Mike's Chicken Comida de Portugal Restaurant

與老友約了出尖沙咀，上open rice做定功課，看到呢間食評都唔差，就定下午兩點既檯，與她嚟試試。我們叫了二人套餐，有湯(薯仔蓉既湯，都好飲的)，小法包(唔識欣賞)，傳統葡式拼盤(有葡式香腸，馬介休球，炸魷魚，炸雞 /幾款都唔難食，但未致於可令人難忘)，在套餐中有燒春雞或牛尾可選擇，我們選擇了砵酒炆牛尾，個汁好味，牛尾好焾。馬介休炒椰菜(吃不出馬介休的咸香味道)。 套餐內原本有兩個甜品，但朋友問侍應生，可否加錢轉飲品?侍應不敢揸主意，叫了一位女經理過嚟，她禮貌地說，不要甜品便可轉飲品給我們，服務不錯，有彈性。二人套餐$488，另加一，埋單$536，平均每位$268。 對我個人而言，我打食評既評分，會總括其價錢、食物、服務來作平衡點。這兒的食物，對我嚟講，只是唔難食，但以這個價錢食這一頓午餐，又唔覺得好值得，唯一安慰的是其服務不錯。如果問我會否再回頭??我肯定不會的。…Read More

有朋友推薦我去食一間尖沙咀的葡式餐廳，本身對葡國美食情有獨鍾，所以二話不說放假就立既去食。餐廳的佈置好別緻，空間闊落，坐下舒適。架上有不少酒類，多數都是不常見的。平時多喝紅酒，今次就試試新酒吧。餐牌上的食物種類多不枚舉。葡式薯仔菜湯$55好好飲，薯仔煲成所以湯比較稠，有葡式的臘肉，鹹香味濃。葡式滋味多士$55這個十分特別！濃濃的芝士在多士上面，不太鹹，反倒是有少少甜味！入口多士鬆化！傳統葡式拼盤$95葡式的小食多以香口為主，酥炸的馬介休球，香炸魷魚，全都好惹味。一份夠多人食，因為份量也不少。葡式意粉$95意粉比較粗身，口感較為煙韌。茄汁開胃醒神，甜甜酸酸的令人吃多也不膩。芝士充份中和了茄汁的酸，香味更突出。葡式肥仔炒飯$95同樣是用上茄汁去炒，所以味道跟意粉的那碟有點相似，但這個飯裡面有葡萄乾，所以入口多了一份甜味。飯粒粒分明，可能是我自己本身喜歡吃酸甜的，所以這個飯很合口胃。傳統蘋果批$45脆脆的外皮，裡面是香軟的蘋果，入味之餘又有一份果香，加上雲尼拿雪糕，冰火交熔的感覺很是過癮。砵酒，甜味好濃，適合女仕飲，少少的份量就令我有醉意，看來我的酒量太淺了。雪球飄飄雪碧雲尼拿雪糕$40有D似以前係M記食過的雪碧加雪糕，會有起泡效果。香港少有其中一間水平較高的葡國餐廳，真的令人喜出望外。…Read More

難得tea time 行得開， 當然同同事仔一齊去食好西啦👅 從網上得知尖沙咀開左間葡國餐廳， 同埋比佢個名吸引左「葡匯咪走雞」咪走雞我得知既意思應該係（吾執輸） 甘美食當前又點可以吾去試下呢 一於同埋同事一齊去食😆 環境舒適空間大～裝潢設計令我覺得好似去左澳門食葡國菜一樣侍應服務都好～ 食物質素高👍🏻 葡式烤乳豬（可以揀全隻/ 1/2 / 1/4）我地三個人就揀左1/4，記得提早一日預訂啊👅 乳豬燒得皮脆肉嫩，脂肪比例平均！ 食落口感更豐富， 配埋葡式炒飯一樣好味，看似普通既炒飯其實不普通，喱個飯加左乾果一齊炒別有一番風味砵酒炆牛尾（可選白飯或脆麵包） 我就揀左白飯（同事話天氣凍要暖下胃😂）牛尾炆得剛剛好， 又入味又‘腍’ 鍾意食牛尾既您就要試下啦👍🏻 葡式西多士好驚喜好意外👍🏻 外脆內軟（加埋多士中間有果醬）令整個口感更添層次～看似簡單但相信也下了不小功夫 ，推介傳統葡式拼盤整體味道吾錯， 但不算太驚喜～ 如葡國香腸煎一煎會更加香口 （純粹個人意見）…Read More

葡國菜在香港不是主流有天和朋友有幸到尖沙咀一嚐葡菜風味頭盤先點了我最愛的沙甸魚傳統烤沙甸魚皮脆肉嫩放在枱面上已聞到陣陣的燒魚香令我憶起某年在波圖的杜羅河旁吃的沙甸魚傳統葡式拼盤可一次過滿足四個願望葡國臘腸鹹香炸魷魚也外脆內嫩烤乳豬賣光就要葡國黑毛豬醃料中以胡椒味最突出店家烤至大約半生熟左右肉質粉紅肉嫩因伊比利亞黑毛豬是吃橡果的所以煮至不全熟也不成問題霹靂非洲雞絕不能小看PiriPiri香料辛香惹味連雞胸肉也嫩滑無比但要準備幾杯白開水葡國甜品不少得木糠布甸味道剛好不甜膩提拉米蘇酒味濃烈正宗口味但不是我杯茶有時候盲目追求正宗的味道是故步自封的表現…Read More

朋友介紹美麗華酒店廣場愈來愈多野食，今晚一於去打打卡，尋找特色食物。點菜後，侍應端來了香脆麪包。這個香脆麪包是免費的，豬仔包外脆內軟，蘸點牛油及橄欖油來吃，好。加入橄欖粒，更好。傳統葡式拼盤包括葡國香腸、馬介休球、炸魷魚片和脆雞粒四款食物。葡式香腸是醃製食物，保留了臘腸的濃烈味道，但沒有廣東式臘腸那麼硬，較香軟有肉味；香脆雞粒炸得有點火了，太乾及硬了，有點失色；馬介休球薯仔味香濃中帶點鮮味，不俗；酥炸魷魚件最有驚喜，外脆內軟，保留了魷魚的香軟煙韌。四款食物中，我和朋友都最鍾情這款小吃。這個刀背蜆一上枱，我和朋友都不禁說了一句︰「好大隻呀！」刀背蜆很巨型，每隻都有半個豬仔包大，size 比湯匙還要大。 刀背蜆很鮮甜，用白酒來煮，既可除去海鮮的腥味，又可將蜆的鮮味提升到更高層次。我和朋友對這款刀背蜆菜式都讚不絕口，不一會便 K.O. 了整碟刀背蜆，滿足！滿足！見旁邊食客的意粉蠻不錯，我們也要了一客。這個海鮮意粉用料十足，絕不欺場，除了大大隻的青口和大蝦外，還有魷魚片、帶子、石斑魚片，以及三色椒、鮮磨菇、橄欖及洋蔥等配料。用料十足，味道調教得亦好，茄汁的酸味不會太過份，可以將食物的鮮味發揮得淋漓盡致。最後來一客 Tiramisu ，這個提拉米蘇很抵吃，夠大杯，份量足夠2個人吃。 Tiramisu 味道香濃、軟滑可口、甜度適中。用這個 Tiramisu 為今晚來一個完美的句號，結束了今晚這頓豐富的晚餐。…Read More

說到葡國菜，大多數人都會在澳門吃過，至於在香港，真的很少食。今次來到尖沙咀，一於回味下正宗的葡國菜餚！餐廳有分為室內和室外區，今次安排在室內，燈光稍暗，較有情調。餐牌選擇眾多，在入座後不久，麵包會先送到。麵包有點硬，不過做到內軟，塗上牛油橄欖挺開胃。傳統葡式拼盤 ($95)先來個小食，由葡國香腸、傳統馬介休球、酥炸魷魚球及香脆炸雞粒所組成，葡國香腸偏鹹，可以麵包夾起來吃，中和了鹹味，又幾好吃；而酥炸魷魚是當中我的至愛，炸得來不會好油膩，魷魚彈牙，夠曬咬口！葡式意粉 ($95) 屬廚師推介的一道，由葡國臘腸、洋蔥、蘑菇意粉配香濃香草蕃茄汁所製成。賣相一般，但碟子幾靚，像青花瓷～這裡的葡國臘腸切粒，所以不會太鹹，和其他材料互相配合，豐富了口感。和朋友邊聊邊慢食，但意粉都不會冷卻變乾，keep住濕潤，又幾好！葡式烤乳豬 (1/4) ($280) <*必須預訂>來此餐廳的必點之選，當然是烤乳豬！既然有預訂，即數量不多，愈珍貴就愈令人好奇，必須要品嚐一下。預訂了四分之一，即有4件烤乳豬，「皮脆肉嫩」已是最好的形容，烤過的乳豬特別有油香，肉質嫩滑，一直吃到見骨還努力「了」出肉來吃，連朋友都說我吃得很盡呢XD而旁邊的葡式炒飯都不能少看，濕炒不乾身，易入口，濃香的蕃茄味，酸酸地很醒胃。燉啤梨 ($65)吃過主食之後，是時候也要滿足一下「甜品胃」。看到「廚師專業推介」幾隻字，總覺得是信心保證，決定一試，而結果又令人好滿意呢～燉啤梨相當香甜可口，不會燉至溶爛，咬落仍爽口，外層有香脆酥皮，再澆上忌廉，幾種味道好match，甜而不膩！去皮又去芯，是用心之作，如果再來想必encore！********************部份餐牌供參考：…Read More

喺香港幾乎冇食過令我印象特別深刻嘅葡國菜，估唔到喺尖沙咀就搵到一家，今次真係唔洗過大海喇。曾經迷倒唔少人嘅呢間葡菜由西貢開番出黎市區，雖然話當時喺西貢都已經好有名，但要長途跋涉去食未免又令我有多少卻步，加上當時位置亦相當隱蔽。如今開至尖沙咀美麗華廣場，位置更大，既有原本嘅名氣，再加上方便，所以頗受歡迎，就好似當晚我都留意到電話間中都響起，相信係要訂枱嘅客人。餐廳佔地頗廣，裡面有長枱、圓枱、卡座、梳化位等，應付不同需要。門外亦放有餐桌，提升餐廳嘅空間感，但個人對於呢種好似喺「餐廳外圍」嘅枱櫈比較反感，有得揀嘅情況下唔願意坐呢種位置，冇得揀嘅話寧可選擇唔食。幸好餐廳位處一樓，附近冇乜店鋪可行，基本上唔會有好多人喺你身邊走走糴糴。我地被安排坐喺梳化位，十分舒適呢。周圍都有唔少葡式擺設，旗子、葡語系國家嘅地圖特別亮眼，更加成為我地兩個嘅話題 (笑)。餐牌供應小食、湯、沙律、意粉、乳豬（要預訂）、黑毛豬、海鮮、飯、扒類、炒菜、甜品等，定價中上。食葡國菜經常遇到嘅問題係菜式份量頗多，人少嘅話未必點到好多野，而且消費唔平。今次同男朋友兩個黎試到嘅野就唔多，食完主菜，本來見到甜品好吸引都已經食唔落，有機會會叫多幾個朋友同行，既可以試多幾款，除番開又抵食啲。麵包點餐後，店員都好快送上麵包，配以牛油、橄欖。麵包暖暖地，搽上牛油之後好快溶化，入口香脆鬆軟，一向對麵包好感不大，但我都覺得幾好食，兼食哂傳統葡式拼盤 $95小食方面有烤沙甸魚、臘腸、馬介休球、多士、薯條等，定價$40/55。但今次只有兩口子，所以瞄準拼盤，希望試多幾款，唔會太飽。拼盤有三款，揀左最平嘅葡式拼盤，有葡國香腸、傳統馬介休球、酥炸魷魚件、香脆炸雞粒，二人份量。拼盤喺麵包上枱後不久就到了，新鮮熱辣，基本上都好對味葡國香腸鹹香、馬介休球外脆內軟，酥炸魷魚炸漿唔厚，魷魚頗有份量，而且食落爽脆、炸雞粒外皮脆口，雞肉嫩滑食完個小食已經飽左一半，好渣斗呀。但同時興幸我地點左一份小食頂頂肚，因為之後嘅主菜分別相隔半小時同一小時先到 lol霹靂非洲燒雞（全隻）$195相對店家嘅招牌乳豬，我覺得燒雞嘅水準更高，曾經喺灣仔一間餐廳食過類似菜式，只可惜當時燒雞過左火，雞同比較鞋同老。葡匯嘅燒雞令我幾滿意，單單係辣椒做成嘅醬汁已經不可看輕，辣度不一般，容易入口，卻喺口腔久久不散，幾惹味燒雞份量適中，唔止雞脾肉係嫩，其他部分都一樣滑溜，厚身但保留肉汁，唔會乾鞋配上嘅薯條比較一般，有啲脆有啲已經變腍。葡式烤乳豬 $280（1/4隻）需要預訂想食乳豬嘅話記得訂枱時留豬喔，分為1/4、半隻、全隻，呢個比例頗貼心，起碼兩丁友黎，想食隻豬都有得諗下。距離麵包前後等左一小時先上枱嘅豬，雖然係即燒，都體諒，但如果唔需要等咁耐印象會更加好需知道食完隻雞都已經飽飽地，等下又飽啲，等到豬黎我都唔係好食得落了，儘管隻豬其實質素都唔錯。乳豬切成四大件，外皮薄身香脆，豬肉肥厚，油香充足。配上葡式炒飯，兩個人食相當足夠炒飯加有茄醬、葡萄乾、橄欖等材料，食落酸酸眯眯，冇咁容易飽膩，可惜唔係好啱我口味。奶昔雜莓 $50飲品方面有咖啡、茶、果汁、汽水、奶昔等，定價$35-55。奶昔可選咖啡/鮮雜果/薑/雜莓呢幾款味道，揀嘅雜莓味道一般，莓味唔夠突出，甜又唔係酸又唔係。整體而言，餐廳環境不錯，店員服務都幾好，繁忙得黎態度有禮，主動加水，食物方面都如他人所言，甚有水準，大廚本身係葡裔，點都有多少保證，以後想起葡菜，又過唔到大海的話，葡匯或者係其中之選餐牌：…Read More

香港是一個國際美食大都會, 任何菜式也吃得到, 方便就腳的尖沙咀可說是集中地, 早前去到美麗華商場與朋友大吃一頓葡菜宴, 好有氣氛. 大家也愛吃愛喝, 一定要喝Sangria, 紅色一款較易入口, 酒味不會過濃, 還有淡淡果香, 應該是加入了些少有氣酒, 所以越喝越想喝.  對於貪心的少女來說, 傳統葡式拼盤最適合不過, 每款也能嚐到, 又不會過份把胃填滿. 五款小食當中, 我最喜歡炸雞, 香脆而不乾涸; 其次是葡式腸, 雖然夾雜著不少脂肪, 但入口一刻就知這才是重點!! 為香腸片增添不少脂香. 拼盤還有炸薯波, 十分軟滑; 芝士多士也不錯, 只是略嫌有點硬.喜歡貝殼類美食就一定要吃白酒煮紐西蘭刀背蜆, 很多時吃白酒煮貝殼類, 並非每間食肆也能準確拿捏白酒的份量, 但Mike's Chicken的蜆肉不只實大隻, 白酒的份量剛剛好, 把鮮味也提升. 選這餐廳的其中原因就是要吃雞, 這道香蒜燒春雞(全隻)確是令人回味, 以傳統葡式蒜味烹調, 雞肉十分嫩滑!!! 想吃辣嗎? 這裏有piri piri, 非常辣的辣椒!!!砵酒燴牛尾可說是signature dishes之一, 汁有點像香濃羅宋湯, 而牛尾的軟稔度, 相信是沒人會投訴的, 不止肉類, 就連蔬菜也入味, 配白飯必定能吃清光!葡式甜品香蕉薑卷, 以酥皮包著香蕉, 皮面甜甜香脆, 還有奶味甚濃的呍尼嗱雪糕, 也是不錯的選擇. 餐廳裝潢是熱情的、是溫暖的, 除了有公雞, 還有這邊牆身掛著世界地圖的四座位. …Read More