Lao Zhang Gui Dongbei Restaurant (OP Mall)

今次同屋企人再黎食呢間，有室內同室外位置，環境都幾嘈講嘢要好大聲😂記得要預先預約，呢到嘅食物都算大份～🔸 北京填鴨（HK$168/半隻）上枱個陣啲皮仲係暖暖地，鴨肉都幾瘦，可以包住青瓜蔥絲同甜醬食，呢個價錢算係咁😎🔸京燒羊肉（HK$138）口感都香脆，有少少嘅羊騷味，鍾意食羊嘅朋友先好叫啊🤪🔸黃金南瓜（HK$84）​南瓜好淋身，鹹蛋黃味好濃郁，又脆又淋嘅感覺都幾搞笑🎃🔸螞蟻上樹（HK$76）粉絲炒得幾惹味，份量都幾多，食落少少微辣～…Read More

今日嚟荃灣行街，發覺而家嚟荃灣方便咗，除左屯馬線開通左，好多幾個大型商場都連接天橋，三五分鐘就可以到達，真係好方便！今次嚟到海之戀商場搵食，揀左呢間人氣東北菜老掌櫃由於當日係同家人吃飯預早訂位，店家安排海景位置坐，非常舒適，一睇就知佢幾受歡迎啦，晚市如果冇book位起碼要等半個鐘🤣素三鮮 $48北京餃子🥟個皮會比較南方餃子厚身，因為北方天氣較凍要食飽d暖身，食落口個口感好煙韌，肉汁飽滿，份量都幾多幾抵食！京燒羊肉 $138羊肉個皮炸到好香脆，再加咗好多胡椒粉和特製辣粉去減低羊肉既羊騷味，好惹味，唔食羊嘅朋友都可以試吓！唔算好騷！四喜烤麩 $68呢個都係北京菜裏面必點嘅小食，不過個人覺得個味道偏淡口，不過真係好大碟！係同一個小菜嘅大細一樣！最後都係食唔晒🥲糖醋桂花魚 $268桂花魚炸到好脆，配埋個酸酸甜甜嘅糖醋汁好開胃好入味，略嫌個醬汁太酸，但係個魚係幾新鮮，其實咪即係松子魚囉！不過桂花魚就冇咁多骨嘅💕唔錯北京填鴨半隻 $168呢個係佢嘅招牌菜式，因為聽聞佢好快就賣晒，我哋喺訂位嘅時候已經預留咗，但係來到有少少失望，因為個鴨肉呢唔係好肥美，比較乾身…北京填鴨嘅靈魂係佢個鴨皮，但係你見到佢個皮嘅份量係好少，係靠佢嗰個鴨醬去吊味先覺得好食…但係份量係比起其他店鋪係多好多嘅！只能夠講話係抵食囉，但係唔算話好好食！整體來講我覺得佢係大件夾抵食嘅！適合一班人嚟食，如果兩個人嚟食可能叫兩個菜式已經飽咗，但係質量就真係一般般….只能夠講呢間係平民版嘅北京菜館，如果要追求高要求好食既可能未必岩…Read More

餐廳有三間分店，其中大角咀更入圍成熱店，而荃灣分店評價則最多，雖然當中不乏負評，但我地仍然決定一試。餐廳分時段入座，我揀左18：00，另外，餐廳限時90分鐘，即使如此，當晚仍然有大排捧場客；自己唔好彩，被安排到壞冷氣嘅位置，冷氣直吹，而且好大風好凍，附近幾枱客人要求熄細都熄唔到，唯有自己食完拿拿臨走人。😔半隻燒鴨 $168人齊後，職員就會送上枱。價錢包括潤皮、青瓜、京蔥、甜醬。 建議大家拿拿臨食左佢， 因為潤皮無蓋冚住，濕氣走得好快而變乾變硬😵 燒鴨皮仲脆，肉質亦唔鞋，潤皮包住嚟食，味道正正常常。不過，如果單食嘅話，就會食得出少少鴨騷味，所以唔建議單食。肉三鮮 $50(十隻)自己係餃子愛好者，所以點左個韭菜、豬肉、蝦仁做餡嘅肉三鮮餃子。餃皮係北方做法，皮厚帶點韌性，內餡有肉汁、唔油膩、韭菜好香。京燒羊肉 $138見到唔少人推介呢個羊肉，而且第一次見呢個菜式，當然要試。羊肉入口比聞落羶，但可以接受；羊肉唔會好肥，算係啖啖肉；肉質幾淋，不過我唔中意佢個調味料味。農家炒飯 $76亦係一個多人推介嘅炒飯，材料有白烚三色豆、無蝦味嘅蝦仁、完全唔襯嘅蕃茄粒、爽爽地嘅雲耳、無乜存在感嘅菜仔。個飯入口係豉油炒飯撈三色豆嘅味，完全無鑊氣，配料同米飯獨立存在。🤔唯一優點係個飯唔油，算係少油食品。🙉茶錢每位$5，無加一服務費，所以呢度無服務可言；只收現金。食物質素認真麻麻，飽肚但稱唔上好味；座位、環境亦麻麻(唯一坐窗邊望到海會好d)。荃灣有更多比佢好味嘅餐廳，價位相約嘅都有唔少選擇，完全唔明點解可以有咁多人讚好?! 🤔當晚唔止全院滿座，外面仲有好多人等位。😵…Read More

北京填鴨 半隻（$168），有12塊餅皮，京蔥青瓜，甜醬。比預期中好味道，份量都足夠。鴨皮是脆的，而且仲係熱，有驚喜。另外係我喜歡的類型，有皮有肉，鴨肉尚算嫩。京燒羊肉（$128），保持水準，外脆內嫩，有肉汁，夠惹味。水餃 白菜豬肉（$42），有10隻，合格之作。呢間餐廳啲食物質素唔錯，而且價格合理，回頭率高。PS：自己 scan QR code 落單，但片皮鴨就要同職員講。PPS：$4@茶錢，冇加一，只收現金。…Read More

京燒羊肉（$128），望落以為烤得好乾身，但食落恰到好處，外面脆脆，中間仍軟淋兼且有些少肉汁。香料味有但可以再多少少，羊騷味有但我接受到（有羊騷味咁先似食緊羊）。提供嘅醬汁幾夾，點嚟一齊食，味道提升。份量合理，價錢合理，味道不錯，抵食。宮保蝦仁（$78），太耐冇食過宮保明蝦，見到有蝦仁，照殺。上枱時嚇咗一嚇，咁多辣椒嘅，以為一定辣到死，好在得個樣，得好少好少辣。至於味道就比較普普通通。秘製牛犇麵（$46），湯底清唔油膩，有牛味但唔算濃郁。牛份量不少，而且唔嚡有彈性又唔痴牙。麵底份量亦多，夠哂飽肚。性價比高。水餃 肉三鮮（$44），有10隻，餡料有豬肉、韭菜、蝦仁。餃皮適中，唔太厚，味道正常。冇加一，茶錢$4@。只收現金。…Read More

最近荃灣西的海之戀商場愈做愈旺，特別是donki的全球首家迴轉壽司店在此開幕🍙引來大批狂迷排隊嚐鮮，但今天不是來吃壽司，而是來吃片皮鴨的🦆壽司留待晚些時刻熱潮稍過才試吧。 在商場左轉右轉才在donki旁邊找到紅噹噹的老掌櫃❤餐廳飽覽藍巴勒海峽的美景，單是這片景已經值回票價。從店名可知主打東北菜，特色就是量大用料廣泛，更以火喉足而滋味濃郁的各式大雜燴般的燉菜聞名🏞 .餐廳用qr code落單📲非常方便，不過不是很多菜式有圖片顯示，比較浪費了系統的功能和有點失望。 🦆北京填鴨 (半) $168 8/10從不少朋友口中得知，假如在晚市想吃片皮鴨一定要預訂，在午市就幸好沒有那麼搶手。甜麵醬、青瓜、大蔥和餅皮先於片皮鴨到達，不其然產生期待感。片皮鴨緊接著上菜，份量不錯，但老實說肉多於皮是有點失望😋不過吃下去有點反轉，因為肉的鴨油香也很充足，上面的小塊皮也有香脆，温熱的餅皮適當的減少了油膩感，下次先預訂的話可能會有更好的部份😝 🍝東北大拉皮 $72 7.5/10原來就是東北特色粉皮，有青瓜絲、紅蘿蔔絲、豆芽菜、青椒和肉絲，加上麻醬更順滑，口感勁柔爽口，味道鮮美😌 🥘東北亂燉 $88 6.5/10真的是菜如其名，有豆角、豬肉、薯仔、紅蘿蔔、茄子和粟米依次入鍋，先炒后炖烹制而成。選用了豬軟骨部份，軟爛的肉質配合有點咬口的骨頭，味道偏淡，可能因為蔬菜較清淡😪 🐑京燒羊肉 $128 8/10初次品嚐這道少見菜式，上檯時色澤金黃，有外酥里嫩，羊肉軟爛。原來這道羊腩先經過長時間煨肉，令肉質和味道去腥而有獨特羶味🤗 🥖高力豆沙 $12/件 7/10灑上了砂糖，仿似麵包的外表，雖然是油炸品卻不油膩，裏面的豆沙有濃厚味道。…Read More

網上食評有讚有彈，因為鐘意食羊，最後也決定一試；來之前已有心理準備，服務質素應該在水平以下。果然，沒有期望便沒有失望。🤭餐廳使用手機落單，對一些不太懂智能電話或有老花的人士，真是想食餐飯也有難度；千萬不要期望店員會主動幫你落單。如果不想食了一肚氣，最好選另一間。還有別以為他們用手機落單就是高端食肆，結帳只收現金💸，人多進餐前最好先確保有充夠現鈔。格局是大排檔式，一壺溫茶水收每位四元茶錢。通道雖然闊，但坐位有點迫。如果剛行完商場，買了一袋二袋，人多時段，應該要全程放在大腿上進餐。由於在網上見到一些食評批評北京填鴨涼了，小炒多味精，雲吞雞不夠淋。所以只專攻即叫即煮和涼菜。羊肉外層脆脆，肉質口感算嫩，皮下脂肪不算多。當然和另一間京川滬集團的京燒羊腩比有一點距離，但這個價錢有此級數已是物有所值。煎得不算油膩，食落有羊肉羶味。餡料食不出有京葱味，調味料落得也不算多。與荃昌另一排隊餃子店相比，那兒的煎餃子太多油但肉汁多味濃，這兒的肉汁就少了一點，全隻純羊肉口感。評分應該有3.5星，可惜開飯平台不容許半星評價😏。上碟第一個感覺是大大碟，青瓜新鮮無苦澀味，蒜蓉也多，如果醋味再濃一點更好。這兒的海蜇頭和大部份餐廳供應一樣，浸得不夠耐，表層有味，內層就淡淡的🙃。如果只以食物和價錢而言，整體分數可以比好評；但加上服務和衛生，整體評分便有所遜色。樓上也算是中高價住宅，有海景有露台；但不知為何商場有不少餐廳也算平民化。這一間一定是平民化表表者；由裝修，服務，價錢也非常貼地，絕對是一間出色的大排檔。😛…Read More

嚟到荃灣分店嘅老掌櫃食東北菜，餐廳環境好寬敞，有分室內同室外用餐，可以一邊欣賞大海景品嚐東北美食😍🔸北京填鴨(半隻HK$168)前一日打嚟訂位時，已經預留左。4人食半隻都足夠，總共有12塊餅皮，平均每人都食到3塊㗎啦。餅皮厚薄適中，唔會一包就爛。燒鴨方面皮脆，肉質就較瘦(如果鍾意食肥肉嘅就可能唔太滿足啦🤣)，仲有配上北京甜醬同青瓜等配料～🔸雞絲粉皮 (HK$58)粉皮份量頗多，雞絲同青瓜就相對較少，食到最後就剩返粉皮。配上麻醬甜甜凍凍，好清新🌞🔸京燒羊肉 (HK$128)以烤製形式烹調嘅羊肉，食落都會有少許羊味，但唔係難聞嘅騷味，平時唔多愛羊嘅朋友都可以一試🐏🔸酸菜魚(龍利柳) (HK$98)另外可以選擇其他魚類，價錢相對就較高。內有幾多嘅酸菜同紅薯粉，龍利柳份量適中，但味道就偏鹹啲，建議可以配白飯食呢🐟🔸麻辣冷面 (HK$58)面上有肉絲同青瓜，撈埋麻辣醬，凍冰冰好fresh，少辣嘅程度🌶️🔸東北農家炒飯 (HK$68)有粟米、青豆、紅蘿蔔同蝦仁嘅炒飯，味道唔會太重口味，鑊氣適中🍚環境：⭐ ⭐ ⭐⭐⭐味道：⭐ ⭐ ⭐打卡：⭐ ⭐ ⭐服務：⭐ ⭐ ⭐回頭率：⭐ ⭐ ⭐ ⭐…Read More

今日同朋友一路諗想食咩，一路行海之戀睇下有咩食，突然發現有北京填鴨，朋友話想食好耐，咁就去試試佢～見到裏面都好多人，本來以為要等好耐，但係個侍應問我哋坐唔坐出邊，咁我哋梗係坐啦，可以即時入去喎，仲要有海景睇，正👍🏾我地諗住豪食一餐，兩個人叫左半份北京填鴨，再加兩個餸，一個麪（食物係我地生存既動力😂）半份北京填鴨都幾大份，$168睇落好似有少少貴，但係份量大，性價比係ok，鴨幾大舊肉，加埋青瓜同蔥，甜醬包埋一齊，好啖啖肉得來，又幾爽口😋我鍾意食羊，特別揀左依個，有一層簿簿既皮，有少少孜然味，羊食落好香（唔係蘇味），食多幾舊有少少膩，但係好好食😋烤麩係我好鍾意食既，除左烤麩，甘筍同木耳都好好食，好入味，只係價錢貴左少少依個麪係網上推介，其實都覺得會好飽，不過都試埋啦（豪食嘛），一試就有驚喜，牛腩係超級超級淋，同埋好入味，湯底係好有牛腩味，麪質都好爽口，好抵好抵同埋好好食啊👍🏾👍🏾😋食完仲有優惠劵，下次會再來食😆…Read More

尋日同老公一齊行街，老公話肚餓又想睇下附近有冇啲新嘢可以試，咁啱見到有一間食東北菜，於是就入咗去食飯。入到裡面竟然發現有海景位，可以一邊食飯一邊吹住海風真係超正。…Read More

去荃灣Don Don Donki朝聖發現隔離有間東北菜，$138半隻片皮鴨，好吸引。但8點半仲要等位，排到我既時候已經無晒......唯有食其他京燒羊肉$128，一路玩手機一路等食，突然聞到好香，孜然粉同羊味，抬高頭見到侍應拎住碟野，仲有一步先到我張枱。阿姐一放低，我即夾，點知好熱，大家唔好學我甘心急。塊肉好有層次面層脆 ，中間勁有羊味（我唔怕羶的）仲有層脂肪溶化出黎，好好味呀！我鐘意煎京蔥羊肉餃子$51賣相扣晒分，完全無排列過，塊皮又唔方薄甘，睇到都唔係好想夾。不過咬一啖後，發現多汁到好似食緊小籠包咁，好驚喜，我都忍唔住要影低佢，而且好有羊味紅油炒手$48，紅油呢？？哈哈，一啲都唔紅既，開頭仲諗緊叫唔叫，怕會好辣，點知一啲都唔辣，只有甜豉油味，我建議大家叫其他餸最後，有糖水送，蛋花桂花丸子，普普通通啦，送既算唔錯…Read More