Chau's Dim Sum

五個人3點幾黎食點心，帶左三個老人家一齊黎試下！整體黎講，啲點心全部都熱辣辣，即叫即蒸，老人家表示滿意。但係咩都要趁熱食，食得有啲急。周師傅蝦餃$17因為得返一籠，只有兩粒。本人無食，屋企人試下。佢哋認為唔太好食！一夾就散，皮太厚，蝦細細粒，介乎鮮蝦同蝦乾中間！脆皮馬拉糕$24佢有傳統嗰款同脆皮哩款，我哋想試下新質地，所以揀左脆皮！脆皮哩款偏乾身，如果想食鬆軟嘅蛋糕，揀傳統應該會比較好！迷你蝦春卷$25真心太迷你，食唔到入面嘅餡係咩，只知咸咸哋！金銀蒜蒸排骨$25哩碟好食！上枱時，感覺新鮮熱辣之餘，排骨彈牙，易離骨！下面仲鋪左芋頭，又入味，又夠粉！XO醬炒蘿蔔糕$37小心俾上面嗰片辣椒呃左，其實唔辣㗎。聞落好香，但食落無咩XO醬味。就咁食件糕係有蘿蔔香，點埋後加嘅辣醬比較好食。乾脆叉燒包$24一上枱姨姨就話「哩個要襯熱食！」我哋都唔敢怠慢，快快手清左佢。個包比較實同厚身，老人家話應該係粉太厚，所以口感普通，包幾「痴」牙。Hae 包$26即係流心奶黃包，都係一籠兩粒。一打開，有滿滿嘅餡。奶味重，鍾意食奶會喜歡嘅！蟹子燒賣$16蟹子就係燒賣上面嘅分量咁多，哩款燒賣係豬肉餡。肉質彈牙，無岀面嘅燒賣咁油，味道ok！蟲草花蒸雞飯（套餐）$45上枱時，大家都有細細聲咁讚歎！佢唔係盅頭飯，係籠仔上，飯下面仲鋪左荷葉！飯嘅分量都幾多，五個人，每人都食到一小碗，仲可以有剩。套餐可以加一份點心，仲要免茶芥。我哋食嘅時候，已經見左四位男仕自己黎食哩個餐。點心我哋揀左菜心全走！迷李雲呑雞$23個湯有兩粒雲呑，兩片雞，加少少菜。湯清甜，雞夠滑但又唔係「林」到唔使咬，雲呑係豬肉餡。粒粒奶凍咖啡糕$16有少驚喜！咖啡味好岀色，屋企人話似齋啡，加埋少甜奶凍，剛剛好。連唔食奶嘅屋企人都係咁叉咖啡部分黎食。結：選擇唔多，但勝在新鮮岀爐。屋企人話可以再黎試其他嘢！…Read More

爸爸喜歡一到假日就戴我地去茶樓飲茶食點心，食黎食過都係果2間🙈我食到有點悶悶😂 發現左深水埗有間食點心既餐廳，就戴爸爸去“周師傅點心”食下有創意既點心😆位置係北河街，深水埗地鐵站ᴀ2出口，一出就見到“周師傅點心”既招牌，好方便呀👏🏼等左太約5分鐘左右就入得係門口等既時候有個叔叔同爸爸傾起計上來😂介紹我們一定要食脆皮馬拉糕、蝦多士Menu 有中英對照，而且仲有圖片！方便長者、遊客..了解食物既樣子，很貼心呀💕茶錢$5/1位脆皮馬拉糕 $23講明係脆皮馬拉糕當然同平時食果啲軟棉棉既感覺唔同啦😝新鮮熱辣辣，即叫即爐咁...外層好香脆，表面同果底都脆卜卜，入面就好鬆軟軟棉棉的！乾脆叉燒包$22為食小胖子對叉燒包既好感不大，但爸爸好想叫既關係，作為乖乖既我當然要叫同食啦😂✨侍應姨姨仲溫馨提示我地：要快d食，因為唔趁熱食之後會乾身。叉燒包外層焗到金黃色，而且有小小爆口看到入面的叉燒🤤咬落去係脆脆的，外層唔知係唔係搽左啲蜜糖，甜甜的❗️入面就好鬆軟，啲叉燒唔會好乾身好好食呀！令我對叉燒包改觀左，有小小愛上了❤️Hea包 (流心奶黃包)$23我最期待既蛋黃哥ʜᴇᴀ包黎啦.......督一督先👉🏼入面既奶黃即刻流出黎😍真正做到流心的效果ʟɪᴋᴇ ᴀʀ 👍🏼 奶黃的味道有鹹蛋味，奶黃戴點咸咸的味道 好香濃😚北茹棉花雞 $32冬茹味很濃，雞肉好嫩滑，魚肚既份量有好多！籠仔鳳爪排骨飯 $26荷葉翻鋪底，飯軟硬適中吃到荷葉的味道。粒粒奶凍咖啡糕 $16喜歡飲咖啡的朋友必試呀❗️❗️超級特濃既咖啡味，並加了奶凍粒🥛。令濃郁的咖啡味☕，咬上奶凍時把2者溶合為一體，令到整體的味道不會太過苦澀🤟🏼🐷為食小胖子後記📝:在深水埗這個舊區裏尋找小店不會是一件難事，但這間“周師傅點心”確實給了我驚喜💗保留了傳統特色的點心，再配合了我們年輕人喜歡的創意點心。適合一家大細、任何年齡的人也很適合，夠曬有心意💕！…Read More

想想已經好一段時間沒有吃中式點心，今晚和女友到深水埗，地鐵一出就見到這間周師傅點心，天氣太熱不想四處走，於是入去試一試。各式傳統點心、蒸飯都有，最特別是有不少創意點心，是真材實料的從做法上創新，並非街外「得個樣」的所謂創意點心。乾脆叉燒包叉燒包外觀爆口僅微微露餡，賣相十分對辦，叉燒包焗得香脆，外層微甜，內裡仍鬆軟，餡料汁豐味美，叉燒香濃可口。Hea包其實是流心奶黃包，外表有趣，包皮蒸熟後軟滑剛好有嚼勁，而奶黃蛋黃味香濃，非一般工場式點心可比較。醬王蒸鳳爪鳳爪炆得軟腍入味，醬香濃郁，盡吸醬汁的精華。XO醬炒蘿蔔糕蘿蔔糕事前先裹上粉炸得酥脆，再以XO醬爆炒，香氣誘人，辣而不嗆，十分惹味。迷你雲吞雞少見的點心，兩粒雲吞餡料紮實，雞肉嫩滑，湯底鮮甜清爽，可以中和一下其他濃味的點心。蟲草花蒸雞飯份量大得有點驚人，足足有一整個蒸蘢的大小，米飯蒸得粒粒分明，配以滑雞、蟲草花和木耳，加入少許豉油，令人一口又一口。脆皮馬拉糕最後以另一款創意點心作結，馬拉糕外層香脆，帶有微微的焦香甜味，內裡鬆軟棉密，十分有驚喜。…Read More

有段時間經常跟妹妹到深水埗買布料及走訪不同布行，對深水埗都頗為熟悉。一段時間沒有再去，知道會再訪時，特意於前一晚搜尋一下會否有特色餐廳新開張可以一試。見網上不少人說這間周師傅點心不錯，好像是剛轉手了，主打特色點心，決定一於去試一試。地點十分易找，但滿懷期望的去，一進店就被店員黑面。一人打理樓面，明白會忙碌，但店員的態度也未免太過沒有禮貌。說話沒有尾音，而且說話語氣好像不想提供服務。是剛被食客惹怒？真的不知道前因後果，但第一個感覺實在令人失望😞到後期店員的態度有所改善，主動提及某些點心要盡快食用。可能真是受了氣，當時十分氣憤吧！牆上貼滿餐廳推介的菜式，部分在平日的點心店難以找到。位於深水埗區，價錢也就不會很貴，可以放心在餐紙上點上想吃的食物。這夜點了數樣點心，茗茶每人$5，有普洱，鐵觀音及香片可選，價錢實惠。乾脆叉燒包（$22）草根佶計廚師👨🏻‍🍳將叉燒放於焗爐中焗過，造成外面乾身脆囗的質感，外皮金黃色，中間不會太乾，叉燒餡料味道不錯，算是有點新意的點心。脆皮馬拉糕（$23）同樣把馬拉糕🥧給焗過，造成外脆內軟的口感，感覺比平日的馬拉糕實淨，不及平日的鬆軟，不過這正是做法上不同的結果，有點像蛋糕仔的口感，味道上不會太甜，一客分到6件，十分抵食。感覺不會是很驚喜，但新意取勝。Hea包（$23）Hea包其實係流心奶黃包，上面印有可愛的蛋黃哥圖案❤️。一撕開包身，奶黃馬上流出來，流心程度令人滿意😍，不過味道是偏甜的奶黃餡，如果換上鹹蛋味的奶黃餡相信會更好吃。粒粒奶凍咖啡糕（$16）凍咖啡糕一客3件，咖啡糕中加入奶凍粒🥛，一方面有濃郁咖啡味☕，加上奶凍部分令味道不會過於苦澀，味道不錯👍🏻。XO醬炒蘿蔔糕（$34）另外，草根姐妹👭點了一個屬於酒樓經典小炒系列的「XO醬炒蘿蔔糕」，帶辣的XO醬🔥味道夠惹味，令人特別開胃。份量上不少，但口感上稍為削了點，令人有少失望🙍🏻。另外如果蘿蔔糕內可加上更多臘味做配料，味道應該會更豐富。平均大概50-70一個人，價錢十分抵食！加上點心方面有特色，味道還算不錯👍🏻。就是愛到深水埗這些舊區尋覓一下這些特色小店，價錢不貴又有驚喜，這間也是值得一試呀！…Read More

深水埗一直系平價地道美食的集中地，無論系本地老姜定系游客，都喜歡響呢區搵食，連屋中老佛爺都喜歡間晤中微服私訪呢一帶的特色小店。前幾日，因為我呢個大總管的疏忽，帶著老佛爺在深水埗地鐵站行錯左出口，未食上原本計劃的甜品，卻誤打誤撞左一間勁令老佛爺連連稱讚的點心店。周師傅點心🥧點心店的門面不大，在北河街同鴨寮街的交界處，深水埗A2出口出來就見到。算系方便易搵。店內裝修雖然簡單但環境整潔，比同區大多數餐廳要坐得舒服。牆上貼滿招牌點心推介，簡單介紹點心的特色。一句廣告詞就系一個點心介紹。如hea包（流沙包）hea都系一種生活態度。老板系咪想打造點心文青風呢？老佛爺首先揀左兩款點心⭐️桂花杞子糕桂花杞子糕，相傳系慈禧太后最愛食的糕點，愛佢濃郁既香氣，仲可以美白肌膚。🤣唔怪得老佛爺一來就揀呢個點心，有見地。✨食物一上枱，單睇樣已令人心動，晶瑩剔透的桂花杞子糕在侍應放落枱的那一剎似彈簧咁彈左幾下，勁吸引！桂花同杞子均勻分布恰到好處。咬左一啖，彈牙飽滿，陣陣桂花香撲鼻而來。甜度也岩岩好，桂花的香，杞子的甜，溶化在嘴里的凍，余下朵朵桂花殘留齒間，再慢慢細啄慢品。有d得獎甚至美豬年星級餐廳都未有此功力。雖然系一款普通的甜點，就領略到師傅精湛的手藝同感受師傅的用心。老佛爺不禁贊好，我這個大總管都倍感開心。－－－－－－－－－－－－－－－－－－－－－－－－－－－－－－⭐️乾脆叉燒包一份三件，賣相討好，表面金黃卻冇油，感覺健康。筷子夾落去，feel到挺身乾爽，口感香脆，最令人驚喜的系叉燒質素極高，份量極滿足，大大舊晤肥，燒到入昧，系我心中所愛。下午茶點心絕對抵食，創意且有心思，極品推介非佢莫屬。－－－－－－－－－－－－－－－－－－－－－－－－－－－－－－我又揀左幾款點心⭐️蒜蓉蒸排骨通常同老佛爺去酒樓飲茶，都喜歡叫籠蒸排骨，但自從有一次在潮州酒樓中伏，就一直不敢再試，今次系因為見到隔離食客食緊蒸排骨賣相好掂，先再放膽去試。佢冇令我們失望，果然同隔離一樣，籠仔蒸蒜香味逼人。粒粒排骨肉質實在抵贊！蒸至火候岩岩好，排骨夠味不會太硬。碗底油不多，感覺比較健康，芋頭粒綿密，入口即化，非常好！－－－－－－－－－－－－－－－－－－－－－－－－－－－－－－⭐️籠仔咸魚肉餅飯估唔到只收25蚊的蒸飯，會將籠仔荷葉蒸飯同籠仔蒸咸魚肉餅分開兩籠。餐廳十分有誠意，有心做好每一個環節，以求盡善盡美。老佛爺大贊籠仔咸魚蒸肉餅里的馬碲系特別切成小片，比起平日食連鎖蒸飯的求其跺碎馬碎要盡顯師傅心思。特制肉餅蒸得入味且鬆軟，送飯一流！即健康又美味。籠仔荷葉米飯：粒粒米都飽滿爽口！真想問下師傅點蒸得咁正，師傅你真系好手藝。－－－－－－－－－－－－－－－－－－－－－－－－－－－－－－⭐️蠔王鮮竹卷大大份，味道好過連鎖大酒樓！腐皮包裹著蝦仁肉餡，仔細又精緻，內里餡多汁，外皮軟糯，一口咬下勁滿足好過癮！淋上蠔油夠晒鮮美。多重滋味衝擊味蕾，耐人尋味。－－－－－－－－－－－－－－－－－－－－－－－－－－－－－－⭐️XO醬炒蘿蔔糕蝦米豆芽菜配上酥脆蘿蔔糕系絶配，微辣少油，份量足，蘿蔔糕煎至金黃。外脆內嫩，比前幾日食果間「飲茶」仲正！－－－－－－－－－－－－－－－－－－－－－－－－－－－－－－我們一共點左六款點心，一百蚊鬆d，呢個價錢在其他大餐廳可能只食到一款點心甚至可能一款都未食得到。但味道或許比呢度要差很遠！就系咁，吸引著我既除左呢度的物廉價美，優質的食材，精湛的手藝，貼地的價格，更是一種令人尊重的誠意，值得稱讚及學習👍今時今日，這個物質社會里，眾多獲獎餐廳已經飛黃騰達，門口排滿食客，可惜質地已變，態度已狂妄。衷心祝願呢間小店成為明日之星，且不忘初心。周師傅！你要加油喔💪…Read More

有事經過深水埗，突然下大雨了，在A2出口不夠1分鐘路程便看見這店，於是也趁早點吃晚飯吧。想不到也吃到了一間有點驚喜的街坊小店。老闆除了很友善，還做菜用心、嘗試不少了特色的點心。也有一些蒸魚套餐，不過第一次當然是主打叫點心。首先上的香脆馬拉糕，烤了平平無奇的蛋糕想不到口感甚佳，一口咬下去先香脆後鬆軟，也散發着像是蛋糕新鮮出爐的香味。雖然只是簡單的改變了一點煮法，想不到感覺這麼的不同。另外還有乾脆叉燒包，也是多了烤的步驟。香口的叉燒包也不錯，但我覺得烤的時間可以少一點，現在略嫌有點過乾，馬拉糕略勝一籌。不過勇於創新值得一讚。當然有點我最愛的流沙包，加了可愛的卡通元素，吃得又睇到，一咬下去奶皇滿瀉，是我近期吃的流沙包中質素很不錯的一個。點了個珍寶蒜蓉蒸開邊蝦飯，果然蝦的份量很多，蒜蓉與蝦的配搭一向很配，沒什麼好挑剔的。媽媽特意叫了一個她喜歡吃的雞扎，想不到傳統點心也有一定水準。兩件超大件的雞扎分量十足、雞肉夠滑。價錢方面豐儉由人，跟其他的創意點心店差不多。吃厭了普通點心的人，來這𥚃應該會有點小驚喜。…Read More