影片
電話號碼
22190191
開飯介紹
將軍澳海傍的台式酒吧餐廳，供應台式爐端燒，提供不同產地的牛肉、豬肉及海鮮，亦有台式牛肉麵。採用半開放式設計，食客可觀海用膳。作為寵物友善餐廳，免費提供寵物零食、除臭消毒用品等。
繼續閱讀
營業時間
今日營業
11:30 - 22:30
星期一至五
11:30 - 22:30
星期六至日
11:00 - 22:30
公眾假期
11:00 - 22:30
公眾假期前夕
11:00 - 22:30
以上資料只供參考, 請與餐廳確認詳情
有關獎賞計劃
相關文章
【西貢區】【戀上台式料理】之前都嚟過幾次將軍澳海邊嘅餐廳食嘢，幾次感覺都唔錯。今次嚟到一間台灣菜，我同朋友都幾期待，因為見到佢開放式設計，又係寵物友善餐廳，見到唔少人都帶埋佢哋嘅寵物嚟一齊食飯，就算我哋呢啲冇寵物嘅顧客，見到可愛嘅寵物，心情都好好多。我試個 $128 嘅「鵝肝蚵仔魯肉溏心蛋飯套餐」，鵝肝蚵仔魯肉溏心蛋飯幾好食，乜都有，夠晒豐富。加 $15 試份「台式鹵豆腐」，好有台灣風味。加 $18 飲「松茸燉雞」燉湯，好夠薑味嘅靚湯。嘢飲就加 $25 試「雪崩珍珠朱古力」，好濃好正，個樣又靚。朋友就試 $63 嘅「紅燒牛肉麵套餐」，碗台式紅燒牛肉麵都好正，配合古早牛肉湯同刀削麵，十分香濃。加 $15 試「陳皮滷水雞翼」，好夾好入味，唔錯。佢加 $28 飲杯「Pinku Pinku」，佢話好飲喎，仲加咗 $5 要埋珍珠，我就冇份飲，不過我都相信佢嘅。跟住試 $88 嘅「戀戀蚵仔煎」，大份又足料，好味。之後試需時 20 分鐘製作，$68 嘅「窩夫配草莓三重奏」，好味，乜都有，小朋友至愛。朋友就試 $38 嘅「芋圓仙草豆腐花」，佢都話唔錯，芋圓夠晒煙靱咁話。埋單價錢 $491，咁食法，又有靚景，唔貴。。。（地址：將軍澳唐俊街21號翩匯坊地下G26號舖）
繼續閱讀
濕凍嘅Blue Monday要食返啲好嘢,去咗將南海濱呢間台式料理店「戀上台式料理」食燒肉. 呢間都係我哋區內不少人長期御用飯堂，貪佢性價比好環境好又唔貴，坐戶外仲可以帶毛孩. 不過呢就我哋好少食晏，今次食燒肉都係第一次. 平日中午人流唔多，加上天氣差就少人d.雖然天氣不似預期，但望住空曠嘅環境心情都會好啲暫時忘卻工作及生活上的煩惱. 😗燒肉午餐幾抵食. 有四個選擇，價錢甴$78至$98不等，配溏心蛋仲有珍珠米，另外可以加錢升級轉滷肉飯、刀削麵、陽春麵等等. 餐有基本常見飲品，加$ 5 有涷飲，加$15就可以試佢哋嘅招牌水果茶🍹或者其他特色飲品. 生果味濃郁好鮮甜，又解渴去脂解膩幾襟飲. ⭐️汁燒牛胸腹伴京蔥絲呢個🐮5️⃣🌼牛五花真係燒肉不能缺少嘅部位，肉質結實油脂油花散發濃郁肉味. 都有好幾大塊，一個人食都幾滿足㗎. 撈飯食好好味呀. ⭐️豪華海陸空拼盤呢個拼盤性價比極高，只係$388，就有多種唔同嘅食材賣相勁靚，勁豐富. 有齊日本A4和牛、美國牛板鍵、西班牙黑毛豬、豬梅花腩、巴西無骨雞上髀、蜆、大蝦仲有魷魚，另外有蘑菇同埋菠蘿. 抵過自己去超市買嚟返屋企燒，夠晒多元化，而且質素都幾好㗎. 燒魷魚好正呀，忍唔住追加咗兩串魷魚. 沾上牛油、蒜蓉、蔥同埋醬汁燒完更惹味. 餐廳其他台式小食主食甚至鍋物甜品都幾好，如果嚟開呢區嘅朋友仔都可以試吓，佢哋下午茶就非常抵食.
繼續閱讀
一直都好想行下TKO呢個海濱 原本真係好靚 景色優美 舒壓一流行行下發現左呢間台灣菜- 戀上你的台灣料理餐廳有得座露天 有得座裡面 非常適合同一班朋友黎聚餐 而且可以攜帶寵物🐱🐶🐹🐷🐢🦎吸引左好多附近住既人見到個餐牌 重有烤魚 酸菜魚 不過今次得2個人 留番下次再黎試下先今次叫左幾樣野食 蒜泥白肉呢個價錢 性價比高 最少有10片肉 而且片片都好大片 肥瘦均而醬汁酸酸地 係好開胃既前菜戀上軟Q鴨血呢個睇落好似好辣 但辣度大約係BB辣 佢個名寫住軟Q鴨血 真係好滑同軟身 唔似其他地方既鴨血咁硬 戀上三杯雞呢個3杯雞 💯力推!! 超級好食 🉐雞件又滑身大又大件 加上有少少蜜糖既甜味 好惹味呀 有大人細路必點呀台式古早紅燒牛肉麵好有口感既刀削麵 加上極濃既牛肉湯底 佢D牛肉分量一d都唔少 大大舊 以為佢會好un 點知炆得好淋 好入味雪崩珍珠朱古力🍫帶點咸味既奶蓋 配上濃濃既朱古力同Orel碎碎 以為會好甜 點知甜度剛剛好呀而且賣相好打卡黑糖仙草奶茶茶底好香 甜度都好適中
繼續閱讀
穿過將軍澳鬧市 黎到翩匯坊近海濱位置可以暫時遠離一下煩囂😌 行過幾間西餐廳 見到有間戀上台式料理❤️ 就入黎試下先Menu都幾多元化 由台式燒肉、烤魚、酸菜魚到牛肉麵都有得食 今日就傳統啲 食返古早味嘅台式料理▫️戀上三杯雞 ($88)一上台炸炸聲 都幾夠鑊氣 乾葱頭再加蒜頭爆炒雞髀肉 雞肉夠嫩滑 味道不錯👍▫️滷水牛三寶 ($148)牛三寶有牛肚、牛筋、牛𦟌 份量都幾大碟牛筋都好入味 仲有青瓜絲墊底 整體都滷得好腍▫️台式紅燒牛肉陽春麵 ($88)湯底夠味 個麵可以揀刀削麵/陽春麵我比較喜歡幼身啲 牛肉好腍香 唔記得又有牛𦟌 嗰日食左好多塊🤣▫️小碗手工魯肉飯配溏心蛋 ($38)份量適中 個溏心蛋幾出色 魯肉飯正常發揮▫️戀上水果茶 / 黑糖仙草奶茶 ($32)水果茶飲之前記得篤下啲生果 咁啲果味就出哂黎 好清新 飲完好消暑解渴黑糖仙草奶茶揀左半糖 甜度啱啱好奶味都幾濃
繼續閱讀
今日同朋友黎到將軍澳南行下，夜晚再係附近揀食一間台式餐廳 - 戀上台式料理我地叫左d 小食先，食台灣野唔少得一定叫份鹽酥雞啦！佢地嘅鹽酥雞炸得好香脆，外皮酥脆入口，肉質嫩滑多汁另外佢嘅蚵仔煎都係必點嘅，蚵仔煎都好足料，食落又唔腥佢嘅蜜桃生炒骨都係送飯一流，外皮炸得金黃香脆，食落去啖啖肉，加上蜜桃嘅甜酸味道，唔錯唔錯乾煸四季豆炒得熱辣辣，保持著脆度，加上香辣調味，真係好開胃！另外仲叫左口水雞拼糖心蛋同豆腐，特別想講下口水雞，辣度岩岩好，雞既肉質鮮嫩，配上特製醬汁，真係好好食！😋最後我叫左杯黑糖珍珠奶茶啦，濃郁的黑糖味同Q軟既珍珠，配合香濃奶茶，揀左半糖既我覺得幾合適岩飲😝
繼續閱讀