樓下冰室 (Closed)

依間樓下冰室之前都經過好多次，一直都想搵機會食下，今日終於同朋友去到食。入面環境唔錯，幾乾淨，裝飾有懷舊嘅感覺，座位都算闊落，唔會人迫人。餐牌既選擇都幾多，花多眼亂。不過聽講佢地出名瑞士雞翼同番茄濃湯通粉。於是，我地就叫左2個主食，2個小食，再加2杯飲品。依個番茄濃湯通粉配牛乳炒蛋 + 麻辣脆雞粒，份量好足，通粉唔會太硬/太淋，軟硬適中，番茄湯味濃，唔似就咁用番茄膏加水，炒蛋亦好香蛋味，麻辣脆雞粒唔會太辣，但好惹味。依個炒意粉幾乾身，但又唔係乾爭爭果隻，料足，味道亦岩岩好。佢地既招牌瑞士雞翼，瑞士汁好好味，少少甜甜地，好入味。炸餃唔會炸到成隻乾爭爭，外脆內軟，餡料足，隻隻都脹卜卜。華田脆脆唔會過甜，脆脆好好食。食左咁多野，埋單$200都唔洗，不過份量比想像中大份，真係飽到捧住個肚走。…Read More

聽朋友講呢到嘅番茄通粉好好食，所以就決定今日夜晚黎呢到一試🤤個番茄通同佢個名一樣，真係特濃，啖啖番茄味，配埋個牛乳炒蛋，簡直係一流。之後重跟餐配咗瑞士雞翼，一樣係特濃，瑞士汁完完全全咁同隻雞全翼融為一體，極道鮮甜美味🤤見到重有個冰室炒意粉，就叫埋黎試吓啦，個炒意粉並冇炒到乾淨淨，充滿番茄味又帶點微辣，仲配有火腿，香腸，雞肉炒埋一碟，食落啖啖肉😍野飲就試咗個阿華田脆脆，好夠味，面頭仲有一粒粒嘅阿華田脆脆，超正！埋單都只不過係$120多啲，真係超抵食又高質😍…Read More

今晚無咩胃口 女女就建議同我食蕃茄湯通粉 又健康又開胃又好食 一於咁話😼😼我地兩個人唔使等位就入到啦 座位係卡位 都幾闊落😸唔知係咪太耐無黎 menu好似有更新 多左啲小食咁wo😼😼聞到蕃茄既香味 我又即刻有翻胃口咁😽 同女女share食先😽蕃茄濃湯螺絲粉配牛乳炒蛋 餸就要左香煎豬扒😸 女女追加左$8想食豬潤 total就$58😸 蕃茄濃湯真係好濃😻😻 絕對唔係茄膏果種效果😻 餐廳標明不含味精 好健康食完都無太口渴！😸 豬潤勁大塊 起沙既 唔錯😺 香煎豬扒就煎得好靚 一啲都唔油 不過再稔啲會好啲😺冰室炒意粉係即炒既 仲上緊嘅時候熱辣辣 份量超多 一個大男人都實食得飽😹 仲有好多火腿雞肉腸仔洋蔥切絲做配菜 好抵食😸估唔到冰室依家有埋上湯浸菜 我地梗係要食得健康啲 叫個雞湯浸什菇娃娃菜先😽 大概有兩棵娃娃菜嘅量 好公道😼娃娃菜浸到好稔 吸埋雞湯特別甜😼 仲有女女中意既雞髀菇 佢讚好似真係係屋企食咁好食😹😹飲品半價ja 我就要熱話梅柑桔 味道好似鹹柑桔咁 幾潤喉😽…Read More

呢日真係好好彩a!!可以話係遇到食神呀!ԅ(♡﹃♡ԅ)以前我曾經都聽過朋友介紹話呢間荃灣既樓下冰室好好味!呢日咁橋係荃灣行街!行到肚餓就見到呢間樓下冰室~~睇落門面幾乾淨,經熱心既侍應招待後,侍應哥哥安排左我地座係卡位 ୧☉□☉୨ !個位置都真係幾闊落!可能因為個位好闊既關係,所以感覺上比起一般既冰室環境舒服好多（ﾉ´∀`）呢到仲有好多5,60年代香港特色既海報,果然配得上  冰室  呢隻字,冰室 呢隻字其實係起源梁啟超既書齋 飲冰室 ,而 冰室 呢隻字亦都透過 飲冰室文集 得以廣傳而 冰室 呢個文化其實由百幾年前既 1900s 一直連繫至今!為左可以更加體驗到當時冰室既飲食文化,我就決定左飲呢度既 懷舊紅豆冰!!!!而朋友就叫左呢到既 綠椰冰,兩杯既賣相都唔錯,紅豆量比預期多好多!! (ﾉ≧∀≦)ﾉ 勁足料a!!!!呢個紅豆冰真係勁好飲!!!仲要係好解渴!朋友既綠椰冰佢連番拒絕都唔肯俾我飲啖ಠ_ಠ,所以無試到,但係佢好快就飲哂!!我諗都應該幾好飲.....(ﾟ￢ﾟ)野食方面我就決定左食呢度既 冰室炒意粉 !!!而朋友就叫左 蕃茄濃湯通粉配牛乳炒蛋 ~~冰室炒意粉一上到枱就已經好香 (´∀`)肉既香味同蕃茄既香氣相互配合埋一齊,真係勁吸引呀!! (≧∇≦*) (*≧▽≦)食落個炒意粉既蕃茄味好濃郁!食得出呢到用既蕃茄明顯好新鮮!呢個炒意粉既食材準備得都幾唔錯!炒得仲好有鑊氣!ƪ(♥ﻬ♥)ʃBTW朋友叫既茄通!!!!!!!!!!!!!!!我食左一啖!!OH!!!!!MY!!!!!GOD!!!!勁好味 (⊙ꇴ⊙) !!!!!!!!!!!!!呢個蕃茄濃湯通粉真係無改錯名!!真係好濃!!（๑✧∀✧๑）應該話係蕃茄味勁濃郁既通粉!!一食就知呢到既通粉唔係一早淥定既,個通粉既軟硬程度煮得啱啱好!!個牛乳炒蛋都充滿住好香既牛奶味!!!我只可以話呢到既廚師真係唔簡單ﾉ´∀`)!!!!下次我一定會黎飲番杯綠椰冰~~!…Read More

是日係相公壽辰 碰巧下午打算在荃灣買野 喜歡簡簡單單的我們 享受假期 來個Happy Friday Lunch先 樓下冰室 看到食評不俗 經濟實惠的樣子 加上同買野地點好近 就呢間啦 店子在路德圍那邊 不難找 （在地舖 而不是「樓下」啊）到店時下午1半左右 正值上班族午飯時間 人流不少 但幸運地找到了兩座位番茄湯通粉配牛乳炒蛋香煎雞扒 $48 牛乳炒蛋香滑 雞扒亦大大件煎得香 但番茄湯沒想像般「邪惡」通粉也有點過硬呢 同埋份量相對少 男的食 未必夠飽冰室炒意粉 $48 這道相對吸引 意粉炒得香口夠鑊氣 醬汁均勻 配料亦不少 有香腸豬扒番茄碎等 與上面的通粉同價 但非常飽肚 味覺與肚仔都滿足之選香港以番茄為賣點的餐廳愈來愈多 這裡的番茄系列味道不差 但相對吃過的 不至於深刻 同埋 食完後 非常非常口乾 這個扣了不少分數 所以 可以一試 但回味度真的不高了～～…Read More

咁平時就食開番茄通，咁今次就同老友試下其他野。我地就叫左個咖哩牛腩飯同埋冰室炒意粉，咁個賣相就雖然唔係好好睇，但味道就唔錯先講下個冰室炒意粉，佢就好重呢個番茄味，啲雞肉同番茄味完全混和，有啲似薄餅上面咁既雞肉feel,而且佢既雞味又保持到。而咖哩牛腩飯，佢既牛腩都算易入口，唔會話太韌，咖哩既味道入口果下feel到小小辣，但入到口又唔會話好辣，姐係好似我呢啲唔食得辣既人都食到，咖哩味都算香口。總括而言，除左番茄通，都仲有其他唔錯既選擇，有機會經過都會再食。…Read More

樓下冰室，一間係荃灣 area well known 既茶餐廳，出名食瑞士雞肶同蕃茄通粉。以前一早已食過，新年假期未開工，今晚一個人去 encore 一下。晚餐時段餐廳好逼要搭枱，講唔上任何舒適可言。 Typical 茶餐廳服務。今次叫左瑞士雞肶同冰室炒意粉。瑞士雞肶: tendered, juicy with deep flavour sweat sauce。 大大隻，非常好食。水準保持無變！冰室炒意粉: 雖然賣相非常一般但分量好多，茄汁味濃！有火腿，雞肉，腸仔，加上蒜粒，熱辣辣，意粉硬度適中，非常好味！呢間冰室嘅食物水準真係唔錯，雖然環境同服務一般，但值得推薦大家去試試！…Read More

60年代的香港, 最多的是米鋪; 而近年代最多是什麼店鋪? 除了便利店之外, 我相信是茶餐廳，總有一間系附近近的。為什麼會有這麼多茶餐廳還可以生存? 原因很簡單, 茶餐廳的款式選擇多, 價錢便宜, 上桌時間快, 可配合到香港人急速的生活節奏。近年來茶餐廳多了其他類別, 有豪裝的, 有集團的, 有懷舊式,不像以往只是平民化的口味。今天相約了好友於荃灣聚舊, 荃灣近年開設了很多小店舖, 尤其是靠近路德圍附近, 食店林立, 我們都很喜歡嘗試新食店, 於是上了OpenRice搵食. 看過開飯的食評後， 搵到了這間懷舊冰室，決定今晚到這懷舊冰室試一下。我們於6.00PM已到達食店門口, 招牌上有個紅色的番茄, 番茄營養豐富，含大量的維他命C，對身體好處多，食店應該是想標榜其選用健康的材料和烹調方式(不含味精)，這裡是健康一族不錯的選擇。雖然時間尚早, 但食店已沒有太多剩餘可選擇的位置，唯有選擇坐近門口的卡位因覺得卡位會比較舒適。這裡用充滿時代感的色調去演繹舊式冰室的裝修概念, 右面一幅牆油上蛋黃色并掛上其招牌菜牌, 一方面可以標榜其招牌菜, 另一方面有舊式冰室的感覺; 而左面那幅牆塗上粉藍色, 牆上掛滿了番茄的掛畫, 再次突出其健康的概念；冰室的頂部更有些懷舊的裝飾物如舊風扇, 舊水壺, 前衞中帶點懷舊感覺。枱上的調味架亦花了不小心思，裝盬和胡椒粉的瓶是用舊可樂瓶，非常別緻啊！餐牌的設計極具心思，以番茄為主要圖案，並寫上“不含味精”，充份突顯其健康烹調的概念。餐牌的種類雖然不算太多，但正所謂貴精不貴多。我們選擇了台式肉燥豬扒飯、冰室炒意粉，每款飯、意粉類都會包一杯飲品。點餐不到5分鐘，侍應生隨即奉上，上菜速度真快。台式肉燥豬扒飯($43)：食物一層層的排列着，第一層是肉鬆，第二層是豬扒，第三層是肉碎，最底層是飯；豬扒微微煎香，大約有手掌一樣的大細，肉質軟腍，用刀切開一件件亦沒有難道；肉碎用滷汁煑過，味道夠濃不會過鹹，飯加了小量的甜豉油拌勻肉鬆和肉碎一起吃，特別惹味, 但若食物温暧些會更完美。豬扒飯吃了一半的時候，侍應便呈上冰室炒意粉。冰室炒意粉($48)：意粉的份量與餐牌相若，口感煙韌彈牙，配與番茄酱一起炒，味道醱酸甜甜，非常醒胃；配菜有火腿絲和雞柳絲，雞柳肉質軟滑。我們還未吃完已感覺有九成飽肚感覺，可能是女性食量比較細，下次可以只點選一個飯或意粉餐再加些小食已足夠。很欣賞這食店用心的裝修，別緻的餐牌，健康的烹調方法, 將來有機會會再來品嚐其他美食。…Read More

係荃灣收工，想快快食完飯就番屋企抖下。冰室炒意粉茄汁甜味較酸味重，好開胃！意粉好幼好彈牙，配料有腸仔、煙肉、火腿、仲有少少雞絲，味道好夾！意粉非常有鑊氣！要有鑊氣得黎又維持到意粉口感，唔簡單綠椰冰唸左好耐飲綠椰冰定菠蘿冰好！綠椰冰d綠豆超林！！椰汁味濃～不過甜左少少。店鋪d裝潢都幾有心思！見到好多新鮮菠蘿！下次一定要飲菠蘿冰！呢間茶記全部都係梳化位！好舒服，收工都冇咁攰。…Read More

朋友係荃灣附近工作，路德圍附近都有好多嘢食...於是入左去呢間樓下冰室，見個名幾得意同埋係用我最愛嘅番茄做主角，所以揀左佢。2條友太肚餓於是都嗌左唔少嘢....見佢話招牌，緊係要試下啦！份量都唔少架@@"番茄湯唔會好酸，午餐肉仲要厚切，炒蛋都幾滑，雖然呢個組合係好多餐廳都有，但唔係間間都有水準，呢間算唔錯！:)雞脾大大隻好好味!!瑞士汁唔會太甜，不過食雞翼就有啲麻煩，因為佢全翼又大大隻，食嗰陣要小心，唔係就好易整到污糟晒架啦！一上枱就聞到好香!而且好足料...重點係啲意粉唔會好腍！酸甜味適中...一流！岩岩新鮮焗起，熱辣辣，見到啲芝士溶晒...賣相一流!啲薯角無炸到過左龍，仲食到啖啖薯蓉，係咸左少少，但非常可口:)唔知點解去親冰室叫杯紅豆冰好似係常識咁...食紅豆冰最怕咬落啲紅豆發現入面仲係硬芯，呢間冰室啲紅豆我覺得整得幾有水準，粒粒紅豆之餘仲要起晒沙，好好味，就係甜左少少啫:)大大份，食飽飽離開，下次會再黎！…Read More