明珠海景

Open Now

Now Closed

不嬲都有黎開呢度飲茶首先明明入面有位個帶位話要等結果佢比經理話牛柳粒好食，所以必點知今日黎到一望，牛柳粒變配菜？問下經理。佢理所當然話呢個係有啲姑但牛柳粒少到你都睇唔到喎佢條友聽完走左去不是吧？你是經理嗎？不如你再上下training/退休啦係味廚房叫唔夠貨？咁不如話售罄啦無得食都無咁嬲

入咗明珠海景，首先嗰一抹海景真係正翻天，席開窗邊，吹吓海風，咪講咗！特色點心放係眼前，光聽名都流晒口水。竹炭流沙包，黑滑滑嘅外表下，夾著濃濃嘅蛋黃流沙，咬落去嘅感覺簡直係正到爆！嘩，溢出嚟嘅沙味，簡直係亂噏！🥢黑松露燒賣，肉粒彈牙，松露味嚟得夠晒自然，香氣襯托埋燒賣嘅鮮美，一試難忘。講到鮮蝦豆苗餃同魚翅餃，賣相得意，食落去仲得意，咸蛋黃係豆苗餃嘅噱頭，層次感豐富。腸粉部分，黃沙豬潤同韮黃腸粉，滑潤又細膩，每條腸粉就好似微編嘅絲巾咁軟滑，鮮蝦彈牙，配合得宜。另外，百味豆腐粒就係外酥內軟，啖啖豐富口感，揀得唔錯。腦海中仲揮之不去嘅，係嗰碗魚湯魚滑米線，皮蛋點綴增加咗想像，湯底一流，令人回味無窮。最後，個蛋白櫻花蝦炒飯嘅顆粒飽滿，香氣撲鼻，整餐飯都算係無懈可擊。食完喺度講，我都覺得過癮，值得再黎！喺呢度食飯，真係滿足咗味覺嘅同時，仲有眼福，真係一流！✨🍽🌊

太差，我訂咗230，居然到咗就話3点last call. 230 就係為咗下午茶! 係呀係訂咗時告之呀⋯⋯掃興！我上次來覺得他們的環境很好，東西世界也不錯啲！想不到這次體驗咁差！

節日晚飯☺️脆皮乳豬外皮經過特殊處理和烤製，形成了一層金黃色、酥脆的外皮。這層外皮帶有爽脆的口感，當你咬下去時，可以聽到脆脆的聲響。儘管外皮脆口，但乳豬內部的肉質通常非常嫩滑。乳豬是年幼的豬隻，肉質較為嫩嫰，口感柔軟。它的內部肉質經過長時間的烤製，慢慢熟化，使得肉質更加細嫩。蒸海斑海斑肉質鮮嫩，口感豐潤。它的肉質緊實而彈牙，咬下去時可以感受到柔軟的口感。清蒸烹調方式能夠保留海斑魚肉的嫩滑度和質感。清蒸海斑強調清淡的味道，不會有太多的油膩感。海斑的自然鮮甜味道在清蒸過程中得以突顯，讓人感受到清爽的口感。杏仁糊杏仁糊經過加工和攪拌，通常具有柔軟且滑順的質地。它可能含有一些細緻的杏仁碎粒，但整體上會給人一種滑嫩的口感，杏仁糊的質地通常是綿密的，具有一定的黏性。這使得它在口中留下一種濃稠的感覺，給人一種滿足感。

今天領取兩盒雙黃白蓮蓉，本來打算用來送禮，裝月餅的袋太細，不料到門口的職員一男一女不停口地說是2023 年的新設計，非常無禮貌，當我白癡，男職員還大笑不停好似好威，本人直覺袋太小及露出半盒月袋太寒酸，奉勸各位不要買明珠海景月餅卷，領取時職員當客人是乞丐，兩人真係不適合做服務行業！

呢間餐廳海景一流，食中餐都唔錯!!! 基本上嘅中餐菜式都有。份量都幾大，上菜速度亦都快，啲餸菜都係熱辣辣，幾有睇頭。上次去到都係要訂位，咁樣先至會有海景位😍停車都好方便，有免費泊車。咁似推介嘅係個鮑魚，蟹肉羹同埋魚。鮑魚超級好食又唔會好硬，好大隻，廚師控制火候啱啱好。蟹肉羹真係好足料，蟹肉都好大，好少有中餐廳做到呢個水準條魚絕對新鮮，唔會冰鮮！不過價錢真係唔特別平，但係都有抵食嘅，所以大家叫之前記得睇Menu同價錢。今次我點啲餸都幾高性價比👍🏻如果鍾意食中菜有鍾意望住靚景嘅朋友一定要黎試吓😎

同屋企人食飯，經 openrice 訂枱，訂枱嘅時候有落 remark 呢餐係家庭聚餐，有外國返嚟嘅親戚。可能見我哋同行係有回港渡假嘅人，餐廳職員就幫我哋 arranged 咗一張响窗口前面嘅枱俾我哋，可以一路食飯，一路望住180度嘅維港景色，dining experience 非常正! 我哋一行九人(包括一位老人家)，叫咗個6人餐再加隻片皮鴨兩食，份量好夠，食物水準亦唔錯，每道菜都好食，其中一道係上湯龍蝦炆伊麵，龍蝦新鮮彈牙。另一道係六頭鮑花菇扒時蔬，花菇大隻，鮑魚方面，如果食開鮑魚嘅朋友都應該知道罐頭湯鮑嘅size 所示嘅頭數其實意義不大，一罐有幾多隻，都唔係完全可以代表鮑魚嘅大細。呢道菜啲鮑魚都唔會好細隻，當然唔係大大隻嗰種，不過湯鮑就係湯鮑，品質方面好難有突破，非戰之罪。但係如果真係想食靚鮑魚嘅話，可能要問問部長/經理可唔可以加錢轉做乾鮑。 經Openrice 訂位，散叫 a la carte 菜式仲有7折， 不過套餐就有如一般食肆做法冇得再折。

4位去晚善，首先叫了兩頭盤，再叫一隻片皮鴨及一個菜和乾牛河。最後等左好耐連片皮鴨都食完當我催單才知黑西裝的人才跟我說剛才只幫我落片皮鴨一様發緊夢，然後連一聲唔好意思都不說，只跟我說漏左落單😡

lunch for 4 @ hkd628, 西湖牛肉 soup, 烧雞半隻，3款点心，一碟炒飯或麵，再加兩款小菜，連加一和5位茶芥(5位都夠吃)，共hkd801, not bad 服务態度不错，环境也好，位於5楼，面对维多利亚港，景观也可以。

預約了 下午2:30 ，諗住同屋企人久違的飲茶聚吓，掃興的到酒樓門口部長話3點截單；坐到3點半要離開。同屋企人商量，落大雨唔另外去第度，就入坐點嘢食，受盡所有員工的黑面對待⋯⋯最後等咗10分鐘左右，點心姨姨上菜，剩下十數分鐘食嘢。是次完全因為酒樓預約時段安排不當，麻煩貴司與酒樓洽談，取消根本不可行的下午2:30 時段；以免大家再遇上不好經歷！

今朝去到，成間酒樓得一枱客，個男帶位冇同我講有90分鐘時限。由於我哋見只酒樓一般都可以坐耐啲，諗住可以食住等小朋友放學，再接埋小朋友嚟飲茶。坐坐吓有個操內地口音嘅阿姐（後知姓黎）以極惡劣嘅態度嚟問：「你哋係咪walk-in 客！？」我話係。「食90分鐘㗎咋！冇人話你聽咩！」我話冇人話我聽請佢自己問返個男帶位。佢話佢未上班！仲繼續好惡咁想趕我哋走咁！邊有咁惡！仲要大半間酒樓仍然係冇人！一早同我講90分鐘我點解會嚟？食到一肚氣！叫經理嚟都冇用，都係一副唔關佢事咁嘅態度。冇道歉態度亦非常輕佻。上嚟openrice 先知呢度咁多關於呢間嘢態度負評！唔怪得有恃無恐，最初仲以為佢喺酒店裏面服務應該會好啲，原來經理話佢哋同酒店係無關. 唉。小心食到背脊骨落

環境唔錯，大大個海景就望到。味道都唔錯，人又唔算多，體驗感比較好，不過都夥計服務態度就參差不齊，有啲就好熱情，好啲就好高冷咁點心都幾好，上湯金魚蝦餃造型十分搶眼，蝦肉夠飽滿，好食馬拉糕夠鬆軟，甜度啱啱好，黑金流沙包皮薄餡靚

父親節當然要帶爸爸去飲茶啦，近近地去返北角匯嘅明珠海景，訂咗2點鐘，雖然好多人但係都能夠準時入座👍🏻餐廳可以望到維港景色，落地玻璃加上outdoor area，今日可以望到黃色鴨仔移送走🐤蟹肉粟米羹每次嚟都會點呢個湯，因為入邊有大量嘅蟹肉同粟米，湯嘅味道亦唔會太鹹叉燒厚切帶少少肥嘅叉燒超級正，仲帶有少少燶邊，香甜嘅蜜汁，軟稔嘅叉燒送飯一流鮮蝦餃皇蝦餃粒粒飽滿，皮薄，蝦肉新鮮彈牙黑松露燒賣皇燒賣入面有冬菇粒、蝦肉同豬肉，上面加上黑松露大大提升左燒賣嘅香味，可惜個size比之前嚟食細粒咗金錢肚份量不少，呢度嘅金錢肚用嘅係草肚，口感軟佳，底下有豆卜墊底，吸滿香濃嘅湯汁非常惹味鵪鶉蛋燒賣一籠有三粒，用蝦肉豬肉切粒，感覺一樣比以前細粒🥲XO醬蒸鳳爪用上大量嘅XO醬去蒸嘅鳳爪，鳳爪上面仲鋪滿乾瑤柱絲，底下一樣係用豆卜去墊底，鳳爪肉質飽滿，推介蜂巢芋角芋角裏面全部都係蝦肉，芋頭蓉香滑軟稔，蝦肉新鮮彈牙，亦係做得比較出色的一個點心一口蒜香骨排骨半肥瘦，炸粉唔會過厚，上面鋪炸蒜，惹味香口金菇瑤柱炆伊麵伊麵入面加上大量嘅瑤柱絲同金菇，用蠔油作芡汁，口感絲滑沙薑豬手粒每次嚟必點嘅一個小食，豬手口感Q彈，滿滿

🎈推荐指數: 🧡🧡🧡🤍🤍｜✏️環境: 6/10｜✏️位置: 6/10｜✏️服務: 6/10｜✏️味道: 6/10｜✏️選擇性: 6/10｜✏️返尋味: 6/10｜✏️Time: Dinner Time｜✏️Through: walk-in｜✏️Price: Around $300/person｜✏️Pay Attention:  SET DINNER｜✏️Recommend:  🚗 🚗🚗___呠呠車停泊:  北角匯👴📢 《 WK 說 》STORY TIME  :哈囉大家！小弟又嚟同大家分享一個最新嘅食評，今次去到嘅餐廳係明珠海景，就喺北角北角邨里1號北角匯一期5樓502號舖。呢間餐廳以海鮮為主，擁有好多嘅優點同特色，真係一個值得一試嘅地方！先講環境方面，明珠海景嘅環境真係一流。佢嘅設計優雅，擺設簡潔但又有現代感。餐廳嘅窗外就係大海，坐係度可以一邊食飯一邊欣賞海景，感覺好放鬆。仲有一啲私人優雅嘅包廂，適合用嚟慶祝特別嘅場合。至於位置方面，明珠海景就喺北角嘅心臟位置，交通方便。你可以乘坐公共交通工具，例如巴士或地鐵，直接嚟到餐廳。好多人可能會以為北角唔係咁方便，但其實只要略為計劃一下，都唔會俾嚟困擾。講服務方面

一家四口一齊食晚餐，就因為個海景所以選擇了明珠海景。入內環境非常大，地方寬敞，感覺不錯，看到室外的小露台，本來還想影影相，但原來不是想像中的感覺，有一大塊玻璃隔開了，就咁係睇唔到個海景，有點失望。食物選擇都幾多，今次試了幾款，但有些沒有影相，但整體不過不失，可以再有進步的空間。金牌片皮鴨，不太特別可接受，感覺配菜方面比較少，不過食落味道都算OK。最喜歡的是菠蘿咕嚕肉，真係舊舊都好大舊，而且個酸度係我鐘意嘅，非常好味。酥炸魷魚鬚，反而幾出色，烤到非常酥脆，相當可口。另外有一款無影相的叫做黃金鴛鴦蝦球，除了一款是咸蛋炸外，另一種起初真的不知道是什麼。上到台才知道原來是沙律醬，兩款都好好味。甜品方面試了4款，沒有太大驚喜，不過有點失望的是，本來想椰皇燉鮮奶，點知到叫個刻先知道原來要預訂，超失望，好可惜。不過埋單的時候才發現原來現在有75折，咁呢餐都算不過不失。