影片
開飯介紹
以合理價格提供一系列的意大利菜式。當中最具代表性的鮮製意粉採用「生麵」(生パスタ)製成，口感彈牙、有濃厚麥香。餐廳堅持自家巧手烹調意粉及製作薄餅餅底，亦會自家研製醬汁、調味
繼續閱讀
營業時間
今日營業
11:30 - 22:30
星期一至日
11:30 - 22:30
*最後落單時間: 22:00
以上資料只供參考, 請與餐廳確認詳情
有關獎賞計劃
相關文章
咁啱朋友鍾意食意粉，又適逢佢生日，於是今日就帶佢黎試下餐廳主打嘅鮮製意粉。餐廳位置方便，位於雅蘭中心2樓，平日容易搵位，餐廳格局寧靜舒適，啱晒同朋友傾計食飯。今次就試左餐廳主打嘅二人套餐，二百幾蚊就有三個course，真係性價比高！香濃南瓜忌廉湯（⭐️⭐️⭐️⭐️💢）南瓜湯色澤金黃，見到都急不及待要試一試，口感creamy濃稠，南瓜肉同纖維磨得好溶，南瓜味亦濃郁，值得一試！法式芝士洋蔥湯（⭐️⭐️⭐️⭐️⭐️）餐包已一早放在湯內，吸滿湯汁，食嘅時候除左有濃郁嘅麵包味，仲有洋蔥味，洋蔥一顆顆煮得好稔。凱撒沙律（⭐️⭐️⭐️⭐️⭐️）沙律菜種類豐富，有車厘茄、羅馬生菜等等，蔬菜新鮮爽口，沙律醬份量適中，鹹鹹酸酸，麵包顆脆口，口感豐富，是個不錯的前菜。芝士肉醬千層麵（⭐️⭐️⭐️⭐️⭐️）餐廳熱辣辣送上，醬汁仲沸騰的狀態中，肉醬味道濃郁，蕃茄味突出，碎牛不會乾身，仲帶點點牛味，切開仲有拉絲效果，麵條軟硬度適中，真係睇得出嘅一層層！軟殼蟹配海膽忌廉汁鮮製意粉（⭐️⭐️⭐️⭐️⭐️）餐廳近來大力推廣依個意粉，所以我地都得登加錢試一試。果然冇令我地失望，首先軟殼蟹全隻上，外層炸至金黃色真係食指大動，肉質十分軟糯帶一點點肉汁，醃得好入味，但唔會太鹹。然後，意粉食得出彈牙有點麥香味，麵條長度均一，海膽忌廉汁好濃郁creamy，每一條意粉都吸收左濃香嘅海膽味，灑上粒粒蟹子仲顯得高級感。朱古力窩夫（⭐️⭐️⭐️⭐️⭐️）窩夫焗到外脆內軟，個心有厚厚嘅海棉蛋糕。朱古力雪糕好好食，朱古力味濃郁，夾兩件小蛋糕真係好滿足，面頭唧左好多朱古力醬同灑上糖粉，啱晒打卡。~~~~~~~~~~~~~~~~~~~~~~~~~~意粉狂熱 (雅蘭中心) 旺角彌敦道625 & 639號雅蘭中心2樓208號舖 👍出色味道👍地點方便👍環境舒適
繼續閱讀
朋友約食飯，今晚去了旺角雅蘭中心二樓「意粉狂熱」食晚飯，我們叫了：🔶 香草烤雞凱撒沙律| $38凱撒沙律 好新鮮，配上香草烤雞，健康又美味🔶 黑松露蘑菇披薩| $58餐廳有好多不同款式的披薩，還分了「Small 小的」及「Regular 10”」尺寸，十分貼心的服務，我們兩個人，所以只叫了小的 黑松露蘑菇披薩；熱辣辣出爐的披薩，帶有濃郁的香氣和口感，黑松露令整個披薩增添了獨特的風味層次🔶 香烤香草羊架| $128香烤香草羊架 整得相當不錯，又沒有羶味，濃香惹味，肉質軟稔幼嫩，正🔶 鮭魚親子和風忌廉鮮製意粉| $118餐廳選用日本製小麥粉製作意粉，經烹調過後，與一般意大利粉略有不同，食起來口感更富彈牙，質感則十分軟滑，再加上三文魚粒、三文魚籽及和風忌廉，令人食到舔舔脷🔶 蝶豆花檸檬冰茶| $48蝶豆花檸檬冰茶，顏色好特別，本身蝶豆花是藍色的，遇上檸檬的酸後就會變成紫色
繼續閱讀
想食手工意粉嗎？？旺角雅蘭中心內嘅一間餐廳，主打手工意粉，十分有誠意，推介。自家製有機蕃茄🍅梳打無諗過蕃茄汁混入梳打水，創新飲品。蕃茄鮮甜味好出，清新。洋蔥🧅湯洋蔥粒粒有好多，口感豐富。軟殼蟹配海膽忌廉汁鮮製意粉軟殼蟹非常脆口，蟹殼都食埋。意大利麵條🍝充滿彈性，自家製果然不同。濃香嘅海膽汁掛麵勁邪惡😉。香濃朱古力窩夫即叫即做，朱古力🍫香氣樸鼻。窩夫🧇脆口，啖啖朱古力滋味，沒有甜膩感覺。
繼續閱讀
放工約朋友去旺角行街食飯，雅蘭中心有好多餐廳，我地見呢間餐牌好豐富，有dinner set幾抵食就入去試下啦😋我地叫左個2人餐，有意粉 pizza 餐湯 甜品👍⭐️香草雞肉凱薩沙律有3舊雞肉，幾粒蕃茄仔，好清新開胃😍⭐️蒜味芝士雞翼熱辣辣即炸，仲有個醬點，雞翼脆脆地好食⭐️南瓜忌廉汁香草雞肉鮮製意粉很失望。。。原本為左食意粉來，對呢間專做意粉好高希望，點知好普通，無咩料，個汁好淡無咩味⭐️明太子忌廉芝士海老pizzapizza係最好食，餅底係薄批，明太子同忌廉芝士好夾，好食到停吾到口😋👍⭐️朱古力窩夫賣相好吸引，正常發揮
繼續閱讀
友人熱愛食意粉，行完街唔知食咩好就揀左意粉狂熱。有２人餐供應，覺得幾抵食就叫左。餐飲：蘋果汁／水果茶水果茶係紅茶底加上新鮮生果，冇果汁成份所以主要都係紅茶味。南瓜湯口感綿密，味道天然清爽，甜甜地幾好飲。法式洋蔥湯烤酥的麵包片漂浮在洋蔥湯表面，麵包吸滿洋蔥湯精華。雞肉凱撒沙律羅馬生菜混和芝士及雞肉、夾著香口的粒粒多士，清爽香脆。忌廉汁煮青口青口鮮味十足，忌廉汁添上奶香。黃金四重芝士pizza四重芝士的鹹香配上香甜蜂蜜，鹹甜交錯，奶香十足，很好吃。軟殼蟹配海膽忌廉汁意粉味道濃郁，每一口帶有海膽的甘甜，軟殼蟹炸得香脆，亦夠大隻，２人Share很剛好。朱古力窩夫窩夫很香脆，微甘朱古力窩夫配上雲呢拿雪糕，不錯！
繼續閱讀
您可能會有興趣的...