生日月飯聚係名正言順嘆各種美食，大吃大喝嘅日子，用埋生日優惠就更加盡興～開飯仔精選唔同類型嘅生日優惠畀大家，部分優惠橫跨幾個月份，甚至可以重複使用啊。
荳子 / 荳子冰室 送自家製生日蛋糕 
生日優惠日期：即日起至至餐廳另行通知，欲了解詳情可聯絡餐廳。
圖：餐廳(FB)
朋友鍾意低調慶生？幫到你幫到你！呢間本地人氣Cafe走文青格調，環境舒適又不風治癒感，嚟食生日飯都有feel㗎。黑松露軟殼蟹意大利粉香口惹味，南非和牛肩胛扒就肉味濃郁，而走肉朋友都有意大利飯同薄餅可以揀，Ｍenu設計甜心照顧你需要。而家凡每日11:30後於生日月份約埋家人朋友去堂食慶祝，壽星出示有效身份證明，即享自家製生日蛋糕乙件同埋醒神萬壽無疆生日卡，令你嘅大日子送上小小心意～
Sky726 88折起
生日優惠日期：即日起至2025年11月30日
圖：生日要有溫馨浪漫Feel，呢間位於高層嘅西餐廳幫到你～無論自家21天乾式熟成西冷扒、足料龍蝦意粉等滿足你視覺同味覺享受，加埋廣闊嘅City view，氣氛一流。留意經OpenRice訂座指定時段同餐點有85折起優惠。
戀 生日優惠多重賞
生日優惠日期：即日起至2025年11月30日
圖：呢間居酒屋，炸物、燒物、壽司、烏冬等日式料理樣樣齊，嚟慶生夠晒豐富呀！若果經OpenRice網上訂座指定時段remark慶祝當月生日，可享唔同生日優惠啊～例如4位起贈惠顧滿$800，即可獲贈日本清酒一支（300ml），或每位贈特色飲品一杯；而2位起則贈送飄雪忌廉泡芙，餐廳亦歡迎帶蛋糕慶祝，免切餅費㗎。
貊炙 送和牛牛柳一份
生日優惠日期：即日起至2025年11月30日
圖：whiteshirtangel、freelunchdog
嘆韓燒慶生，啖啖肉都幾開心，而呢間餐廳就主攻頂級熟成肉品，肉味較濃厚；另外慶州黑毛豬五花肉、新潟雞爽肉都係特色之選。今個月生日嘅朋友仔留意，經OpenRice網上訂座指定時段並出示有效身分證明文件，即可獲贈「和牛牛柳」一份，肉食控啱晒。
Yamm 自助餐78折+ 送生日蛋糕 
生日優惠日期：即日起至2025年11月30日
指定日子book位試四款亞洲主題自助午餐，或者「海洋鮮貝自助晚餐」主題自助晚餐慶祝生日都有78折，而壽星喺生日一週內同朋友同行享用自助晚餐，會免費送生日蛋糕𠻹！夜晚有由日本空運到港嘅原條鮮魚、剌身以及絕品料理，如中吞拿魚腩、蟹皇蟹肉炊飯、原條鮮穴子卷、板燒清酒煮鮮貝，火焰醬油鮮穴子串等等。另外北京片皮鴨、空運高質波士頓龍蝦都不客錯過呀～
芝樂坊餐廳 送芝士蛋糕
生日優惠日期：即日起至2026年6月15日
圖：餐廳(FB)
呢間人氣美國西餐廳，一睇店名就知以芝士蛋糕做主打，但其實佢嘅菜式足料大份，嚟慶祝生日好有滿足感㗎～好似Nachos、芝士四重奏長通粉、香辣路易斯安娜雞肉蝴蝶粉香濃又惹味，男女都鍾意食。留意堂食慶祝生日消費滿$600(歡樂時光餐牌及指定日子除外)，即送芝士蛋糕一件，記得留肚食甜品喇。
南海一號 免費生日大餐
生日優惠日期：即日起至2025年11月30日
圖：餐廳（官網）
生日食免費大餐～每4人預訂惠顧生日套餐，1位壽星即可享免費嘆返餐，包括爽口冰鎮鮑魚、暖胃嘅川芎天麻燉魚皇湯、香噴噴薑蔥肉蟹煲、即燒片皮鴨（兩食）、龍蝦湯泡貴妃飯等豐富菜式，不過記得提前一天預訂呀～
La Famille 免費嘆戚風小蛋糕
生日優惠日期：2025年10月27至2025年10月29日
圖：品牌（FB）
La Famille嘅戚風蛋糕唔太甜，口感鬆軟，一直受甜品控歡迎，佢哋每個月重會挑選一日壽星送蛋糕俾佢哋，而今個月嘅幸運兒係11月6日生日嘅你～只要喺10月27日中午12時至10月28日中午12時期間，按以下登記步驟，就會免費換取戚風小蛋糕一件，活動採取先到先得形式，而成功登記嘅壽星會收到電郵通知。
登記步驟：
1. Follow其的Instagram（@lafamillecake）及like Facebook（@lafamillechiffoncake）。
2. 進入網站（按此）填寫並提交個人資料。
3. 登記後將收到成功登記電郵通知，如成功得獎，得獎者將收到獲獎電子換領信，喺揀選咗嘅指定日期去門市兌換蛋糕。
4. 得獎者憑換領信上嘅QR Code於所選擇嘅日期，親臨La Famille分店，並向店員出示有效的身份證明文件核對姓名、出生日期即可換領獎品。
5. 參加者必須年滿11歲、持有香港身份證、並為當月嘅生日之星，而每位參加者只可登記一次。
Mue Mue 送芒果糯米飯
生日優惠日期：即日起直至餐廳另行通知，欲了解詳情可聯絡餐廳。
圖：餐廳（IG）
呢間新派泰菜餐廳，內室裝潢走優雅風，戶外酒吧則開揚寫意，嚟慶祝生日幾chill㗎～主打嘅經典泰菜以多香料調味，酸、甜、苦、辣、鹹都平衡得啱啱好，例如青咖喱和牛面頰，咖喱香氣突出，和牛面頰軟腍唔油膩，配埋內外都脆卜卜嘅蒜蓉包，口感好豐富。另外泰胡椒和牛炒糯米河，河粉特別煙韌彈牙～而家壽星只須出示相關證明文件，就可以免費享用是日精選芒果糯米飯乙客。
杉玉 送甜品拼盤
生日優惠日期：2025年4月1日至餐廳另行通知，欲了解詳情可聯絡餐廳。
圖：llmc、餐廳（FB）
想揾抵食嘅居酒屋慶生，呢個品牌可以幫到你，無論壽司、創意料理或日式小菜都係價錢大眾化。壽星喺生日當天向店員出示身份證核實，堂食消費滿$70兼做齊指定動作，會免費送你「生日驚喜甜品拼盤」，以及幫你影一張即影即有相，留住開心慶祝moment。
明廚 送葡萄酒
生日優惠日期：即日起至2025年12月2日
呢間裝潢有格調嘅粵菜館，啱晒同愛好中菜嘅朋友仔慶生。菜式主打海鮮類，其中招牌「油鹽焗香港火焰奄仔蟹」即席喺客人面前火燒，視覺效果一流，蟹膏亦更加香口！另外大大隻嘅琥珀醉瀨尿蝦、鹽焗泰國野生花螺、油浸野生筍殼魚等都值得一試。壽星連同3位或以上朋友一齊嚟用餐，可獲贈葡萄酒乙支。
堤岸酒吧及餐廳 免費生日甜品/精選美酒/半價嘆自助午餐或晚餐
生日優惠日期：即日起至餐廳另行通知，欲了解詳情可聯絡餐廳。 (此優惠不適用於2025年5月11日、6月15日及12月24至26日)
圖：酒店（官網）、車媽媽
呢間酒店餐廳午間供應半自助餐，夜晚則有浪漫西餐，仲要睇到維港景色，日夜都咁好feel，嚟慶祝生日啱晒～而家四人同行，提前最少1日直接聯絡餐廳預訂，壽星出示身份證明文件即可享用二選一生日優惠：選項一係獲贈生日甜品一客或精選美酒一瓶；選項二則壽星以半價享用半自助午餐或晚餐乙次。
Coti the Bistro (五芳街) 二人套餐8折+送甜品
生日優惠日期：即日起至2025年2月28日（已完結）
圖：以精巧法式風情小餐館為概念嘅西餐廳，供應價錢相宜嘅二人套餐，包括蟹肉沙律、烤西冷牛扒、炸蒙古羊扒等足料菜式。經OpenRice提前1日預約時備註慶祝正日生日，到場出示有效證明，二人套餐有8折，仲可獲贈指定蛋糕一件𠻹。
鮨無双 額外折扣優惠
生日優惠日期：2025年1月1至2025年1月31日（已完結）
圖：開業4年、主打席前廚師發辦嘅壽司店，師傅會為你講解每道菜式，其中「燒左口魚三文魚籽飯」以燒左口魚逼出嘅魚油撈飯，香氣令左口魚同三文魚籽嘅鮮味增添層次，仲有象拔蚌、白子、鮟鱇魚肝等食材入饌，配搭豐富。餐廳一月唔同價位嘅廚師發辦套餐已有85折起優惠，而壽星惠顧指定套餐，仲有午市額外5%折扣，同埋晚市額外8%折扣，抵上加抵。
炉端燒 送達摩爆破蛋糕
生日優惠日期：即日起至2025年4月30日（已完結）
圖：想生日飯有儀式感，呢間酒店餐廳嘅爐端燒應該幫到你～佢嘅「慶祝套餐」搜羅世界各地優質食材，如日本雞肩肉、美國黑豚腩肉、宮崎A4和牛等，以炮製多款日式爐端燒美食、新鮮壽司同刺身。凡2人或以上（最少3日前預訂）會免費獲贈達摩爆破蛋糕一個，讓你動手搞出神秘內餡！
Café 100 by The Ritz-Carlton 免費生日套票+食品8折
生日優惠日期：即日起至現在至2025年4月30日（已完結）
圖：喺高空慶生，浪漫又有feel～凡香港居民喺生日月份內帶同親友（最多3名），以生日同行優惠55折購買門票後，壽星即可免費換領標準門票入場，同時於Café 100 by The Ritz-Carlton享用餐單上嘅正價食品都有8折優惠，嚟食tea或晚餐chill吓都唔錯。
JAJA 是日精選甜品免費
生日優惠日期：2025年1月13日至餐廳另行通知，欲了解詳情可聯絡餐廳。（已結業）
圖：打卡西式素食餐廳都有生日優惠呀～菜式以創新、健康美味為宗旨，加上夢幻嘅粉色系佈置，無論食物同環境都一樣咁吸睛，就算無肉慶生都一樣盡興。壽星生日當月到訪餐廳，出示相關證明文件核實，惠顧任何餐點即可免費享用是日精選甜品乙客（款式由餐廳作最後決定權），連神秘感都滿足到你呀。
香辣軒 免費生日晚餐+生日蛋糕
生日優惠日期：即日起至2025年6月30日（已完結）
圖：餐廳（官網）、foodvibes.sy
東南亞風味嘅四道菜生日晚市套餐，包括開胃小菜、主菜、小食同埋甜點，例如鮮蟹就有蒜香或黃咖喱口味。餐廳仲設有露天雅座，有星空相伴好有feel，而4人以上可享一位免費，兼送上免費蛋糕一個。
牛舞日本燒肉‧涮涮鍋放題 一位免費+送和牛蛋糕
生日優惠日期：即日起直至餐廳另行通知，欲了解詳情可聯絡餐廳。(已結業)
圖：雙下巴不是夢、餐廳（FB）
元朗店限定～放題食勻日本燒肉同涮涮鍋，係大滿足之選呀！呢間專門店主打鹿兒島薩摩和牛、澳洲和牛、美國牛肉，仲有甲羅燒、脆皮乳甲、蒸蓉牛油帆立貝、天婦羅等特色料理，樣樣食一round都超飽呀！壽星出示身份證明文件，喺生日當月惠顧任何全日放題，即送和牛蛋糕「牛舞慶生盛」；而生日前後3日內4人同行惠顧任何全日放題，完成指定動作即可享一位免費。
文：Cathy
