更多
2020-02-26
410 瀏覽
日日幾乎留咗喺屋企發毛,有胃口都變冇乜胃口,突然抽起咗條筋,好想食三文魚!就叫左家姐介紹嘅千之味!去openrice一睇食評覺得唔錯咁!就決定試吓,外賣叫左三文魚壽司,熟蝦,蚧子,芥末八爪魚,玉子,炙燒黑椒三文魚,汁燒牛肉烏冬,三文魚見相都流晒口水,油脂分布平均!一口連附上的芥末同豉油!有一下子嗆口,十分強烈!三文魚肉質嫩,色澤均勻,又甜又新鮮,仲好肥美!炙燒黑椒三文魚燒得足夠,黑楜椒粒,好香火燒味!熟蝦好大隻!啖啖肉!肉質幾結實!蚧子好甜呀,不腥!(冇影相)芥末八爪魚好新鮮彈牙!玉子不是甜的,冇乜特別,外表幾好!至於烏冬賣相幾好,有粟米,木耳,溫泉蛋好流心,又好滑,牛肉份量多到驚人,嫩又唔肥,汁幾好味,烏冬彈牙,食完心情好番曬!真心推介千之味!
張貼