Da Hong Pao hotpot

平時去尖沙咀分店，朋友們最鍾意食佢個「金屋藏嬌」湯底😆早排網上見到有人食椰子雞煲好似唔錯，呢一日去咗試❤️今次去荃灣分店都幾大間，空間感十足，檯與檯之間又唔迫，我哋安排咗坐卡位，坐得非常舒適！一開始例牌撈個醬先～呢間有蔥頭油 ！我鍾意加呢個😍夠晒香叫咗呢啲食：#五指毛桃椰子雞湯 $198有半隻雞同兩個大椰青，湯底有椰子肉、紅棗、淮山、杞子，湯底清甜👍#極級本地手切肥牛 例牌 $338就咁望個碟牛都知正，雪花靚到犯規😍涮一陣就食得，牛味濃郁！#芝士墨魚丸 拼 #梅菜豬肉丸 $108墨魚非常彈牙，入面重芝士❤️我每次見到打邊爐有梅菜豬肉丸味都會點！！呢間個梅菜味好香好突出👍👍#招牌黑松露蟹餃 半份 $54一咬開黑松露香氣爆棚，入面塞滿蟹肉，真材實料#冰鎮鮑片 $70見到俾咗刺身豉油，就想叫刺身類嘅嘢😌叫咗呢個做頭盤～另外仲叫咗#皇帝菜 $45 #竹蔗水 $40/瓶#汽水 $19身份證上含有 1，5，7，9 四個字其中一個或以上即享有以下優惠： - 1個字9折 - 2個字85折 - 3個字8折 - 4個字75折（不計算重複及身份證括號內號碼；優惠不可與其他優惠/折扣及現金券同時使用）呢間間唔中都會食，荃灣分店坐得幾舒服，下次可以encore！！…Read More

🧨𡃁妹鐘意打邊爐，熊妹今日就揀左間佢屋企附近，歷史悠久的《大紅袍》打個靚料邊爐！📌荃灣百悅坊成棟都係食肆，係荃新天地對面，位置都好易揾。📌荃灣店的《大紅袍》個場超大，裝修帶有宮庭感覺，好有設計。大圓枱可以圍爐取爐，有方型枱適合少人邊爐。📌唔係放題形式，多款火鍋材料選擇，仲有小食同刺身。五指毛桃椰子雞湯（半隻），$198而家上了年紀，都會選擇或者不抗拒養生食品。濃味的麻辣、沙爹湯底都唔敢試了，點選了補身的椰子雞湯半隻。半隻雞，兩大個椰青，本身湯底已放入好多椰子肉，紅棗等等養生食材，非常足料。先將半隻雞隊落湯鍋，再加入兩殼椰子水，大火不斷滾呀滾，湯底濃到飲一啖，簡直係雞精精華，所以話，係揀中養身之選。大紅袍牛肉三拼，$368三拼有手切肥牛，安格斯牛頸脊同封門柳，全部都係牛肉的頂級位置。當中，一定係安格斯牛完勝！淥一淥，脂肪位融化，入口即融又嫩滑，食吞出價值不菲。招牌三拼餃，$138有招牌黑松露肉蟹餃，雙籽鮮蝦雲吞，韭菜餃，各三粒。自家製餃子大大粒，真材實料漲卜卜。其中黑松露餃黑松露味都算出，鮮蝦雲吞好彈牙，韭菜餃打邊爐最合適。鬼馬蝦膠，$75幾特別，係油炸鬼包蝦膠，碌一陣，仲保持到少少油炸鬼的脆口，蝦膠彈牙，索啲醬汁好惹味。皇帝菜，$45份量好大盆，好新鮮，打邊爐再食濃味的菜更出椰子雞湯湯底味道。酸梅湯，$40醬油，$15/位餐前小食，$20📌原來仲做緊優惠，身份證上含有 1，5，7，9 四個字其中一個或以上，（不計算重複及身份證括號內號碼），即享有：       - 1個字9折       - 2個字85折       - 3個字8折       - 4個字75折（星期日、公衆假期及節日不適用）今時今日，係香港地出街食飯有折頭真係好優惠。📌唔係任食，材料上乘，特別湯底足料夠濃郁，真係好似飲煲雞湯咁，感覺婇補身，好難得打邊爐唔係感覺熱氣😜，可以再來試其他湯底。…Read More

話說舊同事喜歡火鍋，即使佢痛風都唔戒口個種呢。佢搵我一起食依間，真係幾正的。食材高質，湯底好清，又幾正。五指毛桃椰子雞湯湯底用左椰青水、鮮淮山和五指毛桃，味道清甜，未食前先飲碗湯好正。仲有半隻雞份量十足，令湯更鮮美。招牌三拼餃 $138三款餃樣樣都好味，餃皮薄身，餡料十足。黑松露蟹肉餃松露味突出，加上蟹肉絲絲好鮮味。鮮蝦雲吞餃蝦肉爽口彈牙，鮮香美味。韭菜餃菜味香甜，啖啖豬肉好正。手打四寶丸 $98丸物都好高質，有牛丸、蝦丸、墨魚丸、鯪魚球。新鮮手打係食唔同D既，保留到肉汁。棉花魚肚 $88鍾意食魚肚，一大兜真係好滿足。大塊又彈牙煮埋湯汁，好味。西班牙豬肉 $118豬肉肉質鮮嫩，脂肪均勻，肉味香濃帶點風騷。美國桶蠔 $168白雪雪大大隻蠔非常肥美，蠔味鮮美又唔腥。紫菜炸響鈴 $60響鈴即叫即炸，大件夾抵食，香脆可口，加上紫菜味香，一浸索下湯汁，外軟內脆，食完都幾飽肚。…Read More

天氣涼涼哋最岩就係打邊爐，揀左一間環境勁靚嘅中國風火鍋店，裝潢以古色古香的中式元素為主，每個細節都充滿雅致。湯底：五指毛桃椰子雞湯限時推出新湯底，加入2個原個椰子水，仲有半隻雞，雞肉滑嫩，帶著淡淡嘅椰子香氣，仲五指毛桃草本香，打邊爐之前飲番啖湯潤一潤。頂級安格斯牛頸脊油花分布均勻，涮到大概六七秒就食得，牛肉口感嫩滑，肉汁慢慢滲出，特別係浸過椰子雞湯嘅牛肉，有一層湯底自然清香。南非鮑魚南非鮑魚好新鮮，入口溫潤嫩滑，入口中段有彈韌感，帶著濃厚的鮮味。黑松露肉蟹餃火鍋店招牌餃，餃子皮薄，內餡蟹肉份量多，味道鮮甜，黑松露香味十足，必點之選。鬼馬蝦膠好有創意，將蝦滑釀係油炸鬼，蝦肉嫩滑彈牙，油炸鬼脆脆地，好特別嘅配搭。鯪魚豆卜豆卜炸得酥脆，釀左手打鯪魚肉，口感細緻。…Read More