OTETSU

近排工作壓力大，所以想出去透下氣，吃過好的，所以相約友人出去銅鑼灣食餐鐵板燒，見網友好評如潮，故一於就選這間吧！乘電梯直達，去到地方不是太大，但環境別緻。被安排坐下後，聽店員一輪介紹下，就決定食一個SET D 二人餐。首先係一個季節沙律，用上一個大玻璃碗盛載著，每人一個，沙律裡面有炙燒堅魚，蓮芋，羽衣甘藍，日本蕃茄仔Amela，土耳其無花果及泰國露荀，入口清新可口，加入酸甜的柚子醋，堅魚的香，蓮芋的爽脆，Amela 蕃茄仔的香甜，無花果的清甜，加埋露荀的新鮮，令今晚的盛宴揭開序幕。原隻日本象拔蚌，它是山梨縣白松貝，比一般的象拔蚌來的細隻，但勝在夠鮮夠甜夠爽脆，配上紅肉雞冠海草，海草含有大量骨膠原，女人食就就好不過了！西澳龍蝦配海膽汁，龍蝦煎到八成熟，用海膽，新鮮蝦膏同牛油煮成汁，令到客人可以吃到本身龍蝦原味外，還帶出額外的海鮮味。龍蝦爽口彈牙，啖啖肉，吃上去很滿足。食龍蝦不離飲番杯清酒，店主介紹了這雙空蔵雄町，這隻清酒可配雪魚白子，龍蝦，虎蝦一齊，特別香醇濃厚！熊本縣A5和牛（厚燒）＋香煎野菜，因為和牛沒有經急凍，沒有血水流出，所以肉質比較軟腍和肉味梗加濃郁，再配炸了的獨子蒜一起吃，想再濃味一點，可點旁邊的黑椒鹽調味，和牛入口即溶的感覺在口腔不停上演，夾著炸獨子蒜一起吃還會減少和牛的油膩感。配菜是南瓜，蕃薯和大啡菇，南瓜和蕃薯都煎得很香脆，大啡菇雖然煎了但都吃到裡面很多汁，可口非常！堅魚昆布湯，湯裡面有加拿大北寄貝，鮮菇，昆布和用上厚身堅魚肉做湯，令湯梗加清甜，入口堅魚味清甜，北寄貝很大隻，加入鮮菇和昆布令湯味再提升，感覺健康和可以清洗口腔的濃味感，非常好飲！三文魚籽海膽炒飯，用上細小的玻璃杯盛載著很別緻，裡面有三文魚籽，海膽和一些海鮮，炒飯炒得很乾身，加上魚籽的海水味和海膽的鮮味，簡直是人間美食！最後當然是甜品啦，我就選了豆腐雪糕，入口一陣陣的豆腐味很清新香甜，令今晚豐富的一餐劃上完美句號！:)…Read More

識飲識食老友推介這樓上日本鐵板燒，佈置富東洋味，是次晚膳，看菜單有套餐多款亦可散點，決定來一個D餐😙頭盤至甜品共七道:季節沙律: 配上蕃茄酸汁，菜蔬清新爽口，放上數隻彈牙蝦仁，開胃頭盤😋原隻日本象拔蚌: 魚生级象拔蚌切件燒至八成熟，伴以海藻，三文魚籽及菊花瓣，入口爽脆😋西澳活龍蝦配海膽汁: 剛熟蝦肉燴上龍蝦羔，海膽及牛油混成之醬汁，龍蝦肉咸水味足，咬落有質感，活海鮮果然不同😋熊本縣A5和牛(厚燒，薄燒)伴碟以香煎野菜:三成熟和牛兩款食法，薄燒成肉卷内放葱花脆蒜，厚燒切成塊件，肉卷鮮嫩香口，厚件肉滑有口感😋伴以意大利青瓜，鮮冬菇及番薯，正好淡化和牛油香😋吸物: 北寄貝鰹魚清湯，清香甘甜，材料十足😋三文魚籽海膽炒飯: 賣相一流，炒飯用杯上，面鋪金箔好貴氣😋紫薯雪糕: 這甜品清新醒胃，飽飯後好選擇👏不失為一餐高級鐵板燒👏…Read More

這間日式鐵板燒位於近著銅鑼灣站C出口的駱克駅，店內裝修充滿著傳統的日式和風，座位寬敞且舒適，座前就能觀賞到師傅的製作過程，魚缸內更放滿新鮮的龍蝦和象拔蚌，亦能看到助手鮮劏海鮮的過程。晚市一共有五款鐵板燒套餐，最適合慶祝或約會享受美好的晚上。OTETSU Dinner Set D - $2688季節沙律好大碗冰涼清爽的沙律，除了爽脆的沙律菜外，還有香甜多汁的日本蕃茄和無花果，更有脆嫩的蓮芋，加上爽滑彈牙的鮮蝦仁，再淋上酸酸甜甜的蕃茄酸汁，好開胃。原隻日本象拔蚌來自愛知縣的白松貝，上層一條條的肉身，特別斜切成條狀，口感更加薄脆和爽口，底部一片片的膽，質感軟糯，味道好濃郁甘香，再墊著紅綠色的雞冠草，味道清淡不奪味，有著豐富骨膠原。西澳龍蝦配海膽汁龍蝦界數一數二的西澳龍蝦，體型肥美又大隻，飽滿的肉質鮮嫩多汁，更有著豐富的營養。簡單以牛油提起鮮味，再將龍蝦頭膏煮成甘香的醬汁，八成熟的龍蝦肉最為爽滑彈牙。熊本縣A5和王牛(厚燒)「和王」屬於頂級品種，和牛油花遍佈均勻又鮮嫩，加上這款超和牛無經急凍，一直保持於零下兩度，肉質特別軟嫩且帶溫和香味，入口幾近即化，或可再蘸上竹炭鹽和蒜片，層次變得更豐富。香煎野菜美國大啡菇有著厚厚的菇肉，咬開有豐溢的水份和濃郁的菇味；日本白蘆筍比起常見綠色的，更加細嫩鮮甜，好清脆；日本蕃薯香甜軟滑，入口鬆軟。吸物色清味鮮的昆布鰹魚清湯，以鰹魚乾、昆布等長時間熬製而成，香味非常之突出，更有本菇、昆布和北寄貝好鮮甜。三文魚籽海膽炒飯鮮橙色的北海道海膽肥大肉厚，質感濃稠奶滑，入口甜度好高，加上爽脆多汁的三文魚籽好鮮味，粒粒分明的炒飯充滿蛋香，更有少少彈牙的鮮蝦仁，好有鑊氣。雪糕夢幻粉紫色的紫薯雪糕，入口奶滑，散發著香濃紫薯味，甜而不膩，更有少少起沙香甜的紅豆，以及酥脆的夾心朱古力棒作點綴。咖啡或茶很少晚市套餐跟配甜品後，還會有餐飲，鮮奶和糖另上。…Read More

高質鐵板燒之夜今晚到銅鑼灣「御鐵」品嚐一餐美食，此店交通十分便利，座落在銀座式的大厦內，門一開巳見鐵板檯在面前，座下後店員殷勤地送上熱茶和餐牌。季節沙律新鮮沙律蔬菜和爽口蝦仁配上柚子醋，真係一道開胃菜。值得提提便是盛載沙律的器皿都預先冷凍，保持沙律溫度，真係細心。原隻日本象拔蚌原隻象拔蚌已預先處理好切成條狀，師傅將象拔蚌的不同部份分開烹調，可知他對時間掌控甚有要求。經過一輪熟練的煎炒手法，加上少許調味和醬汁，一碟滿滿的象拔蚌已送到我面前，嚐一口，象拔條軟硬適中，鮮甜無比，象拔肚嫩滑肥美，真係要俾十個贊！再配上碟旁的芥末汁，又有另一種美味。西澳龍蝦配海膽汁原隻生劏龍蝦放在鐵板上輕煎片刻，再拆殼起肉，輕而易舉便把兩大件雪白色龍蝦肉起了出來切件煎香，另一方面就把牛油和海膽醬汁調配好，再加入龍蝦肉炒炒，上檯時還放上食用花配襯。沾滿金黃色醬汁的龍蝦肉，味道香濃，加上鮮度十足龍蝦味，就是極品。香煎野菜加拿大南瓜片十分香甜，大啡菇肉厚多汁，翠玉瓜清甜爽口，這三種食材都各有長處，配搭起上來，真係多種享受。熊本縣A5和牛厚燒看見件A5和牛，肉色粉嫩，脂花分佈平均，已知是極品。和牛在鐵板上煎出油脂香氣撲鼻，外層煎至微焦，師傅將整件和牛切成一口丁上檯，外層焦香，內層肉嫩，肉汁豐盈，牛油脂味甘香，真係百吃不厭。西班牙伊比利亞黑毛豬伊比利亞豬是我近年的新歡，師傅介紹這款豬肉質腍滑，肉味濃郁，不用煎得太熟八成便可，再用木燻過，更多一種享受。三文魚籽海膽炒飯杯賣相已很吸引，三文魚籽的咸香和海膽的海水鮮味，令平凡的炒飯變得不平凡。海苔北寄北鰹魚湯食完一輪肉肉，飲啖清甜順喉鰹魚湯，一解油膩。凍咖啡香醇芬芳，炭燒味恰到好處，又可解解油膩。紫薯雪糕紫薯雪糕微甜，還有一些紫薯蓉配上粒粒紅豆一起食，真是互相輝映。「御鐵」鐵板燒這閒店，高質的食材，師傅熟練的烹調，店員的服務，舒適的環境，全部都拿滿分，我相信不久將來我又會再約朋友來享受一番。…Read More

自上次同阿妹食完一間高級鐵板燒就對鐵板燒既熱情升溫不少,見呢間餐廳普遍既評價都幾好,今晚又黎同阿妹豪刷一餐七點去到餐廳客人唔算多,只有一枱,感覺幾清優舒服,餐廳佈局分左右兩邊吧枱,因此每位食客都可以睇到廚師精湛既廚藝同新鮮既食材我地兩個被安排坐喺右手邊既吧枱,最左手邊仲可以見到個魚池睇到生猛既海鮮,諗到一陣就可以食到都流晒口水今晚揀左個$2688 既D餐(二人餐)日本野菜沙律餐廳提供左幾種汁可以揀,有蕃茄蒜汁、柚子醋同芥末醋,我就揀左最穩陣既柚子醋,味道酸酸甜甜十分醒胃,除左新鮮又顏色鮮艷既沙律菜之外,仲有幾隻蝦仁,肉質都爽口彈牙,同埋又係有蓮芋好過癮日本原隻白松貝日本人叫既白松貝即係我地叫既象拔蚌,平時象拔蚌都係食刺身既多,因為刺身先最鮮甜,令我意想不到既係今晚呢個鐵板燒既象拔蚌竟然超乎我想像既鮮甜,廚師十分細心,放最上面既係拔既部分,口感比較爽口彈牙,味道都係鮮甜既,就算唔點旁邊既芥末忌廉汁都已經好好食,而下面幾舊就係象拔蚌既膽部分,雖然口感不及拔既爽脆,但鮮甜味十足更加濃味,最下面既係雞冠海草,無咩味道既,但廚師話有豐富骨膠原,咁當然要食埋啦,點番個汁食就啱啱好西澳龍蝦原隻澳洲龍蝦,睇樣已經好吸引,廚師亦煮得十分講究,首先煮既係龍蝦鬚,煮熟定型,預備用黎做伴碟之用,再黎原隻開邊龍蝦會先煮一煮,煮到稍熟就可以離殼再切件,再黎就係用番龍蝦頭既膏加上海膽,牛油同酒煮成既汁再燴一下,連煎好既大啡菇都一樣有用個汁燴一燴,真係一絲不苟廚師話個龍蝦煮到八成熟可以食到個彈牙又食到個鮮味,個火侯廚師的確拿捏得好好,我地食到既感覺正如廚師所講咁,肉質彈牙得黎唔會好韌又食到個鮮味,配堆個香濃既醬汁真係無得彈,個大啡菇都煎得好juicy厚燒加薄燒既日本和牛兩款都好正,未煎既時候已經見到個薄燒和牛既脂肪分佈得好平均,廚師先炒香一堆䓤蒜,煎好和牛再捲入去,一放入口和牛既油香再配埋蔥蒜真係一絕,阿妹食完都讚不絕口厚燒相比薄燒就更右加食到個口感,肉質稔滑有濃濃既牛味,加埋少少竹炭海鹽味道啱啱好,廚師介紹話個和牛係保持冰鮮而無冷藏過所以唔會有血水,呢啲道理我唔太了解,反正就係好食啦,連啲配菜都一樣俾我清晒,配菜有比較少見既日本既白露荀,南瓜同蕃薯,配菜都咁出色,所以全部都無得留低,俾我清晒三文魚籽海膽炒飯海膽鮮甜無腥味,炒飯炒得好乾身,粒粒分明,炒飯既配料都係爽口既,其實食到呢碟已經飽,但最後個炒飯都食晒就唔洗講咁多啦昆布鰹魚清湯個湯真係好清,配料有本菇,北寄貝同海草,食完濃味野清一清都不失為一個好既方案甜品豐富既一餐都要有一個甜品作結先叫圓滿既,雪糕有柚子,士多啤梨,雲喱拿同朱古力可以揀,阿妹揀左少有既柚子,而我就保守派揀士多啤梨,士多啤梨味食落似某M字頭品牌出品,柚子味就有驚喜,真係好有柚子味,威化卷都脆P.S: 廚師服務態度好好,每煮好一道菜都會做番介紹,服務員亦好有禮貌同友善,好勤力加茶…Read More

相約朋友去銅鑼灣食好西，當然要找間好店還預約埋，因為今晚主題是鐵板燒。見餐牌中有好幾個套餐，內有海鮮/豬/牛/羊供選擇，款款都很吸引，今次先試試 Otetsu Set D。先來一客季節沙律，碗內放滿新鮮沙律菜和海草，還有大大隻海蝦仁，配上特色的芥末沙律醬汁，十分醒胃。原隻日本象拔蚌接下來正式開始今晚的鐵板燒，師傅將原隻日本象拔蚌切成條狀，令到口感更豐富，味道更鮮美。西澳龍蝦配海膽汁整隻西澳龍蝦即場生劏，然後放在鐵板上略煎，將外榖擦開取肉，完美的龍蝦肉便誕生。接着師傅將龍蝦肉切成一件件，再在鐵板另一邊煮個海膽汁混入，上碟時沾滿金黃色海膽醬汁的龍蝦球再配上一朵紅色的食用花，真係令人賞心悅目。味道方面，龍蝦球鲜味無比，配上醬汁更美味。熊本縣A5和牛厚燒 / 香煎野菜精彩菜式一浪接一浪，師傅將我們點選的厚切和牛放在鐵板上，用熟練的手法煎香整件和牛再切件，外層焦香內層嫩滑，配上芥末來食，不但可減少油膩感，還增添了和牛的甜味，真係百食不厭。有肉當然要有菜，香煎南瓜十分香甜，翠玉瓜爽口，大蘑菇多汁，款款都是尚菜。西班牙伊比利亞厚切豬另一件伊比利亞厚切豬，煎香兩面，咬一口肉汁豐盈，脂香十足，還有淡淡的煙燻味，滿足!三文魚籽海膽炒飯到了尾聲，炒飯不可少，飯粒炒得乾爽，再配上頂部的三文魚籽的咸味和海膽的鮮味，真係絕配。咖啡 / 黑糖雪糕餐飲我點了凍咖啡好香醇，再食埋黑糖雪糕和旁邊的紅豆，真係為今晚畫上完美句號。 總括來講，這閰「御鐵」鐵板燒的食材，煮.功，環境，服務我都俾滿分，相信日後我都會成為他們的捧場客。…Read More

我今次黎主要係為左佢地嘅刺身壽司，佢地嘅晚市Set Dinner分左1 和 2 人 餐，套餐都包了前菜、熱盤、主菜、湯和甜品，主菜分別有海鮮，和牛，西班牙伊比利亞豬可以選擇。我同朋友都想食龍蝦，所以都叫咗 Set Dinner D ($2,688/2位)點完菜，店員會先送上 季節沙律 - 蔬菜爽脆清新，有清甜日本蕃茄和爽甜的露筍，沙律最上面還有彈牙的大蝦，沙律汁有 3 款選擇，我選了酸酸甜甜的柚子醋，非常開胃，最適合在這炎炎夏日，令我更加開胃去準備食既下一度菜日本象拔蚌(原隻) - 象拔蚌非常新鮮，係啱啱響師傅身後的魚缸游出來，肉質爽口鮮甜，象拔蚌膽的部份，口感有一點軟腍，比起象拔蚌身的部份鮮甜度更勝一籌。師傅提意醮些芥末汁一齊食，果然另有一番風味。西澳龍蝦配海膽汁 - 師傅將龍蝦先在鐵板上去殼，煮到 8 成熟，肉質爽口彈牙，再配上由師傅特製既醬汁（龍蝦膏、海膽和牛油造成的醬汁）絕對是惹味且濃郁，今龍蝦更美味。讚👍熊本縣A5和王牛（厚燒/薄燒）- 和牛可以選擇厚燒或薄燒，小朋友先需要選擇，我兩種都要，我跟我朋友，一人點一款。哈。和牛厚燒 - 要了 5 成熟，牛味非常濃郁，油脂分布均勻，響口入面溶化，超級好味。和牛薄燒 - 也要了 5 成熟，師傅輕輕燒一燒和牛表面，再包入䓤段同蒜粒，令口感更加豐富，而且好 juicy 香煎野菜 - 意大利青瓜清甜可口，日本南瓜香甜軟腍，美國大啡菇十分juicy，又有菇味吸物 - 是昆布鰹魚湯配以北寄貝、香菇和野菜，清清的魚湯，可以一洗味蕾。三文魚籽海膽炒飯 - 鋪滿海膽和三文魚籽既海膽炒飯 ，賣相經已很高分，起豪華，炒飯炒得好乾身，粒粒分明，海膽和三文魚籽好新鮮。最後既甜品，我同朋友要了黑糖雪糕和紫薯雪糕，十分香濃，為這一餐美味既晚餐畫上完美既句號。…Read More

友人的飯腳有事缺席飯局，臨時拉夫上陣，竟有意外收穫 餐廳座落銅鑼灣心臟地帶駱克駅 13 樓全層，設計簡約，牆上綴有現代日式風格的立體藝術裝飾我倆安坐鐵板前，看著手握鐵鏟的大廚左翻右壓，充分感受到食物的色、香、鮮味先來一份季節沙律，醬料可自選蕃茄蒜汁、柚子醋汁或芥末醋汁，十分開胃朋友都知道我打邊爐一定要吃象拔蚌，原隻日本象拔蚌真的是第一次試！鐵板燒至半熟，彈性十足西澳龍蝦配海膽汁非常新鮮，肉質爽口熊本縣A5和牛王厚燒油花遍佈均勻，配獨子蒜片吃下入口即化西班牙伊比利亞厚切豬橡果香味濃郁，表面微微焦香，肉質細膩吸物為北寄貝海帶清湯，湯汁甘甜三文魚籽海膽炒飯的三文魚籽一咬爆汁，令炒飯更添鹹香雪糕有我最愛的朱古力味！口感幼滑清酒買一送一！作惠乃智入口時散發著梨的香氣，收結時清爽俐落鈴鹿川酒體暢順，並有水果華麗香氣…Read More

朋友發現銅鑼灣多了一間鐵板燒餐廳「御鐵」，上網睇過好似相當不錯，一於去幫襯下，朋友預先訂咗位，我哋最後叫咗「Otetsu Dinner Set D $2,688」二人餐，套餐包括：1️⃣ 季節沙律🥗 沙律 可選不同嘅醬汁，我就揀咗柚子醋汁，一個好開胃的前菜2️⃣ 原隻日本象拔蚌🇯🇵 象拔蚌 非常之鮮甜，而且肉質爽彈3️⃣ 西澳龍蝦配海膽汁🦞 龍蝦大大隻，廚師👨‍🍳用了海膽、龍蝦膏及牛油🧈製成醬汁，用作烹調大龍蝦，又特意煮至只有八成熟，另外，配菜有🇺🇸美國大啡菇；真的唔錯，好食😋4️⃣ 熊本縣A5和王牛 (厚燒 + 薄燒) + 香煎野菜🐮 我們分別叫了一份 厚燒 及一份 薄燒 和牛來食，這樣就可以一次過品嘗兩種不同的口感；日本熊本A5和牛薄燒，油香味重，A5和牛厚燒則外脆內軟，再配上熟蒜片、喜馬拉雅山岩鹽，好味道5️⃣ 吸物🥣 日本昆布鰹魚北寄貝湯，內含本菇、水菜及北寄貝，清甜十足6️⃣ 三文魚籽海膽炒飯🍚 廚師即場在客人面前炒飯，炒得相當唔錯，粒粒分明，之後在抔上再鋪滿了三文魚籽海膽，賣相吸引7️⃣ 雪糕🍦紫薯雪糕、黑糖雪糕…Read More

老公咁悉心照顧我同小朋友，適逢父親節當然要慰勞佢。老公最愛食日本菜，今次就放低小朋友，拍拖去食鐵板燒慶祝一番。 餐廳位於銅鑼灣駱克駅13樓，餐廳以日式裝潢，簡約明亮。主要有二張鐵板燒枱，面積不大但座位寬闊，十分舒適。餐牌有不同價錢的套餐可選，老公發板選了＄2688的Set D。 季節沙律沙律有三款醬汁可選，我選了芥末沙律汁，沙律新鮮爽脆序餘，芥末汁完全有畫龍點睛的效果，芥末微辣中帶一點甜，好特別的配搭，十分醒胃。 日本原隻象拔蚌象拔蚌打邊爐就試過，鐵板燒還是首次。象拔蚌肉身好鮮甜，爽脆，我吃完後再吃象拔蚌的膽，嘩～完全感動到笑出來，象拔蚌的膽棉軟軟入口已經化開，鮮甜度遠超肉身。原味我已經十分滿足，沾上芥末忌廉醬吃會有另一番味道。 西澳龍蝦配海膽汁八成熟的西澳龍蝦口感剛好非常爽脆，鮮甜的龍蝦配上龍蝦膏＋海膽＋牛油調配而成的醬汁，更特顯龍蝦的鮮味，蝦膏的餘韻一直在口腔內迴盪，若喜歡紫蘇葉的香味可以配上紫蘇葉的花瓣同吃。 西班牙伊比利亞厚切豬配香煎野菜七成熟的伊比利亞豬以櫻桃木煙燻，粉紅色的嫩肉入口多汁爽嫩，煙燻的味道像吃煙肉般，配上竹炭海鹽和脆脆蒜片同吃份外惹味。香煎野菜有日本南瓜＋大啡菇＋意大利青瓜。 湯昆布鰹魚湯配北寄貝～香菇～野菜，清清的魚湯可一洗味蕾。 三文魚籽海膽炒飯炒飯以別緻的杯盛上並放上海膽和三文魚籽，感覺很豐富，三文魚籽卜卜的在口腔爆出開，海洋的味道緩緩滲出，飯粒煙韌乾身，海膽棉軟鮮甜，口感層次豐富。 雪糕＋熱檸茶以雲利拿味雪糕配上熱檸茶作結十分圓滿。…Read More

之前聽朋友介紹銅鑼灣開左間叫御鐵嘅席前鐵板燒店質素唔錯，今晚約左老婆放工係銅鑼灣等，直接上去嘆返餐久違左好耐嘅鐵板燒。😋御鐵位於駱克駅13樓，一出升降機門就係餐廳，雖然餐廳佔了全層，但只設了10多個座位，店員服務非常到位。晚市的鐵板燒套餐有5款選擇，我地揀選左$2,688兩位的套餐D，套餐包括左鐵板燒日本象拔蚌、龍蝦同A5和牛。😍OTETSU Dinner Set D季節沙律沙律有幾款醬汁選擇，我揀左柚子汁，沙律菜新鮮爽脆，配上大蝦，非常清新醒胃。👍🏻原隻日本象拔蚌師傅先把象拔蚌的膽和蚌肉分開，蚌肉燒至半熟，口感鮮嫩爽滑，配上芥末忌廉醬，非常惹味，蚌膽亦十分鮮甜。😍西澳龍蝦配海膽汁龍蝦由水缸取出，師傅先將龍蝦起肉燒香，即劏即燒，龍蝦肉非常鮮甜，配上以龍蝦膏、海膽同牛油炮製的醬汁，味道層次十分豐富。👍🏻熊本縣A5和牛王 配 香煎野菜套餐的肉可揀A5和牛或伊比利亞豬，我當然係揀A5和牛啦，作為熊本縣最頂級嘅和牛，油花非常靚肉汁飽滿，入口充滿牛油香味，配上帶有微甜的芥末，超級好食。😍吸物是日吸物係昆布鰹魚湯配北寄貝，味道鹹鮮。三文魚籽海膽炒飯炒飯乾身用酒杯裝住，上面舖滿海膽同三文魚籽，賣相十分吸睛，入口有濃濃魚籽鮮味同海膽嘅甜味，非常滿足。😍雪糕 餐飲最後食埋紫薯雪糕同飲杯熱咖啡，埋單每位$1,500有找，性價比高。👍🏻…Read More