影片
開飯介紹
全店不售豬肉及雞肉。主打健康美食的餐廳，餐牌上約三分一為素食菜式，亦供應有機食物，用橄欖油及芥花籽油烹調，不含味精。
繼續閱讀
附加資料
無肉餐單詳情: 每天供應多款素食菜式
營業時間
星期一至日
11:30 - 22:00
以上資料只供參考, 請與餐廳確認詳情
食評 (150)
菓一道比人感覺食得健康所以唔岩我因為為左食我係可以犧牲少少健康的但朋友極推就黎食個下什茶叫左黑曹汁大蝦海哲撈冷麵個汁偏酸冇特別大蝦彈牙 但份量少大約三四隻海哲咬唔斷的撈麵正常朋友的煎龍脷蕃茄湯烏東蕃茄湯底比太和蕃滿門差太結冇乜茄味甚至比甘味差烏東冇特別龍脷則不錯煎得幾靚聽說要結業了將來在尖咀重開應不會特登去食了
繼續閱讀
未夠七點已經人山人海, 仲未有目的食乜好, 經過呢間, 我仲同老公講, 呢間你唔會食, 因為係紅米飯的, 佢竟然行返轉頭睇下有乜食, 雖然大部份都係紅米飯, 但比佢見到有拉麵, 咁就行咗入去食...............由於太多2位去食, 所以中間d枱大部份都拉開成2人枱, 我地就坐正中間, 雖然同隔離枱好近, 但坐中間起碼冇咁易比人成日撞到丫, 求其快d食完走咪算lor~~~除咗set dinner係餐外, 其餘都係要加錢轉做餐, 可能諗住有d人細食, 唔需要跟包跟湯之類, 但香港人唔知點解係都要full set, 所以我見大部份人都係加錢轉餐的, 我地當然都唔例外啦~~ 南瓜湯+芝麻包 南瓜湯都食到有南瓜茸, 雖然佢都幾杰身, 但一d都唔creamy, 所以唔會覺得漏 芝麻包好香, 仲應該係焗返熱, 而唔係叮返熱, 因為個皮係少少脆脆地, 而唔係un un地, 好食 珍珠蘆筍鴕鳥肉炒意大利麵珍珠蘆筍非常幼, 再將佢切開一小段方便食, 再加埋d紫洋蔥, 菇, 鴕鳥絲去炒, 好香, 但又唔太油, 食到底果d係汁, 而唔係油, 而且意大利麵軟硬適中, 唔錯~ 五彩大蝦麻茸醬拉麵五彩我只數到青瓜絲、海蜇、車厘茄、芝麻, 唔知大蝦計唔計? 大蝦都幾爽口, 雖然冇乜蝦味, 但個拉麵就林咗少少~食果陣當然要撈勻食啦~ 但佢麻醬味唔重, 反而有少少酸酸地, 唔知加咗d咩呢? 果樣就唔會覺漏~ 有機黑豆漿雖然係熱飲, 但聞唔到好見的豆漿味, 我地唔落糖, 係完全冇味的, 所以佢上枱時係跟1包砂糖, 不過淡淡地咪健康d lor~~ 蓮子薏米糖水有薏米, 蓮子仲有芯, 可以下火, 又夠潤, 當然味道唔算好甜, 我個人覺得啱啱好
繼續閱讀
個日要出沙田買野，見菓一道有好多唔同既素食午餐選擇，同埋見佢網上既評語都唔差，於是個日就揀左係到食晏啦。我個日既選擇係鮮茄香菇雜菜焗三色糙米飯。由於呢個係LUNCH SET，係飲品個到我揀左餐湯跟薄餅。等左一陣，個餐湯同薄餅就黎到啦。我落單時問過侍應，個湯冇記錯既話好似係甘荀蘋果湯。一開頭我聽到湯個名，我以為會係一D比較清既湯，跟住入面有D甘荀同蘋果粒咁。但個湯一上枱，我就知我完全錯晒。佢應該係將D甘荀同蘋果打成蓉，然後再落D粉落去，令到個湯變得較杰身。但我想講既係，個湯杰得有少少離譜囉。我畢左一羹，個湯係"瓊"住左係個羹到，唔識流落去。個種質感同以前睇"忍者亂太郎"時，新丁個條鼻涕一模一樣，結撻撻咁係到條條FING，但係永遠都流唔到出黎。見到咁核突，個湯我係冇飲過既。我家姐本著大無畏既精神試左一啖仔就面露痛苦神情同即刻放返低個羹。我就直接跳左去薄餅個到。我覺得個薄餅冇咩特別，因為佢只係一塊鹹既薄脆餅。口感係脆既，不過對我黎講有少少偏鹹。論到個主菜，一上枱既時候見到紅噹噹咁，好似都幾吸引。佢既雜菜就係面見到既西蘭花、茄子、甘荀條、椰菜同蕃茄咁，當中好大部份都係椰菜黎，反而寫落名既鮮茄得兩三舊仔，滿足唔到我一心想食蕃茄既慾望呢！而香菇部份唔知有冇認錯呢，應該有鮮冬菇同雞脾菇。對一心想食菜既人黎講，我諗呢個飯應該都滿足到佢地既。因為佢菜既種類同份量都算多，而且又唔會話焗得太耐，蔬菜仍然保留到佢地原有既爽口。不過若果想食得飽飽既話，我就唔太建議叫呢個啦。因為佢既碟都幾淺，當放左大量雜菜之後，都冇咩空位俾佢放飯，所以呢個飯既飯量係偏少既。(所以我食完呢個飯係唔飽既！)雖然話係三色糙米飯，但係我覺得佢三色糙米既比例落得較少，若果比例上可以多返少少就好啦。仲有，對我黎講，佢既汁落得相當多呢！(或者係我唔太鍾意拎汁撈飯食)再加上佢既汁唔知係咪落左好多糖，我覺得好甜呢~甜到我係完全食唔到蕃茄既酸同甜，淨係食到糖既甜。太多既汁撈落份量比平時更少既飯，令到D飯變得好濕呢，濕到有D似爛飯，冇左飯既口感。再加上個汁過甜，我覺得淨以飯黎計，佢係唔好食既。(甚至愈食愈有種似受罪既感覺)若果以一個午餐黎講，佢呢個飯要五十幾再加一，我覺得係有D定價過高。(不過假日係沙田新城市廣場又有邊間係平)除非下次諗唔到食咩啦，如果唔係行過隔離食烏冬或者過返一期食超級三文治可能仲好。
繼續閱讀
新城市廣場食肆眾多，但想找一間價錢合理、環境又清靜的餐廳就少之又少，這間菓一道誠意推薦給想吃得清淡、又想保持纖瘦身型的您!是日來到餐廳剛過了午飯時間，人流稀少，又剛開始下午茶時間，若果不太肚餓的可選下午茶餐，若想飽肚一點，午市套餐同樣有供應的。下午餐選擇也多，由輕巧的三文治以及飽肚的意粉飯類等都有供應，實有一款對胃的了。我選了都市茶餐，墨西哥薄餅、縠飼豬柳、煎蛋蔬菜上湯米粉配蜂蜜綠茶($33)~墨西哥薄餅:脆脆的一塊少鹹的薄餅，雖然味道清淡，但符合健康之選~縠飼豬柳、煎蛋蔬菜上湯米粉: 豬柳是有調味的但不會過鹹，而且亦很嫩滑~蔬菜湯底清淡得來也喝到蔬菜的清甜味，如同家裡煲的湯水味道，感覺得健康~蜂蜜綠茶:清潤的蜂蜜綠茶味道不錯，淡淡的綠茶配上蜂蜜不會苦澀，個人幾喜歡~若果逛到倦，來這裡吃點輕食也不錯的選擇!
繼續閱讀
最近食得太多油膩的西餐，係時候要食得健康d,平衡番。呢間餐廳不嬲間中都有黎食。最中意係佢每度菜都有個卡路里寫埋係旁邊，方便要健康同瘦身的女士我要左個黑醋 汁鴨胸肉红米飯 加二十五蚊跟餐。個汁甜甜地的鴨肉黎送食好好味。加埋杯黑豆漿，即使我無落糖已經好好味好有豆味。甜品要左南瓜西米^^好香的南瓜容又唔會太甜朋友要左龍脷柳紅米飯加餐。有黑芝麻包(我的最愛)超香的黑芝麻味，仲會有一粒粒的黑芝麻粉係包內，囗感煙up.出面食唔番呢隻味道的面包。朋友覺得個士多啤梨雪糕也不錯。推介：好味又健康
繼續閱讀