新記煲仔雞粥

這家粥算是元朗的老字號，住附近的人想食粥都會想到這家。它也是某周刊的「八大嫩滑雞粥之一」，也曾獲得「優秀祝粉面店優異獎」。這裏的粥不是「一碗碗」，而是「一窩窩」，份量很足。最便宜的粥$29，就有一大窩，平民之良食也。有原隻蟹的鮮蟹粥也不貴$51。我點的是馳名的「貴妃雞粥」。一窩粥有很多塊貴妃雞件，雞件入口香滑而且帶一點咸香味。牌紙上有說，粥是用泰國絲苗米。粥是軟綿綿的，雞的精華都融入粥中，每一口粥都有濃濃的雞香味，亦帶有一絲絲的咸香味。我們另外點了貴妃雞（例牌），雞肉也是鮮嫩，帶點咸香味的。菜單上有說，貴妃雞是挑選最新鮮嫩畫的母雞，用超過20種藥材及香料，加上頂級的蝦乾及瑤柱烹調而成。很珍貴似的。揚州炒飯也是炒得很香，有很多爽滑的蝦。小食方面，XO醬拍拍瓜（小黃瓜）和秘制雞中翼都不錯。飲品推介「七喜龍眼冰」，清涼透心。未到7pm 已經高朋滿座，室內室外的座都坐滿要排隊了，可見受歡迎的程度。…Read More

元朗人今次要講下新記雞粥，新記係又新街呢條競爭大既美食街開到咁耐，係有原因既～海哲手撕雞$49必叫之選，去到就知差不多每一台都叫，夏天咁熱，食手撕雞係唔會錯既選擇！雞肉同海哲撈埋d醬汁好香，多多芝麻，少少辣（少過bb辣）海哲同雞肉都好足料，唔似其他鋪會溝大量涼皮同菜。紅燒脆皮乳鴿$59乳鴿控根本抵抗不了😋肉汁同油脂香到呢，仲有脆皮，一切都太吸引🤤火腿炒米粉$29簡單既餸，其實最考師傅功力，呢間水準都保持到～椒絲腐乳炒時菜$42呢味菜永遠唔會伏，大大碟菜食多d罪惡感都無咁大（食飽先可以減肥）七喜龍眼冰$22最後飲返杯有大大粒龍眼肉既少冷七喜，夏日炎炎最解渴！…Read More

如果食雞粥，知道元朗有幾間都係人氣爆登， 雖然天氣炎熱真係會對食熱野既意慾下減，但都係好想試，就同另一半入左去，好彩冷氣夠涼，大熱天食粥無難道！環境細細間，座位唔算多，之前逢晚上行過都大排長龍，幸好今日中午嚟唔洗等位。蜆介鯪魚球 $49大大粒有5粒，外層炸到好香口脆口，一咬十分彈牙而無魚腥味，有配一碗青色既醬汁，入面有幾塊蜆肉，但味道偏酸唔係人人接受到，就咁食已經好好食。蒜茸雞翼尖 $26份量十分多，估計都有二十隻，蒜茸同黑椒揀左前者，原來係生炸雞翼尖，又係好香口，蒜味幾香口，偏鹹少少，雞翼尖真係好易KO。鮮蝦腸粉 $26另一半想食腸粉，但就蒸得過左少少火喉，粉皮一夾就爛開，比較粉，而鮮蝦就幾彈牙，比較一般。馳名貴妃雞粥 $51必點既貴妃雞粥，知道鮮蟹粥都岀名，所以就拼鮮蟹(+$15)。呢到既雞粥比較特別，係用貴妃雞，而且係母雞，用超過二十種藥材同埋香料熬成，再加入蝦乾、瑶柱，貴妃雞食落較鹹，但其後能夠食岀藥材味，幾特別，至於拼鮮蟹只係加$15好抵，有成隻蟹，肉都好多，而粥底亦頗綿密，好抵食。七喜龍眼冰 $22顏色呈緣色，似泰式飲品，飲落以七喜味為主。泰式青檸冰 $22呢杯飲落就有啲似咸檸七咁，幾開胃。總括而言，多款食物選擇既粥店，唔止粥，仲有多款小食、小菜，連乳鴿都有，下次再嚟試其他款式！附：餐牌參考…Read More

呢次同朋友到元朗食晚飯，去左又新街果間新記煲仔雞粥，我地六點鐘食飯就冇咁多人，一到七點左右就要等位了。餐牌有好多選擇見到好似樣樣都好美味，粥品種又多，我地叫左馳名海鮮粥。馳名海鮮粥：帶子好爽口，魚又好爽，蝦又大大隻爽口彈牙，蟹又好新鮮蟹肉又夠實，粥好鮮甜又夠綿，真是美味可口。脆皮乳鴿熱辣辣外脆肉嫩，又有肉汁，不用沾上椒鹽已經夠入味😋好少地方有蝦米炸兩腸粉吃，見到呢度有緊系叫一碟來試下，蝦米仔不會好硬都幾好味，腸粉皮又不會太厚幾滑溜，包住油炸鬼一起食非常美味👍👍👍炸魷魚鬚粉夠厚，魷魚又不會韌，上碟又熱辣辣。七喜龍眼冰不會太甜又有幾粒龍眼肉。鳳爪夠入味又無骨，酸酸地甜甜地辣辣地幾開胃的一個小食。…Read More

放假入元朗探完朋友, 見天氣凍凍地朋友帶我去食煲仔粥, 煲仔飯就食得多, 煲仔粥唔係周圍有得食當晚6點半到達, 店內已經坐滿, 在門外等候都可以睇到有咩招牌菜可以點, 另一邊門外亦有姐姐即場整腸粉店內空間不算很大但容納到有多食客, 沒有擠迫的感覺, 原來門外的招牌菜單只是一部份, 餐牌內還有更多選擇, 粥粉麵飯一應俱全, 真是眼花撩亂. 就算是煲仔粥, 你想到怎樣配搭的都可以點, 這應該是我見過最多款式的粥店馳名貴妃雞粥當然要點, 雙拼都係加幾蚊, 雞粥果然真材實料, 每件雞都好嫩滑, 有雞味, 肉丸亦彈牙, 雞粥一d都唔油膩, 入晒味另點了, 田雞黃鱔粥, 粥底又綿又滑帶一點鮮味, 黃鱔無骨爽滑, 田雞好Q彈. 對比雞粥又是另一翻風味鯪魚球每一粒如乒乓波般大, 炸至金黃色, 啖啖魚肉爽口彈牙, 配上蜆介汁咸咸地, 更惹味炸大腸外層好香脆, 煙韌耐咀嚼, 不算油膩,外表細碟其實挺多的, 配上汁醬酸酸甜甜海哲手撕雞真是不能不點, 混入芝麻醬/ 炸菜, 味道獨特, 好麻香, 口感又有韌性, 非常讚蒜茸炒螺肉, 連同洋蔥/青椒/蔥頭一齊炒, 蒜味不算重但螺肉咬感十足, 是巧手小菜之一硬豆腐炸至乾身,配上蒜泥汁又是配粥品的好選擇, 脆卜卜不會有油膩的感覺.七喜配上龍眼,龍眼不是浸過糖水, 綠色既七喜賣相討好埋單每人唔洗一百蚊, 此店營業到凌晨三點, 住元朗的人有福了, 就算山長水遠入黎食多次都值得, 真係好抵食! …Read More

今晚成班波友打完波，就拉大隊嚟左呢度食招牌雞粥做宵夜，之前嚟過食都係成間舖坐滿人，今晚雖然係閒日，一樣打爆，好在喺門口吹水十幾分鐘就有位。大部份人都係點雞粥，我就嚟個兩溝──豬潤雞粥，因為都幾餓，所以想食多D配料。好多人都知佢哋嘅雞粥係用貴妃雞嚟煲，呢個就係佢嘅賣點，就係佢成日爆棚嘅原因。貴妃雞食落特別香滑，雞味重，加埋豬潤，成煲粥勁多料，用砂煲盛載感覺好有風味，個粥底好綿好入味，吸晒食材嘅精華。呢排成日夜訓，所以追加左杯七喜龍眼冰下吓火，平時齋飲龍眼冰會覺得太甜，原來撞埋七喜個味道又幾特別喎，可以話係加倍透心涼，正！…Read More