PHI Coffee & Pancake (美孚新邨)

假期都要早起喺簡約舒適的Cafe 食一頓豐富的全日早餐對於平均下心情真係好緊要。PHI 這間Cafe Shop日式風格裝潢，提供西式和日式的早餐和甜品，還有優質的咖啡和茶飲。我們在這裡嘗試了他們的全日早餐（素）、全日早餐、熱黑糖鮮奶咖啡和熱Americano。全日早餐（素）是一份適合素食者的早餐，有蘑菇、番茄、牛油果、煎蛋和班戟。每一樣都很新鮮和美味，香炒蘑菇有少少辣，好醒神， pancake很軟綿配上楓蜜糖漿，甜而不膩。經典全日早餐有煙肉、煙三文魚、牛油果、煎蛋、原隻啡菇、丹麥吐司。Colourful、香噴噴又多汁既早餐，好開胃而且不油膩。熱黑糖鮮奶咖啡 用黑糖泡沫圍邊和鮮奶泡沫覆蓋在咖啡上，再加上薄荷葉和朱古力粉做點綴。黑糖泡沫香甜滑溜，與咖啡的苦澀成了一個好的平衡。經典的熱Americano，用高品質的咖啡豆沖泡而成，香氣撲鼻。除了美食和飲品外，這間咖啡店的座位寬敞舒適，環境以奶茶色為主調，給人一種溫馨和放鬆的感覺，每一樣都讓我滿意。 心情好返晒咁開始呢個週末。…Read More

長假期同朋友仔黎美孚搵食，PHI試過中環嗰間幾好食有水準，今次試埋美孚呢間美孚店比中環店細好多，座位少一半，所以都等咗一陣先有位。我地叫咗一杯熱美式咖啡（無影到，咖啡正常發揮），全日早餐，宇治抹茶紅豆疏乎厘share食。舖頭主打疏乎厘，有好多口味選擇，宇治抹茶紅豆係限定，唔知幾時會轉。食物方面：🍡🍵疏乎厘空氣感十足，疏乎厘上面有塊薄麻糬，旁邊有啲紅豆，綠茶忌廉（入邊有雪糕），三色丸，綠茶蕨餅，綠茶曲奇脆脆。好大堆頭😆就咁食疏乎厘會有啲齋同乾，加埋綠茶忌廉撈埋一齊食就啱啱好，我同朋友都覺得旁邊嘅綠茶曲奇脆脆好好食。🥓🍳全日早餐就乜嘢都有啲，樣嘢都正常發揮，薄pancake口感會似蛋糕仔，朋友仔話好香蛋味出色（不愧為pancake 界大佬），不過要彈嘅係牛油果當日唔係咁熟。見到隔籬枱叫咗個蘿蔔蛋糕，好似唔錯，下次想試埋，同埋一定會再試其他口味既疏乎厘…Read More

晚上約了位朋友在美孚食飯。大家都知道當區沒有什麼特別餐廳好選擇，都是連鎖集團為主。我就當然想揀一間舒適的餐廳，兩個人慢慢食，閒聊一下。朋友答我說，有一間餐廳一定令我滿意。可能我太耐沒去過美孚，實在想不到有哪間是符合到我的要求。去到時，我才發現原來在美孚新村有這間聞名的Coffee Shop - 「PHI」。美孚PHI 的環境較為直接，兩個人如果想飲杯咖啡聊聊天的話金，其實坐在門口旁的位置亦都不錯。如果食正餐或甜品的話，那就要坐入面會好一點，餐桌會更大更方便。PHI 都是以甜點為名，絕對可以甜品當正餐。🍮 1. 全日早餐 (All Day Breakfast)與其他Cafe 的All day breakfast不同，PHI 的全日早餐配搭都是偏向甜味為主。餐廳的All day breakfast 配搭包括茄汁豆、煎太陽蛋、煙肉、德國腸、提子麥包、pancake 配楓糖漿。整份全日早餐最特別的地方就是熱香餅配楓糖漿，食完一些鹹點之後，再吃一口楓糖熱香餅，將味蕾由鹹慢慢轉向甜的方向。🍮 2. 宇治抹茶紅豆梳乎厘 (Matcha Red Bean Souffle)梳乎里上桌時候，可以看到它胖胖的在震動。慢慢將梳乎里放進口時，其感覺就如空氣一樣，PHI 在打蛋方面確實一流，食落亦富有蛋香味，即使放耐了亦對其口感絕無影響。另外，PHI在宇治抹茶和紅豆上亦花了心思，分別有抹茶醬、抹茶cream、抹茶碎、抹茶啫喱、紅豆及小丸子。將配料塗在梳乎厘上，會使到整個梳乎厘甜味無窮，而且每一個配料都是做得非常細膩。整份宇治抹茶紅豆梳乎厘弄得非常用心。🍮 3. 比利時朱古力香蕉法式吐司 (Banana Chocolate French Toast)法式吐司份量相當足夠，混上朱古力醬、頂層一球雪糕，一整口食非常爽快。另外，吐司還配上一條香蕉和黑朱古力塊，所以其味道並不會單一，可以食到不同層次的甜味。🍮 4. 豆花咖啡 (Tofu Pudding Coffee)除了甜點之外，PHI 的咖啡亦是相當出名。看到這裡有一杯叫做豆花咖啡，感覺頗得意想嚐一下。想不到，這杯真的是由豆腐組成的黑咖啡。杯子先裝著豆腐作為基底，另外再自行加上黑咖啡。飲落既有黑咖啡的苦香味，而又帶一種清新的豆腐甜味，十分有趣。🍮 5. 抹茶鮮奶 (Matcha Latte)抹茶鮮奶則帶非常濃烈的抹茶香味，與鮮奶完美融合，兩者味道剛好，互相不會蓋過對方的味道。過來美孚，實在要先來PHI食一下梳乎厘吧！…Read More

PHI係美孚新邨新開嘅一間文青 cafe，佢主打特式咖啡同梳乎厘，雖然哩頭本身已經有好多食店，但都係以茶樓茶記粉麵店居多，好似PHI咁嘅文青cafe應該冇乜，所以都有佢嘅吸引力。一入口右手邊就係落單同收銀嘅地方，俾左錢先，之後店員會俾個號碼牌。門口左手邊係一排平排坐嘅座位，每個位中間都有個叉電位，最啱hea住一邊飲咖啡/茶，一邊碌手機，碌到冇電又可以叉電，唔洗驚冇電。再行入啲都有卡位同二人餐枱，以米白色同淺木色做主調，感覺幾舒服。水吧同用餐區中間有冷熱水可以自己斟。全日早餐($85) - 哩度嘅全日早餐唔算好大份好飽肚，但放假訓到自然醒當係brunch個份量就幾啱。裡面有唔太多見嘅薯餅同非常少見嘅熱香餅，睇得出個組合有花過心思。薯餅好香脆，細細件志在過下口癮罪惡感唔會太大。熱香餅好鬆軟，如果多少少蜜糖會更好。焦糖朱古力梳乎厘($95) - 梳乎厘超鬆軟，上面淋左啲朱古力漿同糖粉，香蕉片上面仲有脆卜卜嘅焦糖，味道唔錯，不過如果多啲朱古力漿仲正！檸檬汽泡咖啡($43) - 哩杯咖啡入面加左梳打水同檸檬，帶甜味嘅梳打水令咖啡唔會太苦，有汽嘅咖啡都幾特別。潮州青茶＋風乾橙片($36) - 哩個青茶細細壺，present得幾靚，飲完可以喺出面加熱水。青茶茶味唔好太濃，橙片要浸耐少少橙味先慢慢出黎，比起咖啡，更加適合慢慢hea慢慢飲。總結，食物唔錯，不過相比起野食，我更加鍾意佢個環境，感覺好relax好舒服，最啱放假黎hea下，話咁易就消磨左一個下午。…Read More