Sogno Cafe+

酒店自助餐或放題餐廳食唔少 Cafe放題就真係未試過正好想同好耐冇見嘅朋友慢慢傾計吹水💬於是就去中環嘅Sogno Cafe+ 食餐飽啦🤤Sogno Cafe+推出咗「任座任飲任食」放題 ($188；另加一)無限供應食物同飲品各十款 下午時段仲可以坐足5個半鐘🕔絕對係消磨時間嘅好選擇😍今次我經網上平台付費 仲有9折優惠添～鋪內空間唔算大 枱與枱之間有少少迫不過環境相當雅致 以木色為主調 近門口嘅梳化卡位就最坐得舒服 而我哋就揀咗坐靠窗🌅嘅二人枱Cafe以本地卡通人物Fluffy House為主題四處都可見Fluffy House人物嘅大小擺設 以及各種周邊 儼如一個展覽廳✨每個月嘅任食menu都有少少唔同✨我哋就試咗以下呢啲～Sogno全日早餐有最近大熱嘅croffle🥐 加上炒滑蛋同菇菌類等配料食落都飽肚🍜黑松露鴨胸野菌扁意粉 黑松露味道濃郁 食完會想再食🤣🍝溫泉蛋素肉醬鮮茄扁意粉肉醬份量偏少 而可能係素嘅關係 味道頗淡🥪他他醬蝦多士多士炸得香脆 配上他他醬就更好食🫔吞拿魚碎蛋千層酥 食落鬆脆可口 加入碎蛋亦令口感提升🥗田園麻醬沙津 沙津加埋藜麥同蜜桃粒 好清新🥧鹹蛋黃手作Scone 比平時食開嘅scone的骰好多 食落有啲似餅乾 🍰伯爵茶戚風蛋糕蛋糕好鬆軟 有茶味之餘亦唔會好甜🍦麻薯窩夫配雪糕 窩夫好香脆 入面仲有煙韌麻薯 朋友就唔太buy呢個配搭 但我就覺得可以一試飲品方面 有各款咖啡、沙冰、茶可供選擇 值得一提嘅係 餐廳提供半杯份量🥛 等大家可以試多幾款 非常貼心飲品當中以牛油果🥑芝士奶蓋沙冰最有驚喜而Latte都幾好飲☕…Read More

呢度係中環區一間根上Cafe, 搵係易搵, 環境乾淨優美, 窗外環境就一般般啦, 依家係一個地盤, 即使之前應該係一棟大廈都好, 佢都係樓望樓, 唔係咩靚景架喇講返佢嘅裝飾都係好靚好用心第一杯就試試牛油果沙冰先, 味道偏淡, 其實牛油果味係零坐低無耐就唔知點解上左個SCONE, 我聽到隔離枱講話自己個SCONE消失左, 咁可能係佢地啦, 但係疫情問題我無理由比返佢地, 佢地亦都未必肯要返....咁唯有自己試下啦, 比較出面嘅源少少, 係冇玫瑰味沙律就好得意, 佢冇用到麻醬, 反而係油醋, 酸酸地好開胃用黎放蝦多士嘅器皿都幾得意 而蝦多士自己都係油少少, 無乜蝦味, 但係非常外脆內軟炸魚薯條正常發揮, 薯角非常好味, 炸魚一樣外脆內軟, 魚肉好多汁, 推薦鴨胸黑杓露意粉都係推薦, 鴨胸超級多汁黑杓露意粉好Al Dente明太子卡邦尼過鹹, 可能廚房嘅調味加埋明太子變成過鹹, 呢點已經同店家講左, 佢地都願意接受評價Latte 一睇就知高質咖啡豆本身好香, 拉花亦都好有水準伯爵茶戚風蛋糕好濃郁伯爵茶香, 睇到蛋糕加左唔少嘅伯爵茶粉, 早知留肚食多件最後整多個甜品麻薯窩夫, 烘得好香脆, 一上枱就好有蛋香, 加埋麻薯, 口感好正唯一要彈係個藍色嘅海鹽雪糕, 如果可以係朱古力或者士多啤梨味呢類普通口味反而仲正開張頭兩星期係優惠價, 亦都好快爆滿以任飲任食任坐作招來, 如果坐一個下午真係好抵, 不過我覺得有D浪費左個下午, 建議訂2:30 食到關門仲開心, 可以多少少時間去附近行下街打下卡再食野…Read More

星期六同男朋友去左間中環Cafe食晚餐。呢間用QR code落單，佈置有心思，走可愛風。我叫左一樣鹹食，其它都係甜既，可惜牛奶麻糬售罄，無緣食到。黑松露牛肝菌海鮮燉飯無可挑剔，份量夠大，食得飽之餘，十分足料，啖啖都食到海鮮，有蝦、青口、帶子、蟹籽，仲有菇，而且燉飯軟硬適中，加左芝士，增添美味程度，正呀。跟鹹食配飲品平啲，加$38叫左杯Double Chocolate。Double Chocolate係smoothie，打得幾幼滑，朱古力味濃郁，甜甜的味道，好飲。海鹽麻糬窩夫配雪糕雪糕揀左奶茶味，幾軟滑，味道又出。窩夫加左麻糬令到口感變得煙韌，好鍾意有呢種QQ既口感，美味可口。伯爵茶戚風蛋糕(黑糖忌廉)超級鬆軟又濕潤，伯爵茶味香濃，真係無得輸，叫左一定唔會後悔。…Read More

Weekday同朋友去中環行吓，因為午餐食得少，所以下午4點左右要揾嘢食😉。我哋一行2人，上到 cafe 大約4:00, 唔多人，只有2枱客，不過 cafe 都係細細間，只有10張枱😅。 一入cafe, staff 便問我哋有無book 位，我超驚無得食，好彩佢都有安排位置俾我哋，其實我心諗都無咩人🤔可能有客會特定了某一座位。🤔🤷 Cafe 裝修用咗可愛風，無論牆、枱同𣕧同有可愛公仔🍄❤️我哋2個人試咗伯爵茶戚風蛋糕🍰及朱古力半熔麻薯配雪糕🍦 🍫1. 朱古力半熔麻薯配雪糕 🍫😋因為即叫即製，所以朱古力麻薯要等15-20分鐘 🙈⏳⌛，不過嚟得cafe 食，唔使趕頭趕命 🤦‍♂️🏃‍♂️🏃‍♀️。我哋當然要學習等待。經過等待，朱古力終於到了☺️，嗰啲棉花糖 🍭超引人，半熔朱古力同棉花糖係必勝嘅組合 （除非你係唔鍾意食朱古力同甜品🤤😏），我同朋友只有爭食😂😂 。2. 伯爵茶戚風蛋糕🍰🤗其實我係第一次食伯爵茶蛋糕，我對Earl Grey 無特別愛好 🤪🤪，所以唔識評。蛋糕嘅茶味香，唔甜 又鬆軟 🙂☺️🙂。我覺得唔錯 👍👍食完我係cafe 影下相 📸，公仔好可愛又自癒☺️😚😙我覺得呢度係輕鬆hea 下好去處 😙🐌。…Read More

上一次來，原來已經係三年前的事喇！嗰時個high tea有伯爵茶戚風蛋糕。今次就無喇，但有西瓜蛋糕喎今個夏天係限量版西瓜玫瑰蛋糕，以水果為主題。三點食到六點，HKD208一位，已包加一同飲品。我地一行5人殺上去，要訂左先有得食𠺢首先講下五款鹹點1. 啤梨蟹肉伴鳯尾蝦好清新丫本身白蘑菇就脆口的，再加上爽甜的蝦。又有蟹肉醬係中間，啤梨清甜。口感好豐富丫2. 牛油果木瓜煙三文魚千層脆餅(右)個醬好creamy, 本來三文魚同牛油果就好夾。加上木瓜都無破壞到佢地的和諧。加埋脆餅，配搭得宜丫3. 玉米卷釀芝果煙肉燉飯（左前）呢個比較乾，而且食唔到煙肉味。如果可以增加濕潤感就好喇！4. 西班牙雜果凍湯（左後）好似食到西芹味，但食唔出有咩水果。呢個係食晒所有鹹點先飲的，一般般。5. 烤鴨胸配西瓜肝醬個鴨胸唔係我地買到嗰啲pre-pack左嗰種，係廚師用鹽水唔知腌左幾耐，等啲鴨肉鬆軟啲煮成的再加埋個甜甜地的醬，真係好好食丫。食完鴨肉再食返嚿西瓜解下油膩食完鹹點就開始甜點，有6款咁多丫1. 藍蝶花薑汁天使蛋糕 （上）細細件，啲cream入面食到薑絲。淡淡的薑味，好香，好特別2. 自家玫瑰醬無花果鬆餅 (中)無影個玫瑰醬太甜喇。個scone就無咩特別。3. 熱情果檸檬迷你撻(前)個醬好稠，不過酸左少少。4. 紅莓荔枝軟慕絲(左後)最上面個焦糖脆脆好好食仲有啲nuts係度。粉紅色啲慕絲有啲甜，中間有啲好似燕麥的野。下面白色的cream定慕絲加埋啲藍莓都幾好味5. 士多啤梨櫻花撻(右後)個人唔like豆蓉類的野，佢個撻的面頭就係豆蓉質地的。入面有粒完整的士多啤梨，唔算甜，不過都ok。撻底都鬆脆的。6. 西瓜玫瑰蛋糕食到好重玫瑰味。啲cream好滑。但上下嗰兩層蛋糕好甜，好似浸濕左的texture。不過咁多層夾埋一齊食，都係好好味的由於無左伯爵茶戚風蛋糕係個set入面，我地要order埋先滿丫佢好重茶味，好軟熟期待下次的high tea set…Read More