Dynasty Cove (Closed)

朋友介紹呢間私房菜中菜館，menu 選擇唔算太多但每項都好有特色。澳洲龍蝦麻婆豆腐-一上枱有被驚艷到！澳龍大大隻，就咁睇以為豆腐好多冇咩龍蝦肉食但不是！每一羹都有龍蝦肉！-龍蝦好鮮甜，就算個汁係麻婆豆腐咁濃郁但都食到澳龍的鮮味。-麻婆豆腐完全唔會過辣，會食到有辣味但唔會過火。豆腐好綿綿好滑。柚子脆蝦球-蝦球用左海蝦，十分鮮甜。size 比坊間的蝦球大隻。-有8-10隻，爽口彈牙。柚子作輕輕調味更顯清新五香雞卷-心機之作，雞肉mix 左香葱，雞味好出滿滿的蛋白質感-外皮係腐皮卷，炸後酥脆，沾上香甜醬食到停唔到口！馬蹄爽-自家製，非常滑溜。-馬蹄清甜解暑，十分香甜。…Read More

大坑靜中帶旺，行過去嗰陣真係覺得幾舒服。今日約咗朋友食私房中菜，平時諗起大坑都係西式cafe多，今日就試下中菜🥢鮑參翅肚、蝦蟹海鮮乜都有！黃金椒鹽豆腐 $88————————————外層勁酥脆，椒鹽味重，剛剛好唔會太鹹，入面豆腐入口即溶，完全忍唔住口食完再食🫣青檸檬焗肉排 $198————————————外層充滿蜜汁，酸酸甜甜非常好入口，令到肉排有好清新嘅感覺，唔會食一兩嚿就覺得好膩。可能因為係焗，肉汁都鎖得滿滿🍋五香雞卷 $108————————————好特別嘅一道菜，以脆腐皮包住，肉碎炒得好香，需要名係雞卷，其實係用豬肉做餡🤣豬肉肥瘦相間，口感很好。福建海鮮炒麵線 $188————————————符合大眾口味嘅面線，有豉油嘅香氣，個人鍾意食辣，加埋辣椒油，正！下次再嚟食海鮮😋…Read More

睿海御宴係一間新派私房菜，之前聽親友話哩度好食，所以今年做冬就揀左哩度。佢地嘅店面唔算大，分左幾張四人枱，大約坐倒三十人倒。佢地嘅小菜都好多款，價錢就同其他新派茶樓差唔多，茗茶$20/位。前菜($25) - 係師傅自己炒嘅蜜糖合桃，甜甜地好香脆。五香雞卷($88) - 雞卷比想像中大碟，雞肉餡外面以炸腐皮包住，中間再加左啲蔬菜令口感更豐富，食時可以蘸甜酸醬食，味道都唔錯。黑松露蝦仁牛乳炒滑蛋($168) - 炒蛋好重黑松露味，質地比較水潤好嫩滑，中間仲有四隻大蝦，非常新鮮爽口。青檸焗豚肉排($168) - 肉排好嫩腍，帶少少青檸酸味，幾清新開胃。老乾媽海鮮炒飯($228) - 炒飯好夠鑊氣，夠乾身又唔會太油，入面仲加左啲帶子、芥蘭同豆豉落去炒，所以食落去鹹鹹香香咁好惹味。埋單仲有糖水送，係紫米露，唔會太甜，食完好滿足。總結，每一道菜式都好有水準，侍應亦會適時換碟，見我地食得慢，就減慢出菜進度，雖然位置吊腳左啲，不過每一方面都令人滿意。…Read More

基本上我哋每家每戶都成日食中菜，不過作為廣東人嘅我哋就好少食福建菜。咁大個女第一次食姜武鴨🦆，絕對比佢驚艶咗，估唔到煮咗咁耐嘅鴨肉依然可以咁嫩滑🤤！.先嚟俾個前菜我哋食，琥珀合桃香口。.📍五香雞卷（$88）雞卷酥脆中間餡料軟綿，一碟有十幾件，點埋辣醬同酸蘿蔔就更加好食😋。.📍青檸焗同豚肉排（$168）肉排炸過食落香脆但唔油膩，外層有青檸蜜糖醬汁包裹🍯，肉質軟嫰，口感外脆內軟酸酸甜甜好惹味🍖。.📍福建牛肉羹（$68/位）呢個福建牛肉羹經過廚師嘅改良🐃，將免治牛肉轉為超級嫩滑嘅牛肉片，牛肉份量非常多好慷慨🤤。牛肉羹味道溫和舒服😌，係一款特色嘅福建菜🥰👍🏻。.📍福建海鮮炒麵線（$188）蠔仔細細粒但粒粒飽滿又鮮嫩🦪，麵線幼身炆得入味，加上爽口嘅蘿蔔絲🥕、冬菇🍄同豬肉絲🐖一齊煮，口感豐富，味道唔錯。.📍薑母鴨薑母鴨對福建人來講絕對係家傳戶曉嘅菜式👅，天氣凍食返個暖笠笠嘅薑母鴨有驅寒嘅作用🔥。難得係鴨肉煮咗咁耐都又腍又入味😍，味道豐富🤤，令人有眼前一亮嘅感覺，不蓋係以前嘅宮廷菜式。.📍紅棗雪梨雪耳桃膠呢個甜品味道比較淡，略為甜味不足👉🏻👈🏻，有待改進。…Read More