澤記快餐飯店

營業中

休息中

15/12/2023Bookmark 左好耐嘅柴灣名物之一：澤記快餐嘅巨型魚柳包 （作為港島東居民都係第一次去，有啲慚愧）其實佢係接近大排檔感覺，所以夏天真係去唔到。其實今日都係接近28度嘅12月15日😵‍💫😵‍💫😵‍💫😵‍💫不過因為下晝要去東區醫院複診，早咗有少少時間，所以可以去食 （食店收五點的）果然一上枱勁巨型，炸得香口，魚肉厚身之餘好嫩滑，好食。不過都食得幾論盡，因為佢入邊有醬汁，同埋有蕃茄同青瓜，所以都會整濕少少個包，拎上手擺落口都有啲難度🤣🤣🤣🤣佢本身應該早餐同下午茶時段就會平啲嘅 （平啲加錢配嘢飲）但係我係晏晝時間去，所以就分開計。