Life? (已搬遷) 新店位置

平日難得放假，吃過午飯希望找個地方hea一下放空自己。係ig見到Life?個名好特別，有個問號係度，不過我覺得人生的意義本身就係一世的問題，一時三刻係唔會諗通，都係食左先算見到有$80 free flow drink，即刻心郁郁想黎，又無限時可以任hea，中環有個咁既地方真係好難得！行上山之前打電話黎確定有位先繼續行，係玉葉甜品隔離唔算難搵，上到黎都係得6個人，做野既做野傾計既傾計，我就自己坐係角落思考人生。。。黎到門口先洗手再消毒，我既角落就可以望到成間舖，店主人好好，會主動介紹問你想飲咩，亦有少量蛋糕熱食，不過我諗住黎放空就淨飲好了。第一杯飲左400次咖啡，店主竟然係手打唔係用機，不過都好快搞掂左！神奇地即沖咖啡無左股酸味，牛奶味又濃，呢杯400次比我想像中既好飲得多！一問之下咖啡粉原來黎自泰國，香港買不到，可惜可惜...第二杯不能再飲咖啡，試了靜岡抺茶，淡淡既茶香配濃厚既牛奶，又係一杯傑出的飲品。最黎臨上瑜伽課前再飲一杯熱choco 味道不算甜，淡淡可可的甘加上滑溜的牛奶，為我放空的三小時劃上句號。今日完全是熱量爆棚的日子，見前日才拔了智慧齒那麼慘痛，由我放縱一下吧