Shabu Shabu & Dim Sum (Closed)

咁啱今晚想食啲小炒野，誤打誤撞入左黎呢間火紅點。雖然食嘅野有啲大排檔嘅感覺，但人流唔算爆，入到去環境唔錯，企理、唔太逼，而且服務好好，一入到去就好好禮貌帶你入座。睇menu見佢大推冰鎮咕嚕肉，梗係要試下啦。食落去有冰火嘅感覺，幾有趣。最值得讚嘅係啲咕嚕肉一啲都唔鞋，仲要每一舊都冇骨架！！同埋佢用左隻專用碟，溶左嘅冰都會流喺底，唔會浸住啲咕嚕肉。第一次食嘅我的確比呢味餸impress左，一路食已經一路問朋友幾時再黎😂😂本身想叫侍應姐姐介紹嘅鮑魚雞煲，見到隔離枱食好香好似好正咁，可惜呢幾日個胃唔太舒服唔食得難消化嘅野，下次一定會黎試！我地最後仲叫左半隻炸子雞同叉燒，唔記得影相...炸子雞個味係正嘅，雞肉都好滑，但唯一差少少嘅係個皮真係唔太脆😭叉燒又係招牌菜，不過不失，都可以試下嘅😛…Read More

油麻地砵蘭街向來在油尖旺區也算多美食，不知在何時，開了一間雞煲店，而最特別的是，裏面竟然還售賣點心，點心是下午時段才售賣的，晚上則主打雞煲，是一間頗有特色的食店，真是第一次看到食店同時會有雞煲和點心。裡面的環境跟一般的中菜廳差不多，好像以大的桌子為主，到餐廳的時候還沒有很多人，環境頗大。菜式也跟一般的酒樓差不多，主要分為小菜、海鮮，也有不少餐廳推介的招牌菜，餐廳竟然是以鮑魚雞煲為其中一道招牌菜，那麼特別的配搭怎麼能不試？原價$188的鮑魚雞煲，現今特價只售$138，便宜得多了！餐牌上有說明，鮑魚有六隻，數量多之餘質素也不錯，雖然稱不上是十分大隻，但也算是真材實料啊。雞肉上佈滿濃厚的醬汁，鮮味非常，但雞肉略嫌不夠滑。朋友竟然對這個冰鎮咕嚕肉有興趣，到底有什麼特別？市面上有很多名為「冰鎮xxx」的小菜，菜式食物大多也是冰冷的，卻沒有真的冰。這間中菜館十分有創意，還真的把咕嚕肉放在大量的冰上🤣吃咕嚕肉的時候，有冰火交融的感覺，又冷又熱。醬汁和爽脆的口感還是有的，不會被溫度影響。有時會在酒樓或中菜館吃炸鮮奶，炒鮮奶大家又吃過嗎？老闆說這是順德菜，難怪平時很少有機會吃到，像是吃大量的蛋白，蛋味香濃，旁邊又有些荷蘭豆和蟹柳，好讓客人吃的時候沒那麼單調。最近是減肥的狀態，但還是吃了不少東西🤭教練聲稱要補充多些蛋白質，於是便點了豆腐，上面還有帶子和蝦仁。帶子不算大粒，每一顆都是薄片，蝦仁則小小的，數樣材料都算配合，不會不搭。最後老闆娘還送了桂花糕給我們，這裏的不只是桂花糕，而是桂花椰汁糕，仔細看看可看見桂花糕下面還有一層椰汁糕，真是第一次看到這樣的配搭😳味道很清新、清甜，合我的口味。不得不提，老闆和職員都有很熱情的服務態度，每一道菜來的時候，他們都會面帶笑容的跟我們介紹每一道菜…Read More

今日放假一家人去食飯，食小菜就最岩！今次就去火紅點食d特色小菜由於好肚餓既關係，一坐低就叫左小食脆皮豆腐醫下個肚先，豆腐外脆內軟，仲好滑，幾好食！飲酒既朋友用黎送酒都唔錯！店員介紹佢地既鮑魚滑雞煲，而家做緊優惠價$138，仲有6隻大連鮑魚，非常抵食！雞煲仲好足料，除左雞同鮑魚，仲放左雜菌！成個煲好香，醬汁又好味，最岩餸飯！我地仲叫左個優惠孖寶，$288有龍蝦同埋火紅點既自家製义燒龍蝦🦞一般出面都係上湯整，如果要芝士整同要伊麵底都要另外收錢，但呢度個孖寶已經係用芝士，非常好！龍蝦好鮮味，芝士汁配埋伊麵正呀！孖寶嘅另外一道菜係老醬油叉燒，同我地食開嘅蜜汁叉燒唔同，呢個醬油都係甜甜地，用嘅係半肥瘦豬肉，都幾好食！呢度仲有出面好少食得到既冰鎮咕嚕肉，個皮脆卜卜，冰鎮過之後外凍內熱，口感特別，而且個肉都好鬆軟！配埋藍莓同士多啤梨，成餐飯係我至愛嘅菜式！之後就係呠酒焗蠔，上菜後唔好即刻打開，等佢焗一焗會更香口，蠔肉大大隻，好肥美好鮮！5個人食平均都係$200左右，但食到咁多特別既菜式又咁高質素，呢度午市仲有做點心，可惜夜晚冇，下次要再試下呢度既點心！…Read More

青明節除左拜山，重要既飯既😂😂今日全家5個人一齊去食飯，去左食火紅點。因為之前有朋友介紹話好食又抵食。👍🏻👍🏻如果一個人去食，可以食佢地既一人餐，好吸引，價錢真係吾貴。魚翅撈飯都係$88，邊到搵😊我地叫小菜，下次先再試單人餐。佢地啲小菜都好多選擇，大陪份都抵食。我地叫左好出名既鮑魚雞煲，有6隻鮑魚，重有好多雞，味道重要好好味。我地重叫左 麻醬鮮淮山，蒜香青瓜同脆皮豆腐👍🏻全部都好好味。個豆腐，好有避避風塘feel。之後重有龍蝦及义燒孖寶，好抵食，龍蝦好大碟，义燒又夠淋，入口就溶既感覺👍🏻👍🏻之後重有叫冰鎮咕嚕肉，呢個好特別，第一次 食。炸到熱辣辣既咕嚕肉，放在冰入面，令到外面凍，入面熱，咕嚕肉皮脆肉淋，好好食。重有士多啤梨同藍梅，太好味了，強烈推介呢一個餸。我地重叫左焗蠔，好鮮味。不過都吾夠龍蝦尹麵同咕嚕肉好味👍🏻👍🏻咁多餸，埋單都係9百幾，好抵。下次一定會再去食魚翅撈飯。…Read More