大閘蟹可以話係秋天嘅其中一項代表食物，適逢大閘蟹當造季節，OpenRice精選咗以下六間食大閘蟹嘅熱門餐廳，今個秋天仲唔快啲約埋朋友屋企人一齊大快朵頤一番！
大閘蟹有咁多唔同嘅產地唔知點揀好？陽澄湖大閘蟹可以話係其中一款必食嘅大閘蟹，如果你想試吓蟹膏鮮甜飽滿嘅陽澄湖大閘蟹嘅話，就一定要去【美心中菜】試吓佢哋嘅「陽澄湖秋蟹盛宴」喇！除咗清蒸嘅陽澄湖大閘蟹之外，仲有清淡鮮甜嘅鮮淮山炒帶子珊瑚蚌、用料豐富嘅蟹粉海皇燴仿翅、酒香四溢嘅花雕醉頂鴿等菜式，最後食埋暖胃驅寒嘅薑茶甜湯丸收尾，非常滿足！
大閘蟹片皮鴨放題 富臨
鍾意食大閘蟹嘅大胃王注意！【富臨】推出兩小時大閘蟹片皮鴨放題，除咗任食嘅大閘蟹、片皮鴨同各種特色菜式，餐廳仲會向每位食客贈送一份珍味定食，食客可以食到味道鹹香嘅黑魚子同口感爽彈嘅和味鮑魚等風味小菜。依家經OpenRice訂購，餐廳仲會額外加送蟹粉三重奏撈、蟹粉鬼馬脆脆同任食蟹粉湯小籠包，真係超級抵食！仲唔快啲約埋屋企人朋友開餐！
「完美蟹逅」任食大閘蟹片皮鴨套餐 海雲天
想望住靚景食大閘蟹？位於紅磡嘅 【海雲天】地理位置優越，並設有大型落地玻璃，食客可以喺用餐嘅時候欣賞優美嘅維港海景。除咗景觀開揚之外，食物質素都相當唔錯！餐廳近日推出150分鐘任食大閘蟹片皮鴨套餐，除咗必食嘅清水大閘蟹之外，仲可以無限追加各式各樣嘅特色菜式，例如外脆內軟嘅大良鮮奶卷同食完暖笠笠嘅臘味糯米飯等，真係聽到都覺得吸引！
餐飲券:【6折】「完美蟹逅」150分鐘任食大閘蟹片皮鴨套餐(按此)
大閘蟹定食+片皮鴨小菜放題 雲海匯
位於深水埗嘅【雲海滙】推出大閘蟹定食+片皮鴨小菜放題，定食除咗有清蒸大閘蟹同一咬就爆汁嘅蟹粉小籠包之外，仲有非常足料嘅原隻鮑魚伴天白花菰同雲南野菌燉響螺，夠曬滋補養生！放題方面，餐廳提供多款特色小菜，包括皮脆肉嫩嘅京式片皮鴨、香辣惹味嘅川味口水雞、口感煙韌嘅養顏紅棗糕等通通都係任食，連各款餐酒、飲品同汽水都係任飲，簡直就係性價比之選！
餐飲券:【7折】120分鐘 大閘蟹定食 + 片皮鴨，小菜放題(按此)
「金秋大閘蟹宴」晚市套餐 紫粵軒
有冇諗過大閘蟹都一樣可以有好多唔同嘅烹調方式？想試新嘢嘅話千祈唔好錯過【紫粵軒】嘅「金秋大閘蟹宴」喇！餐廳採用咗唔同嘅方式去呈現出大閘蟹嘅鮮味，除咗經典嘅蒸大閘蟹之外，套餐仲包含各式各樣用蟹入饌嘅菜式，每一啖都可以品嚐到濃郁蟹味。特別推介蟹粉湯順德魚麵，湯底融合咗蟹粉鮮甜嘅味道，再配埋風味獨特嘅順德魚麵，鮮上加鮮！
六両大閘蟹放題+龍蝦套餐 滿載
位於銅鑼灣嘅【滿載】推出大閘蟹放題+龍蝦套餐，任食嘅大閘蟹除咗有平時常見嘅清蒸口味之外，餐廳亦提供用花雕或者鹽焗方式烹製嘅大閘蟹畀食客享用，食客可以根據自己嘅口味選擇。套餐亦包含多款海鮮菜式，包括蒜味濃郁嘅蒜蓉粉絲蒸波士頓龍蝦、清蒸/豉椒炒白貝、潮式大眼雞同磯煮特大生蠔等，啱曬各位海鮮愛好者，鍾意食海鮮嘅你一定唔可以錯過！
