Tiew Ruea Tor Charm (Tai Po Mega Mall)

就算係weekend嘅大埔，都係咁人山人海，大家都想食得精緻啲大胃就去食個麵，反而飯堂式嘅餐廳就冇咁多人原來呢度嘅雞髀都好出名，果然名不虛傳，炸得好脆，咬開肉汁四濺，肉質好熱好嫩，火候控制得好完美船麵亦係呢度嘅招牌，有牛腩、牛肉片、牛肉丸、雞絲、雞翼、豬肉、豬肉丸同豬潤，分分鐘抵食過車仔麵麵底都有四款選擇，金邊粉超索湯汁，彈牙又開胃東南亞嘅表表者，海南雞飯又點可以唔叫呢？仲要係黃油飯，今日好難抗拒。雞肉份量都幾多，而且唔太肥，不妨一試估唔到呢度嘅串燒都幾有一手，燒牛舌有兩大片，燒汁好惹味，而且質感好煙靭佢哋嘅飲品都幾得意，係用碗嚟裝住，打卡值爆燈，泰茶好有茶香好冰凍，完全冇冰，所以唔會怕溝淡菠蘿冰以為佢會好甜，但原來都唔係好甜，而且果肉好多，算係幾健康嘅一杯飲品…Read More

之前食過銅鑼灣同尖沙咀既船皇，今日機緣巧合嚟到大埔，順便去埋船皇係大埔超級城既第三間分店！大埔分店比銅鑼灣同尖沙咀大得多，而且更闊落。另外門口擺放左一架泰國傳統交通工具嘟嘟車🛺，絕對係餐廳既打卡位。運作形式亦有所不同，客人先下單付錢，然後等號碼才出去拿食物。- 船皇湯麵每次都係選擇蛋麵，今次都唔例外，口感似鹼水麵，但容易咀嚼。我仲加$1 轉左和牛。和牛幾較稔，肉味香濃。另外仲有大量材料包括雞翼、牛丸、豬皮、豬肉。- 泰式炒金邊粉金邊粉係大埔限定，所以非叫不可。金邊粉煙煙韌韌，唔係太濕濶，甜酸程度啱啱好，不過略嫌唔夠穫氣。- 串燒派對沙嗲雞肉叫左三串，沙嗲汁偏甜。魷魚鬚相當大隻，串燒牛舌非常厚肉，豬頸肉燒得好香口，而且爽口彈牙。- 泰式奶茶泰式奶茶係每次必點飲品，口感滑溜，越甜越喜愛😍- 凍檸檬茶茶底有餘韻，而且唔太甜，啱晒我女朋友。總結：終於過三關去齊晒船皇三間分店，船皇湯麵仍然係必叫食物，串燒不過不失。…Read More

原來船皇大有來頭，泰國的過江龍，在泰國有近50間分店與泰國同樣的餐單，所有材料、調味料均由泰國直送重點的是價錢也很親民湯麵1號 – 豬肉+豬肉丸+豬潤湯麵 - $48選了金邊粉和小辣獨有船麵湯底配方和泰式調味料都由泰國總店提供湯底先煲牛骨三小時，再加入班蘭葉、香料、香葉、枸杞等秘製藥材膽，熬製八小時，故湯底十分之濃郁豬潤很嫩滑，金邊粉很吸收湯汁，充滿泰國獨有醬汁風味，味道惹味刺激，辣度可選高一點湯麵3號 – 牛腩+牛肉片+牛肉丸湯麵 - $52選了金邊粉和不辣牛味很濃郁，建議可加些泰式酸汁和選辣味，香辣更開胃串燒沙嗲牛肉(2串) - $32串燒沙嗲雞肉(2串) - $28新鮮燒起，惹味濃郁的沙嗲醬，甜甜的，帶點花生香味，令人回味無窮串燒牛舌(2串) - $36可選燒汁/沙嗲醬香濃惹味的泰式燒汁，牛舌厚大而不韌，惹味泰式炸蝦卷(3件) - $22酥脆香鮮，再蘸點泰式甜酸醬更美味泰式菠蘿冰 - $18盛載飲品的碗充滿泰國風格，風味十足菠蘿冰清熱解暑，果味十分突出泰式龍眼冰 - $15龍眼清甜，透心涼的感覺…Read More

💭大埔超級城C區食肆雲集，最近進駐了一間主打泰國船麵的「船皇」，於是今日特別約埋朋友一齊來試一試。◾️船皇餐牌主要有湯麵和撈麵，仲有飯類、串燒及小食，都有好多選擇。麵底可以揀蛋麵、米粉、河粉或金邊粉，而味道又可揀大辣、小辣及唔辣，總之就按個人喜好，自己話晒事。◾️採自助形式，先到收銀處點餐付款，然後找個位子坐下，食物弄好後再出去取，而弄餐都算快，但因我哋叫了多款串燒小食，所以要出多幾次攞食物，整體上都算方便。🥢船皇湯麵  $58船皇湯麵揀了金邊粉，湯底唔辣、鮮甜濃郁，不會過鹹，味道剛好。金邊粉軟滑幼細、索湯汁，十分入味。餸料有牛腩、牛肉片、牛肉丸、雞絲、鹵水雞翼、豬肉片和豬肉丸，牛腩腍身、肉丸彈牙，炸豬皮脆卜卜、唔油膩，總共八款，可謂包羅萬有，非常豐富，簡直是大滿足。🥢香葉肉碎飯    $58朋友揀了限定供應的「香葉肉碎飯」，肉碎經乾葱、魚露爆過，又香又惹味，肥瘦適中，加埋太陽蛋的蛋汁，撈飯食，正！🥢泰妹雞翼  $225件單骨雞翼，炸得非常香脆，味道帶點辣，很惹味，值得推介。🥢串燒魷魚鬚     $15沙嗲醬魷魚鬚惹味彈牙，一串有兩大條，幾抵食。🥢串燒魚餅   $15點了兩客魚餅，有泰式辣醬和泰式燒烤醬，兩款味道各有特色，朋友就話比較喜歡燒烤醬味喎。🥢串燒牛舌    $15牛舌頗有口感，不會太薄，爽口有嚼勁、唔韌，味道不錯。🥢串燒菠蘿    $12味道鮮甜多汁，菠蘿酵素能幫助消化，吃後感覺很舒服。🍹凍柚子檸檬梳打   （跟餐 $15）單叫$22，跟餐只需加$15，以泰式銀碗盛載飲品，頗有泰國風情，味道酸酸甜甜、很開胃，而且有頗多柚子肉，清香好味。🍹泰式龍眼冰   （跟餐 $15）冰凍清甜，啖啖龍眼肉，飯後吃，感覺很清爽。💭整體來講，船麵配搭頗多樣化，食物質素及性價比高，個人認為絕對是可以再安哥的心水食店之一。…Read More