去曼谷一定要去centralwOrld血拼！面積高達550,000平方公呎，過百間品牌畀你慢慢行，任何風格都可以喺度搵到，而且唔少品牌價錢都平啲㗎。今次幫大家精選咗6間潮流品牌，想去泰國掃貨就放入Bucket List啦。
centralwOrld官方圖片
The Adjective｜人氣品牌集合！
集合泰國超人氣品牌!! 主打高CP值打造個人獨特風格，一次過睇晒瑞典精品牛仔褲Nudie Jeans、經典狐狸袋Fjällräven Kånken、彩色野外服裝小物CHUMS、日系復古牛仔單品Edwin Jeans等。
The Adjective官方網站圖片
Highschool｜美式校園×泰國街頭風
泰國原生街頭品牌，將美式校園風同曼谷街頭風格完美混搭！好啱爆紅單品有校院風T-shirts、寬鬆衛衣、長褲，佢咃嘅飛機褸(Bomber Jackets) 同帆布Tote Bag都好受歡迎，嚟到可以留意吓。
Highschool Facebook圖片
Beyond the Vines｜新加坡爆紅水餃包
新加坡爆紅設計品牌，早前網紅大推佢哋嘅水餃包(Dumpling Bag)！同場手袋、清新色系T-shirts、恤衫都好值得掃貨，而且泰國店可能有獨家顏色㗎。追求生活細節嘅話，記住睇埋佢哋嘅文具同生活小物。
Beyond the Vines官方圖片
Nature｜亞麻/蕾絲質料
泰國本土親民女裝品牌，主打舒適亞麻、蕾絲等物料，走文青舒適風格，就算曼谷炎熱天氣都啱著唔會焗。最人氣係蕾絲針織外套、蕾絲長裙、直筒長褲等。
Nature Instagram圖片
Quinn｜優雅時尚OL風
泰國Jaspal集團旗下中高檔女裝，適合優雅時尚女生。服飾剪裁俐落，適合OL返工、約會、旅行，百搭程度完全係一衫走天涯！推薦單品有質感西裝外套、雪紡連身裙、手袋等。
Quinn Instagram圖片
Good Goods｜泰國本土工藝服飾&生活雜貨
泰國良心本土品牌，收益回饋社區。支持手工藝匠人，透過銷售帶動知名度而改善生活。品牌以泰國手工藝為靈感，同時融合現代設計展示獨特文化。產品選擇幾多，有時裝、編織袋、生活小物等，又靚又有溫度，好啱買手信送畀朋友。
Good Goods Instagram圖片