聖安娜餅屋

營業中

休息中

早上10點左右經過，未食早餐有啲餓添～就買啲飽定下肚吧。望下價錢。。。比一般麵包鋪貴少少，冇所謂啦，買完即走，趕時間，快！就黎【黑椒雞肉燒餅】【雞尾包】【菠蘿包】各一啦。呵呵，個燒餅造型唔錯～鹹中帶甜黑椒味夠，又唔會太辣，ok啵～ 咬開可以清楚睇到一點點嘅黑椒同雞肉絲，食落似雞蓉，但依然食得出軟軟嘅雞絲，味道複雜，燒餅型嘅包口感到唔錯，唔乾，值得買黎玩下菠蘿包就差咗啲喇，味道偏淡我唔批評，一黎我嘅味覺可能俾先食嘅黑椒包影響咗，二黎年輕一代講少鹽少糖講健康。但包嘅口感就真係差咗啲喇，同隔夜麵包差唔多吧 雞尾包就好少少，但都相差無幾，5蚊個架，俾啲質數好wo，要我幫手俾租都要我俾得心甘情願嘛。