一福 (Closed)

經友人介紹，說來到深水埗就一定要試下這家壽司刺身店。坐下來後，店員給我們一個QR Code，可以自己用手機落單，夠曬方便環保!  因為有張100蚊coupon嘅關係，我哋盡情地叫咗好多嘢食。我哋叫咗招牌嘅一福壽司盛，又叫咗兩杯巨峰梳打配雪糕，三文魚忌廉芝士卷，穴子，油甘魚，火炙左口魚裙邊壽司，火炙帆立貝壽司，忌廉蟹肉薯餅等等。嘢食只係嚟到一半我哋已經飽飽地，因為每件壽司都幾大舊。埋單果陣佢又畀多張100蚊coupon我哋！下次我哋都係叫多個friend先再嚟！…Read More

大家成日都話深水埗係平民食堂今晚因為要係新高登買野所以就係附近覓食見到呢間一福裝修都好新淨 又撩起條食日本野嘅癮入到去坐低先知原來門口可以買雪糕都好多人喺度買雪糕🍦menu好多選擇 仲有類似omakase嘅餐添野飲我哋叫咗白桃梳打同埋白提梳打我就鍾意白桃梳打多啲啦哈哈我哋叫咗個一福壽司盛 有十種唔同嘅壽司有三文魚拖羅赤貝海膽蟹膏帆立貝仲有佢個signature嘅一福卷 簡直就係大滿足所有嘢都好新鮮又好厚切 個飯仲係茶漬飯好正 兩個人share都得之後我哋仲叫咗一個自選刺身丼$48一個飯 再加刺身 我哋要咗三文魚左口魚裙邊帆立貝 同埋穴子一本 佢英文sea eel 我諗應該係海鰻個飯嘅配菜好多 啲刺身都好新鮮條海鰻好長 好入味 呢個可以自己揀刺身嘅飯真係好淨係呢兩樣野我哋都好飽啦所以就叫咗個甜品拼盤 入邊有好多種唔同嘅甜品有朱古力心太軟 軟雪糕 奶凍 水信玄餅 同埋芝士蛋糕個奶凍真係超級好食呀 係奶茶味架 大推呢個個心太軟都整得啱啱好 好多流心之後又多一個飯堂啦…Read More

今天收工和同事去深水埗買高科技電子零件，之後就在黃金商埸旁邊的街道搵食，最後我們選了這間《一福》日式餐廳來試一下，由於天氣熱入到去座底後我們先點了兩個涷飲，隨後服務員就給我們一個QR code,我們只須手機登入就可以用手機點餐了，真是非常方便，這裡的選擇也很多，今天我就點了一個五色刺身丼，刺身片全部都是厚切的，有口感又新鮮好味，跟餐的湯也很好味，我同事就點了一個特盛黑豚角煮叉燒拉麵，他說湯夠味麵也彈牙，只是叫了特盛的黑豚肉吃極也不夠（豚肉其實已經不少了），我見刺身丼也不錯，見他好像不夠吃，就提意不如叫多一份壽司拼盤來吃，我點了一個有十件壽司的壽司盛，壽司盛不單止賣相好，十足十食Omakase一樣，師傅會選用時令的十款去做，味道非常好，食得這麼飽埋單才伍百元，可惜今天只試了一半壽司盛，下星期要一個人再來吃足一份。…Read More

今日去深水埗諗住買模型🙆🏻🙆🏻越行越肚餓所以都係決定去食嘢先🤭🤭見到有間日本嘢好似幾吸引所以就入咗去喇🤓🤓我哋想食刺身丼又想試下食壽司所以叫咗一個壽司拼盤同埋刺身丼🍱一福壽司盛 $188呢個壽司盛超級豐富😍😍 有🐠三文魚 🦐赤海蝦 帆立貝 赤身 拖羅 赤貝 海膽 🦀蟹膏 🦑墨魚同埋一福卷🍣佢個擺盤超級靚望到都覺得好吸引流晒口水🤤🤤 同埋每嚿飯都唔會太大呀啱啱好 魚切得夠厚🆙 全部都好新鮮👍🏻👍🏻 個一福卷望到都覺得好正 有一大Pat拖羅蓉 同埋一堆魚籽同海膽 一啖放入口超級滿足😋😋刺身丼 🍚壽司飯 $48 飛魚籽 $6 穴子 $20 帆立貝 $24 🦐赤海蝦 $24 海膽 $49嗌刺身丼仲會配埋築地場內味噌汁😎😎飛魚籽六蚊真係落得好重手好大份 穴子好長好過癮😝😝 帆立貝好鮮甜 赤海蝦彈牙實淨 海膽好新鮮唔苦🥰🥰壽司飯用咗紅醋 仲有啲紫菜醃蘿蔔青瓜絲等等幾足料 甜品拼盤 $99呢個甜品拼盤一上枱已經心心眼😍😍 有超級多款唔同嘅甜品 🥧黑朱古力心太軟 🧁紅豆抹茶厥餅 水信玄餅 🍮奶凍 另外本身menu係有軟雪糕今日就轉咗做芝士凍餅🍰心太軟食到尾都仲熱辣辣♨ 畢開成Pat朱古力🍫流曬出嚟好開心 水信玄餅好靚 入面仲有個花花🌸 奶凍超級滑 芝士凍餅有少少檸檬味🍋 中間嗰條食落有啲焦糖味 仲有紅莓藍莓 食完真係超滿足😋😋10% Service Charge💰…Read More

近期反工都幾夜收工，放完工都好晏無咩私人時間，同埋最慘既係好多時平日晚飯都係求其食，難得今日早收工，去深水埗行街買game，決定就係附近搵好野食。都有一排無食日本野，於是就決定今晚豪食一下。 依間餐廳係正黃金對面，行完黃金之後就決定黎依間。睇佢menu都幾多野食，有定食壽司刺身、拉面小食，甚至甜品選擇都幾多。睇完之後就決定點個一福壽司盛，188元，仲要唔使加一服務費。 首先飲碗面豉湯，比較欣賞佢加左d 三文魚去煮，個湯鮮甜左。 燒左口魚三文魚腩，加左小小醬油帶出魚香。雖然係赤身，但好腍好有吞拿魚味，而且無根，肉質鮮甜。大拖羅。估唔到依個價錢既餐都有大拖羅食，肥美鮮甜，未去到入口即溶既程度，但已經好滿意。燒魷魚。魷魚就食得多，但都係第一次食火炙魷魚壽司，燒過既魷魚比較香，好味過無燒過既。甜蝦壽司，蝦肉彈牙，而且新鮮。 食完壽司之後就食卷物了，有三種卷物，一福卷，係蒽吞拿魚卷物再加三文魚子同埋海膽，海膽鮮甜，成舊咁食口感一流。 仲有海膽同埋蟹膏。其實一個人食依個一福盛係真係好滿足，不過辛苦做野都至在食，食得開心就好了。…Read More

第一次同新同事收工食飯,佢地話要食一間新開嘅日本餐廳,平時多人到訂唔到wor,好彩呢日咁o岩有位~~3個女仔2個男仔真係唔可以食太少,一開始已經一堆壽司刺身!一福壽司盛 $188擺盤精美嘅壽司盛有多款刺身壽司,全部都係靚料,無Gap壽司,同事話D三文魚好豐腴好正,我食左魷魚,好爽好彈牙,D飯粒唔會好林又唔容易散開,不過佢中間自己preset左wasabi....我唔食的就麻煩D T.T其實我唔食甜蝦的,不過同事知我唔食其他刺身叫我食左佢,咁我就食啦~呀~原來甜蝦都無會淋到一個點,新鮮度蓋過一切,ok wor~5款一福自選刺身盛 $99視覺上都feel到刺身新鮮度,我食左北寄貝同帶子,北寄貝冰冰地又爽爽地,最好就係直接入口,感受原味,我推薦呢款壽司~~帶子都好有口感,林得黎唔會粉或漿,加上零腥味,係ok的~~春雨餃子 $39見到個名咁過癮叫左黎試,佢個皮都煎得幾脆,裡面餡料醃得唔錯,有味但唔會太咸,所以唔點醬汁食都無問題,咬落亦相當有口感,最正係有粉絲在內!免治豬肉餅 $42豬肉打到好均勻,每一口都食到好even的豬肉,唔會突然有一忽特別難咬,免治左佢味道都更加突出,唔會好咸,不過都係點左醬味道多元化D會更加好食吉列炸蠔 $45外層脆卜卜唔會好油膩,裡面粒蠔大粒仲好鮮,一咬會有D汁爆出黎,幾鮮甜又有口感,喜歡蠔的話一定要試!忌廉薯餅只要follow fb就會送一件俾你,雖然係送嘅但原來好好食,薯仔好綿密仲有少少甜嘅感覺,話就話係忌廉但唔會好heavy,外層仲好酥脆~軟殼蟹手卷 $22因為手卷選擇不多我又好肚餓所以揀左我會食嘅軟殼蟹,手卷size唔算大,但軟殼蟹就好大件,所以每一啖都食到好脆好惹味嘅軟殼蟹,D飯少少林,一齊食反而剛剛好,軟殼蟹唔油,食曬都唔覺得好滯蔥拖羅手卷 $26蔥花超多,拖羅都好新鮮,包作手卷口感又唔同左,咁食法可以更集中品嘗拖羅味道,有蔥令成件事無咁heavy,D蔥亦夠脆~~~黑蒜油豚骨拉麵 $85見好多檯都叫拉麵,男士們依然肚餓,所以叫左呢個拉麵,原來佢先係重點!一上檯黑蒜味超濃超香,香到聞到會食指大動,上面D料又超多,淨係叉燒都值回票價,又厚又大塊仲係好多塊!D面唔會漿埋一舊條條都好爽口彈牙,加埋切絲木耳口感變得豐富,份量之大兩個女仔share絕對無問題!北海道8.0牛乳雪糕$42其實呢度最好食都唔係佢地,而係個雪糕!買正餐可以以優惠價叫甜品,我地叫左北海道8.0牛乳雪糕,8.0真係唔講得笑,感覺就好似飲左2支牛奶咁,扎實之餘仲好奶好滑,細細口已經可以大滿足,記得記得一定要叫(除非你唔食甜品啦)!menu:…Read More