Cedele (已結業)

今日小編嚟到呢一間細細嘅cafe。為嘅其實係打發時間。。。因為小編約咗個朋友，而朋友又未到喎，所以呢就諗住搵一間餐廳坐低等啦！點知就比我見到呢間細細以白色為主，牆上邊掛住幾幅色彩繽紛嘅畫，吸引咗行咗入去。我叫左一個daily set。一個煙三文魚配番薯包，再加埋一杯熱嘅薄荷花茶。但我點解揀蕃薯包呢？因為其實我都係一個小小嘅蕃薯控嚟嘅，咁見到有蕃薯包，自不然就會好想叫嚟試吓，因為市面上其實好少有蕃薯味道嘅麵包，而係無蕃薯蓉做配搭的，所以小編先好想試下。其實都有少少失望嘅，因為比我想像中番薯味係冇咁濃啦，唔知係咪因為冇番薯蓉，所以就感覺唔係咁重番薯味。不過整體來講成個包嘅味道係唔錯嘅，因為煙三文魚其實都無得輸。