Doux (已結業)

星期五晚想同老公拍拖食飯，喺openrice 見到呢間餐廳評語不錯就試下啦，點知打電話去訂位，full哂要waiting，咁又係嘅，星期五都唔full即係未必好食啦，咁我地照等⋯好好彩上去即有位，帶位嘅waitress 好有禮貌，不錯😊餐牌食物選擇都算多，有parma ham有意大利飯，亦有龍蝦鵝肝，當然都有牛扒同羊架嘅大路野，我同老公叫左個fusion意大利飯（煎帶子泡菜意大利飯），味道幾好，意大利飯煮得岩岩好，不太硬，略嫌泡菜太大塊，如果可以切細啲就會更好。我哋見到隔離枱嘅燒春雞幾靚仔，就叫左黎試下，點知食完意大利飯，等左好耐（大約20分鐘，order左半個鐘）燒春雞先上枱，燒春雞唔似平時嘅春雞，好大隻，仲要有成隻雞，好抵食，味道十分好，醃得好入味又唔會過咸，推介👍👍甜品係呢間餐廳嘅主打，當然要試啦，我地叫左peach，不過冇想像咁似桃，味道又一般，冇主菜咁好味。小插曲：服務可以再改善下，因食飯途中有一位waiter行過跌左d餐具，咁岩有把叉拮到我隻腳，點知佢好似冇野咁就咁行開，好冇禮貌🙄🙄整體來說，推薦呢間餐廳，食物質素好，環境好