魔膳工房 (已易手) 新餐廳

訂左位食lunch，可惜去到都要等5-10分鐘，話因為要執枱....大家都知打工仔食飯只有1小時，行過去10分鐘，等佢執枱又10分鐘，回程返公司又10分鐘，可以食野的時間真係唔多。。。+$20 可以任食salad bar！雖然食物好fresh，但款式不多，毫無意慾去食第二轉。之後再有紅/白湯及多士。白湯今日係磨菇湯，磨菇係blend出黎，很有口感，很難得$7x唔係比罐頭湯呢！推介！主菜約$75-$13x，今日叫左豬手香腸意粉，豬手切片上，唔講真係唔知係豬手！而且連埋皮，都只有4小件，味道ok，亦很香脆，不過既然豬手係貴價菜唔能夠比太多片，不如唔好比香腸2條啦！而家好似係香腸係主菜，豬手係配菜。同事食的忌廉汁龍脷柳配薯菜，份量剛剛好， 忌廉汁做得很creamy，龍脷柳亦沒有一般餐廳的雪味，抵讚。總之+$20 的salad bar 真係唔係好值。但如果唔食salad bar 又可能未必夠飽。哈哈！很矛盾呢！但如果食埋salad bar 要$100埋單的話，咁我寧可比多少少，去apm 裡的table 18幫襯了。