King's Delicacy (Hong Kong Pacific Centre)

同朋友一行六人聚會， 想食片皮鴨搜索後搵到呢一間，comment 唔錯，就試吓，不過冇評語寫得咁好，有點失望，冇乜特別唔會再去1. 片皮鴨一隻，隻鴨好食，被夠脆👍但未見過咁細隻鴨，包住食嗰啲配菜，雖然有9小碟，但一睇就知唔夠，食完後問侍應可唔可以加，竟然話要加錢👎2. 小籠包 ， 皮薄好食👍3.拼盤4小碟，好一般味道麻麻4. 松鼠黃魚，未見過咁細條，你覺得揸得唔趣？👎5. 炸蠔，正常 😐6.高力豆沙，揸完都係扁扁，好厚，好一般 😐7. 玫瑰豆沙鍋餅8.酒釀丸子， 正常 😐冇乜特別唔會再去…查看更多

食西餐嚟嚟去去都係果d 嘢，朋友想食中菜就搵咗呢間，整體都算唔錯。🌱外婆紅燒肉: 件件都係啖啖肉，望落去好似好硬咁，食落去原來都幾軟腍😌頂層望落去係肥膏但食落去又唔會太過油膩。味道係甜甜哋，有少少似糖醋骨。至於隻蛋就好入味🌱松鼠黃魚: 呢道菜幾開胃，味道偏酸，條魚炸得香脆，不過就有少少過熟，魚肉就冇咁滑溜🌱招牌小籠包: 皮薄餡靚，咬落去爆汁，一d 都唔會乾👍🏻🌱京滬香酥烤鴨: 見到枱枱都有一碟，所以都叫咗一碟。唔好以為好少，其實係一隻嚟！皮肉係分離，唔似平時食果d 痴埋一齊！塊皮的而且確係好脆同薄，但好油，小妹食咗一件就濟住咗喇…配料款式係幾多但都係最傳統嘅京蔥係最夾，不過畀得太少。其次就係配蜜瓜，呢個組合食落就冇咁油膩🌱高力豆沙(4件): 麵團好軟糯，甜度適中，又夠新鮮👍🏻👉🏻溫馨提示：呢個場好啱慶生同一大班人聚餐，唔限時，生日嘅話佢又會播生日歌🤣全晚每隔一陣就會聽到👍🏻…查看更多

早前同閨蜜們聚餐 大家一致通過話要食上海嘢 就去左位於尖沙咀嘅《京滬佳餚 》其實之前我哋都試過銅鑼灣分店 覺得整體各方面都好好 😌 所以對尖沙咀分店都抱有期望… 可惜...適逢6月30號之前烤鴨每隻$208 呢個價位 可以食到成隻 其實CP值真係好高！1. 京滬香酥烤鴨 - 皮脆肉嫩 熱辣辣、厚薄適中嘅薄餅皮 配以不同嘅佐料：砂糖，青瓜，蜜瓜，大葱，山楂條，海鮮醬等👍👍👍 真心好味😋 2. 招牌小籠包 (6隻）- 果然係皮薄餡靚兼爆汁 👍3. 煎蠔餅 - 有啲失色 主要原因就係太濕 唔夠乾身 粉漿亦比較多… 😥 4. 松鼠黃魚 - 本座對魚好有要求 呢條黃魚真心唔合格 👎👎👎 見到條魚嘅擺款 以為好出色 點知… 條魚炸得過晒火 炸粉十分厚 基本上淨係食到炸粉😡 個汁嘅味道又好酸 一句到尾 就係唔好味 👎👎👎👎 5. 海皇雜菜煲 - 點個菜都係諗住清清地 均衡飲食呀嘛 但係… 咸到黐線😖😖😖 不了 不了……除咗烤鴨同小籠包 可以一試之外…… 但其他菜式 唔會特別推薦😅 …查看更多

今晚一家人聚一聚，揀咗尖沙咀京滬佳餚，即係以前太湖嗰個位。行入去都覺得金碧輝煌，但係始終都係樓底夠矮，但係都舒服。1）京滬香酥烤鴨（例/8款配料）- $428上枱嗰刻已經吸引住大家嘅眼球，平時片皮鴨只有兩三種配料，但今次有八種（山楂條、青瓜條、心內美條、蒜蓉、砂糖、蜜瓜、大蔥和叉燒醬）已經贏晒，鴨皮片得好薄，味又甘香，而鴨肉相當Juicy，正因片晒啲鴨肉，所以只有一食。但呢一個例牌都已經連買20片薄餅皮，所以再多兩三個人都夠食。2）蔥油海蜇頭 -$98呢個前菜就比較細，用好多水果蘿蔔（cherry radish)墊底，海蜇頭就比較少，味道酸甜。3）爆汁牛肉煎餅 -$58兩件分量較細，但勝在肉汁香濃，唔多夠喉4）松鼠王魚 -$228份量四個人食都有多，條魚size都好大，炸得香脆，配汁食都好開胃，好味。5）煎鍋貼呢個就唔好講啦！一客有三隻，其中一隻啲豬肉居然煮唔熟，最後cancel咗6）玫瑰豆沙鍋餅-$52個 presentation 好靚，又好味，冇得輸7）酒釀小丸子 - $38酒釀丸子味道本應正正常常，誰不知放咗一夠金柑落去，成個味道即刻吊起左。總括而言，食物唔算平，但勝在都幾好味，片皮鴨就一定贏咗好多的片皮鴨酒家。琴晚其中有一台有人生日，酒樓即刻播出生日歌，全間酒樓都感受到生日慶祝的氣氛，都算係咁。…查看更多

為左慶祝尖沙咀既新分店盛大開業，除左原隻烤鴨會做半價優惠外，仲推左出一個勁抵食只限尖沙咀分店既京滬香酥烤鴨午市套餐 🦆4位都只係$468就可以享有九道菜，仲要有埋半隻既片皮鴨，抵食到呢！真係包你食到捧住個肚走啊😋🤰🏻-🌟京滬香酥烤鴨午市套餐 $468🎈招牌小籠包滿滿的肉汁但略嫌個皮唔夠薄，再薄啲就perfect😚-🎈魚子醬燒賣裡面蝦肉爽口，加入了魚子醬感覺就是很高級😌-🎈芝士脆蝦卷打卡一流絕對需要叫喔，看起來就是雪茄造型的嘻～吃起上來香脆，而裡面就是芝士加蝦肉😋脆卜卜個人都幾鍾意食🫶🏻-🎈京滬香蔥煎餅食落唔會太油膩，而香蔥味十足！-🎈花雕醉雞花雕味濃而雞肉亦好滑，略嫌有點太凍～-🎈家常紅燒豆腐好惹味！估唔到小菜都咁有驚喜～除左豆腐外，仲有雲耳冬菇竹筍等😎-🎈魚湯鮮腐竹浸時蔬正常發揮，加入了鮮腐竹令到整個魚湯更鮮甜！-🎈京滬擔擔麵 (4位)原來係每人一碗，份量真的太多了吧🤭🤭味道濃郁，花生醬味道恰好，帶有少許麻香感～如果可以再辣啲就更好了😌-🎈京滬香酥烤鴨 (半例)片皮鴨係最後先上，好彩之前冇狂食有留返啲quota享受最愛的片皮鴨🥰幾欣賞這裡都是皮肉分離🤭片得薄身得黎又好酥脆，充滿油香！同埋呢度有足足六款既醬料可以配搭，分別有香蔥、青瓜、蒜蓉、砂糖、紅菜頭及烤鴨醬汁，令到整個味道更有層次💫題外話是這裡的店員都好貼心，有用蠟燭坐熱住成盤既片皮鴨，熱食真係特別好食🔥-🎈楊枝甘露伴雪糕 +$24必點！完全係睇得又食得😌😍就連隔離枱見到都忍唔住跟我地叫返個就知啦😆清甜解膩，仲配搭埋芒果雪糕冰涼十足！-🎈高力豆沙 (4件) +$29正所謂對女仔黎講甜品係第二個胃😳🤭儘管食到幾飽都必定要食埋高力豆沙😍新鮮熱辣即叫即整❤️食落幾有空氣感，裡面就有豆沙蓉配搭著～不過就有少少油膩🥹-🔸京滬佳餚📍尖沙咀漢口道28號亞太中心地庫B號舖…查看更多