上海老家

一星期前訂咗位，嚟到發覺冇此需要，一來連續幾日滂沱大雨，二嚟其實搞錯咗應該係小菜館格局而唔係私竇式私房菜。加上6點就報到，先嚟碟「蒜泥白切肉」同「紅油抄手」做住前菜等friend。蒜泥白肉排列比較粗獷，唔似平時一片片層層叠，比一般厚身，有啲捲曲，十片左右，碟底墊咗不少青瓜絲，相對少辣油….抄手皮屬於厚身，顯得內餡份量略嫌少。見到「肉沫炒粉絲」，朋友提醒即是螞蟻上樹，霎時諗起電影春嬌入面谷德昭用呢款餸來比喻女伴面容……。係夠鑊氣，粉絲入味，但調味過龍，好鹹吓，食完每啖要飲番啖茶。徘徊上海四川，想減辣所以斷估揀咗「上海回鍋肉」，呢道就調味適中，鹹中有些甜，炒得肉爽菜香，豆腐乾加多些少就更完美。我對「酸辣湯」冇乜興趣，但無可否認呢碗整得幾好。首先我以為嗌小，只係一個飯碗仔嘅份量，嚟到係成個湯麵碗滿，而且難得酸辣度攞到平衡，唔會只得酸冇乜辣，黑木耳、腐皮、蝦球、筍絲、豆腐粒等用料充足，稀杰度適中，唔好此道都食咗三碗仔。「煉奶炸饅頭」就有啲失準，只得個底脆，包面係腍，似食緊金黃色嘅蒸饅頭多啲。自助落單餐牌餸菜款式會多過實體餐牌，太長不能盡錄，因此只能斷章節錄部分。…Read More

今日午餐去左試試新餐廳，地點係位於大角咀既上海老家，好耐無食上海野啦。友人話呢間係一間平民價上海菜館。喺奥運港鐵站出黎行幾條街就到，都唔難揾。落單用QR code。實體餐牌有冷盤，特色菜，海鮮，肉類，年糕，鍋巴，蔬豆，炒粉麵飯，湯麵，湯羹，甜品。另外仲有特色套餐。今日第一次黎，叫左一個小食同3個小菜分享。陳醋木耳 $50陳醋木耳大大碟，木耳好爽脆，夠陳醋味，食落少少辣。黑醋小排骨 $55黑醋小排骨一共有15粒，上面灑上白芝麻粒。食落甜甜酸酸，質感較乾身，粒粒都有骨咁滯，啲骨都幾硬身。上海回鍋肉 $55上海回鍋肉係炒梛菜，豬腩肉片，豆麩，同蔥，個汁微辣，味道都唔錯，送飯好配，唔太油。乾煸四季豆 $55乾煸四季豆係炒四季豆上面加左肉碎，唔辣或者過鹹。絲苗白飯大大碗，偏乾身。…Read More

突然想食上海菜，咁啱喺附近做完嘢見到呢間餐廳，一於入去試下先，估唔到比我搵到間好嘢，味道正宗，價錢仲唔貴，都幾抵食。上海回鍋肉 $ 88  - 用左好多青紅辣椒、椰菜去炒，豬腩肉片一啲都唔肥，炒得好夠鑊氣又入味，真係唔錯!口水雞 $88 - 雞十分嫩滑，個汁辣度啱啱好，朋友唔食得好辣都食到。奶油津白 $88 - 津白索哂奶油汁，好creamy而且入口即溶，津白份量好多，好大碟。高力豆沙 $72 – 越來越少餐廳肯做高力豆沙，鬆軟蛋白加上內層香甜豆沙，雖然size不大，但好好味，係絕佳既飯後甜品。…Read More

同朋友約係旺角一帶食飯，想食上海嘢就搵咗呢間鋪。晚上食飯嘅人都唔多，一到就可以安排入座。太白醉雞 (例牌) $68例牌分量都唔少，大概有十幾件雞。雞肉都幾滑，仲會有濃濃嘅酒味。雲吞擔擔麵 $65擔擔麵味道同平時食到嘅一樣，湯底有花生醬味，雲吞有三粒，而麵底分量都多。油豆腐粉絲湯 $88成個湯味道都偏清淡，裡面就有粉絲、豆卜同小棠菜。黑醋小排骨 $128小排骨炸得太耐，肉質變到好硬，黑醋味道酸酸甜甜都幾惹味。上海回鍋肉 $88成個菜味道好濃郁，係食得出好夠鑊氣。回鍋肉份量唔多，椰菜就有大量，但我比較中意食菜就可以接受。順帶一提，到埋單先知道原來餐廳係需要收茶位費，每位要$10同加一。總括嚟講，食物質數普通而且唔算好抵食，之後應該都會直接考慮食第間。…Read More

難得經過大角咀.剛好遇見這一間主打沒有味精的上海菜餐廳.決定進去品嚐一番😎晚上入座人數不算多.不用等位的🤪餐廳以全木製🪵作為設計.木凳圓枱的.令人有種古色古香家的感覺🥰▪️茶是採用清新清淡的香片.令人身心舒暢.又解油膩👍🏻▪️太白醉雞 $68花雕油的香味四溢.雞肉肉質冰凍鮮嫩多汁👀剛剛好滿足這炎熱的天氣.吃下啖啖的雞肉都是充滿著花雕的香氣👃🏻令人更開胃的🤩▪️上海回鍋肉&菜飯 $88+$20一上枱便是香氣四溢的鑊氣🤤材料豐富.包括椰菜&青紅椒🫑🌶️仍然保持青脆嫩綠.還有半肥瘦五花腩&豆乾片.薄切的.豬腩片🐷更吸收醬汁的精華&鑊氣.入口肥而不膩的😍雖然吃下有點鹹.但配上菜飯就是一流味道剛剛好🤤菜飯是即叫即做的.撈上雞油的滋味感覺.滲入每粒米飯中.非常可口😎而且菜還是保持青綠.是真的傳統上海菜飯.還帶點鍋巴香▪️油豆腐粉絲湯 $88 油豆腐粉絲·湯底是利用了黑蒜麻油所調配.顏色較為深色..而且粉絲&豆腐都吸收了湯底的精華.吃下氣騰騰的香蒜麻油氣味.味道不會太濃太鹹👍🏻..還配上冬菇.蝦米.榨菜等配料.令口感的層次大大提升更為美味👀不過略嫌湯底有點油粉絲有點小和湯底有點油.吃完過後滿嘴都是油油的..…Read More

是晚開車到大角咀食飯, 這邊有間朋友介紹的上海餐廳, 識得食既朋友仲可以自來魚翅, 叫大廚整 “私房菜” 睇menu 的菜色已感覺到大廚懂得煮出一手好菜! 乾燒明蝦, 無鍚脆鱔, 沖燒烏參, 脆皮素鵝, 鎮江肴肉, 紅燒元蹄 韭黃鱔糊, 松鼠大黃魚, 烤巴蜀香酥孜然羊腿, 拆骨魚頭, 椒鹽八寶鴨…….看名字就知要多有功力才能煮出這手特別的手工菜色還有 “私房菜套餐” 2人來吃飯叫不了這麼多, 下次真的要人齊一起來, 所以隨意叫了一點捧捧雞 $60賣相似雞絲粉皮, 名字由來是因為製作時要用棍(棒)將雞肉捶鬆, 方便入味有麻醬, 少少辣椒油等調味料炮製,  辣度是可以調節麻香四溢, 粉皮嫩滑上海回鍋肉 $88上海菜中, 我最深愛的是 “上海回鍋肉” , 香濃惹味、配飯一流! 上海回鍋肉是配帶皮五花腩, 豆乾片, 椰菜, 尖椒與蒜苗。上海菜的精粹就是「濃油赤醬」，油重味濃，那麼做回鍋肉的醬料也不能輕手, 會用甜麵醬、川式用豆瓣醬, 醬料一點都不能輕手, 十分惹味! 所以對回鍋肉是一個又愛又恨 特價 – 酸菜魚 $38餐廳做緊大特價! 原本$128的酸菜魚, 現在做緊 $38一大碗, 而且是用上很多超大塊的高級龍脷柳, 這個價錢真的性價比極極極高! 少少酸辣, 很是開胃, 而且大塊的無骨魚柳嫩滑，湯㡳濃厚而不膩, 可以直接喝的，酸酸辣辣, 非常開胃流心高力-4粒 $80這道菜有點驚喜! 我第一次食到有不同果醬作餡的高力, 有檸檬味, 士多啤梨味, 青蘋果味, 打破了我對高力的印象, 原只以為可以配豆沙! 想不到可做到流心果醬效果, 味道清甜而不膩整體而言, 這間餐廳的質素其實很高! 可以下次大節日跟家人同事在此試試私房菜! …Read More

奧海城就去得多，今次黎到呢間係奧運站附近既上海菜，裝修又真係好靚，又種傳統味！估唔到好多人，連book左位都要等位！其實好欣賞佢仲用圓枱，依家個個為左慳位都少見左用圓枱既餐廳，團團圓圓都好岩帶長輩黎食！樓面好少人，廚房可能都唔多師傅，如果你追求快餐既速度，咁勸你唔好黎！紅油抄手 （$65）上海菜連鎖餐廳食唔少，味都想像到。今次叫左紅油抄手，因為朋友唔食得辣，餐廳好貼心幫我地轉左bb辣，有少少麻味！侍應即使好忙都同我地解釋個餃子係西洋菜，一般我比較鐘意韮菜餃，但意外覺得好好食！皮薄，菜同餡都好清新，手工整既餃子真係可預不可求！上海回鍋肉 （$88）油光閃閃，一睇就知餸飯一流，稍嫌太咸，但食番到上海既地道風味！真係係香港食咁多間，少有食得出上海味！金湯酸菜魚 （$38）完全估唔到呢大盤魚只係$38！好多酸菜，岩哂我呢個酸菜黨員，勸大家食得辣既叫辣啲先好滋味！魚係用左龍俐柳，魚身一定冇桂花魚咁滑，但呢個價錢算好抵食！餐廳真係好抵食，唯一不足係上菜有少少慢，一黎可能係菜式太多選擇啦，而且餐廳唔夠人手，但想食好野就要等下師傅整啦，味道絕對唔係敷衍大家既快餐味！同埋可能太多外賣個收銀機真係好嘈。食物很不錯，推薦大家黎光臨下！…Read More

同事弄瓦之喜，探完朋友睇完BB，除即係佢屋企附近食晚餐，朋友介紹佢屋企樓下間上海菜水準唔錯，而且上埋*上海老家*社交平台 讚個 like 就可以以$38 食原價$129嘅酸菜魚。打開餐牌有冷盤、特色菜、海鮮、肉類、蔬菜、湯羹、年糕鍋巴、炒粉麵飯、甜品、仲有預訂菜….. 各式其式，好多選擇。先黎個紅油抄手，order左中辣，一碟有8粒，中間鋪滿蒜泥同蔥花，增加香味，而個紅油汁稀杰度適中，剛好掛上每粒雲吞🥟上面；一啖咬落去，充滿肉汁🥟，同一時間西洋菜香氣直衝味蕾，之後舌尖開始感覺蒜香同辣度，係個非常開胃嘅前菜。回鍋肉，好耐都冇食過嘅小菜，一上枱已經香氣撲鼻，入邊大量椰菜同青紅椒🫑🌶仍然保持青脆嫩綠，肉係薄切豬腩片，肥瘦交疊，入口肥而不膩，非常有鑊氣嘅小菜，呢個回鍋肉同白飯🍚真係最佳拍檔🤗。酸菜魚 (大家記得先係上海老家社交平台打卡，咁就可以以$38蚊優惠價品嚐呢味菜)，大量荽茜、蔥段、大豆牙、小雲耳作配菜，增加口感同香味，魚塊好滑溜，夾起唔會鬆散，魚肉仲一梳梳，好有口感，太好味啦，忍唔住問店員係用咩魚製作呢味酸菜魚，原來係用高級魚柳，怪唔知咁好味啦；而酸菜湯酸咸度適中，好岩我口味。最後緊係嘆番個甜品啦，桂花酒釀湯丸，淡淡嘅酒香同桂花味道好夾，流心芝麻被軟糯嘅湯丸包住，大大粒有兩粒，一啖咬落濃濃芝麻夾心湯丸，連埋糖水一併放入口，甜度balance得好好，真係好食到停唔倒。…Read More

放假去咗大角咀按摩，疏乎完就去食晚餐。師傅力推呢間位於街尾嘅「上海老家」，佢話個個禮拜都會去食客飯午餐，大件夾抵食，講到好正咁😛。餐廳用上木系枱櫈🪑，環境裝修富有中式風味，但面積唔大，所以四人枱有少少迫，兩個人坐會適合啲。不過枱同枱之間有用上高身膠牌作分隔，防疫意識高。女店員好友善，我哋坐低無耐就有熱茶飲🍵(茶位$10/人)，而且佢仲會主動介紹菜式，非常專業啊。餐廳而家做緊金湯酸菜魚嘅推廣，原價$138嘅菜式竟然只係賣$38😱，直頭平過一碗米線。呢款酸菜魚唔係用桂花魚，而係用上無骨龍脷魚柳。其實我哋本身對酸菜魚無太大興趣🐟，但見咁平又無骨就試下。不過實物出到嚟都唔錯，佢嘅酸味一啲都唔難聞，我哋最怕係好臭嗰啲啫。湯底微酸加微辣，幾惹味。魚柳大約有十件，肉質幾滑。魚之外仲有大量配菜，包括鹹酸菜、大豆芽菜、芫荽、芹菜、韭菜同蔥等等。上海回鍋肉($88)，回鍋肉係我最鍾意食嘅上海菜式之一🐷，店員話如果食得辣，先好叫四川嗰種，上海呢種都辣辣哋，但加埋甜味，絕對係老少咸宜。呢碟回鍋肉真係好正啊，好足料，有齊豬腩片、椰菜、三色椒同豆腐乾等；而最重要嘅係佢超夠鑊氣得嚟唔會太油，配飯一流🍚。但白飯$15一碗就有少少貴啦。太白醉雞($68/例牌)，醉雞就屬正常水平啦🐔，酒味濃度適中，雞肉亦算嫩滑。再者，我食得出雞味，佢並唔係用無厘味道嗰啲雪雞。但我始終略嫌雞肉比較薄身，加上要噒骨，未算太吸引。高力豆沙($18/粒，4粒起)，店員叫我哋一定要食呢個甜品，即叫即整，保證好味。佢好細心，見我哋就嚟食完就問係咪可以叫廚房準備👍。高力豆沙同莎翁以及泡芙撞樣，四件個形狀不一。食咗一啖我已經覺得超好食😋，佢更令我重新定義何謂「高力豆沙」，應該講我從來都唔知佢係咁嘅味道，喺其他地方食完全唔係呢個感覺！外皮經油炸後並唔油膩，沾上砂糖又甜又好口感，再咬深少少，嗰層蛋白發得夠脹夠充實，但同時亦好鬆化好有彈性，呢份質感實在令人著迷😍。豆沙餡唔算特別多，啱啱好呢。一人食兩粒我都嫌少！留意返，相機食完就好即刻食，我食第二件，即係上枱後過咗五分鐘左右，口感已經爭少少。總括嚟講，估唔到大角咀舊區內有間咁高質嘅上海菜館🥢，無論食物味道定服務態度都令人非常滿意。雖然堂食客人未有太多，但外賣訂單就多到一個點，我幾乎未見過店員停手。餐廳位置確係隔涉，但如果下次我想食上海菜，我真係唔介意專登嚟囉。推介🌟！最後，我上載埋餐廳完整餐牌以供參考。…Read More

上海老家喺大角咀嘅中滙街，晚飯時段出面啲車泊滿晒，非常熱鬧！店內走簡約的中式風格，簡單又舒適！除咗散叫之外，仲有多款套餐可以自由配搭！不過我地得兩個人，都係散叫啱啲！中式餐館配韓式飲品，非常特別！Order咗唔夠五分鐘，啲嘢食就陸續上菜，超有效率！韓式飲品 $10 per each晚市黎講，十蚊一罐唔算貴，都幾公道！涼拌萵筍 $42十分清爽的一碟涼菜，萵筍絲爽口得黎仲頗為清甜，很不錯的前菜，推介！皮蛋豆腐 $45豆腐冰涼而且極滑，醬汁超濃郁，重口味人士必點！欖菜肉碎炒飯 $68大約五分鐘左右就上菜，仲要係出晒煙熱辣辣，即叫即炒！炒飯香口惹味，正！店員叫呢碟做欖炒飯，哈哈！上海回鍋肉 $68同樣上菜嗰時都係出晒煙，椰菜爽脆，腩肉、豆乾和青紅椒都超惹味，必點！…Read More

今晚又黎到大角咀諗住買我最愛的口水雞食，行過見到呢間餐廳好多人排隊，所以就去望下，原來開左間新的上海菜餐廳，既然咁多人排隊，相信都應該好食的，所以就決定試下呢間上海菜。因為我地兩個人都原故，所以比較快有位。餐牌都有好多唔同既菜式可以揀，見佢個套餐好似幾抵食，所以就叫左套餐，另外仲叫左酸菜魚食。酸菜魚($38)，新張期內，只要在facebook follow同share呢間餐廳，就可以用$38呢個優惠價食，而份量都算幾多，眼見差不多枱枱都會點呢款菜式。酸菜魚用上一個大碗盛著，份量都剛剛好可以2-3個人食，這裡的魚是冇骨的，非常有心，而且魚肉嫩滑!湯底味道唔會好酸亦唔辣的，飲得出沒有落味精。魚片都算幾多，酸菜也有好多，而芽菜都唔少，岩哂唔食得辣又想食酸菜魚的朋友!套餐($238)包括有湯、小食、小菜及附上一碟炒菜!酸辣湯，好耐冇飲酸辣湯啦，這裡的酸辣湯材料都幾夠，有蝦仁、豆腐、筍、木耳等，唔會太辣，而且唔會好傑，重點冇落味精，所以成晚都會口渴的感覺!烏荀絲海蜇，烏荀絲口感似青瓜，加上海蜇，兩者都係爽口的食物，拌入了麻油，所以味道很香，口感豐富。上海回鍋肉，回鍋肉好有鑊氣，豬肉片唔會好肥，除了有椰菜，還有紅椒青椒，立時覺得較為健康。醬汁有少許辣，用黎送飯更加惹味!蒜蓉炒白菜仔，呢款白菜仔味道好有酒樓feel，夠熱得黎又夠鑊氣!因為新張期的關係都比較多人食，不過餐廳價錢唔算好貴，食物質素都唔錯，可以再光顧!…Read More