平日12:30到蘭芳園，只係排幾個，都算好彩，不過勁迫，食食下仲要我移位。。。 翻查openrice先知有咁多劣評。香港人真係高要求，喜歡投訴。 老老實實，點咗54蚊豬扒蛋蕃茄薯仔湯通粉餐，蕃茄薯仔湯係足料，豬扒都入味，份量少咗啲，女仔夠食，通粉軟硬度適中。 絲襪奶茶夠香濃。 最欣賞邪惡的咖央西多士，即製香脆又香甜。。。極正！ 價錢有點貴，中環算ok啦，食物味道合格。 出菜時間快，尤其加點咖央西多士，5分鐘內出，我連通粉都未食完，有啲意外。 服務態度正常，有啲似澳牛，啲街坊式招呼咁。 可能我點餐好簡單，講野中point快而準，又無催侍應，所以無比人鬧。。。。 一提係一張細枱坐6-7個人，要攬住個背包食真係好迫。 下次若想試撈丁，都係去其他分店好了！

午飯時間，仍然唔介意讓客人選位坐，讚！
黃花魚煲出魚湯好鮮甜，有很多配菜，完全無味精，健康又好味，我成煲飲晒！
淮山麵另上，泡湯配搭剛好，唔淋又彈牙。
見到餐牌上有很多其他健康和想吃的小菜，下次再試！

呢間叫老鳳茶餐廳，服務也很"老逢"！ 過咗一點入場，入去指我去一個中間轉角，侍應一經過就挨落嚟嘅位，轉頭有一枱卡位走，明明門外無人都夾硬話有好多客。 等多幾分鐘先有一pair客入嚟坐咗一邊，我問多2個阿姐一次，話可以搭枱嗎？ 我話你反正又位又唔比人坐，而且我比另外2個人早到，你又比後來的人坐，係咪唔公平先？ 佢地2個黑面唔理我唔回應，我起身望住阿姐都只係喵我，於是我自己過去坐。坐低睇餐牌之時，已經不斷有客食完離開，佢係有吉位的。 落order佢地2個阿姐都唔望我唔理我，要叫另外一個阿姐。 點了午餐E，韓式炸雞配芝士保齡球，78蚊個餐算貴，配原味波波冰鎮奶茶要加14蚊。 仲要阿姐唔知有心定無意，無比例湯我，我飲完奶茶臨走時，見到對面有湯有飲品先知係送嘅。 炸雞的確入味，芝士保齡球個包鬆脆，但汁就嫌過希。 食物味道好，裝修有特色，但服務態度差，直至比錢果刻先好少少。 儘管我想試埋飛仔阿華田和特式紅豆冰，都要心情靚，有心理準備先好嚟！ (想upload相但唔知點解手機apps upload唔到！)

為咗個木槺布甸試下呢間餐廳。
要自己買飛點餐, 選擇午餐1. 吊片豬肉丸喇沙套餐, 再加$10有木槺布甸。
但呢個喇沙沒有椰味只有辣味，米粉和豆卜都硬身，唔入味… 同新加坡, 甚至瀝源某餐廳都差太遠!
個木槺布甸食到一半放棄咗，cream唔滑曲奇碎唔香，仲無啦啦有啲椰絲…完全唔好食!

這飯店在我家附近, 但總未有機會來, 今次難得朋友建議石峽尾一帶覓食, 於是推薦這裡!

它已開了50年, 比我們每一個年紀還要大, 但懷舊菜總是令人懷念, 歷久常新!
早前見他關門了一段日子, 以為又一個小商戶捱不住貴租, 幸好原來只是裝修, 否則很多老主顧會失望呢, 而我們這些'小朋友'(相對它)也試不到咁多特別菜色!

早一星期訂了位, 廿幾人分兩圍, 竟然可霸佔了一角落, 再圍版自成一角, 環境和服務真不錯, 可能經過裝修後帶改善, 格局光鮮, 並不算殘舊!

我們點了每圍12個小菜(中), 包括馳名八寶鴨, 大四喜拼盆, 白果豬肚湯, 鹹菜炒珍肝, 梅菜扣肉, 東江霸王雞, 欖角蒸魚雲, 沙拉骨, 貴妃豆腐... 有很多很久都未食過, 今次一次過試晒, 懷舊一番, 的確好味!

再叫了較普通的西蘭花牛肉, 金銀蛋莧菜, 腐乳炒通菜, 薑蔥炒腰肝... 其真平凡菜色才見真功夫, 而且又可平衡一下~ ^^
總共12個小菜加一湯, 再加埋壽包和甜品, 捧腹而回, 仲要打包埋... 除了壽星, 位位都只是二百元, 街坊價勁抵食!

第一味是 東江霸王雞, 見到賣相已食指大動, 之前見有評語話太鹹, 又唔係喎~ 味道剛剛好, 肉質仲好鮮嫩滑溜! 隨後而上的八寶鴨也絕不遜色, 要預訂咖~ 用料十足, 鴨肉炆得很腍和入味~ 讚!! 見到梅菜扣肉, 大家忍不住要叫白飯.... 但原來食唔晒, 早知唔叫咁多啦.... 梅菜非但不是配角, 而且很香; 豬肉也不讓梅菜專美, 瘦肉入味, 肥豬肉則入口即溶, 正~ 再來的白果豬肚湯有很多腐竹和白果, 清清地都唔錯!

然後是份量十足的'大四喜拼盆', 有椒鹽骨, 椒鹽鮮尤, 腰肝卷, 炸大腸... 後兩味較考功夫, 平時較少機會食到咖~! 一碟菜滿足晒4個願望, 爽~!每碟SIZE都叫中, 想不到份量很大, 很震憾! 西蘭花牛肉的牛肉份量不少, 幸好帶不少燈籠椒作伴碟, 可以食下蔬菜平衡一下...好少食欖角, 原來蒸魚雲都幾有特色, 送飯不錯! 金銀蛋莧菜味道正常! 貴妃豆腐原來和八珍豆腐差不多, 但比平時用料較多, 齋食肉不食配料都食不完! 食到呢一刻, 雖然每味菜都帶一定水準, 不過始終肚仔位置有限, 大家都開始減慢食速... 仲開始取起飯盆打包....
預訂的壽包賣相一般, 但大小剛剛好, 而蓮蓉味道清甜, 蛋黃不多, 但反而無咁膩, 皮和餡份量恰到好處, 有驚喜!見有食評講送的糖水紅豆沙太水似打'獻汁', 其實又唔算太差丫~ 雖然紅豆比較碎身, 但亦好沙, 即夠火喉啦!

除了食物, 人物和地方懷舊, 原來價錢也很懷舊! 我們差不多點了30人份量, 否則每人百幾蚊咋~ 出面酒樓一定無咁平, 結論是:咁抵食, 下次叫埋其他朋友或屋企人再來回味一番先!

今晚一心跟朋友一聚，吃茶餐廳小菜晚飯， 想不到這裡除了粉麪、中菜和西式快餐，也有特色葡菜和咖哩!

先來幾個煲仔菜如啫啫排骨煲、豆腐火腩煲都很惹味，蝦仁炒蛋蝦鮮蛋嫩，芥蘭炒牛肉夠晒鑊氣，生菜鯪魚球煲肉鮮湯甜，皇牌燒皇子鴿很入味! 吃不停口，忘了拍照~

最後的茄汁大蝦、紅酒燴牛脷和紅酒燴牛脷更是水準之作~!

伙計服務態度親切良好，此處也提供啤酒，地方適合朋友小聚，下次一定再來encore!