TSUKADA NOJO (Closed)

阿仔生日，佢揀咗呢間餐廳食晚飯慶祝。一行四人，平日晚餐時間唔使排隊，我哋冇叫套餐，話唔打邊爐，揀咗單點，叫咗7樣食物，上菜速度都算快。媽媽和仔仔兩個飯桶都話要各自食一個飯，揀咗兩個美人框飯：蒲燒鰻魚框飯、蟹肉三文魚子框飯，兩個都係迷你竹筒飯，份量雖小，不過好精緻和滿滿的。佢哋兩個食飯，我哋就食住其他小食，沖繩唐揚魷魚配七味沙律醬，份量OK，脆卜卜。三文魚牛油果美人卷，卷物都大件，對於女士嚟講都要分兩啖食，男士就可以一口食哂。三文魚蟹肉沙律壽司卷，面頭好多蟹肉和三文魚子，口感好豐富！😋海蝦牛油果芒果沙律，份量OK，有溫泉蛋，不過略嫌牛油果少咗啲，芒果好甜好好味！仲要多咗個炒飯 - 三文魚親子鹽昆布炒飯，呢個係鐵板炒飯，嚟嗰時職員將蛋漿倒落鐵板上面，自己再將蛋漿和飯一齊撈勻，最正係有飯焦！😂總括覺得晚飯價錢與份量有點不成比例，食物質素不錯，環境寧靜，職員都很有禮貌，由於平日冇乜人，職員都安排咗我哋坐窗邊卡位可以睇風景，我哋食完晚飯切蛋糕，餐廳無生日優惠，切餅費$150 ，好貴🫣…Read More

新城市廣場真係好多嘢食，搵吓Openrice 食評，見到有人介紹呢度有年糕薄餅，年糕係我至愛，混合薄餅又幾特別，決定揀呢間食。叫左唔多嘢食，食物又細細份幾精緻，啱晒又想食、又怕肥嘅我。按好味指數排列: 🍚美人框飯 - 蒲燒鰻魚框飯 $55框飯名字真係好特別，搵一搵資料，原來框飯係新潟嘅鄉土料理，係裝在小蒸籠裡面嘅炊飯。而呢度用左糯米去做，個人十分喜歡這種黏黏又軟糯嘅質感。值得讚嘅係佢嘅烹調方法，令本來應該有點硬嘅糯米飯煮得軟身，但卻又依然煙韌，配上肥美嘅鰻魚食，呢個真係好好味。不過留意份量，較適合細食女士享用。 🥗美人農場沙律 $88唔單只有沙律菜，仲有士多啤梨、三文魚、牛油果。menu特別注明沙律汁係甜酒x鹿兒島草莓嘅特製醬汁，果然係好唔同嘅沙律汁，有微微士多啤梨嘅甜酸味，仲有帶甜嘅酒香，與食材伴混進食，開胃之餘，亦令三文魚的鮮味更特出。🍕炙燒走地雞年糕薄餅 $98年糕同薄餅竟然出奇地夾，薄餅外圍會較香脆，但中間部份有薄餅混合年糕嘅煙韌，加上烤雞嘅肉味令整體味道入口更豐富；雞肉粒雖然經過烤焗，但仍然嫩滑，亦保留到小小肉汁，唔會亁硬，值得一試。 🌯三文魚牛油果美人卷 $42雖然呢個排最後，但其實呢個味道絕對唔差。米紙很薄、很滑、亦夠濕潤軟身，三文魚幾肥美，最精彩係有好大粒芝士，令到整體本來幾清嘅味道，因為芝士濃烈嘅鹹香味而即時提升，芝士控必定要點呢個。 呢餐本來只為薄餅而來，但最後卻發掘到更多令人意想不到的美味，驚喜之餘亦食得滿足。…Read More

親民價錢食物優質日式餐廳之選❕去開新城市行街，無意中發現呢到都開左間塚田農場，之前係尖沙咀已經好想食，所以今次都決定入去食下。當中都有好多唔同款式既選擇，有別於傳統日式料理，見佢有打邊爐、定食同意粉飯壽司刺身既，而且都頗多人會選擇「美人鍋」，應該係招牌吧😆-由於都唔太餓，一行三人簡左4️⃣款主食2️⃣款甜品，各有各特式而每樣都好正，我諗最合乎小朋友或者小編呢個大細路黎講都會好鍾意#梳乎厘玉子燒，質感好嫩滑又好動L動L喎🤩雖然都係蛋，但完全對得住佢既價錢#野菌蠔肉咖哩錫紙燒，雖然蠔唔多，得4～5舊，但味道搭夠😋咖哩味好濃郁！#三文魚親子鹽昆布炒飯，口感好特別，呢個一定要趁熱食#三文魚牛油果美人卷，呢個係小編私心要叫，由於太喜愛三文魚😂不過不失，無特別驚喜。最後甜品#石鍋雪糕新地藍莓味#安納烤甜薯芭菲，個甜薯都幾特別，旁邊有小編至愛早餐脆脆🤣同埋整體來講其實都唔屬於好甜。不過都決定下次會再去試一試佢嘅美人鍋😋…Read More

今日好新城市行街，見到塚田農場唔使等位，就諗住入去試吓。之前喺日本食過，唔知香港質素係點呢？坐低發覺裝修都同日本嘅分店類似，環境都幾舒適。由於唔係好肚餓所以淨係做咗幾樣野。沖繩唐揚魷魚配沙律醬 $58雖然細細粒，又炸得脆，食落有口感，沙律醬配上七味粉，少少辣得來帶出魷魚嘅鮮味！😋三文魚牛油果美人卷 $42塊皮類似越式紙米卷嘅質地，煙煙韌韌，配上三文魚同牛油果口感新鮮同清新，最正嘅係中間有粒大芝士，味道香濃❤️蟹肉疏乎厘玉子燒 $98外貌有特色，出邊焦糖化咗，甜甜地幾好食，略嫌比較少蟹肉。和風泰式海鮮咖喱沾烏冬 $83烏冬麵質煙韌彈牙，好好食😋沾麵汁其實味道幾好，又有少量海鮮肉，不過略嫌稀左D。總括嚟講食物質素都唔錯，價錢適中，如果下次唔使排隊都會再嚟試😆…Read More

相信提級塚田農場、大家都會諗起美人鍋。其實除咗美人鍋，佢哋係有好多好奶味嘅食物嫁。三文魚牛油果美人卷外皮係晶瑩通透嘅米紙、裏頭包住三文魚、牛油果、 cream cheese同埋切醉咗嘅蔬菜。入口感覺好順滑，好清新。點埋千島醬汁食亦都唔錯。梳乎厘玉子燒-鹿兒島紫菜店員拎埋個煲過嚟上碟，非常之有趣。店員話要趁熱食，不過又真係熱到唔可以即刻成個梳乎厘玉子食哂落肚。梳乎厘玉子燒軟棉棉，又好有彈性。蛋味好香濃，配埋紫菜，都幾好味。雙拼年糕薄餅依個雙拼年糕薄餅半邊係炙燒走地雞年糕薄餅、另外一半係海苔明太子年糕薄餅。年糕燒至薄餅脆卜卜，但亦然食得到果陣年糕味。三文魚親子鹽昆布炒飯店員會係上菜時先將打落係飯嘅側邊，相信係唔想蛋汁太快熟哂燶哂。炒飯被三文魚同鹽昆布拌勻，再加上三文魚籽，口感豐富。而且炒飯使用咗餐廳自家製碎蔬菜醬油調味，令味道相當有層次，非常好味。…Read More

2年前慶祝朋友生日，食過位於尖沙咀的塚田，佢既美人鍋令人回味，所以今晚就同友人一齊去左沙田果間再食下。這間分店跟尖沙咀不同的地方，就是門口位置已經見到開房式廚房入面放著美人鍋的火鍋配料，顏色奪目，吸引不少行過的途人停留。餐牌太多款式可以選擇，最後還是點了一個套餐。Bijin Combo ($598)，呢個美人鍋餐都幾抵，除左有鍋物之外，仲有美人卷、刺身、烏冬同埋甜品，另外加錢仲有飲品呢!三文魚牛油果美人卷，呢款美人卷其實外面就像越南米卷的外皮，內裡除了有三文魚刺身，還有牛油果、cream cheese同埋蔬菜，幾fresh!三色刺身盛合，包括有吞拿魚、帶子同埋三文魚，這幾款都好新鮮!美人鍋，點了原味的美人鍋，個鍋上的時候是一舊好似啫喱狀的湯底，煮滚口店員會先盛一小碗湯給你試試，然後再會把火鍋配料放入鍋內，淨係睇個樣都覺得好味!個湯非常鮮甜，好好飲。火鍋配料包括有雞、雞丸、菜、蘿蔔、魚腐等。這些配料都好吸收湯的味道，非常惹味!立魚($168)，估唔到立魚打邊爐原來都好好食架!店員介紹我們食是日推介的海鮮，平時立魚刺身就食得多，打邊爐就真係第一次，熟食仍然食到立魚獨有得味道，而且又冇骨!芒果石鍋雪糕新地，這個是套餐的甜品，除了有少許芒果外，還有雲尼拿味雪糕和cheese cake，幾特別!灸燒生薑走地雞($198)，這款雞非常嫩滑juicy，配上生薑汁更加能提起雞肉的鮮味!總括黎講，雖然價錢並唔算便宜，但食物質素高質，而且店員服務都不錯，會主動加湯。值得再次光顧!…Read More