燒豬雖然係多咗少少肥膏，但其皮層烤得極為香脆，豬肉亦鬆軟夠肉汁。喺拎出燒豬時，師傅隨即於爐中吊燒鴨隻。燒鴨好受大眾歡迎，出爐前十分鐘已有食客排定隊。燒鴨新鮮熱辣，皮脆肉香軟，確真美味。燒味以外o既中菜式有老火湯、花膠等等。貴為日本料理，「極尚大喜屋」當然係唔少得串燒炸物啦，當中XO仔認為屬送酒佳品必選爽脆惹味o既鹽燒牛舌及汁燒煙肉秋葵。「極尚大喜屋日本料理」環境企理，晚市放題大部份菜式即點即做，新鮮衛生，週三晚成人每位$288，另收加一服務費，XO仔同「啤王」師兄都覺得主攻高質魚生及暢飲啤酒已夠回本，大家真係咪走寶哦！…Read More

大喜屋分為三個階級，「殿」是上品皇族👑，「極尚」是中品貴族💎，其餘旺角，尖沙咀，銅鑼灣三間是平民版👨。以往三層次劃分不明顯，大部份食品都相同。 「殿」創設自取區域，增加酒店式格調，但平民版亦很快加入排隊自取手卷，擴大自取區。「極尚」多了極尚餛飩雞鍋等冠名食品，但大部份餐牌內容無分別。「極尚」首次南渡，登陸銅鑼灣，為 「極尚」重新定義，為「食之放題」訂定新標準，為香港島食之放題霸主地位邁進。這間「極尚」食品代表的菜系，令我目不暇給，菜系彼此互相影響，如同大家族👨‍👩‍👧‍👧:👲爺爺是中國菜系，🎎一家之主是日本菜系，👸媽媽是西菜，🤴東南亞菜系（簡稱泰國菜）是叔叔……💯日本菜系仍佔家族控制股份70%，三菜系和其他食品飲品佔30%。中國菜系早四個月前，已撰文指中國菜系食品有增加趨勢，「一品料理」和「煮物」多是中菜，如蒜蓉露荀炒珊瑚蚌。王爺爺中菜有幾千歲，厨藝功力深厚，把文化基因遺傳給日本，泰菜。代表北京菜的烤鴨在自助區出現，證明我早前在旺角分店食評的預言應驗，中菜各菜系將陸續現身。烤鴨不肥美，亦不是熱騰騰的，鴨肉質尚算鮮嫩；夾餅存放在蒸籠，保持了濕潤而且熱烘，醬汁京葱等配料亦講究，換言之，侍婢好質素，爺爺太奀瘦，又欠熱情。自助區另一美食是極品鮑魚花膠盛宴，即叫即做，屬煲仔菜系列。汁獻略嫌太薄，故花膠未「入味」。幸好那隻鮑魚頗為鮮味。此集團的花膠菜一向不俗。花膠海皇炒飯不是新菜式，在旺角分店曾品嚐，屬豪華版的福建炒飯。今次份量頗大，如半碟碟頭飯；汁醬太多，太咸。是落單即炒，誠意搭夠分數。極尚餛飩雞鍋一向是「極尚」店皇牌，屬上海菜系。令我驚喜是潮州菜式亦會在此店出場，並且有高水準，名為「家鄉蠔仔餅」，認祖歸宗（現有兩餸用家鄉字眼）。用鐵板形式上檯，蠔仔密布，鑊氣十足而全不肥膩，咸度調味適中，水準接近潮州店的蠔仔烙。🎏日本菜系日本菜爸爸共有8個王子，郡主，他們的職務分野明顯。1「大」王子剛剛被策封為王世子，名叫「磯燒」，最得「屋」主「喜」愛。他身價較高，只在晚市出巡。「磯燒」是指日本男鹿地方的漁民，在捕獲海產時，在海濱石上即時燒烤，最有原始風味，鮮味，又叫濱燒和岩岸料理。它和「爐端燒」不同，後者不限於海鮮，並是由厨師端坐在爐前，替食品燒烤，以木漿遞上。食材是有限量的海鮮盤，包括鮑魚，蝦，蟶子，元貝，蠔，蟹，蜆，青口……，按人數提供份量。屬放題的有海蝦，清酒煮蜆，大蜆……。有提示咭指示如何加清酒煮，用剪刀。海鮮均鮮嫩多汁，晚餐加了40元是性價比高的。可以自行燒烤，多了樂趣。2王子「燒物」有點兒被搶風頭的感覺，因磯燒原是燒物之一。原屬他的燒菠蘿，燒雞髀菇，燒翠玉瓜都改隸屬磯燒世子。二王子的失勢，可能是王妃燒香草羊鞍出了問題，風「騷」味依舊，但纖體過度，無嚼勁，欠油脂。他新推出蒲燒，搶攻味蕾，希望博取食客歡喜。「蒲燒」淵源自東京建城時，近海低窪地區工人燒鰻魚充飢，因無暇處理鰻魚，以竹串燒，鰻魚形似蒲花，故得名。鰻魚幼嫩，略嫌不是「楊貴妃」的「環肥」型，油脂未算豐腴，汁液則太多，太咸了，不清淡可人。「串燒」本來有口皆碑，惜如鹽燒牛舌，亦愈來愈縮小，過度減肥，吸引力大減。3三王子「炸物」的代表作是芝麻雞翼。肥大濕潤，令人齒頰留香，遠勝串燒系列的鹽燒雞翼，因後者太淡了。芝士年糕保持水準，新迎娶的韓式炸雞是充滿新意，與韓國菜系結姻親關係，大有前途。但她是初歸媳婦，水準偏低，不夠香口，亦令人領略不到韓風。如加芝士醬塗抹水粉，會較嬌媚。4四郡主「刺身」 亦有被搶風頭的感覺。其實食客坐下，仍都會第一時間請她現身，為她拍照，上存網頁，給網友讚頌（like）。她喜愛盆栽插花，會根據每次不同的食材組合，弄出誘人的食相。盆照直徑似比旺角分店長，少量魚生已可堆砌花山草石，有進步。赤海蝦始終是我至愛，肌膚嬌嫩，白如雪，透如霜，甘如飴。5五郡主「壽司」的醋意最大，亦最有創意，喜歡開發創意壽司。品嚐了三款，我均給了滿分:牛油果煙三文魚的煙燻味有奪人氣勢，咸味令三文魚提鮮，牛油果則帶來清甜感覺。海葡萄赤蝦很艷麗翠綠，與姊妹的橙，黃相映成趣。海葡萄的海水味濃郁，把蝦鮮味壓下去。龍蝦三文魚黃金船有黃袍加身，配了翠玉冠冕。味偏淡，需多蘸豉油伴食。她的火鎗部隊亦很犀利，在火炙壽司之中，我挑食火炙鵝肝牛肉，鵝肝甘香馥郁，滿口油脂。6六王子「手卷」的寵物是人龍。在其他分店，曾掀起取食炸軟殼蟹，海膽手卷人龍。此期只有3款，幸好有拖羅蓉手卷，拖羅蓉澎湃魚味游入口腔，輕易佔領味蕾，惜紫菜少脆，太稔了。7七王子「卷物」喜愛寶石，在醋飯鑲上各種不同顏色的食品。我食了牛油果軟殼蟹卷，炸蟹的咸香，和清脆的「綠寶石」（牛油果）十分匹配。8八王子「煮物」最得王爺爺寵愛，因他最似爺爺，有中國菜神韻。花甲蟹粥成功地令日本粥「升level」,半打花甲令粥點石成金，粥底鮮味非凡，蜆肉入口仍甘甜無限。蟹肉咸水味充沛，似澳門風味。🗼歐洲菜系媽媽是西菜，她最愛二王子「燒物」，因為「天富羅」是傳承了葡萄牙炸海鮮的技藝。她喜愛華麗衣裳，天富羅有淡黃色的緊身袍服，蝦，南瓜，帝皇蟹棒均體態娉婷，婀娜多姿。特別是後者，蟹鮮味十分突出，可以推薦。極尚黃金蟹餅是冠名「極尚」的食品，是此店招牌出品。屬龍蝦湯食品系列，近年風頭明顯。蟹肉薯餅厚重，蟹味濃郁，兩片帶子則太薄無味，龍蝦湯水準一般啦。口碑載道的千島蝦，華麗轉身成為穿橙黃圓裙的北海燒帆立貝，味道更加豐盛，是必食推介。自助餐軍區有西西里香草龍蝦意粉，龍蝦味鮮。亦加設沙律自助區，可能比龍蝦更受女士歡迎呢。葡萄牙式乳豬則太肥，脂肪比例太高。🏖泰國菜系叔叔泰國菜被授予改革朝政的重責，開發新餸菜。他的戰功輝煌，「榴槤炸彈」轟炸饕餮的味蕾，俘虜無數食客芳心。他的戰艦「冬蔭功魚」會奉命泊在你們的「磯燒」食材旁，以泰拳獨特的五味紛陳力量，特別是酸辣味，擊倒你們。泰式蝦刺身早已滲入壽司部隊，泰式鳳爪則改屬助餐軍區。今次隆重推出黃金咖哩炒蟹，象徵泰國菜系正式加入同盟。我覺得此黃咖哩屬中辣程度，嗜辛辣者較適合。蟹肉未算入味，未算是美味可口。咖哩汁太多了，我想極少人會撈飯吃掉。泰式海南雞亦新歸屬自助餐軍區。三式橙，黃，黑色醬汁充足，黃飯則以白飯取代，大失神韻。雞味欠缺，雞肉質素一般，還是勁酸辛辣的鳳爪最優勝。🍹飲品姑媽全權掌管飲品，她曾經是韓迷，鍾情「樂天」。今回所見，韓國飲品只佔少數，加入很多新血，竟有越南貨，是試新飲品樂園。特別是順應潮流，有台灣飲品。上圖由上而下順時針方向是綠野仙蹤，巨峰特飲， 魅粉佳人，雪影飃泊。我試了雪影飃泊，甜味掩蓋果味，茶味淡淡，不推薦。熱飲有茘枝玫瑰茶，洋甘菊……，夠健康。我試飲茘枝玫瑰茶，是淡淡的。咖啡質素是很一般。更有梅酒，凍熱清酒。故她是走以量取勝路線，與食品走精品化方向相反。🍨甜品衆孫男女是甜品，口甜舌滑，鮮艷奪目，很懂討人歡心。但他們都是宅男宅女，藏身凍櫃，冷冷的，不會跑去討好你。馬卡龍，木槺布甸，牛奶凍，生果……如上「殿」所見相同。但是冰條，杯裝雪糕，特色甜品盤……不見了。只有一種牌子movenpick的雪糕。唯一可取是有約20種糖果碎粒，任你妝扮雪糕，可以打扮得型格，嬌艷。食了特濃咖啡，此牌子雪糕在酒店自助餐多有供應，我還是十分懷念昔日的大腳八，軟雪糕筒，海鹽/開心果雪糕杯，燉鮮奶，甜品拼盆。會找機會反映。🏠最後，「屋」內裝修方面，黑色格調而兼顧多射燈，方便食客翻閱餐單。空調強勁，配合了「磯燒」。洗手間亦整潔有進步。加大了定食區，配合商業區午餐客群需要。加大了自助食品，飲品，甜品區，滿足客人自由挑選的喜好，亦大減侍者送餐的人手壓力。總括而言，新「屋」入伙不久，新運作未暢順，有改善空間。我在8月下旬平日光顧午，晚市，客流均不多，自助餐區的食品補充量少，會影響部份食品質素，如葡萄牙式乳豬便變成太乾，太凍。晚市貴了40元，有磯燒海鮮，是值回票價，改善了以往同質不同價的現象。以平日午市價格比較，「殿」是278元，「極尚」是248元，平民版是208元，價格分隔合理。此「屋」如樓市，高中低分野趨明顯化。很快便會推出Ricepon App讓會員儲分呢！應有現金回贈饕客。「極尚」食品只有兩款，極品鮑魚花膠盛宴，花膠海皇炒飯，家鄉蠔仔餅，花甲蟹粥，北海燒帆立貝都可在候選之列。應在App有平台俾食迷投票。總計有10張餐單，數量似比以往少（部份食物轉移至自助區），減少花多眼亂，亦是意圖走向精兵制；部份皇牌食品份量加大，如蟹粥。菜系方面，很明顯是向「美食無國界」方面挺進。西菜，中國各地菜式，泰國菜比例會持續漸增。目前中西菜多名菜，泰國菜相對失色。估計每隔一季都有變化，應會陸續有驚「喜」。…Read More