Reiwa Izakaya

A4日本黑毛和牛壽喜燒令和居酒屋 (旺角)​今次同朋友黎到位於旺角嘅日式居酒屋，當然要試試佢地最出名嘅壽喜燒啦，一黎可以暖暖個肚又可以試下高質靚牛🥰👍🏻♡A4日本黑毛和牛壽喜燒♡​今次壽喜燒就配左A4日本黑毛和牛，黑毛和牛脂肪同肉質分佈好均勻，唔會話好多筋，牛味好重加上壽喜燒湯甜甜地非常之配，如果可以配埋日本蛋一齊食就100分，咁見佢仲配左野菜豆腐盤，配菜款式都幾多，好食👍🏻👍🏻♡四色剌身盤♡剌身盤包左三文魚、吞拿魚、赤蝦同帆立貝，四款嘅質素都好高，食得出係好新鮮同處理得好好，唔會有雪味無腥味，下次黎一定會再叫其你剌身試試🥰♡串燒拼盤♡串燒方面令我好有驚喜，好好食!!! 點解咁講因為除左肉類串燒燒得好之外配菜類串燒都燒得非常香口，加埋調味粉同醬汁更惹味，食完完全唔夠喉👍🏻咁另外仲見佢有好多燒鳥類嘅串燒咁就留返下一次試試啦💯♡令和玉子燒♡去唔同居酒屋都要試試玉子燒，玉子燒甜甜地再配左醬汁可以點黎食，總整不錯😋😋最後餐廳都有唔同種類嘅梅酒清酒等等，放工同朋友一齊黎食野再飲返2杯吹下水都非常之適合🍻🍻…查看更多

夜晚同好耐無見嘅朋友聚一聚，搵間居酒屋🏮飲吓酒食吓串燒就啱曬啦！之前已經喺尖沙嘴食過一次令和鍋物酒場，知道佢哋嘅食物同環境都唔錯，今次嚟到旺角一樣無失望啊！#四色刺身盤 💰$126刺身非常新鮮，無雪藏味或者結冰嘅感覺。尤其係赤蝦，一啖一隻綿密嘅蝦肉口感🦐真係十分滿足啊！#燒鳥拼盤💰$98唔同嘅🐓部位都有得食，內臟同肉都有，都燒得好香口🥰不過燒雞皮略嫌咸咗少少🤏🏻#串燒拼盤💰$138金菇肥牛卷真係世一！出面嘅牛燒得焦香，入面嘅金菇好爽口，雖然啲金菇係一紮咁，但唔會有咬唔斷或者一舊咬唔爛嘅感覺。大蔥豚肉卷都好正🥹一樣豚肉燒得好焦香，大蔥咬落無乜渣而且索曬燒汁，一口食落去真係好滿足😋所有有大蔥嘅item都大推！#黑毛和牛鍋燒烏冬💰$98雖然佢望落普普通通，但和🐮嘅質素真係唔錯！想食啲有湯嘅嘢暖胃嘅話，呢個係唔錯嘅選擇。烏冬質感比較軟身，我個人好鍾意食比較冧嘅麵，所以食得好開心。湯底清清地，唔咸。#清酒煮蜆💰$75每一粒蜆肉都非常大粒，脹卜卜同埋多汁，我自己食嘅時候真係食到粒蜆噴汁😂鍾意食蜆肉嘅話，千其唔好錯過🥰…查看更多

咚！咚！咚！🎉一入到餐廳老闆就會擊鼓歡迎客人🥁好熱情呀❤️‍🔥牆身貼滿酒labels 真係𣊬間好似身處係日本咁🇯🇵前菜有一小碟中華沙律🥗但可惜冷氣太大 食物會好快變凍 所以要趁熱食喇‼️有啲隱藏menu會用黑板顯示 不定期更新✨.📌燒牛大腸串 $30口感比豬大腸硬 醬油烤到好香 外皮焦香 好香牛味🐮腸唔會過肥 內部清理得好乾淨🧼.📌燒牛筋串 $30牛筋烤過無平時咁軟 但咬落去都輕鬆～醬油配搭好match🍶外面有少少焦 同樣都係好香好有牛味🤩.📌A5和牛油•燒原條茄子 $58上面嗰啲粒粒係和牛油脂 炸得好脆 有啲粒粒有啲硬 有啲又會咬到佢啲油脂爆出黎好香口🧈配茄子係一個幾有趣既配搭 冇浪費到和牛部位😆茄子好軟已經幫你切好左 食之前淋淋啲燒汁上面 同燒汁好夾🍆.📌明太子沙律 $36明太子切到正方形細細粒 沙律醬同芥末已撈埋入去 辣味可以辟腥🌶咬落去索索聲 口感好過癮 青瓜絲清爽🥒.📌三文魚伴意式黑醋 $88三文魚無乜醋味 入唔到味 但係醋同個沙律菜就好夾🥗略嫌有點搶focus🫣三文魚籽一咬爆開 夾埋一齊食口感層次好豐富😚三文魚夠哂肥美 酸酸地幾開胃🍣.📌燒魷魚一夜干 $88送酒一流 燒得好食過出面啲燒魷魚好多💯魷魚味好香 又唔太乾 配埋沙律醬好好食🦑.📌串燒拼盤 $138全部串串只係用鹽調味去吊番原材料既味道出黎 啱哂唔中意重口味嘅人🥳仲考驗到食材新鮮度😎1️⃣秋葵串：比較草青味 有啲淋唔係爽脆型2️⃣雞翼串：係鹽燒雞翼 略嫌唔夠入味3️⃣冬菇串：唔係好夠味 但就食得到原本香菇既香味4️⃣大蔥串：燒個陣油鎖住左係蔥芯入面 撇除油黎講 大蔥好清甜 但外面個浸有點韌4️⃣大蔥豬肉串：豬味濃郁 咬落去油脂炸開 同大蔥一齊食有中和到油膩感 十分配5️⃣金菇牛肉串：汁燒肥牛同金菇一齊食好出色 好juicy 好好味6️⃣雞軟骨串：如果可以鹹番少少就好了 唔係好夠味 但都係爽脆既7️⃣雞皮串：脆到爆炸 燒到好乾身 超正既小零食 0肥膩感 讚👍🏻.📌堂燒冰火菠蘿 $28名符其實既冰同火 燒到熱辣辣 加埋外層有一層脆焦糖 十分香甜🍍食左咁多串燒 十分解油膩 菠蘿汁係口腔爆開 幸福滿滿🥰.📌Suntory Draught Beer 300ml $48居酒屋點少得叫啤酒🍻Premium malts 神泡啤酒 係用左二次熬煮製法 入口首先感受到綿密泡抹 接著濃濃麥香 入口清爽甘甜 濃郁甘醇🌾.📌熱情果乳酸梳打 $28唔太飲到乳酸味 比較似果醬既熱情果味 但唔太甜 都不錯既 幾解渴😛…查看更多

放工同同事happy hour，搵左呢間位於洗衣街嘅日式居酒屋，價錢抵食之餘又多野擇。仲要好旺場，成晚都坐爆人😀😀.老闆介紹我地食「 日式古法蒸廣島蠔$108」，見價錢抵食，又可以Share就叫咗份食👍🏻估唔到生蠔新鮮又大，經過蒸發之後個蠔既海水味都好濃郁。.之後就叫枱枱都點既石板燒，我就點左「石燒M7澳洲和牛100g - $108」，超過幾百度既石板會由員工直接拎上枱，仲會幫手燒埋，大約幾分鐘就燒到5-7成就食得🥰，牛肉好重牛味又有質感..炸物方面就叫左「炸池魚仔$32」，原條魚仔加粉直接炸，香脆得黎好適合餸酒😚「Suntory $68」啤酒大杯都只係$68。.燒物選擇都好多，叫左「鹽燒油甘魚餃$128」、「雞皮餃子五隻$48」同「串燒拼盤$138」，鹽燒油甘魚餃好誇張地抵食😍平時細細件得個餃位，佢呢度大份到連魚肉都好多，重點係鮮味又嫩。雞皮餃子🥟真係好鬼正，由雞皮包著豬肉餡料，燒得外皮脆卜卜👍🏻 串燒拼盤有肉有菜，抵食大件。.食完仲有得抽獎😅😅雖然抽唔中，但氣氛就好好，值得等位既🙂🙂…查看更多

旅行就無得去啦，日本野還是要食的😋 呢間人氣居酒屋鋪頭細細，但晚晚都爆場，次次都要預早訂定位🤙🏻.🍴 季之美Gin特飲$78同日本一樣，一坐低就叫酒先😙叫左呢隻我好鍾意既日本季之美Gin酒特飲，本身呢支酒好香醇又Fresh, 同一般既Gin酒好唔同，平時出面買一支都差唔多$1000，所以呢度算幾抵飲👍🏻.🍴 三文魚刺身$28 / 油甘魚刺身$32佢既刺身抵食又大片，新鮮爽口又岩餸酒.🍴 日式古法蒸廣島蠔$108幾乎每枱都叫既「蠔」呀😍😍性價比極高，$108有半打 ，蒸蠔超鮮味，新鮮既蠔簡單煮就好好味🥰.🍴串燒拼盤$138 串燒包括：手羽先、雞皮、雞軟骨、大蔥豚肉串、金菇牛肉串、秋葵、煙肉車厘茄、大蔥，串燒夠炭香味又有少少濃邊😙 除返平均都係$17左右/串。.🍴 冰火燒菠蘿$28呢個冰火燒菠蘿🍍好得意，加左焦糖係面再燒，表面甜甜地，菠蘿熱熱地，配酒飲好正😇.…查看更多

呢日行經洗衣街被印有「令和」二字嘅大紅燈籠所吸引，相信呢間居酒屋亦係開業不久，事關日本改年號都係唔夠一年嘅事。牆身貼滿日本飲料同酒樽嘅標貼，亦有唔少動漫金句，充份展現當地文化氣息。一入座店員隨即送上一小盤椰菜，可配以豉油食用，個人更愛原汁原味，新鮮椰菜自帶爽甜。嚟得居酒屋當然要食燒物，選擇困難嘅可以揀拼盤，比單點更划算。燒物火候控制得恰到好處，唔燶唔乾，金菇肥牛份量十足，裏住一大撮金菇，口感爽脆飽滿。大蔥新鮮不老，無咩辣味，吸收咗豚肉嘅油份入口更香。煙肉車厘茄大推煙肉燒得乾脆不油膩，一咬落去車厘汁爆哂汁，酸甜清新嘅汁液充斥住整個口腔，一個字fresh三色刺身價錢相宜，大塊又厚肉，質素唔差，吞拿魚雖然帶筋但無腥味。丼飯份量對於兩個女仔嚟講啱啱好，口感偏淡，建議同醬油wasabi撈勻先食。魚腩蓉滑嫩綿密，接近膠狀，相信係用機器打成，如果改以切剁口感應該會更有咬口:)天婦羅炸得非常鬆脆，秋葵同和牛片嘅配搭幾新鮮，牛肉混和秋葵嘅黏滑濕潤，更能平衡炸物嘅油膩感。呢杯藍蝶花梳打係餐廳招牌之一，絕對係打卡必點，旁邊嘅係檸檬汁，倒入梳打撈勻就會變色。撈勻後紫中帶粉，好夢幻呀～～～梳打無加多餘糖漿，入口清新微酸，一解進食肉類後嘅飽滯，嗝一口氣非常滿足。…查看更多