Café Circles

上個星期同屋企人食生日飯特突提前買定如心酒店的晚餐，買左冇耐就有酒店員工whatsapp comfirm訂枱資料，問左佢地生日會唔會有咩驚喜，員工都有話會送個蛋糕可以寫埋名，好細心值得讚👍🏻嗰日一去到員工就帶咗我哋去間細房仔，仲要有窗，特登問左原來唔使低消💰係因為早訂先有，今次真係真買早享受😋主題係冬日滋補聽到都覺得岩晒老人家食，果日一到餐廳就聞到好香爆谷味🍿拍得住某間爆谷專門店，又有雞蛋仔，不過如果可以有得自己整就正😋最正係個切牛肉，係類似斧頭扒🥩到我地食到中後段先見到原來可以同廚師講要舊骨位仲可以燒一燒，不過果陣已經八成飽冇要到，下次一定要試🍖到最後送左件生日蛋糕比爸爸👨🏻雖然佢把口嫌棄，但係睇得出都開心🥳…Read More

普天同慶的聖誕節當然不少得食大餐，踏入十二月打響頭炮就來到荃灣西如心酒店Café Circles吃lunch buffet。餐廳面積廣闊，樓底特高，環境極盡開揚寬敞，甚有空間感，落地大玻璃將日光引進室內，採光充沛。今次於Openrice訂座亦可享有75折預付優惠，平日一至五成人每位連加一只需$347，自助午餐於下午12:00-14:30供應，可以不追不趕地食足2.5小時。冰鎮海鮮源源不絕地供應，refill 速度亦夠快，款式包括雪花蟹腳、泰式藍青口、醬油冰鎮金螺、花蜆和凍蝦。最近主題換上「妙饗蟹饌」自助餐，以時令鮮蟹為靈感，多款特色佳餚以蟹入饌，例如釀蟹蓋、金沙腸粉炒蟹、咖喱炒蟹等等。金沙腸粉炒蟹沾滿金黃色的鹹蛋黃香氣撲鼻，炒得有鑊氣。釀蟹蓋釀入用忌廉汁炒香的即拆蟹肉。就連串燒都有已拆殼的燒蟹腳，啖啖肉雪白鮮甜，最適合我這些愛吃蟹但又最怕拆蟹的懶人，另外還有鯖魚、秋葵、翠玉瓜、冬菇，廚師全程忙於燒烤以作添補，因此食物較易保持剛剛燒完的熱度。吃聖誕大餐當然要有火雞當主角，才夠應節盡興，難得的是肉質不乾不柴。即切肉類亦有烤西冷牛扒，肯定可滿足各食肉獸。熱盤亦夠多元化，包括蟹柳千島醬披薩、酸甜汁泰式魚餅、黑松露蜜汁叉燒、沙薑雞、黑醋蜜梨咕嚕肉、魚肚扒時菜、紅酒燴牛肉、香煎龍脷伴蟹籽忌廉汁、茄汁燴豬、香草燒新薯角、四季豆炒肉鬆、叉燒包、小籠包、海鮮炒烏冬、海鮮通心粉、葡汁焗時蔬、溫達盧牛肉咖喱、雜菜咖喱、脆片、蝦片、湯粉麵、豬腳薑、西蘭花忌廉湯、鮮淮山馬蹄煲排骨等等...魚生刺身有三文魚、吞拿魚、醋漬希靈魚和鯛魚，其他日式冷盤提供雜錦壽司、迷你漬醃三文魚蓉飯、和風雪花蟹肉温泉蛋、冷豆腐拌蔥花醬油、日式八爪魚沙律、中華沙律、青瓜漬、蔥花、大根蘿蔔、蟹柳、日式冷麵等。芝士拼盤放滿高達芝士、巴馬臣芝士、車打芝士和瑞士大孔芝士。沙律吧有多款已經拌好的東南亞風味沙律：粟米蟹肉沙律、泰式牛肉沙律、泰式粉絲豬肉、水牛芝士，蕃茄拌香草醬和泰式鳳爪。凍肉亦有火雞卷凍切腸、布根地火腿、煙燻鴨胸肉、煙三文魚及雜肉腸，加上新鮮沙律菜，可隨個人喜好自行混搭。就連甜品都呼應節日主題，包羅多款聖誕限定甜點，例如聖誕朱古力樹頭蛋糕、聖誕樹泡芙、雜莓慕絲蛋糕、栗子慕絲蛋糕、日本紫薯戚風蛋糕等等，造型可愛趣緻。栗子慕絲蛋糕舖滿一絲絲香醇綿密的栗子蓉，瀰漫著濃厚甘甜栗香。聖誕朱古力樹頭蛋糕更有過節氣氛，以海綿蛋糕配上幼滑的朱古力忌廉。紅色外型的雜莓慕絲蛋糕搶眼奪目，瀰漫著怡人果香，甜而不膩。還可找到近來大熱的開心果甜品 - 開心果焦糖奶凍，入口軟滑水嫩，散發果仁芳香。其他甜品有藍莓芝士餅、窩夫、雞蛋仔、芒果布甸杯、桂花糕、紅棗糕、豆腐花、啫喱糖、朱古力噴泉、爆谷、生果等。訂位時表明慶祝生日，就會送上生日蛋糕，是日款式為Tiramisu，還會點上蠟燭，讓節日添上滿滿儀式感。最後不要忘了任食Häagen-Dazs雪糕批及雪糕杯。飲品有咖啡機和茶水無限供應，可以隨時自斟自飲。值得一提的是竟然有自助餐少見的樽裝汽水和支裝維他奶。…Read More

一班朋友出到嚟，想食咩？可能係世上令人最懊惱嘅難題🤣，咁就一於決定乜都食啦！無論任何日子，自助餐都係Perfect choice由book咗枱開始已經超期待，見到今期自助餐以「仲夏亞洲鮮味盛薈」為主題，菜式融合亞洲特色滋味與海中珍寶🦐，令我更加興奮。環境寬敞舒適，好適合朋友相約聚會食物種類都非常豐富，可以品嚐到嚟自亞洲各地嘅特色料理，包括日式壽司、泰式燒烤、中式料理等等。每道菜品都新鮮精緻，令人垂涎欲滴。長腳蟹腳、鮑魚、蝦等多款凍海鮮鮮味清爽，亦有蒜蓉蒸鮑魚、焗蠔等惹味選擇，海鮮控可以盡情享受鮮美滋味。亞洲經典菜式都係今自助餐嘅一大特色，讓我印象深刻嘅係台式紅燒牛肉麵，仲有海南雞嘅清爽口感同濃郁滋補嘅人蔘雞湯，味蕾完全沉浸於亞洲料理嘅多元魅力。最叫人著迷嘅應該就係一系列融合榴槤元素嘅甜品喇我最鍾意榴槤班蘭蛋糕香濃軟綿層次分明、仲有口感豐富嘅榴槤糯米糍，同埋順滑嘅榴槤芝士撻，啖啖香氣交織超級美妙✨️。另外可以任食Häagen-Dazs雪糕同脆皮雪糕批，亦有芒果布甸同朱古力噴泉等等多款特色甜品，為極致饗宴畫上完美句號甜品控不容錯過。超推薦大家帶埋屋企人或者朋友過嚟，享受豐富多彩嘅用餐體驗…Read More

🇭🇰Café Circles·味遊世界自助餐星期一至星期四 $588 l 星期五至星期日 $658呢間嘅buffet嘢食選擇都真係幾多 而且佢呢度嘅buffet係冇分時段嘅 所以係真係可以由6:30食到九點幾 可以慢慢嘆😌而且我哋今次勁好彩 佢係安排咗一個包廂仔俾我哋 所以坐得好舒服🥰🥰·Seafood l Meats l Grill Station佢呢度嘅海鮮都幾新鮮 蟹腳好大條 而且肉質都唔錯 青口同埋大蜆都好大隻 而且出奇地鮮甜🦞唯一係個麵包蟹我自己覺得肉質一般啲🦀️🤣之後肉類嗰個師傅超大方 佢係切左超大塊火腿俾我哋 大舊到嚇親我😂不過我自己就覺得佢火腿上半部分連住少少肥膏嗰個位好食啲🐷之後佢個燒羊架調味都唔錯 而且佢個雞串都燒得幾嫩 配埋個照燒汁幾好食🐤佢另外仲有啲翠玉瓜 秋葵既蔬菜串都唔錯😎·Soup l Special l Noodle Station之後佢呢度嘅燉湯我自己都好鍾意 我哋最後每人都飲咗兩碗😌我哋嗰日嗰湯係一個茶樹菇既湯黎既 飲落去勁甜勁滋補 而且係真係即燉出嚟 好夠熱🥰🥰之後佢每人仲可以攞一份鮑魚冬菇雞煲 佢呢個入面個鮑魚都幾大粒😎最後佢noodle station都唔錯 佢個雲吞都好足料 好多蝦🦐·Asian Selection l Cold Cuts佢呢度既熱食都做得幾出色 選擇好多 而且好有鑊氣🔥我自己最鍾意佢個豉椒炒蜆 因為佢調味好惹味 而且啲蜆好新鮮 之後佢有個蝦醬翠玉瓜鮮魷都唔錯🦑燒味方面我自己覺得佢個油雞幾有驚喜 因為佢個雞肉真係好嫩 而且調味都啱啱好🐤不過佢個叉燒我自己就覺得偏瘦少少🙊佢呢度既印度咖喱雞都好好味 佢個調味真係好正宗 不過佢個roti始終一路放喺度 所以就淋少少🤣🤣之後佢既cold cuts同刺身就正正常常啦 佢既沙律都好多款揀既 不過因為我最後食其他嘢已經太飽啦 所以最後就無試到🤣🤣·Desserts最後就係我cover嘅甜品啦 佢呢度個甜品區真係擺得超靚 尤其係佢個泡芙塔勁吸引😍😍不過我自己就覺得佢個泡芙有啲太甜 而且因為佢擺得比較耐所以有啲啲淋🫢反而佢哋好出名嘅nina蝴蝶酥就真係幾好食 佢係真係好酥脆 而且焦糖味都好出🦋之後佢其他cake仔同水果都ok既 最後仲有Haagen-Dazs雪糕同埋朱古力噴泉 超級豐富😈😏·#rbyeat#rby西餐#rby荃灣·📍荃灣楊屋道8號荃灣西如心酒店9樓…Read More

老婆比我有恆心，活到老、學到老，家下都仲有進修。雖然唔喺為工作、為生活，只喺為理想、為興趣，但都值得鼓勵。剛剛完咗一個循環，有幾周嘅假期，要食餐豐富嘅慶祝吓啦！呢一晚走到嚟荃灣「如心酒店」嘅「咖啡閣（Cafe Circles）」，食自助餐夠豐富啦，想食乜就揀食乜。餐廳做緊「亞太海鮮盛宴自助晚餐」，睇張海報幾吸引吓，自助晚餐享用時間喺6:30-9:30pm，揸某幾間大銀行嘅信用卡更可以有低到8折嘅優惠，平日晚埋單都喺三百尾一位，話晒如心都喺一家大酒店，值搏率高呀！一枱夠8人仲會額外送一份一公斤嘅斧頭扒，得我倆公婆，唔使諗啦。 「如心」都唔喺一家低星級嘅酒店，裝潢都有番咁上下，所以，餐廳嘅環境都算得上幾高雅。一入門口嘅超巨型原木大長枱，配上大型水晶燈，夠霸氣喇啩。一室以淺灰為主調，襯深啡，淺灰雲石地板，配深啡木枱，樓底高，間隔亦非常閣落，燈光光猛，部份窗口位更可以一窺荃灣市景，當然，荃灣嘅夜景無乜睇頭，但呢個小社區嘅變化真喺一日千里。晌餐廳尾，更特設一角，擺放張圓枱，較方便5、6人一枱嘅客人，圓枱就較方便大家傾偈嘛！跟住，就介紹吓食物區，基本上絕大部分食物都擺晌餐廳嘅正中央，一字長形咁排開晒，較集中。喺有少部份嘅甜品擺晌另一邊，但都好近啫。飲品區未講食，先講飲，因為食物區較頭嘅位置，就喺飲品，包括凍檸水、橙汁、檸檬片、即磨咖啡、紅茶。選擇比較大路，所以，今晚飲得唔多，用餐時就飲咗一、兩橙汁，配甜點就飲杯咖啡。沙律吧兩大盆沙律菜、多種配料、4款醬汁，都整齊排列好，仲有3款預製好嘅沙律，雖然，無咩特色食材，但要砌出一道開胃沙律都絕無問題。生果盤自助餐一向會提供三幾款生果，今晚所見就有西瓜、哈蜜瓜及新鮮菠蘿。小弟嘅第一道頭盤，就喺自家拼嘅鮮果田園沙律，晌沙律吧樣樣執啲，加啲生果，醬汁亦隨意，目都喺開開胃，提升戰鬥力而已。冷盤呢個類別反而有啲驚喜喎，平常所見，唔喺雜錦凍腸，就喺煙三文魚，今趟都有，但就多咗好多少見嘅款式：豬肉啫喱凍、燒釀雞卷、黑椒吞拿魚、海鮮紫菜蛋卷、蟹肉水晶。最搞鬼竟然有蠔油齋及甜酸齋，小弟無試，但老婆試咗話麻麻哋。由於啲冷盤款多又幾有特色，平時就搭埋啲沙律食，今次就索性一碟過。部份款式味道唔錯，尤其燒釀雞卷及海鮮紫菜蛋卷，較合心水；啲吞拿魚嘅鮮味就被啲黑椒搶晒鮮味。芝士籃講開啲冷盤，就順便介紹埋口個芝士盤。共有4款芝士，配啲克力架及紅提子。芝士一向都喜歡飲湯時襯麵包食，不過，影完相之後，食食吓其他嘢就遺忘咗而無試。刺身、壽司講吓啲刺身先，雖然無標任何名牌，但由於款式比較為港人熟悉，都認得出有咩選擇，如希靈魚、八爪魚、三文魚、吞拿魚及油甘魚。全部放晒入凍櫃，保存鮮度，要幾多，切幾多。另一邊就仲有甜蝦、北寄貝及精緻嘅冷麵杯。壽司呢？好少自助餐無壽司喎，其實，兩大盆雜錦壽司擺咗晌冷盤區隔離，仲以冰冰鎮住。不過，一如以往，除非啲刺身、壽司好特別或好高質，否則都喺齋睇無幫襯。芝士白汁焗半邊龍蝦伴香煎鴨肝突然由侍應送上每人一客波士頓龍蝦伴法國鵝肝，賣相都幾精緻架，正正食完啲生冷嘢，嚟一道熱盆就可以暖暖胃。點解件龍蝦無咗鉗，原來師傅拆埋肉，放晌蝦殼內一齊焗，啲蝦肉鮮甜爽口，而且，有唔少蝦膏；至於件鵝肝，大件夠睇頭，更煎到外脆內嫩，豐腴綿滑。凍海鮮缺少龍蝦、生蠔等貴價海鮮，陣容自不然喺無咁震撼，凍海鮮只有翡翠螺、龍蝦仔、青口、凍蝦、雪蟹腳、阿拉斯加蟹腳。最鍾意喺啲阿拉斯加蟹腳，做成小杯，一邊殼已經削開咗，方便食用。既然款式唔喺咁多，就一碟過試勻晒咁多款啦。幾款海鮮中，兩款蟹腳都好正，鮮甜而唔會太鹹，蟹肉又一梳梳咁；翡翠螺嘅質素亦唔差，清甜爽口；龍蝦仔、青口就真喺麻麻哋。餐湯食咗份凍海鮮，就再飲番碗湯嚟暖吓胃。照大多數自助餐嘅慣例，多數都會提供一中一西嘅餐湯，西湯有周打海鮮湯，而中湯以為喺碗仔翅，睇真啲原來喺海龍皇酸辣湯。餐湯旁就放有麵包籃，有布巾冚住，比較衛生。雖然無燉湯，但個海龍皇酸辣湯真喺幾正，酸辣湯加入海鮮料嘅升級版，勁多料，味道酸酸辣辣，刺激味蕾。如果有件炸饅頭襯吓，就完美喇。而周打海鮮湯亦喺老婆「飛弗」，不過，忌廉湯底則有少少稀，味道尚可，喺叫做有唔少料沉底。白汁焗珍寶蠔突然間，聽到有敲鐘聲，依家好多自助餐都會玩敲鐘，一有敲鐘聲就表示有啲特別嘢推出。睇見開放式廚房一角有人排隊，就知嗰邊有好嘢，原來喺焗珍寶蠔，仲加咗酒嚟燒一燒，火光熊熊，夠晒卓頭。啲珍寶蠔嘅呎吋大得真喺好誇，大過我嘅手掌好多，個人嚟講，就鍾意食生蠔多過焗蠔，味道較鮮，不過，隻焗蠔都嚟錯，仲帶有海水嘅鹹味，肉質厚身，蠔味都算濃。海鮮窩開放式廚房嘅另一角，又有個即煮嘅海鮮窩，睇嚟幾正咁，所以，同老婆嗌一客一齊試。味道可以揀蒜蓉、咖喱、薑蔥，最便民喺每枱有個膠枱號牌仔，擺低個牌俾師傅，佢整好就有侍應送上嚟，非常貼心嘅安排。本來揀薑蔥，諗住清啲，不過，似乎嚟錯個蒜蓉，但我哋都啱食嘅就費事更換。蒜蓉就惹味啲，內裡有鮮蝦、青口、魷魚，大量紹菜墊底，味道都OK嘅，喺個茨汁太多。我哋覺得，去走啲茨汁，改放海鮮湯就更理想。即煮粉麵、中式火鍋此外，呢一組食物區，仲有粉麵檔，兩款粉麵，有多種配料供配搭，不過，晌自助餐度，粉麵一向唔喺我杯茶，因為，叫粉麵等同為樖樹，放棄個森林。但如果真喺想食，都可以走粉麵，淨食餸，變成一道中式火鍋。潮式煎蠔餅喺即場由師傅即點即做，其實，我都想試架，只喺見佢個樣本本身都頗十份，得我哋兩公婆，老婆本身食力有限，最後，都只好放棄無試。烤肉烤肉方面，好多餐廳都只供應一款，例如西冷、牛柳、豬髀之類，但呢度就有兩款：燒西冷及燒羊髀，睇外觀非常靚仔吓，所以，一陣夾熱盤類時就搭多件薄切西冷。熱盤輪到介紹熱盤區，就喺食物區嘅最尾，一字長形食物枱上擺出超過廿款食物：薄餅、焗釀蟹蓋、酥炸珍寶蠔、炸魚柳、炸蝦、炸蝦餅、泰式蔗蝦、自家製燒味、印式燒魚柳、牛肉咖喱、印度薄餅、海鮮意粉、燒羊架、燒汁魷筒、串標海鮮、碧綠鮑貝、清蒸粉絲扇貝、雜菇炒時蔬、清蒸海上鮮、干燒伊麵……等等。因為，今次心水嘅熱盤唔多，所以，除一開始影咗少少相之外，之後都無太留意有無轉款。因為奉送咗客龍蝦鵝肝，又試咗焗珍寶蠔及海鮮鍋，加上熱盤唔喺太多心水，所以，今次小弟嘅熱盤組合要細細碟就夠晒。西冷及羊架幾好食，尤其後者，軟腍羶香；而焗釀蟹蓋就最得我歡心，內裡勁多蟹肉，又夠鮮甜。啲燒腩仔麻麻，唔知喺咪擺咗成晚，個皮唔夠脆。甜品區甜品嘅選擇都頗多，雖然全部都擺晌近食物區嘅頭段，但就分散晌唔同嘅枱上。先一口氣介紹有啲咩先：Häagen-Dazs雪糕專櫃、餐廳特別推介嘅雪耳冰糖蛋白杏仁燉奶、唔同口味嘅布甸、曲奇、綠豆沙、焗菠蘿牛油布甸、布朗尼、朱古力噴泉、生果酥、草莓乳酪蛋糕、伯爵朱古力奶凍、芒果椰子慕絲、焦糖燉蛋、式芝士蛋糕、綠茶芝士餅、雜果啫喱、焗藍莓杏仁金寶、栗子軟餅、焗西米栗子蓉布甸、黑朱古力蛋糕……等等，期間亦留意到有轉其他款式。講到滋補養顏就梗喺餐廳特別推介嘅雪耳冰糖蛋白杏仁燉奶，每份喺一整碗份量，所以，拎一碗同老婆「些牙」。喂，又真喺幾正喎，涼涼哋唔會太凍，個燉奶口感非常嫩滑，又滲出杏仁香，仲有大大撮燕窩呀！跟住一口氣拎咗8款甜點返嚟再同老婆「些牙」，可謂喺小弟覺得嘅是日精選。今次就唔逐樣評，但意外地水準比預期高，由於老婆喺黑朱古力及栗子嘅「死粉」，所以，佢極鍾意栗子軟餅及黑朱古力蛋糕，老實講，兩款都食得出真材實料；而其中一款焗菠蘿牛油布甸喺傳統甜品麵包布甸嘅菠蘿版，多咗陣菠蘿香，喺唔同咗。最後，就以Häagen-Dazs雪糕作結，當中只供應3款口味：香蕉、雲呢嗱及朱古力，基本上HD啲雪糕質素喺有一定嘅保証，只喺略嫌口味上普通啲，如果有多幾款特色口味作選擇就更好。有食開自助晚餐嘅朋友都知，晌一啲四、五星酒店食一餐五、六百喺走唔甩，有啲仲去到七百。Cafe Circles嘅質素唔算話好高，個人評為中上左右，但折實四百唔使，環境寬敞，服務到位，選擇甚多，又近荃灣西站，可以講喺食得過喎！…Read More