影片
更多
2023-02-27
2479 瀏覽
黃埔天地向來旺中帶靜，屬於舒適嘅生活圈，除咗係居住及購物地點外，仲係美食集中地，當晚去咗黃埔一間西餐叫Flames度晚餐。呢間餐廳環境簡潔闊落，以黑白灰色調為主，燈光柔和，好有格調，餐枱用咗大理石，今次坐喺窗邊用餐，環境帶有氛圍感。葡式香辣燒春雞配薯條燒春雞外皮微辣辛香，幾惹味，撕開後juicy嫩滑有肉汁，如果想濃味啲可以再沾吓葡式紅椒醬，令味道多種層次，此外燒春雞份量十足，啖啖肉，兩個人食都十分足夠。薯條屬於粗薯條，即點即炸，熱辣辣，好香脆。燒大蝦三文魚籽龍蝦汁扁意粉燒大蝦夠大隻，燒至焦香，肉質爽口彈牙，味道鮮甜，此外三文魚籽賣相晶瑩通透，粒粒飽滿，咬落卜卜脆，味道帶鹹香。扁意粉口感煙韌，而且扁意粉容易掛汁，龍蝦汁係今次嘅精華，濃厚嘅龍蝦汁掛滿每條意粉好惹味，食落口感creamy。Butterfly Dreams 飲品紫色到黃色漸變造型吸引，上面仲有菠蘿葉做點綴，呢杯係無酒精飲品，用上蝶豆花、菠蘿汁為主調，再加啲檸檬汁，清新解渴，酸甜開胃，而且整體味道唔會太甜；此外蝶豆帶有花青素，可以抗氧化同對人體提高免疫力。Latte咖啡拉花精亮，入口香濃幼滑，飲落順滑好舒服，另外杯上有粒方糖，好
黃埔天地向來旺中帶靜，屬於舒適嘅生活圈，除咗係居住及購物地點外，仲係美食集中地，當晚去咗黃埔一間西餐叫Flames度晚餐。呢間餐廳環境簡潔闊落，以黑白灰色調為主，燈光柔和，好有格調，餐枱用咗大理石，今次坐喺窗邊用餐，環境帶有氛圍感。
葡式香辣燒春雞配薯條
燒春雞外皮微辣辛香，幾惹味，撕開後juicy嫩滑有肉汁，如果想濃味啲可以再沾吓葡式紅椒醬，令味道多種層次，此外燒春雞份量十足，啖啖肉，兩個人食都十分足夠。薯條屬於粗薯條，即點即炸，熱辣辣，好香脆。
燒大蝦三文魚籽龍蝦汁扁意粉
燒大蝦夠大隻，燒至焦香，肉質爽口彈牙，味道鮮甜，此外三文魚籽賣相晶瑩通透，粒粒飽滿，咬落卜卜脆，味道帶鹹香。扁意粉口感煙韌，而且扁意粉容易掛汁，龍蝦汁係今次嘅精華，濃厚嘅龍蝦汁掛滿每條意粉好惹味，食落口感creamy。
Butterfly Dreams
飲品紫色到黃色漸變造型吸引，上面仲有菠蘿葉做點綴，呢杯係無酒精飲品，用上蝶豆花、菠蘿汁為主調，再加啲檸檬汁，清新解渴，酸甜開胃，而且整體味道唔會太甜；此外蝶豆帶有花青素，可以抗氧化同對人體提高免疫力。
Latte
咖啡拉花精亮，入口香濃幼滑，飲落順滑好舒服，另外杯上有粒方糖，好細心，嫌唔夠甜可以自己調教下
張貼
