Bistro Le Parisien

Open Now

Now Closed

Weekdays 時間晚餐叫咗牛扒薯條，等咗好耐份晚餐都未嚟，諗住而家餐廳比較難做，侍應都只係一兩位，所以我都諒解明白及忍耐。繼續等咗差唔多九個字終於忍唔住問吓女侍應請問我份晚餐係咪整緊? 佢答我話：係呀，整緊！ ok，咁過咗一陣終於有份牛扒薯條出嚟，我就心諗：唉，終於都嚟啦。點知waitress 將份晚餐擺咗喺隔籬啱啱只係嚟咗5分鐘嘅客人張枱！我覺得好shocked 問佢呢份晚餐應該係我先，waitress答: 因為你嗰張單漏咗… 我呆咗，然後嗰台新客就梗係9秒9攞份晚餐嚟自己食先啦！ 我就同waitress 講其實我唔係好get到，你明知漏咗我張單，咁出咗個餐唔係應該俾咗我先？ 仲有你話你幾十個客我都算， 嗰日只係得幾枱客都可以漏單。其實佢哋咁樣嘅處理方法真係令到我1秒着咗，我話咁唔要個餐啦，跟住佢話：好啊！ 咁其實好明顯咁嘅態度都唔會想再有回頭客， 就算味道唔差，都唔會夠膽再嚟。