The Legacy House

有親友正月回港，入住尖沙咀「香港瑰麗酒店」，為怕其舟車勞動，長輩特意選於酒店中菜廳「彤福軒」設洗塵宴，體貼之情盡在不言中！六星級酒店餐廳樓底高高，走廊十分闊落。十二人派對安排於「創新世界」廂房內進行，厚厚嘅木門好有氣勢。面積寬廣嘅房間華麗有氣派，空間感好足，前半部份為客廳，陳列架上擺有簡單嘅藝術品及書籍。對住梳化椅有個酒吧，吧枱上已備好晚宴嘅佳釀。入席前，溫婉嘅Saxxx妹妹先以金光閃閃嘅茶具泡出熱茶。廂房後半部份嘅飯廳光線柔和，大圓枱剛好可容納上十二人。落地玻璃趟門身後可見迷人嘅維多利亞景色及聖誕燈飾，騎樓應該係為方便煙民吸收新鮮空氣而設嘅。客氣嘅主人家早已訂下菜單。廂房宴席有專人招呼，菜式均預先分好續位上，所以轉盤上只擺出鮮花裝飾及調味醬汁。每位席上都有齊備嘅自用及公用餐具。柚香水晶柚皮、蜜汁鮮梅頭叉燒、金錢酥蟹盒：為晚餐作序嘅前菜拼盤建議由十二點方位起，順時針方向食。第一件水晶柚皮清新軟腍，當中嘅柚子香醒神又醒胃，第一次凍食柚皮，感覺都幾新穎。第二件金錢酥蟹盒外脆內嫩，層脆皮夠薄且唔油，蟹肉餡心鮮甜不溜滯，香口尤甚！左邊兩件蜜汁叉燒雖看似偏瘦，食落還好夠鬆潤。彤福生拆鮮魚羮：據悉，魚羮獨特在於混集咗幾款魚魚，包括桂花魚肉、東星斑肉、鮫魚肉、大地魚碎，令口感更為豐沛。小肥自認對順德名菜唔係太熟，只係覺得彤福版飲落比較稀，似魚湯多過魚羮，拌入嘅腿絲同陳皮絲嚡硬之餘，仲遮蓋唔到當中陣魚腥味，不吃也吧。金腿欖仁蟹肉鮮奶炒富貴蝦球：金碟上白雪雪嘅蟹肉炒鮮奶清香軟滑，幼嫩鮮甜。墊底嘅「富貴蝦球」原來即係瀨尿蝦，喺高級酒店食連個名都矜貴過人！原條已去殼嘅瀨尿蝦粗粗長長，厚身得黎肉質爽彈唔嚡口，火腿碎有效地添上咸香！松茸罐燒和牛臉肉伴柚皮：厚厚嘅柚皮軟腍冇渣，簡單黏上紅燒醬汁已經好好味；左邊兩條和牛臉肉脂肪唔多，肉質雖則唔算乾嚡，但又冇乜牛味肉香，反而最好食係條翠綠清脆嘅西蘭花苗。沙田脆皮妙齡鴿：如相所示，鴿鴿皺哂皮，咬落層皮乾爭爭仲好韌，皮下嘅鴿肉又有啲老，食唔到有任何軟骨，完全唔似妙齡BB囉！魚腐百合鳳眼果酥豆腐：全枱人都誤以為橙亮金美嘅菜式係甜品，得知為魚腐拼炸豆腐當然係嘩嘩聲啦！頂面球白色波波乃鬆爽嘅魚腐，下面則為脆皮嘅炸豆腐，碗中嘅芡汁用上百合同鳳眼果打出，綿滑芳香中帶出甘甜，飲完都唔覺溜。五彩炒魚麵：妹妹仔介紹招牌魚麵為師傅用魚肉手打而成，絕不含麵粉，固每條嘅粗幼不一，且形狀有異。單尾乾炒魚麵極富彈性，唔洗加點醬油已夠清甜，連同蛋絲、芽菜、荀絲、菇絲及蔥碎食足以增添爽潤嘅口感。蛋白燉鮮奶：熱辣辣嘅燉鮮奶一人一盅，微甜嘅甜品滑嫩滋潤且相當暖胃。尖沙咀名酒店之中餐廳「彤福軒」環境高雅有氣派，有靚景睇嘅私人廂房尤其舒適，服務生專業周到，無奈食物質素就略為參差，但又唔可以話難食嘅，只係估計六星級酒店價格唔會平，福盡享在眼裡，性價比低而已。…Read More

瑰麗酒店staycation既第二日酒店既餐廳數量放係香港都應該係排頭幾位而今日食既彤福軒相對就係比較易book既一間餐廳應該係做兩輪午市所以我地book到既係一點九既第二輪時間但就算夠鐘都要係門口等左一陣先入得彤福軒係以新世界已故既既創辦人鄭裕彤命名亦都係因為鄭裕彤出生於順德所以呢一間餐廳唔似得其他酒店都係傳統粵餐而係一間比較少見到既順德菜餐廳總廚李志偉耐唔耐都會上下報紙網上平台教煮餸其中包括埋已經唔再存在既飲食男女李師傅之前好似係澳門酒店做左好多年總廚餐廳而家暫時就仲未有星星只係一間米芝蓮餐盤推薦既餐廳瑰麗係呢方面仲差少少全間酒店唯一一間有星既反而係印度菜相反差唔多時間開業既瑞吉只得三間餐廳但一間粵菜一間法國菜都已經成為左二星餐廳一入去就會見到個西式bar檯然後係海景圓檯並唔係傳統華麗中國風大吊燈果種中菜廳餐廳設計係比較簡約時尚而我地坐既係四人方檯兩個人既話就夠晒大張擺盤正常同酒店既華麗相比係比較平實茶杯都係一樣醬料要自助去倒感覺係差少少呢個位因為有個露台阻間所以只能夠話係半海景開左壺鐵觀音四十蚊茶錢的確係六星級價錢不過六星就係六星除左點心可以以件數黎點女朋友淨係飲熱滾水又唔會收茶錢又唔會顛到乜醬物醬都要計錢明碼實價唔會呃呃氹氹亂收錢餐牌話彤福軒著重本地文化用上本地海鮮農作物同手工蒸籠十一月仲係大閘蟹既季節都有個特別menu其實張匯豐premier信用卡本身就有full set既買一送一優惠可惜book檯果時佢話2022年都已經full晒果個full set差唔多全部我都幾有興趣咁而家就唯有揀幾樣最特別既黎單點金錢酥蟹盒好似係懷舊手工菜包到類似雲吞咁再炸香口又唔會周圍都係油不過估唔到第二道就已經係上主菜五彩炒魚麵應該係彤福樓必點既菜式麵條係用魚肉手工整成無落任何麵粉所以好粗身凹凸不平口感就真係食緊魚肉咁但差唔多三舊水既價錢份量都幾少兩個人還可以如果四個人一定唔夠食而且太過早上加埋後面d點心之後已經放到凍左上完主菜先上點心其實食完個早餐就唔係太肚餓所以係咁意叫左少少野蟹粉小籠包每個八十蚊唔平得嘉麟樓紅蝦小籠包幾多賣相就好靚仔hi總理教咬頂頭既食法咁就唔會爆汁而出入面湯汁飽滿仲好勁蟹粉味瀨尿蝦餃比起一般蝦餃形狀唔同長條形入面瀨尿蝦肉比較實淨咬落幾特出星班餃賣相係其他中菜廳既梨形咸水角但外面係餃皮入面係魚肉呃得下人見到對面檯有叫片皮鴨可惜我地兩個又叫唔到咁貴廚房叫做半開放式望到入面師傅係火爐燒野咁主食同點心就食晒最後上甜品因為叫得比較少野所以甜品就要左個拼盤呢個拼盤一共有七款十四件甜點賣相精緻超豐富而且大部份都係單點有既甜品炸鮮奶上次都講話海景軒世一呢份的確無海景軒咁正但都有九十分香芒糯米糍草莓蝴蝶酥鵝型芋角就好常見但因為呢份係甜品所以入面係奶皇有D似炸鮮奶口感另外仲有芝麻卷白糖糕都係d舊式手工甜品又得意又好食呢個拼盤真係無得輸瑰麗反而係中菜甜品好過西式甜品其實搞婚禮之前我只係想簡簡單單book一間中菜廳擺四五圍咁樣食餐飯呢間彤福軒我都有問過我亦都有上佢地官網見過有好幾間既私人廂房不過佢地既答覆係最多只可以做到兩間房打通即係得兩圍檯22人問到最後根本幾間六星級既中菜廳都唔會有咁多位可以擺到五圍最後都放棄先轉諗自助餐場咁今日一場黎到都問左侍應其實可唔可以直接包場呢佢都好客氣咁答應該做唔到始終我唔係咩有頭有面既人嘛咁都明白既洗手間仲要穿過門口乾淨過henry果個因為都係食點心為主用埋新世界apps普通會員九折優惠岩岩好千一蚊埋單未必抵過食套餐但我覺得咁樣比較岩好而且可以食到最主要想食既魚麵同試過好正既甜品拼盤都算係咁服務唔算十分之熱情但都好客氣有斟茶反映上菜太急佢地都有講話下次可以要求番咁呢度氣氛算輕鬆整體感覺良好而且亦都留意到女朋友唔飲茶只係收左一位茶錢都可以再戰試下其他出名既順德菜…Read More

難得一家人享受三日兩夜的staycation，在彤福軒享用一餐有心機及精緻午餐作終結。這間中餐廳位於瑰麗酒店的五樓，以順德美食為買點，我分別點了富貴瀨尿蝦餃、南翔灌湯小籠包、鮮蝦肉脆腸粉、雲腿瑤柱羅蔔絲酥餅、五彩炒魚麵、明爐吊燒琵琶鵝、魚塘公煎焗魚嘴、XO醬澳洲和牛炒陳村粉，最後，再點了甜品拼盤。其實全部點心和甜品也很精緻，簡直可以講好睇又好食。而炒魚麵及琵琶鵝，就簡直冇得輸，魚麵採用桂魚起肉製成，再加入大地魚炒，口感爽口彈牙👍🏻。而琵琶鵝用秘製調味料醃制，外皮酥脆、不油不膩，鵝肉嫩滑配以酸梅醬又可增添食味。我最欣賞的就是最尾的甜品拼盤，分別有芝麻卷（菲林）、白糖糕、香芒糯米糍、大良炸鮮奶卷、草莓蝴蝶酥及香脆奶皇芋角，個人最喜愛芝麻卷，芝麻味豐富又好像帶有芝麻油的味道。這𥚃每一道菜式也很有水準，食材講究，真正滿足我們的味蕾，連我仔仔只喜愛吃西餐多過中餐的年青新一代，也樂意陪同父母吃兩小時午飯，食物質素是其主要原因，當然這𥚃的服務質素也是一讚。…Read More

在一個閒日中午來彤福軒，看看$580/位的點心套餐有何賣點🧐先來一盅三件，賣相精緻松茸遼參燒賣：遼參和魚滑一爽一滑，味道可以順德拆魚餃：雞泡魚外型內藏驚喜，魚肉十分鮮甜，好吃鹹檸檬星斑餃：魚肉沒有拆魚餃的鮮甜，但特別在於餃皮有淡淡鹹檸味，也不錯順德拆魚羹啖啖足料，重點是用了十年陳皮，有誠意芋茸香酥鴨是日亮點芋茸鬆脆不油膩，鴨肉嫩滑多汁易咬，可說是高質素的香酥鴨，吃得滿足！濃湯鳳眼果燴菠菜苗魚湯鮮甜濃郁，鳳眼果還是第一次吃，形狀像白果，質感和味道似蕃薯及粟子混合體鳳城五彩炒魚麵魚麵彈牙好吃，但份量很少甜品：芝麻卷 配 順德倫教糕我們將芝麻卷轉為芒果糯米糍及炸鮮奶，炸鮮奶用麵包做卷皮，兩樣都普普通通吧由於個套餐份量不多，不算很飽，另外加了一個薑汁撞奶($90)，薑味足、滑、好吃! 但又是小小一碗。整體而言，每道菜式都是用心之作，特別是用了不同形式呈現鮮魚，鮮味就是賣點加上餐廳在做8折優惠，比較抵食。不過，餐廳環境同侍應服務就一般。環境方面，雖然有落地玻璃，但整體都昏昏暗暗(個人喜歡食中餐的地方光猛一些)，而且背脊不時感到涼風陣陣(相信係餐廳為了加強通風😅)，感覺不太舒服。另外，侍應收碗碟的步伐有需要調整。一般而言，中西餐也好，侍應會等整枱食客吃完同一道菜，才一次過換碟。但這次，服務我們的兩個侍應，都在看到我們其中一人吃完面前食物，便即時過來收拾。結果便出現有人仍在低頭進食，旁邊已在收碗筷、同埋侍應不斷過來的情況。呢方面就有點像酒樓，要扣分。…Read More