影片
久不久幫趁下午茶及晚餐。雖然外表係西餐廳，但係下午茶及晚餐時段都有港式炒粉麵飯供應，平過及好食過一段茶餐廳，水準平穩。拙荊最愛乾炒豬排意，我就鍾意乾炒牛河。西式晚餐都OK，主攻焗意及肉排，不過食牛（西冷／Ｔ骨）的出事率幾高。無牛不歡的，都係去高級一些的食肆穩陣。除了牛之外，其他肉排類都OK。出乎意料，熱飲華田很濃郁，好少餐廳杯華田咁落本。環境闊落，幾好HEA。
繼續閱讀
趁住假日師傅打算在附近商場逛逛, 但逛街前必需精力充沛, 於是師傅就求其搵下野食, 但喺唔想去茶餐廳同捧餐嘅食店下, 似乎選擇甚少, 無意間黎到呢間食店, 師傅記得好耐之前食過一次, 不過印象朦朧, 見門口個餐牌價錢接受到, 於是就入左去食個午餐先!入到食店, 小貓三縛隻, 但時間只不過係下午一時三十分都未夠, 坐底後望真d先知呢間係屬於椰林閣集團, 師傅心想不妙, 因為呢間集團出左名唔得, 所以師傅喺點菜時都要十分小心! 思前想後, 最後還是揀左個午餐思 希望唔係魔鬼屍餐啦! 午餐思係黑椒汁豬柳, 師傅配上白飯, 而餐湯揀左白湯, 餐茶就凍檸茶! 落完單唔使兩分鐘內, 所有食物全部晒冷, 一下子師傅都唔知食咩好! 只番一向西餐廳嘅食法, 第一樣就係餐包, 餐包攞起手熱都唔熱, 雖然談不上硬但亦未算軟熟, 一般; 白湯係忌廉粟米湯, 湯或甚稀, 似水多過似忌廉, 而粟米亦非常之少, 真係好似珍珠一樣咁罕有! 至於主菜黑椒汁豬柳, 黑椒汁都幾辣但一d黑椒味都冇, 只辣不香好一般; 而豬柳十分乾身而且肉算實, 雖然唔韌但亦談不上好味; 白飯又乾又硬, 惑覺絕對似隔夜飯, 差! 凍檸茶冇茶味, 淨係甜而檸檬又唔香, 唔得!總括黎講食物質素十分普通, 服務一般, 環境就好靜, 都冇咩人唔靜就假, 價位三十四蚊個餐, 凍飲加兩雞, 埋單啱啱四草, 可以啦! 師傅覺得一個人如果喺冇咩要求下都可以一試, 但論水準真係可能連茶餐廳都不如, 一人飯局感覺一般, 所以再來機會不大, 而笑臉一定比唔到!
繼續閱讀
早餐果時心血來潮出街食,見到暑餐廳個壯修又幾靚,咁就入左去食要左個吉列魚柳+奶茶+茄汁豆+炒蛋+薯餅+餐包,好似好多咁,但係一個碟都裝得哂-__-d奶茶都幾好飲架,茶味幾濃個餐包係咁多野食之中最好的說,溫熱的,軟軟的,仲好香=)唔洗塗牛油都好好食薯餅係三角形果隻雪藏薯餅,茄汁豆係罐頭o既,個炒蛋普普通通不過不失咁啦,不過唔知點解好似有d黃得濟-口-魚柳都ok好食ge最緊要係佢個環境舒服,附近又寧靜姐,都算享受到一個好早上!
繼續閱讀
今天午餐的地點是紅樹林這種先加一再85折的經銷手法，當然非光顧與否的因素~惠顧此店，最主要是附近可選擇的食肆不多~言歸正傳，今天吃的午餐是「芝士焗吞拿魚螺絲粉」~隨餐附送餐湯、餐包和熱飲~~以30多元的價錢來說，確是非常抵食~味道：和意料之中的一樣，沒有驚喜，也沒有失望~~ 芝士和吞拿魚份量偏小， 幸而螺絲粉不會焗至過火~~白汁份量也足夠~~ 總體而言，可給予合格以上的分數~ 畢竟，焗意粉一類的食物，要做得難食是有一定難度的...... 至於飲品方面，熊少爺點的是熱檸水~~ 小小的一杯檸水，配上三塊厚厚的檸檬，結果可想而知...... 整體而言，全餐最為可取的是那個餐包~~ 微溫而軟熟，配上牛油，挺好吃的
繼續閱讀
星期日同家姐無野做tea一tea黎到紅樹林睇下個menu個價好合心水就入左 葡式豬扒包+熱奶茶$22我以為得1個包咁大把..點知仲有tomato,薯條等伴碟喎諗住廿幾so吾會太高期望..點知個包熱辣辣,食哂d薯條再食個包,但個包都無腍哂wor..我好鐘意個包..d薯條係粗身ge..正!食到好多薯蓉..家姐炸雞脾+薯條+熱阿華田$20薯條多好多..+ketchup一流試左少少雞脾..個皮好脆..加埋d肉一齊食好正overall..e餐好岩我同家姐胃口
繼續閱讀