影片
以上資料只供參考, 請與餐廳確認詳情
點解要寫係因為佢地啲伯伯侍應實在好好服務，一入去就茶杯招呼搵位，落單又好笑容。炒野食夠鑊氣，昨晚食豉椒炒魷魚麵😂麵炸得脆，個豉椒汁好正宗唔會太杰，又唔太鹹。啲鮮魷夠厚，又好彈牙，好味道😋
繼續閱讀
同男友行完屯市，超級攰，就行吓附近有無下午茶食，隨意咁去咗呢家茶記。下午茶選擇多，見到有碗牛丸牛腩河，都係$28元，加凍飲多2蚊試下無妨。上菜時我同男友不約而同都嘩咗聲，驚嘆嘅原因都幾大碗，原本以為下午茶餐粉量都少啲；而且腩汁湯底夠色夠濃，碗麵應該幾好食。先講牛丸，大大粒，幾彈牙，仲好爽口。一碗有三粒，算賣大包。至於牛腩，肥瘦均勻一層層咁，仲要係好腍好腍，好有牛味！怕食肥嘅我都忍唔住成舊食！
繼續閱讀
AUG 13, 2009 (THUR) TEA干炒牛河 $26 配凍檸茶 (凍飲 +$2)剛帶媽媽覆診回來，嚟嘆個下午茶先！見到人地好大份，所以兩個人只叫咗一個餐！哇！好香噴噴呀！真係好夠鑊氣呀！仲好多牛肉呀！加上一陣蔥的香味，真係要即刻試一試先！牛肉好入味好腍，連蔥食幾夠香，河粉味道剛好，唔算好油，仲炒到一條條分開嘅，呢個師傅幾好手勢喎！不過杯凍檸茶好鬼酸呀！真係酸到做咗一日都醒神哂呀！真係唔該哂！嘻嘻！
繼續閱讀