Sushi Waza

假日悠閒尋美食，今天嚐㕑司拍板的特上壽司餐。前菜五款，分別有青瓜（小辣滋味）、薯蓉、醃漬魚粒、魚片薄切及茶碗煮（內付白菓、雞肉、冬菇等）。壽司共有12件：左口魚，厚身煙韌；帶子，夾少許wasabi,上碟前掃上淡醬油，酷飯則加入少許子皮磨粉提升鮮味；深海池魚，魚片上不加葱，只用刀割了幾下，再掃上醬油便上碟；竹簽魚，連皮，軟糯、腍身、 芳香，口感似熟海鰻；牡丹蝦：先即時挑腸、切尾，這件蝦本身不帶卵，新鮮彈牙；紅眼鯛，上碟前經火炙，減少油膩；拖羅油脂豐富；馬糞海膽，冰冷口感，遇上wasabi,很獨特的衝擊，卻又非常匹配；三文魚子軍艦，紫菜衝擊三文魚子，兩種脆口的配搭，一乾一濕，有心思；中拖羅手卷，加入了芝麻，需要按自己喜好點醬油。接著來一碗烏冬，可惜成了敗筆，質量極一般，真是反高潮。單尾是柚子雪芭，清洗味蕾。整體來說，製作有創意、有誠意，不是交行貨。…Read More

自從上次家姐帶我去食omakase後就念念不忘，今次輪到佢生日我都帶返佢食omakase慶祝。我地今次揀左中級嘅“彩”set，包括前菜、刺身、熱葷、壽司、湯及甜品。每樣食物師傅都好用心地喺我地面前製作，可以邊欣賞師傅精湛嘅手藝刀功邊品嘗美食，成餐飯食得開心又滿足。前菜 - 中拖羅魚子醬 師傅將中拖羅剁成肉碎，撈勻魚子醬食。第一次食，魚子醬爆開嘅感覺幾特別。赤貝咬落清爽、彈牙，好鮮味。北海道生蠔好大隻，食落海水味唔重，仲好鮮甜。海鰻魚bb同螢光魷魚都係春季限定，海鰻魚bb爽口得嚟又有點煙韌，螢光魷魚有少少海水鹹味好好食。鮑魚鮑魚肝醬一啲都唔腥，就咁食都好味。鮑魚經過鹽烤口感精緻，撈埋鮑魚肝醬令鮮味更突出。蛋黃醬牡丹蝦食落有啲黏口，味道甜甜地好好味。燒拖羅 師傅將拖羅烤熟表面後，再用海苔夾埋山葵、紫蘇葉，再灑上岩鹽先完成。一啖咬落去魚油滿瀉，味道好有層次好正。炸牡丹蝦頭 師傅將牡丹蝦製成兩種菜式一蝦兩味，估唔到炸過嘅蝦頭都咁好味，加左檸檬汁唔會好膩好正。燒目光魚比較多骨但可以輕易咬碎嚟食，食落有少少腥味，不過加左檸檬汁好啲。漬物有蒜頭、子薑、蕎頭、淮山及牛蒡。壽司深海池魚 - 好香魚油味安拖羅 - 好厚肉好肥美馬糞海膽 - 味道濃厚甘甜三文魚籽軍艦 - 鮮甜味於口腔中慢慢爆破好正右口魚邊 - 入口即溶口感好特別中拖羅手卷師傅將中拖羅剁碎，再加上洋蔥、香蔥及檸檬皮碎製成迷你手卷。食落有拖羅嘅甜味加上淡淡嘅檸檬清香好特別。豆腐野菌魚湯味道較普通，飲落有少少腥味。鹽味雪糕 味道甜得嚟又帶少少鹹味好好食。忌廉芝士紅豆卷外脆內軟，食落仲暖暖地唔會好甜超好味。Omakase從未令我失望，今次亦然，食材亦都好新鮮！…Read More

今晚同寶慶祝紀念日，見好耐都冇帶佢食一餐好嘢，所以決定帶佢嚟大坑壽司藝品嚐下高級日本壽司料理！大約七點左右，店舖竟然一個人客到冇，嚇得我哋差啲就返出去驚中伏。不過有見有兩位板長好忙咁樣處理緊食材，同埋見佢裝修都好靚，於是都係比次機會佢😂第一樣吸引到寶注意嘅嘢，就係呢個日式茶杯。細心留意番，茶杯底有兩個小洞，令到就算斟左啲好熱嘅茶，我都唔會覺得燙手，成件事好高級😂今晚我哋兩個都揀咗「彩」，有齊前菜刺身壽司熱食湯同埋甜品，完全feel到自己會有幾飽lolR呢位就係我哋今晚嘅板長，幾幽默，又會肯解釋清楚我哋食緊啲乜，仲會先問我地有咩係唔食👍🏻先來嘅係有三款前菜，由於我唔識螢光魷魚，所以板長就幫我轉咗做海鰻魚苗。今次係我平生第一次食呢種食物，感覺上非常爽口，有啲似食緊海蜇，但係質地又比海蜇滑十倍！另外仲有超級creamy嘅生蠔，同埋威化餅加鮟康魚肝！魚肝嘅味殘留起我個嘴入面揮之不去，好香！左口魚刺身（連火灸裙邊）非常鮮甜，今次係我第一次食左口魚嘅刺身，質感厚彈，唔錯！至於個裙邊當然係無得彈啦！赤貝刺身擦一擦檸檬又係超級fresh同爽口，正！呢個深海池魚刺身太吸引我食哂兩舊都唔記得左影佢，所以要偷影隔離果碟😂呢個絕對有日本壽司店嘅水準，超鮮甜😭隔離啲海帶都係新鮮海帶，好爽甜刺身之後就係呢個蒸毛蟹加海鮮湯膠！不得了咁甜呀啲毛蟹！啖啖肉超好味，魚湯膠入口即溶，勁鮮味，加埋一齊好正！燒目干魚啲肉好甜，骨得中間果條好幼嘅骨，外皮燒得好脆，非常惹味！中拖羅加魚子細點會有得輸，果陣拖羅味加咸鮮嘅魚子醬真係畢生難忘！呢個火灸拖羅卷以好似三文治嘅形式上，烤到香脆嘅紫菜加火灸拖羅，食到滿嘴魚油，兼入口即溶，好正😭😭平日我完全唔會食甜蝦，因為我覺得甜得黎有陣臭臭地嘅味，但呢個牡丹蝦壽司真係不得了，又甜又彈牙，超級滿足😭滿到飛哂出黎嘅呢個馬糞海膽壽司又係超級鮮甜..平日唔食三文魚籽嘅寶都話呢個三文魚籽一啲腥味都冇，仲好大陣柚子香味👍🏻針魚壽司又係第一次食，肉質甜甜地又彈牙，加上上面少少薑有fresh嘅感覺！呢個吞拿魚蓉睇住師傅mix埋一齊包比我地，個味又係調得超好，每一啖飯都有啲吞拿魚蓉，very good帶子好鮮甜，啖啖肉火灸右口魚燒得勁香，入口就溶化哂😭魚湯好好味，入面有好多料，有家嘅味道👍🏻最後甜品都幾有驚喜，炸忌廉芝士紅豆卷，芝士紅豆好濃烈加埋牛奶豆粉雪糕又非常夾喎！最後食到捧住個肚走，皆大歡喜，服務食物質素無容置疑咁好，無得彈！直得推薦！…Read More

有朋友介紹大坑開咗一間日本料理店，介紹餐廳性價比好高，價錢平之餘食物質素亦好好今次係第二次黎呢度食，都係食午市10款壽司，$300+10%，呢度午市分2個時段，我訂左12點至1點半。每次去食omakase都會訂sushi bar,可以睇到廚師為我地準備食物，估下佢下一道為我地準備啲咩。廚師又會介紹每一碟魚同食法，有咩問題可以即時問廚師。Omakase壽司由淡味到濃味咁上，一開始廚師會問有咩唔食，好細心第一件：左口魚，刺身好新鮮第二件：帆立貝 好厚肉 好鮮甜第三件：深海池魚 好好味第四件：牡丹蝦第五件：池魚 （個人比較喜歡深海池魚，但呢件壽司好令）第六件：炙燒左口魚 睇住廚師火炙條魚，魚油不斷咁滴，入口即溶，真係好正第七件：豉油漬拖羅 第一次食呢個，鹹鮮味道好特別第八件：海膽軍艦 永遠都咁好味第九件：三文魚子軍艦 三文魚子多到滿寫 好彈彈最後一件：吞拿魚蓉手卷 廚師先將紫菜烘一烘，再快速加上飯同吞拿魚蓉包起。魚蓉入面右左切碎嘅腌蘿蔔同埋大蔥，加上啱啱烘左嘅紫菜，外脆內軟，吞拿魚油出晒黎。十件壽司話咁快食完，壽司定食跟前菜加烏冬同埋生果/咖啡。魚生好新鮮，而且呢度服務都好好，不斷有人幫你加茶，以呢個價錢食到咁既質素，真係物超所值，極力推薦一試。…Read More