蛇王海

一年淨係做八個月，由9月到4月，碰巧我路過走入去食先知原來今年淨係做到4月6號，真好彩！鋪鋪頭好街坊，幾張折枱，不過每個客走都認真清潔，所以感覺好衛生。誠意出品，雖然已經完全唔凍，4月突然想食蛇羹，發覺卜脆同檸檬葉任你自己加，所以我食到一半又可以有脆卜卜既卜脆，好開心。蛇羹足料，味道非常好！雞髀飯交足貨，飯係另上既，雞好多菜墊底，配咖哩或薑蔥你自己揀。其實老闆推介羊煲，可惜我唔食羊。佢都有話依家濕氣重應該飲龜苓湯，不過我心有所屬，所以只有下次啦。…Read More

大隻仔今次覓食嘅店舖就係💥 蛇王海 💥 秋風起，三蛇肥，大隻仔今日去食蛇羹。大隻仔好怕舊式蛇店有好多活生生嘅蛇喺店裏面，成日都驚食食吓會有條蛇走出嚟。😂😂今次介紹呢間餐廳「蛇王海」，店舖係冇活蛇，餐廳格局似一般雲吞麵舖。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 皇牌蛇套餐 $88五蛇羹+五蛇湯+單腸糯米飯（臘腸/潤腸）🔥 五蛇羹蛇羹味道十分濃郁，有少少陳皮味，配料亦多，有蛇肉、雞肉、冬菇絲、木耳絲，可以加檸檬葉絲提味，或加入薄脆脆增加口感。總結：蛇肉有少少柴，味道香濃，好味，食完會有少少口乾。🔥 五蛇湯蛇湯胡椒味好重，有黨參，薑既味道，味濃而順喉，不會死咸。🔥 臘腸糯米飯可能食完蛇羹後先食糯米飯既關係，糯米飯食第一啖覺得味淡，但越食越夠味，而且越食越香，臘味油香出晒嚟，花生夠脆，臘腸好肥好香，食完滿口油香。總結：糯米飯配料極少，飯粒帶少少濕，臘腸好食。…Read More

今年嘅冬天特別凍，所以一於去食蛇羹，呢間老鋪在西區屹立多年，貨真價實，個套餐好抵食，大部份嘅客人都係叫呢個套餐五蛇羹：滿滿嘅蛇肉無用肉絲溝，我對脆片興趣唔大，但我會落好多好多檸檬葉，真係好香五蛇湯：好濃嘅胡椒同埋當歸味，我好鍾意，未飲完已經覺得成身暖哂潤腸糯米飯：我比較鍾意食潤腸，呢間潤腸雖然唔夠香，但其實都唔差，而且仲脆皮。糯米飯就一般啦，可能那天水落多咗比較濕，但都真係唔錯，唔係睇佢細細碗，都好夠飽㗎未食完個餐已經覺得暖粒粒，呢個價錢有這水準真係無得投訴…Read More