泰豊廔酒家

營業中

休息中

泰豊廔收工之後約咗啲同事食飯，佢哋話網上見到呢間餐廳都比較人氣高，所以決定咗嚟呢度食飯敘舊。呢間餐廳離地鐵站好近，超級方便，由於太多嘢想食，所以叫咗個北京填鴨餐，唔逐項食物介紹啦，不過有幾款菜式我係比較推薦！賽螃蟹上菜嘅時候分量十足，見到個賣相都覺得好吸引，炒得好滑，忍唔住叫多幾碗飯！軟炸里脊感覺好似咕嚕肉咁，食落肉味好香，口感好特別同埋好惹味！鐵板宮保明蝦每隻下都大大粒，而且配上特製嘅酸甜醬汁，食落清新開胃。北京填鴨成個餐最期待嘅一道菜，因為真係太耐冇食北京填鴨，不過略嫌個麵皮有啲厚身，包住嚟食嘅話會有少少影響隻鴨嘅味道。醋溜桂花魚超巨型嘅桂花魚，而且外皮炸到脆卜卜，魚水好嫩滑，個醬汁酸酸甜甜，好正。高力豆沙好大粒，食嘅時候仲係熱熱地，好軟熟，而且豆沙都唔算太甜。