影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
之前見到🍦雪糕拉麵一直想過嚟試下，今日終於得閒過嚟食啦，依家有超吸引嘅期間限定🦪沾麵 (｡◕∀◕｡)🩷廣島牡蠣沾汁麵（熱麵）＄138(慢煮雞叉燒/ 慢煮豚叉燒/ 炙燒豚肉/炙燒廣島蠔/半熟蛋/燒洋蔥）沾麵賣相好吸引，用料豐富多元化，包含以上多種肉類海鮮，🦪廣島蠔肥大漲卜卜，只係表面微微煎香，中間仲保持新鮮嫩滑，可以帶出廣島蠔豐滿鮮甜的口感。三款肉各有特色：慢煮叉燒保持粉嫩嘅肉質，一入口充滿煙燻嘅味道，但係味道適中唔會過於濃烈。慢煮雞叉燒就以帶出雞肉原味為主。炙燒叉燒就燒出豚肉油香，呢度叉燒肥瘦適中。沾麵汁真係調配得好好，一入口充滿蠔味，可以提昇成個沾麵嘅層次，完全唔會腥同苦澀，仲加了豐富嘅洋蔥粒，估計使用招牌豚肉湯底再加上打碎金蠔製作，非常足料，質地偏向稠杰，所以留香在舌上久久不散。沾麵屬於比較粗身的麵條，咬入去有口感，配合醬汁可以掛麵，另外仲有青檸汁可以增添少少香氣，食多多都不怕油膩感。🍗唐場炸雞 $35包含四件大大炸雞，炸得好香脆，入面雞肉非常嫩滑，啖啖肉，如果炸漿再薄少少就會更好食。🍵SAGE白桃烏龍冷泡茶好香的白桃香氣，好喜歡冷泡茶清新的口感。推薦指數：⭐️⭐️⭐️⭐️⭐️超級欣賞限定蠔🦪沾麵，超級細食的我都難得地食晒，大推！(〃∀〃)(每日限量30碗)呢間店晚上時間都要排隊，可以盡量避開食飯時間。
繼續閱讀
鋪頭晚市好早已經開始有人龍幸運地今日係7點咁上下直入到牡蠣沾麵 (冷麵/軟)沾汁湯頭最為濃稠沾麵既麵條較湯麵既粗,更容易掛汁,而且口感煙韌隨麵仲有兩隻蠔都處理得幾好, 滿足感十足！海老沾麵 (冷麵/硬)沾汁不失平衡地將蝦味推至極致彈牙既麵條搭配住濃郁既沾汁大量既櫻花蝦除左好睇, 仲為拉麵加一層口感唐揚炸雞雞對比起美式同韓式, 炸衣更薄4大件雞件做到外脆內嫩白桃烏龍冷泡茶 & 桂花烏龍冷泡茶兩款冷泡茶都偏茶味重, 唔甜飲唔晒帶走番屋企仲可以冷泡多次
繼續閱讀
估唔到平日去食lunch11點45分都要排隊。點咗碗雞白湯拉麵，由於得一位師傅煮麵，所以上菜速度會稍為慢。香港拉麵好唔好食，其中一個指標應該係加湯要錢。第一次食拉麵加湯係要加10幾蚊，但的而且確湯底極度濃郁亦好Creamy，相信係香港數一數二出色嘅湯底。相比之下，雞胸肉以及麵質冇咩特別。另外再加咗$15額外面以及$20叉燒，叉燒亦係不值一提。額外加面，強烈不建議。由於廚師佢係另外一個碗再煮一碗麵不加湯俾你，而原有碗麵嘅湯份量其實好少，所以當你食完一碗麵之後剩低嘅湯同面只能夠當沾麵食。
繼續閱讀
收工之後約左朋友拎野，突然好想食拉麵，就search下旺角有邊間未食過既拉麵店，就揀咗呢一間，原來晚飯時間都好多人排隊，但因為我地早入座，所以就可以直入😝🩵主食：雞白湯拉麵$95拉麵嚟講其實我都幾鍾意雞白湯，湯底濃稠入味，上枱熱辣辣，拉麵幼身，食落軟硬度啱啱好，仲要好掛湯，每啖都食到雞白湯嘅精華，慢煮雞肉感覺有燒過，香噴噴又嫩滑😋🩵飲品：可樂$10罐裝可樂包裝竟然係MARVEL入面既金剛狼，第一次見有小小驚喜🤣🤣
繼續閱讀
眾多日式料理中，韻兒最鍾情於拉麵🤫拉麵的湯底最重要💯可以說是靈魂✨今天和朋友到旺角小巷中找到間小有名氣的店舖-「一生懸麵」吃午飯🙈每座位都放置點菜紙供客人下單，麵的硬度可以選擇：較硬、標準、較柔每款面都可以選擇溫度 :冷麵/熱麵白湯豚骨拉麵：是傳統拉麵一種濃郁的湯底，它的口感通常濃郁豐富，帶有豬骨的香氣。湯底帶有一定的粘稠感，可以充分展現湯底的味道牡蠣沾麵的口感：期間限定牡蠣咸鲜，带有腥味和带韌性。口感鮮嫩多汁，帶有牡蠣的鮮味和微微的海味。牡蠣打出來的汁醬質地厚身濃鬱，可以讓麵條充分沾附調味，增添麵條有多種層次。日式煎餃子和章魚燒都是日本的傳統小吃💯日式煎餃子- 煎到外皮金黃酥脆,內餡軟嫩彈牙,襯上一點點醬油或醋的調味，非常美味的小吃💯 章魚燒表面焦脆,內裡軟嫩多汁，淋上特製的章魚燒醬汁,灑上青海苔粉和紅鰹魚片， 吃起來Q彈酥脆,汁水四溢一生懸麵旺角通菜街73號地舖
繼續閱讀