影片
開飯介紹
餐廳提供粥品，粉麵，米線 雲吞粉麵等，於早市更有即食麵供應。
繼續閱讀
營業時間
星期一至六
07:00 - 20:00
星期日
07:00 - 17:00
以上資料只供參考, 請與餐廳確認詳情
招牌菜
為清假而放假，又無乜好做，咪係屋企附近四圍逛下，順便食個tea。一支公，心水係茶餐廳。平時少行屋企附近，都唔知有咩好食，見到呢間鴻運下晝都有好似早餐咁既套餐食，決定試下。一入去見到老板叔叔非常熟口面，但又記唔起，都無所謂啦! 肚餓叫個餐先，個唔知A定B餐有沙牛麵 + 腸蛋方飽 + 凍檸茶少甜。沙牛麵d牛肉好林，稍咸過頭，沙嗲味唔夠，麵就一般，整體麻麻。腸蛋既腸應該係廚x腸! 方飽稍硬，大家明白...呢d點會係新鮮丫。蛋雖然煎爛左，全熟，反而有d 煙un感，我覺得又幾好味!，可惜油多左少少。檸茶稍甜，好似無少甜到，冰︰茶既比例約6︰4，有五塊檸檬，茶味ok。一餐豐富既下午茶完成，埋單只需$21蚊(19 + 2)，雖然味道一般，但勝在抵食夾大件。茶餐廳來講，呢間環境算幾乾淨，而且見佢好多種野食，真係中國四大發明(粥粉麵飯)都有，下次可以試試其他。臨走俾錢見收銀嬸嬸都咁熟口面，終於忍唔住問句以前係咪係葵涌區經營 (以前小弟生活既地區)，原來真係，就係以前葵興地鐵站旁白色商場地下，對住工廠區果間小飯店，以前返學放學經過都一定買放係門口既粉果燒賣來食，以前係賣燒味碟頭飯為主，經營多年，雖然搬左第二區，但都算係老字號丫!
繼續閱讀
喺荔枝角附近番工啲人都知食晏好似打仗，而且農曆年後狂加價，所以尋日的起心肝，行多五分鐘過長沙灣嗰邊食飯。發現呢間超抵，食左艇仔粥，再加腸粉，都係15蚊！大家唔好忘記係午飯時段，仲有套餐價！碗粥比我想像中大碗，而且好多米，絕對唔係水汪汪冇米粥。腸粉就一般，但係兩樣都好夠熱！間舖唔係太多人，可以一個人坐一張枱。樓面啲姐姐好好禮貌，比起荔枝角嗰啲串爆姐爭好遠。仲有電視睇！下次要食下佢地啲豬扒！
繼續閱讀
以前譚仔的鋪位，經已易手，如今是叫鴻運美食。有碟頭飯、有雲吞麵、也有小食供應，今次就要碗雲吞麵，飲凍檸茶。落單後，望到隔離檯的那杯凍榆茶，好似幾俗咁，也有點擔心。好彩我個杯沒有問題，最好還是夠冰凍，行到身水身汗時飲一杯，受用無比。並不是雲吞墊底而麵條在上的傳統「細用」，但如果好吃的話，我是絕對不會介意的。先說麵條，是爽口彈牙的；雲吞中等Size，皮薄而滑，裡頭有兩隻小蝦仔，咬落爽口，還有適量的豬肉餡，不過味道就太淡口了；搭的兩條芥蘭，爽脆，不會苦，都收貨了。放底廿蚊，往下個目標進發。
繼續閱讀
上周已和媽媽吃過一次, 廉價, 好吃, 所以再度光顧.本想試吃排骨, 但店員說排骨 用罄......所以又吃上次的茄汁豬扒, 還有煎蛋而媽上次的牛腩很讚, 今次則咖哩雞, 反而咖哩一般, 較杰的, 雞還好, 滑滑嫰嫰.茄汁豬扒刖不像街邊的, 不是太鞋就太腍乏味.煎香了, 少許滑少許腍的, 茄汁亦不像其他店子, 這兒的茄汁味精色素 均不見 拌飯吃一流.很划費, $23 有飯有飲料, 凍飲亦不加$ p.s.上星期已覺店中一個叔叔及嬸嬸很面熟, 想了一周, 昨天才想起會否是昔日本人中學年代 的一所大排檔的老闆.人生在世, 短促虛幻, 查問何妨?經查問老闆娘後, 她表示往日在葵興開舖.老闆見狀亦前來探聽, 他亦說是往日葵興天橋底那店.很是高興, 感覺是他鄉遇故知, 不亦樂乎.
繼續閱讀
此店前址是譚仔雲南米線，租約期滿後，店舖已空置半年多，最近由新經營者承租。新經營者並沒有將內部裝修更換，只是自購些檯椅及更換廚房內部份用具，便開始營業。今日趁返工前，前往此店一試這裡的雲吞麵，入店前看見門前餐牌，都幾多選擇，粥、飯、麵均有，甫入店內，可能當時已過下午二時，轉了下午茶和早餐的餐牌，看見下午雲吞麵茶餐亦只不過是$15(凍飲加$2，加餸$5)，實在抵食。叫了一個雲吞牛腩麵加凍檸茶，雲吞食落內裡全是鮮蝦，大小適中，但不會像外面一些店舖跟風標榜大大隻雲吞，牛腩很入味，但嫌稍韌，湯亦不覺太過「味精」，至少不會過了一陣要大量喝水，麵亦都ok。至於檸檬茶只是一般茶記貨色，不過不失啦﹗有幾方面要改善的，或許是新創業，一進店的感覺已很家族式經營，從定位不清的店舖名、古怪又保守的收舖時間(至下午六時半止)，以至對客態度都很生手，有點未能洞悉顧客需要，如果他們兩夫婦看見這篇文章，希望就此能夠加以改善啦﹗今時今日再唔可以交叉手對住顧客，別人誤以為你很囂張唔憂做。另外我早前以為早餐是不可以在午餐及下午茶時段叫的，從老闆娘得知，原來早餐內的食物係可以全日叫的，咁即係早餐等如午餐，午餐等如下午茶餐.....下次我會試下此店的粥品如何，再和大大談談。
繼續閱讀