The Drunken Pot (V Point) (Closed)

要在銅鑼灣區打邊爐，小編一定推薦「酒鍋」！食過三、四次，覺得質素保持得好好，餐廳環境夠chill，古色古香嘅裝潢，坐窗邊仲可以飽攬維港嘅無敵大海景～😎打邊爐前先混個醬～醬料一如既往有12款之多！火鍋湯底好多選擇！有18款咁多，小編每次都試新湯底！😂😂酒火入鍋（$328）呢個係最啱相機📷食先嘅湯鍋，五格湯鍋中，中間放左一個秘製木瓜盅，店員會等你準備好相機📷😂，然後倒入清酒再點火，再倒入上湯，做成清新木瓜湯來打邊爐，夠晒足料，其餘四格就係：蕃茄波士頓龍蝦鍋、清湯蘿蔔牛腩、四川麻辣鍋、潮洲沙嗲鍋，其中小編最推薦潮洲沙嗲鍋和蕃茄波士頓龍蝦鍋，因為潮洲沙嗲鍋好惹味，蕃茄波士頓龍蝦鍋又夠足料，有半隻龍蝦🦞係裏面，蕃茄味幾清香，四川麻辣鍋香辣，清湯蘿蔔牛腩幾香濃。🌟推薦❗️二人海鮮拼盤（$368）有海中蝦、花甲、蟶子和扇貝，全部都超新鮮！自從在「酒鍋」打邊爐食海鮮，小編每次黎都每點！因為呢度嘅海鮮真係好新鮮！☺️以冰鎮保持着海鮮嘅新鮮，海中蝦肉質爽彈，蟶子鮮甜爽脆，扇貝好大隻，咬開後仲保留一絲絲嘅口感，鮮甜味美！😋是日冇晒花甲，所以轉左做蚌仔，不錯吃！掛架頂級安格斯牛小排（$188）一排整齊地排列嘅牛小排，雪花均勻，入口爽嫩多汁，肉味豐腴！😋小妹最鐘意食蛋餃，而蛋餃又好少何出面食得到，所以就一見到🌟推薦❗️洋蔥豬肉蝦蛋餃（$58）就點左，厚薄適中嘅蛋皮，包住豐富嘅餡料，不錯吃！之前食過咪酒雞、開心小企鵝，今次就有新登場嘅酒鍋黑啤熊（$88）賣萌可愛嘅黑熊，原來係松露墨魚丸，睇得又食得！😏有咁正嘅湯底，梗係要食蜂巢豆腐（$38）😂豆腐吸左湯之後，軟得似海綿，層次感高，吸盡了湯底嘅精華，一咬落去，湯汁便在口腔中爆發～😌即炸手工紫菜響鈴卷（$58）一客有5件，即叫即炸，脆卜卜，如果紫菜多d就好😏。🌟推薦❗️三色鮮制生麵（$58）分別係甘筍麵、墨汁麵、全蛋生麵，全部都好爽滑，意料之外嘅美味。😋什菌拼盤（$68）真係講得出嘅菇都有，秀珍菇、金針菇、鮮冬菇、雞脾菇、靈芝菇，款款都新鮮～色彩繽紛嘅蔬菜拼盤（$68）一個價錢可以食晒超過10款嘅蔬菜，份量多，抵食！👍🏻 🌟推薦❗️…Read More

出左糧, 可以約朋友食豪少少啦! 🥂😛我地一行三人約左放工後黎酒鍋食晚飯, 而我係最到果個, 所以去左拎位先。店員安排左我地坐係近窗的位置, 等我可以係等緊朋友到達的時候, 睇下窗外的維港美景。當我朋友都到齊之後, 店員就放低左一組醬料盤俾我地混醬, 共有12款可以揀, 不過我最後揀左豉油加辣椒加蒜蓉 (最普通的組合😝)。酒火入鍋 ($328)呢個湯底好正, 由5個小鍋組成, 包括有木瓜鍋、蕃茄波士頓龍蝦鍋🦞、清湯蘿蔔牛腩鍋、四川麻辣鍋, 以及潮州沙嗲鍋。最特別的是上枱時, 店員會叫你準備相機, 然後就會係鍋的中間點火🔥! 成個畫面係好震撼, 好正, 拍片打卡一流!呢個湯底除左睇得之外, 味道仲相當唔錯! 每一個湯底都有各自的特色, 而我最中意的係木瓜同埋龍蝦湯底! 因為木瓜好大塊, 湯底清甜, 而且仲有幾隻大蝦🦐, 食落去好鮮甜爽口; 另外龍蝦湯底果格會見到成個龍蝦鉗係入面, 你會見到餐廳的用料上盛, 而且落足料。二人海鮮拼盤 ($368)拼盤入面有海蝦, 蟶子, 扇貝同埋花甲各兩隻。所有海鮮都好靚好新鮮。為左唔令湯底的味道搶左海鮮的風頭, 我特登將海鮮放入龍蝦湯底。我的選擇好正確, 海鮮煮熟左之後仍然都好鮮甜, 超好食!!!👍🏻金豬報喜 ($88)叫呢碟菜因為見到幾隻豬仔🐷好可愛, 而且我地岩岩好3個人,一人一隻唔洗爭!竹蔗茅根 ($26)因為擔心打邊鑪熱氣, 所以竹蔗茅根去下下火。餐廳用左燈泡形狀的容器裝住飲品, 幾特別! 竹蔗茅根味道正常, 唔會太甜, 不過份量唔係好多, 未食哂D野食, 已經飲哂D飲品 XD…Read More

朋友升職話想請我食飯，佢個要求係要睇得又食得的打邊爐，因為之前同其他朋友黎過間餐廳，覺得食物質素到環境都好靚，所以就訂位同佢黎呢度試試。餐廳位於V POINT 27樓，所以餐廳係可以從高處睇到維港的景色，朋友淨係見到呢個景已經好開心了!經過店員介紹後，我們點了一個這裡很出名的火鍋湯底同埋點左好多款火鍋配料!點餐後當然要整下混醬俾自己，他們的醬料選擇都有很多!酒火入鍋，呢個湯底不得了，共有5款湯底俾你打邊爐，有選擇困難的人真係唔駛驚諗唔到!湯底包括木瓜鍋、蕃茄波士頓龍蝦鍋、清湯蘿蔔牛腩、四川麻辣鍋同埋沙嗲鍋!上鍋時店員示意我地準備相機，因為將會為個鍋點火!先在中間木瓜鍋位置倒入酒，然後點火，熊熊烈火好壯觀，火熄左之後，仲有煙會出，好特別呀!蕃茄湯入面有成半隻龍蝦，個拑好大隻。清湯蘿蔔絕對唔係清湯咁簡單，個湯落左胡椒，所以食到中後個湯底帶有少少胡椒的辣味，好好食!四川麻辣湯底夠哂辣，入面仲有豬皮豆卜，兩樣都係吸味的食材，辣得過癮!而沙嗲湯底好濃好香沙嗲味，食到最後個味都仲係好濃!黃金炸魚皮，魚皮炸得脆口，咸蛋黃平均分佈在魚皮，唔會好咸亦唔會好漏，令人食到唔停口!海鮮拼盤，2人份量的海鮮拼盤有海蝦、帆立貝、花甲同埋貴妃蚌。海鮮好新鮮，帆立貝超厚肉，花甲同貴妃蚌爽口多汁!黑松露蝦蟹餃，有淡淡的黑松露味，蝦肉爽口!蜂巢豆腐，這種豆腐好吸味，放入麻辣和沙嗲湯底最惹味!什菌拼盤，什菌包括有冬菇、秀珍菇、雞脾菇、金菇等，真係有好多唔同款式呀!蔬菜拼盤，顏色鮮艷，好吸睛呀!包括有西蘭花、椰菜花、紫色同橙色的椰菜花、南瓜、車厘茄、生菜、油麥菜、羽衣甘藍都有，好齊全!而我未試過用西蘭花打邊爐，原來好好食，好吸味的!門鱔丸，呢款魚蛋冇諗過咁好食，爽口彈牙，好香魚味!開心小企鵝，這款小企鵝真係好得意，得意到唔捨得食!企鵝的頭其實係墨魚丸，而企鵝身是墨魚滑再加了另一款丸，口感特別!頂級安格斯牛小排，呢款牛小排係掛起的，影相一流!牛肉肉質鬆軟，油脂分佈平均!稻庭烏冬，最後再把烏冬放入沙嗲湯，好濃好香沙嗲味，烏冬彈牙，吸收了沙嗲的味道!多謝朋友請我食呢餐咁豐富，佢都話我冇介紹錯，真係好適合一大班人黎開心打邊爐，重點係睇得又食得，風景又靚!…Read More

小編又去銅鑼灣「酒鍋」食過返尋味啦！ 店舖座落於V Point嘅27樓高層， 可飽攬維港嘅無敵大海景打邊爐， 真係幾時幾刻都覺得咁有feel～😎 食火鍋前先混個醬～ 醬料有12款之多！👏🏻 一見到醉生夢鍋（$368）就諗起「醉生夢死」呢個成語， 醒著嘅時候就像喝醉一樣～ 一試就5款湯底，真係令我有醉生夢死嘅感覺！😂 除咗主角酒燒龍蝦黑松露芝士， 還有花膠黃油雞、肉骨茶、四川麻辣和沙嗲。 每格湯底都材料十足， 有大大塊花膠，既滋潤又養顏花膠雞湯底， 肉骨茶養生補氣， 四川麻辣辣而不嗆喉，仲有豆卜等吸湯食材， 辣得過癮！👍🏾 沙嗲湯微辣惹味，花生香十足！ 最後仲有超邪惡嘅黑松露芝士鍋， 有點像芝士火鍋Fondue嘅食法， 香濃「芝」味～ 二人海鮮拼盤（$368） 有海中蝦、花甲、蟶子和扇貝， 全部都超新鮮！ 打邊爐食海鮮，「酒鍋」嘅新鮮度稱得上數一數二！ 以冰鎮保持着海鮮嘅新鮮， 海中蝦超爽彈， 花甲洗得乾淨，沒半點沙， 蟶子鮮甜有嚼勁， 扇貝超大隻，咬開後還保留一絲絲嘅口感，鮮味十足！😋 掛架頂級安格斯牛頸脊（$188） 雪花均勻嘅牛頸脊整齊地排列着， 份外覺得誘人美味～😜 牛肉入口爽嫩多汁，肉味豐腴！😋 黑毛豬腩肉玫瑰🌹拼盤（$268） 卷成玫瑰花形狀嘅豬腩肉，油脂豐足， 吃起來肉香濃郁，鬆軟美味～👍🏾 黑松露蝦蟹餃（$88） 餃子皮呈黑色，果然係黑松露！😂 一咬開，黑松露香氣撲鼻， 蝦肉爽口彈牙，蟹肉鮮香十足！ 燒汁牛肉福袋（$78） 黃色嘅福袋係由蛋黃製成的， 裏面藏着牛肉，味道新穎，口感有趣，值得一試！ 蜂巢豆腐（$38） 吸左湯之後，軟得像海綿、層次感極高的蜂巢豆腐， 吸盡了湯底嘅精華， 一咬落去，湯汁便在口腔中爆發～😌 見係新菜式，所以想試試看～ 台灣空運鴨血（$68） 鴨血細嫩爽滑，久煮不硬， 口感和營養價值都比豬紅更勝一籌！😌 什菇拼盤（$68） 真係說得出嘅菇都有， 秀珍菇、金針菇、鮮冬菇、雞脾菇、靈芝菇， 款款都新鮮～ 色彩繽紛嘅蔬菜拼盤（$68） 好少打邊爐會有羽衣甘藍和西蘭花， 一個價錢可以試到超過10款嘅蔬菜，值啦！ 即炸手工紫菜響鈴卷（$58） 即叫即炸脆卜卜， 不過略嫌紫菜太少。🙊 …Read More

朋友歐遊一個月後終於回來，當然要馬上好好的聚一聚。昨晚我已事先訂座酒鍋，因為晚市經常爆滿，而且個人挺喜歡吃酒鍋的火鍋，色，香，味俱備，正合久久未吃過中菜的朋友一吃。我們邊點餐邊盛醬料，朋友說這裡的火鍋醬料多元化，XO醬，麻醬，麻油，沙茶醬，蒜蓉醬，蒜片，辣椒粒，芫荽，蔥花，蒜蓉等，可以隨心調配自己喜歡的口味。吃火鍋的話，湯底確實是火鍋的靈魂，想滿足各人的口味，有五種湯底的「酒火入鍋」，可以盡嚐香辣的，鮮甜的，惹味的。「酒火入鍋」包括獨特木瓜鍋，潮州沙嗲鍋，清湯蘿蔔牛腩，蕃茄波士頓龍蝦鍋及四川麻辣鍋。既然是酒火入鍋，這湯底怎會缺少酒和火? 店員先倒上一湯勺的酒於木瓜鍋裡，然後燃點火苗，湯鍋瞬間熊熊烈火，氣勢如虹，酒精滲透蝦隻與木瓜，酒醇郁香。我最愛潮州沙嗲鍋，湯頭花生味濃重，毫不膩味，而且沙嗲鍋涮火鍋配料最為入味。喜歡刺激的，四川麻辣鍋滿是乾辣椒，花椒，香麻帶辣卻不燥。清湯蘿蔔牛腩用了大量蘿蔔，牛腩燉煮，牛腩肉質軟腍，喝上一口蘿蔔牛骨湯，全是天然的鮮甜。掛架頂級安格斯牛小排這麼高級，只要在湯鍋輕涮一下，待肉色稍變嫩粉即可送入口中。這頂級安格斯牛小排口感豐盈軟嫩，入口即化，香氣和鮮甜滋味在口中持續散發，真是令人回味無窮。朋友們想吃飽飽的，粉麵類自然不可缺少，哈日韓的她們點了韓國年糕與稻庭烏冬。韓國年糕煙煙韌韌，頗有嚼勁，與木瓜湯最為合拍。至於稻庭烏冬則跟潮州沙嗲鍋及清湯蘿蔔牛腩相襯，湯的精華滲透淋漓盡致，烏冬的滑溜感使人念念不忘。若果想吃特色餃子，洋蔥豬肉蝦蛋餃包有驚喜。飽滿的洋蔥豬肉蝦蛋餃佔滿湯鍋，待熟透可把蛋餃撈到碗裡。小口一咬，源源不絕的肉汁一直流出，蛋皮厚度剛好，豬肉和洋蔥融為一體，同時嚐出蝦肉的鮮香。吃火鍋不可側重吃肉，也要吃些蔬菜保持飲食均衡，我們一口氣吃了什菌拼盤和蔬菜拼盤。什菌拼盤各式各樣的菇菌彈性十足，秀珍菇，金針菇，雞脾菇，靈芝菇都是我所喜歡的什菌，哈哈。天然的蔬菜拼盤色彩繽紛，賞心悅目，粟米水份充足，擁有自然的甜美滋味，南瓜綿密無比，羽衣甘藍爽脆極致，車厘茄酸甜開胃，生菜爽甜，無一不愛。四川麻辣鍋的豆卜被我們吃光，大家仍未夠勁，再要一份蜂巢豆腐。蜂巢豆腐比起豆卜更易吸收辣汁，香氣撲鼻，就算平日不敢恭維嗆辣的友人也難得地欣賞蜂巢豆腐。二人海鮮拼盤十分豐盛，由上至下密鋪在盤中，蟶子，扇貝，海中蝦，花甲個頭不少，蟶子只需稍稍滾燙，甘甜爽彈，花甲也不用久煮，涮到貝殼打開，即可享用，花甲的鮮汁徹底鎖進肉中。海中蝦的精髓都釋放在湯裡，使湯變得鮮甜，同時適當地涮煮海中蝦，細緻的蝦肉嫩而不老，嚼起來頗有彈力。肥滋滋的扇貝大約涮兩至三分鐘左右，柔嫩的海鮮味釋放於口腔，我們都爽翻了。開心小企鵝趣緻可愛，栩栩如生，真的像企鵝冰天雪地去探險，不過它們最終的命運是跳進火鍋中滾盪。小企鵝愈嚼愈有咬勁，嚐到墨汁的香，屬於墨魚應有的彈性，放心，它不會令嘴唇發黑。嘴饞是少不免的，最後我們禁不住黃金炸魚皮的誘惑，點了一份一解口癮。魚皮都是現點現炸，故此熱呼味的，酥酥脆脆，微微鹹香卻不油，可口極了。乳白色的檸檬薏米水喝起來清爽渴，淡淡的薏米味零負擔感，酸微微的檸檬可解飽膩，不過朋友們的著眼點是美白養顏，溫潤喉嚨。…Read More

闊別「酒鍋」多月，上回到此享用午膳，過程確實有點趕急。今回與友享用晚餐，終可細意慢活享受。中午時份，店內日照光猛，食客可邊吃邊細味四周的畫作裝飾。夕陽西下，大家的目光則可投放於窗外，居高臨下欣賞璀燦的維港夜景。 吃火鍋首先要挑選湯底，對於有選擇困難症的朋友，餐廳一系列的「原創五格鍋」必然是首選。這個名為「酒火入鍋」的招牌湯底，由木瓜鍋、蕃茄波士頓龍蝦鍋、清湯蘿蔔牛腩鍋、四川麻辣鍋，以及潮州沙嗲鍋五款湯底組成。店員送上湯底後，會在木瓜鍋內加酒再點火，頓時火光熊熊，正正式式是「酒火入鍋」。不消一會，店員又會在鍋中投入乾冰，烈焰瞬間化為輕煙，極具視覺效果。 五款湯底比較，小編最喜歡木瓜鍋，除了有芳郁的酒香外，海中蝦食感鮮爽，木瓜味道甜美，同樣討人喜愛。清湯蘿蔔牛腩鍋亦屬推介湯底，蘿蔔清甜，牛腩味濃。至於蕃茄波士頓龍蝦鍋，個人建議調高蕃茄的投入量。四川麻辣鍋味道過於辛辣，不太合個人口味。海鮮與肥牛一向是火鍋的黃金孖寶，這客「二人海鮮拼盤」內含蟶子、扇貝、海中蝦及海蜆四款海鮮，鮮爽的海中蝦仍舊是最佳食材，甜脆的扇貝緊隨其後。海蜆本味不俗，但因內藏少量沙，稍稍影響了評分。 「掛架頂級安格斯牛頸脊」一字排開掛起呈上，擺盤賣相富新意。只需把牛頸脊放湯輕炙片刻，即可享受到鬆軟味濃的優質牛肉，讚！手打丸類方面，小編淺嚐了「七星報喜」及「咪酒雞」兩款小品。「七星報喜」和牛頸脊一樣一字排開，七種丸物七種顏色賣相亮麗。整體而言，各手打丸物皆有不俗的彈牙特質，小編尤其喜歡墨魚丸及黑松露丸兩款。 「咪酒雞」的賣點明顯是可愛的小雞造型，手打丸物同樣出色，下方類近魚片的「蛋殼底座」口感彈性更高。實務一點來説，「咪酒雞」與「七星報喜」同賣 $88，後者似乎抵吃一點。 最後是菜蔬美饌，不論「什菌拼盤」或「蔬菜拼盤」皆選材質優，種類豐富。二人同行單點這兩個拼盤份量亦剛好。 在「酒鍋」歡度了一夜，不論視覺或味覺也有滿足享受。唯一要挑剔的地方，是餐廳侍客安排有點急趕。人少消費相對偏高也是無法避免的情況。 …Read More

今年生月，大肥爸爸先請咗小肥去美加遊玩，返港後即由甜心兒接棒，請去「酒鍋」烚住慶生。其實之前同家人都黎過火鍋店幾次，打過邊爐亦飲過茶，所以對潮派o既裝潢及有窿o既椅背一啲都唔陌生。不過今次重臨驚喜都有二：第一就係見到個風水酒池。第二就係兩口子可坐窗邊四人枱，享用晚餐時可親証香港靚景由天晴轉為黃昏，到黑夜都一樣咁靚，令氣氛變得份外浪漫。搞笑小插曲則有一：唔知大家見到下圖中地上綠色o既陶瓷會諗起啲乜呢？！正當女朋友仔陶醉地高歌「Oh, my love… my darling…」，XO仔腦海就浮現出常歡與荷里玉於賀歲片中場經典戲份。。。跟得男友最愛女方話哂事，嘻嘻，點餸當然係唔會嘥腦汁啦！小肥因仲有時差，故罕有地棄飲啤酒。。。但都忍唔住叫咗set有少少酒o既「清酒菠蘿冰沙」。清酒菠蘿冰沙（$168/四杯）：四合一o既冰沙杯以雲霧騰出，相當震撼。清酒菠蘿冰沙酒味淡薄，菠蘿味微甜清新，整體極之清爽。點好菜，即由茶壺混醬十六式「酒為上醬」（$22/位）揭序。一酒鳥之（$198）：以椰青、清酒、花甲、椰子同雞所燉製o既酒鍋湯底果香濃厚，甜度更足以為所烚煮o既配菜調味，都幾得意。秘制麻辣鴨血（$88）：鴨血方塊香辣惹味，厚身得黎仍不失柔潤軟滑，個人覺得超好味！墊底o既豆腐外腍內嫩滑，而且一樣入哂味，冇得頂呀！金沙鹹蛋炸魚皮（$68）：脆卜卜o既炸魚皮所用o既鹹蛋量恰到好處，香口得黎完全唔會過咸，輕輕喺個酒鍋度過一過即能增添少少甜味，組合編排都好好。掛架頂級安格斯牛頸脊（$188/小；$238/大）：頂級安格斯牛頸脊紅白色o既雲石紋理分明，而且每片均切得夠薄，喺酒鍋內滾幾秒即食得。牛頸脊軟腍肉甜，一口一片極易入口，一人要食哂成架真係唔洗用上十分鐘，全為牛魔王o既肥肥家族每次都定必追加再追加大架。二人海鮮拼盤（$368）：冰鎮海鮮拼盤包有海中蝦、扇貝、花甲及桂花蚌四款。兩隻長長o既海中蝦爽脆彈牙。細細粒，容易食o既花甲亦軟嫩甜美。大大隻扇貝則厚而爽嫩，就連裙邊都嫩脆過人。原本拼盤中應該有兩隻蟶子，不過當晚冇貨，所以就轉咗做兩隻桂花蚌。桂花蚌爽厚潤滑中又帶點脆口，勁啱細佬口味！蔬菜拼盤（$68）：用木盒上o既蔬菜拼盤貌似田園，顏色鮮美o既賣相已值一百分。盒內o既時蔬新鮮爽脆，實屬優質貨色。咪酒雞（$88）：成餐最可愛必選形似剛從蛋蛋孵出o既小雞「咪酒雞」。雞雞隻隻都有個紅冠，明顯全為公雞，煮前煮後都仲有半隻蛋殼連住，好鬼生動。咪酒雞其實係墨魚丸，微甜柔韌，可以一試。稻庭烏冬（$32）：長壽麵自己揀咗食軟滑o既稻庭烏冬，當然係冇得輸啦！今年XO 仔生月，頭幾輪先喺美加食咗幾餐勁o既，回港後情人即急不及待請食打邊爐，唔知係咪希望男朋友仔可以保持長期「烚吓烚吓」呢？！「酒鍋」o既環境及菜式一樣新潮，火鍋配料新鮮高質，就連小食都惹味可口，不時又會加推新菜，可謂驚喜不絕。…Read More