出開旺角行街，經過西洋菜南街近家樂坊嗰邊，抬頭見到呢間三公台灣料理 ！仲標榜係食溫體牛嘅𠻹！即刻諗都唔諗就上去睇睇個menu! 咁啱佢最近做緊2人岩漿沙嗲温體牛肉火鍋優惠， 20:30 後 原價 HK$368嘅二人火鍋套餐就會變成HK$288！每人另加$33 就可以升級任食牛肉！一見到「溫體牛」、「任食」、「台式火鍋」即刻就心心眼要試試佢實力！ 作為沙嗲牛迷嘅我哋，湯底就緊係揀返沙嗲湯！超香濃惹味嘅沙嗲湯配埋溫體牛肉！食落認真一絕呀！試咗台灣牛三角肉、牛頸脊同三筋肉，肉質鮮嫩，牛味極重！配埋本地大光麵就可以自制沙嗲牛麵火鍋喇！

最近出開中環見到中環街市附近新開咗間茶飲店～俾門口大大個番石榴檸檬茶poster吸引咗🤤 鮮甜番石榴配上清新解渴檸檬茶！ 第一次試到呢個配搭！真係一次愛上呀！ 估唔到番石榴同檸茶係咁match！ 最正係佢冇嗰啲好假嘅香精味同色素！ 個檸茶底仲要一啲都唔澀！成件事就係好fresh好解渴！啱晒依加香港呢啲咁悶熱嘅天氣呢！ 題外話，依加只要一張訂單買滿12杯飲品就可以將嗰隻滑嘟嘟又可愛嘅鱷魚公仔帶返屋企喇！lunch同同事夾單一齊買話咁易就有啦

早幾日我哋約埋朋友仔一齊食好西慶祝兒童節🥳🥳

碌social media成日都會見到呢間位於灣仔嘅IG-able黑白色二次元主題中西fusion餐廳！俾佢咁特別嘅裝修吸引咗😂😂所以就決定要book嚟試試佢喇～

本身都係抱住多數呢啲都係得個樣嘅姐，好睇未必好食嘅😎😎

點知我哋一行4個大人2個小朋友都一致認同啲食物相當高質！！！係真好睇又好食呢🤤🤤🤤

因為第一次試呢間…冇預到啲嘢食原來全部都大大份😅落單嘅時候落得太盡興，搞到其中2份Burger食唔晒要take away𠻹😆😆以下就係我哋今次order嘅份量以作參考～～
　
Soup：
黑松露野菌忌廉湯 $88

Fish & Steak：
日式西京燒比目魚扒 $188
烤焗美國豬鞍扒 $258

Pasta & Risotto：
芝士焗大蝦意式香草茄茸意粉 $138

Pizza & Burger：
煙三文魚凱撒薄餅$158
和風芝士玉子和牛漢堡 $168
美式芝士煙肉和牛漢堡 $168

Snack：
(B) 炸香脆粗直薯條配黑松露醬 $68
(D)蜜味沙嗲醬雞肉串燒（6串） $78
(E) 自家製墨西哥焗脆薄片 $88
(F) 蜜汁焗雞中翼（6隻） $88

Dessert：
富士芝櫻祭 - 丸久小山園抹茶Tiramisu $118

Drink：
ULURU Rose Tea $52
Chocolate $38
Cappuccino $40
Blue Lemonade $32


ULURU
📍 灣仔春園街1-11號春暉大廈1樓

#隱世高質意大利菜 #食好西系列 #大角咀 慶祝紀念日都要有儀式感🤍 最近我哋一家試咗呢間正宗意大利餐廳The Francesco，由嚟自羅馬嘅廚師主理！餐廳位於大角咀，雖然位置不及旁邊人氣旺盛嘅旺角，不過菜式嘅質素、餐廳整體氣氛舒適度極高搭救！行遠少少就可以品嘗到價格相宜兼高質素嘅正宗意大利菜！係十分之值得！ 今次我哋試咗： ♥︎Parma Ham意大利薄餅🍕 正宗就係正宗，果然係唔同啲！批邊厚薄啱啱好！少少脆口，但又未至於薄脆到食完會喉嚨痛嗰種！配埋足料Parma Ham、火箭菜同拉晒絲嘅水牛芝士🧀！囡囡都食到舔舔脷呀😋😋😋 ♥︎烤春雞 大大隻燒雞皮脆肉嫩超juicy！配搭埋香濃嘅香草🌿醃製超級入味😍😍以薯條、沙律菜同烤蕃茄仔作配菜，解膩一流！絕對值得一試！ ♥︎香腸肉醬自製手工扭紋意粉🍝 呢款意粉口感好特別！煙煙韌韌咁囡囡好鍾意食！唔好睇佢個sauce好似一般肉醬意粉咁嘅樣，其實係用咗有別於其他餐廳嘅梅子蕃茄醬調製！味道酸酸甜甜咁，食落勁開胃👍🏻👍🏻 ♥︎即製手工Tiramisu 呢款屬於招牌甜品之一嘅即製手工Tiramisu真係好精緻呀🤍充滿濃濃嘅咖啡香味😋手指餅鬆軟度適中！同平日食開嘅Tiramisu好唔同！配搭埋幼滑濃郁嘅Mascarpone Cheese ！整體口感🆙🆙🆙 而飲品我哋就揀咗🍫Chocolate Milkshake同Tropical Smoothie🍍，Milkshake上面仲有一球雲尼拿雪糕𠻹！口感超creamy！😋而Smoothie就有奇異果、芒果、菠蘿同香蕉，成件事勁fresh😙😙 仲有最值得讚嘅係服務員嘅服務態度非常好之餘仲超級貼心！見我哋食緊Tiramisu，囡囡唔啱食所以冇份食，主動額外送咗個雪糕🍨俾佢呢！🥰🥰 The Francesco 大角咀大全街47-49號大同新邨大滿樓地舖

🎏櫻花樹下日式居酒屋🍱🍣🇯🇵 估唔到喺香港都一樣可以感受到日本嘅春日浪漫氣息🌸 位於太子嘅呢間日式居酒屋🏮，一打開門就見到大大個鳥居⛩️，餐廳入面仲有幅特色燈籠牆🏮正中間有棵非常IG-able嘅仿真櫻花樹𠻹！真係好靚好似去咗日本咁呀～想像吓可以一邊賞櫻一邊坐喺櫻花樹下嘅塌塌米品嘗各種日本特式美食🍱🍢🥟 成件事係幾咁正😌 🌸關東煮 $88 裡面有大根、日式蒟蒻、雞蛋、年糕福袋、獅子狗同腐皮等等食材，特別鍾意佢個索晒汁勁入味嘅大根同年糕福袋！ 🌸壽喜燒牛肉鍋並盛 $198 甜甜嘅壽喜燒汁配上嫩滑豆腐、椰菜、肥牛、大蔥同金菇等等食材！食完即刻感覺成身都好溫暖呀～ 🌸鯖の味噌煮 $78 平時好怕腥味但又好鍾意食魚嘅爸爸大讚呢個鯖魚！濃郁嘅味噌醬汁搭配香煎鯖魚！ 🌸甜薯薯條 $58 香甜好味嘅蕃薯條🍠外層鬆脆可口，好啱小朋友食，兩個小朋友都忍唔住一條接一條咁食呀！ 🌸唐揚炸雞 $48 輕輕調過味嘅雞肉嫩滑juicy之餘外層唔會明顯食到厚厚嘅炸粉，一碟份量有8粒左右，如果份量再多少少就perfect喇😎 🌸厚燒玉子三重奏（口味六選三） $98 *蜜糖芥末、明太子醬、海膽醬口味 蛋味濃郁嘅玉子夠晒厚身！配搭3種不同嘅醬汁，真係各有各風味呢😋😋因為本身都係明太子fans，所以就比較偏愛明太子醬口味喇 海膽醬口味略嫌有少許偏鹹，但都唔太影響食落嘅口感😉 🌸七福免治雞肉棒（口味七選二） $68 *月見、大阪燒口味 就咁睇以為係普通雞肉棒加啲醬，食落先知原來中間仲夾雜咗啲雞軟骨，咬落有啲卜卜脆咁，再蘸少少生蛋汁，味道即時提升咗！ 🌸福袋腐皮烏冬 $58 呢個福袋腐皮烏冬真係令我好驚喜！用大大個腐皮包住成個烏冬，再加上一個清清哋唔會太濃嘅湯底，好啱小朋友口味，囡囡都唔覺唔覺食咗2大碗呢😋 🌸熱茉莉花香綠茶 $18 🌸木村綠茶可樂梳打汽水 $29 🌸原味波子汽水 $21 餓居 📍太子砵蘭街440號地舖

早排出開中環行街，經過歌賦街見到呢間店面裝修簡潔明亮嘅餐廳！牆上仲掛滿咗與海洋生物相關嘅畫作，為就餐環境增添藝術氣息🎨 老闆仲話佢哋係以新鮮嘅海鮮每日熬製湯品，堅持使用簡單嘅食材，絕無添加味精，飲每一啖湯都能夠品嚐到海鮮嘅鮮美風味！齋聽到都覺得好吸引呀！於是乎我哋就諗都唔諗決定試試佢哋嘅其中兩款招牌菜式！ 事關Daddy超鍾意食蝦😍所以佢揀咗「特大海蝦配招牌特濃鮮蝦湯麵」(配溏心蛋)🦐🦐 隻花竹蝦真係唔係講笑，講到明特大真係特大，絕冇照騙🤭🤭仲大隻過媽咪隻手掌！食落仲夠晒鮮甜彈牙！連對海鮮一向好有要求嘅Daddy都話一食就知唔係普通雪藏貨扮上菜！😎😎😎再配埋以新鮮蝦頭同蝦殼慢慢熬製而成嘅超鮮甜招牌特濃鮮蝦湯底，超濃郁嘅香味真係令人一試難忘！ 我自己本身就鍾意食酸辣嘢，所以就揀咗「秘製酸菜魚湯麵」！ 用足料食材加鮮魚新鮮熬製出嚟嘅湯頭果然係唔同啲！有平日酸菜魚嘅酸同麻香，味道剛剛好唔會太咸，魚味濃郁之餘仲要一啲都唔腥，成碗麵連湯都飲埋清碗嘅狀態都唔會覺得口渴！重點係魚片啖啖肉，一條骨都冇！啱晒鍾意食魚又怕啃到骨嘅我🥰 一份套餐除咗有碗麵仲配埋前菜、小菜同水果，份量啱啱好，Daddy都話飽飽！好滿足呢！ 餐廳除咗有呢款大蝦湯麵之外，其實仲有普通版嘅蝦湯麵可以揀！唔想食得太heavy又經濟實惠啲嘅話可以選擇試呢款普通版！一樣可以品嘗到每日新鮮熬製兼絕無添加味精嘅湯底呢👍🏻👍🏻👍🏻 魚蝦蟹 (中環) 中環歌賦街45號地舖 @hooheyhow #hooheyhow #魚蝦蟹 #蝦湯 #海鮮湯 #蝦湯 #匠心湯底 #日日新鮮熬制 #全無味精 #一飲到底 #魚湯控必食