On-Yasai (Plaza 2000)

一直都好想試依間餐廳，但皆因價錢太貴所以一直冇黎試！咁啱早幾日突然收到email推出信用卡優惠，仲只係得幾日，就即刻嗱嗱聲打電話去book位，結果星期六日晚都已經full晒，好彩仲有啲位係留俾walk in，咁我先有希望終於嚟到！6pm響apps度㩒定飛拎位，可能太多人知道信用卡優惠，所以個個都響Apps拎飛，6:30開始搞到Apps都故障但明顯個籌比平時多人，1個鐘先跳得2-3個結果我要等到9pm先入座一入門口就已經見到各種食材今次信用卡優惠係套餐半價，我哋兩個人嗌咗二人餐，另外再嗌多杯雜果賓治套餐係唔包湯底，要自己每人自選一款！依度特色一人一鍋，夠晒衛生，同埋可以迎合自己需要！骨膠原柚子鹽湯$39有輕輕的柚子味，都不錯好多食材都因為吸收左湯嘅味道變得更好味如肉類同烏冬！藥膳湯$39沒有藥膳味，但後尾再睇返網上評語，應該係有九格藥膳可自己調配味道，但我哋完全冇接觸過依個東西，可能店員遺忘了！錯過了真正藥膳湯的味道前菜 - 塩辛薯仔(伴魷魚沙律醬)，生菜沙律五品野菜盛合、黑芋絲、蝦丸、五目野菜餅佐賀A5黑毛和牛西冷嘩...真係無得輸！非常好味英國安格斯牛肋肉明顯肉汁比日本爭好遠，不過不失吧！熊本豚肉眼雖然都係來自日本，但火鍋後肉質有點硬！都係偏愛日本牛肉多啲鮑魚兩粒店員建議滾45秒至1mins，個人覺得都爽口，不錯黑松露免治雞肉店員建議分4-5件滾，滾大約5分鐘左右！味道一般般吧！烏冬睇到都有啲失望，因為唔似日本烏冬！而食落當然都麻麻吧！半價後埋單$762.1，質素其實不錯，尤其日本牛肉但如果冇優惠要大約$600/位打邊爐就真係未必會喇！…Read More

同閏密們一起飯局，吃的要美味之餘，還要健康清淡，還要有空間盡情傾談⋯⋯⋯從日本來的"溫野菜"真是一個非常好的選擇我們一個星期前訂位一行四人坐的是開放式的獨立房，大大聲聲傾計都唔怕嘈到隔離而且湯底選擇多，又一人一鍋，各自選自己喜歡的湯底，又不怕順得哥情失嫂意。食材方面，選擇很多，每款都是幾十塊元，份量少少，即使兩個人食，都可以試多幾款。點餐方面，是用平版電腦自己落單。最啱有選擇困難症的我，可以慢慢諗，唔啱又可以delete 返，又睇到自己點幾多，唔怕點多佐。湯底來啦！！呢個藥膳湯底真焦積，客人可即場選唔同的藥材放落湯。我們大大話話都點了二三十款火鍋料，好似好大食咁，其實款款都得幾塊。都好呀！！可以試多幾款嗎！！其實款款都是廿多三十元左右，就只有這個日本佐賀A5牛要百多元不過又真係入口即溶，又有牛味豬肉都唔錯，切得很薄，很適合女孩子食，不用太膩。各款日式魚旦不少得啦！！我最愛年糕福袋！！野菜方面，日本南瓜同蕃薯是必食的！！竹筒免治雞肉是我的推介，忍唔住再ENCORE年糕丸同餃子都值得一試。…Read More

若要人不知，除非己莫為。哎，被A姐知道我自己一個人去咗溫野菜嘆和牛，嬲嬲豬，梗係要帶佢食温野菜On-Yasai，補返數!!!有朋友仔可能都知道温野菜On-Yasai喺日本已經有超過300間分店，食Shabu Shabu!! 主打食材由日本福岡、鹿兒島、熊本、北海道等地直送，新鮮都震，所以價錢都偏貴。平時ShabuShabu都係一大鍋，呢度係一人一鍋!!! 有八種湯底揀，大部分都係$29。A姐話要靚靚，嗌咗骨膠原柚子塩湯，一嚟就係就係啫喱狀，不過煲一陣就會溶咗，有淡淡嘅柚子清香。而我就叫咗鰹魚湯，嚟到唔覺好特別，裏面有幾條魚乾，滾起就好香，原來嗰啲魚乾係用咗日本傳統「手火山式」嘅煙燻方法，特別香。餐廳名叫「温野菜」，意思係「溫熱的蔬菜」，就梗係要食菜啦!! 我哋叫咗野菜五品盛盒，一次過試五樣嘢，有生菜，旺菜，水菜，啡金菇同甘筍絲，由日本福岡同青森直送，好鮮甜，好似去咗日本咁。出咗名大食嘅我哋，食菜就梗係唔夠啦!! 不過呢度嘅肉，真係好細碟，每碟大概得嗰四塊，勁快食完，所以我哋叫咗好夠碟。佐賀A5黑毛和牛西冷，肉質較實，油脂較少，雖然貴啲，但我哋鐘意鹿兒島和牛肩脊肉多啲。鹿兒島黑毛和牛肩脊肉，切得比佐賀和牛西冷薄，真係放落去嗰湯5-6秒就食得。肉味雖然較淡，但係真係入口即溶，全因較多脂肪，好正!!而澳洲M9和牛肩脊肉同美國上級牛肋肉就較為普通，同平時食牛陣，牛涮鍋嘅差唔多。反而，丹麥雞腿肉有驚喜，好滑好香雞味!! 一碟得4舊，食完都唔夠，真係要叫多碟。我哋仲嗌咗黑松露免治雞肉，黑松露味唔重，肉質普通。講真，食完咁多碟肉，都唔係好飽，埋單每人平均$400幾蚊，真係唔可以成日食。…Read More

上年東京食過回味無窮知道香港開咗分店已經好想搵機會來試吓，今晚終於一嘗所願。我地兩位一早訂定位，目標明確，準時到達。入正題，菜單分別有套餐或散叫。怕麻煩的人有三款套餐可以選擇 (248-508HKD) 。我地就選了散叫，因為計過條數其實差不多價錢，想選擇自己喜歡的配料，始終跟餐樣樣set死晒又唔可以轉。前菜: 推介辣味芝士湯底: 我們選了一個鰹魚湯另一個是壽喜燒。鰹魚湯望落好清澈但味道濃郁，壽喜燒就無咩特別，就係甜囉。肉類: 豁出去叫咗最貴的佐賀A5黑毛和牛西冷(每份168HKD 4塊) 牛肉味濃尚算入口即溶，但太大忽白色肥膏位。再叫咗M9牛 (每份89HKD 4塊) 牛肉味濃，仲有豚肉梅肉(59HKD) 薄切易熟不錯，蟹(79HKD 兩隻腳一隻蚶) 認真麻麻地。蔬菜：新鮮但份量好少，啡金菇好少見而且很爽脆配料：自製黑松露雞肉丸，幾好味 。芝士魚卷同吉野家嗰粒一樣。飲料: 白桃活酸燒酌梳打 Conclusion : 平均一位620HKD食到好飽但價錢偏貴。响日本食真係無得輸，平香港一半。諗住在香港食完可以一解對東京溫野菜嘅思念之情，點知食完仲更加掛住東京嗰間…Read More

早前在海港城逛街, 經過見到一間餐廳很多人等位, 引起了我的好奇心, 看看名字是溫野菜, 立即吸引了我, 溫野菜是真．來自日本的shabu shabu店, 而且我是大愛野菜的人, 以野菜名命的餐廳, 想必是有出色的野菜吃了。以為這裡只有野菜吃? 這便錯了, 肉的選擇可不少呢, 做足功課後, 成功邀約食肉獸和草食系的朋友, 一行四人來到銅鑼灣新店shabu shabu。熊本縣地震後, 屬溫野菜的集團, 決定把旗下餐廳包括溫野菜、牛角、牛涮鍋及壽司大的十天營業額給熊本縣政府, 很溫暖窩心, 令人對它很有印象。踏入溫野菜, 門口有大雪櫃, 儲存不同的野菜和肉類, 野菜全都來自日本的, 種類是特別多, 對得起溫野菜這餐廳名字呢!原來餐廳座位以包廂為主, 私隱度高, 和式裝潢, 令人感覺在置身日本。若非經過廂位, 是難以看到裡面的情況, 所以如果舉手叫店員, 會舉到手軟, 店家很貼心的在每一枱裝上一個touch pad, 手指指便可以叫人來加湯/ 加茶/ 落單/ 埋單等, 極之方便呢!喜歡這裡的一人一鍋, 一來不用相就別人的口味去選湯底, 二來也不怕別人沾了口水的筷子再放到鍋裡夾東西, 三來自己放的東西不怕被人搶走了, 什麼時候吃都可以, 呵。湯底選擇有九款, 真令人驚喜, 而且部分口味是巿面較少見的, 從湯底開始, 已看到店家的心思。我們四人分別選了: 骨膠原柚子塩湯、有機豆乳湯、藥膳湯、鰹魚湯, 可以互相試到不同的湯底, 鰹魚較濃味咸香, 適合男生, 藥膳不太藥材味, 反而有種牛腩香味。 骨膠原柚子塩湯$29這是朋友的湯底, 送上來時是半固體狀, 後來滾了便變了液態, 散發日本柚子的芳香, 滿載骨膠原的美肌湯底, 散發微微的酸香, 特別刺激食慾, 女生大愛此湯, 味道清爽又有護膚功效。 有機豆乳湯 $29在藥膳、柚子和豆乳間, 最終選了豆乳, 豆味很濃郁, 口感幼滑, 適宜配柑橘醋同吃, 有時在面層還呈現一塊塊像腐皮的東西, 以豆乳配搭食物, 無論菜或肉都好夾呢。四款湯底, 用來滾熟食物, 本身已很夠味, 若想再提升層次, 蔬菜類可配上柑橘醋, 肉類可配胡麻醬。 塩醬麻香椰菜 $35平日在街巿買椰菜, 你絕不會想生吃它, 椰菜亦甚少用來作沙律, 日本的野菜就是做到了, 不僅是可生吃, 還要是出奇的好吃呢, 椰菜很爽甜水嫩, 麻油味好香, 平均分配到每塊菜, 黑色的昆布亦很濃郁芳香。 明太子青瓜 $29一直以來我不太愛明太子, 覺得太咸, 但這個小食卻不會, 明太子加上沙律, 更加容易入口又惹味, 底下的青瓜一咬下去便知不是普通貨色, 又爽又爆水的感覺, 加上涼涼的口感, 令人回味, 日本瓜果果然與別不同。 辣醬芝士 $29別小看它份量小小的, 每磚卻是精華版來的, 濃而咸香的芝士, 加上少許辣感, 喚醒了每個味蕾, 單吃也不會覺得膩。 溫野菜特飲 $26以橙味為主, 有梳打的清爽, 冰涼解渴, 不會過甜, 大大杯好抵飲。 巨峰燒酎活乳酸梳打 $36但比起溫野菜特飲, 我更喜歡這一杯, 坊間很多號稱巨峰的特飲都有不同程度的藥水味, 但這裡卻一點也不會, 巨峰就是純正的巨峰提子味, 很濃郁卻不是糖漿的死甜, 燒酌有酒味卻不烈, 也是勁大杯很耐喝, 店家是很細心的, 吃shabu shabu對飲品需求必然高, 飲品都是偏向大杯的, 叫一杯足夠喝整晚。 野菜五品盛合 $49店員建議先吃菜再吃肉, 應是健康緣故, 加上肉比較濃味吧, 先吃菜可細嘗菜味。這個野菜五品盛合是必點的, 一次過吃勻: 生菜、旺菜、水菜、啡金菇、甘筍絲, 最吸晴的是整球生菜, 撕開來整片快灼便可以吃, 爽甜又有菜香, 尤如在田野鮮摘鮮吃。啡金菇是第一次吃, 與我們吃的白金菇口感同樣的爽, 菇味較濃香。 黑松露免治雞肉 $39以竹筒呈上, 可以分成四球落鍋, 剛好一人一球, 黑松露在面層, 問題來了, 放入湯內瞬間便不見了, 唯有當作為湯底加添韻味。滾了好一段時間, 免治雞球撈上來, 咬下去, 超級幼細綿密, 友人甚至以為是未熟, 超幼嫩的雞肉滲有淡淡黑松露香, 一吃難忘。 佐賀A5黑毛和牛西冷 $168餐廳另一個細心位, 就是每盤肉都附有名稱小牌, 因為種類很多, 一般人也難以分辨的。先吃這個和牛西冷, 灼一灼變色便立即夾起, 過程不到半分鐘, 和牛切得薄片, 刀功一流, 脂肪分佈紋理均勻, 不會太多脂, 卻仍然有入口即溶之感, 是薄片的緣故吧, 可能有人覺得這麼薄片不夠抵食, 我卻特別欣賞這口感, 由於脂肪不高, 更能細味其濃香的牛味, 滋味無窮, 但每人一口已吃完, 令人意猶未盡, 故再加單。 佐賀A5黑毛和牛肉眼 $158和牛肉眼相對就較多脂肪, 雪花油脂佈滿均勻, 同樣薄可透光, 肉質柔軟入口即化, 脂香豐腴, 油份迷人, 是另一番享受來的。 美國上級牛肋肉 $69肉質紅嫩, 油脂均勻, 看上去同樣出色, 但吃過和牛後, 美國牛卻是明顯有別, 會較有嚼感及未有感動味蕾的感覺, 一分錢一分貨, 永遠都是真理。 松葉蟹腳 $79這裡的海鮮類只有這款松葉蟹腳, 如果有多點選擇就好了, 蟹腳有四件, 又再一讚細心, 不用自己剪開起肉, 腳身已開了孔, 以筷子已很容易將肉取出。蟹肉好鮮美, 啖啖甜香, 就是每件蟹肉不太多, 也是意猶未盡要追加。喜歡野菜的我, 野菜五品盛合當然不能滿足我, 一定要追加野菜, 多試一些款式, 小松菜$22、蓮藕$10、蘿蔔$15、紅心蘿蔔$12、青蘿蔔$10、金時蕃薯$19、牛蒡$10, 紅心蘿蔔樣子很特別很吸引, 味道卻和普通蘿蔔沒什麼分別, 而且無論紅、白、綠的蘿蔔都切(或刨?) 得太薄片, 缺少了口感, 也難以嚐到其真正味道。其餘的野菜, 當中我最喜歡是蓮藕, 口感特別清脆, 既爽且甜, 如不是已飽了, 也想添加, 價錢也很相宜呢。另外, 牛蒡有著藥材的味道, 確是優質的農產, 牛蒡對身體很有益, 很難得在外用餐可以吃到呢。 豆腐麵 $15店員推介的豆腐麵, 煮三分鐘, 煮前煮後都是一個模樣, 口感偏硬而煙靭, 豆香濃, 頗特別呢。 寬條麵 $15本想叫烏冬, 店員再推介寬條麵, 果然真比烏冬更佳, 我想起在日本吃過的手工麵, 甚為滑溜, 薄薄的不會太粉感, 掛湯能力強, 真令我喜歡上寬條麵呢。日式的甜品, 當然亦是最最不能錯過了, 無論多飽也要吃, 啟動第二個胃了, 這裡的甜品選擇也不少, 以雪糕類為主, 正好cool down一下火鍋的熱氣。 焦糖雪糕 $29焦糖有種特有的甜香, 份量恰到好處, 分佈到每一口雪糕, 甜而不膩, 眾人大愛這口味。 杏仁豆腐 $29去日本最愛到便利店買盒裝杏仁豆腐來吃, 百吃不厭, 這個杏仁豆腐甜品, 杏仁味不會太濃, 容易入口, 質感比任何吃過的豆腐花更滑, 輕柔得如風一樣, 入口瞬間不見了, 餘下杏仁豆腐的香味, 另外附上糖水, 不用加也可以, 已夠味。真想邊吃邊唱: 來又如風, 離又如風, 或世事通通不過是場夢...... 紅豆雪糕夾餅 $29如蚌殼的夾餅, 盛載著紅豆雪糕, 餅皮夠脆, 但沒什麼味道, 如果飽的話可以不吃, 紅豆雪糕卻很濃厚, 紅豆味十足, 還有粒粒紅豆, 不過甜, 無負擔。在溫野菜用餐, 每一個細節都是享受, 體現了日本人一絲不苟的工作態度, 食物方面, 特別喜歡來自日本的和牛和野菜, 不愛打邊爐的我, 卻愛上日式的shabu shabu, 一人一鍋更是極至享受, 有自己的個人空間, 什麼時候也是重要的。來溫野菜, 很適合三五知己同來, 可以試多點不同款式的食物呢! 今晚我們都超滿足又飽足, 盡興而返, 口袋裡又多一個推介朋友的名單了, 也怪不得要吃溫野菜, 長期都要排隊了。…Read More