影片
更多
2015-02-06
6493 瀏覽
每次食完飯後我嘅老毛病就犯了。。。。就係我會完全想唔到可以去邊，完全唔知道有咩想做，當飽到一個程度，我仲會除咗（好飽呀，好飽呀）之外幾乎唔想講其他咩野，當然，今日仲未飽到嗰個程度 我企起深水埗地鐵站已經差唔多成半個鐘頭了，都未知想去邊，禮拜日中午wo，唔係咁早返屋企呱。。。。 突然靈機一動，啊，就好似俾雷打中差唔多，去食甜品咪得囉，我居然喺哩度蕩咗咁耐 就去九龍城啦！ 先去嗰間買件西餅食下啦！點去？ 。。。。。。。 好容易姐，坐地鐵去樂富落車，行出去聯合道南行，賈炳達道轉左，去到目標嗰條街右轉入去，行個街口咪喺左手邊囉，真係話咁快就到呀，慢慢行10幾分鐘都到啦～一抬頭就見到間鋪嘅招牌喇。1點幾鐘，入面已經有唔少人，我好似做賊咁快步行入去，然後盡快逼到入最裡面。。。點解？ 咪因為我知道今日我居然想駛45蚊買一件西餅囉，俾老婆知道我趁佢唔係香港就做埋啲咁嘅事，一定會鬧我一餐勁架喇，上次去尖沙咀海港城買咗一盒馬卡龍之後佢就差唔多想爆死我了 去到餅櫃邊，我就好似其他餓鬼咁頭向前眼金金咁望住造型各不相同嘅西餅喇～要邊件好呢。。。我好快咁排除咗好似好好味嘅Green Tea Opera，同埋
點去？ 。。。。。。。 好容易姐，坐地鐵去樂富落車，行出去聯合道南行，賈炳達道轉左，去到目標嗰條街右轉入去，行個街口咪喺左手邊囉，真係話咁快就到呀，慢慢行10幾分鐘都到啦～一抬頭就見到間鋪嘅招牌喇。
1點幾鐘，入面已經有唔少人，我好似做賊咁快步行入去，然後盡快逼到入最裡面。。。點解？ 咪因為我知道今日我居然想駛45蚊買一件西餅囉，俾老婆知道我趁佢唔係香港就做埋啲咁嘅事，一定會鬧我一餐勁架喇，上次去尖沙咀海港城買咗一盒馬卡龍之後佢就差唔多想爆死我了 去到餅櫃邊，我就好似其他餓鬼咁頭向前眼金金咁望住造型各不相同嘅西餅喇～要邊件好呢。。。我好快咁排除咗好似好好味嘅Green Tea Opera，同埋誘人至極嘅朱古力作品，而選中咗佢。。。【Mango Napoleon】又點解？因為我上次去咗長洲【允升甜品】食佢地嘅招牌芒果糯米糍，人面舊芒果大到吖。。。又大又淡而無味吖嘛，我咪想試下香港係唔係冇甜嘅芒果囉，點吖！唔得咩？ 咩話？點解冇影間鋪入面嘅相？ 嗱係咁嘅，其實我覺得攞住部手提去幫啲食物影相係一件好奇怪嘅事，仲要喺人地間鋪入面喺店員面前左影右影？需要好大嘅勇氣囉，如果有隻老鼠喺個餅櫃入面走黎走去嘅話就唔同講法。。。 俾完錢我就行咗去九龍城寨公園，嗰邊風景好環境優美，去嗰邊慢慢享受件西餅都算係一個唔錯嘅選擇，就係搵唔到一張檯唔夠好囉，最後終於搵到張櫈坐底喇，禮拜日好多人呀
我打開個袋，終於可以近距離咁睇下件西餅喇~ 嗯。。。。。。。點攞出黎呢？
我決定。。。一手揸住件餅身，直接攞出黎，粗魯哩~~~
Mango Napoleon
$45
319 瀏覽
1 讚好
0 留言
件餅用咗三片酥餅將啲淡黃色嘅custard分為兩層，下面嗰層仲有三小件芒果呢，唔知味道點呢，應該點食好呢。。。等我想想。。。。。。好，想好喇，有三片酥餅，就分開三部分食啦~從頂開始啦，我左手托住件餅，右手就唔客氣喇 O(∩_∩)O~，輕輕地。。。一野就將個頂拆咗落黎喇 仲黏住少少custard，慢慢咁移到咀邊，咬落去。。。嗯。。。custard幼幼滑滑的，甜味中等，淡淡地甜，酥餅幾酥的，簡單嘅餅香，少少custard，兩者加埋一齊，感覺唔錯啊~~~
望住剩返嘅部分，哩下靠技術喇，要用啲陰力，我要一拉之下，將下層嘅custard都帶起部分，哩片酥餅夾喺中間，就係為咗我地食嘅時候要食到上下都帶custard嘅感覺嘅姐~ 。。。。黎。。。嘿嘿，得喇~ 咬咬。。。嗯。。。哩層嘅酥餅嘅纖維比最上層嘅緊緻一啲，餅味感覺上亦濃少少，配合上多啲啲嘅custard。。。OK啊~
終於到最後嘅一層喇。。。芒果亦喺哩層度，精髓所在啊~ 但心入面突然泛起一種奇怪嘅感覺。。。件餅好似黏住咗塊卡紙底。。。唔係好似，唔止黏住，係直情黏實塊卡紙底呀~~~ 我用力將佢地拉開。。。得喇。。。呵呵。。。。原來係整餅師傅故意用咗啲透明嘅野將件餅緊緊咁黏住張卡紙啊，幾安全穩陣吖，真係好貼心嘅設計~
底卡紙
116 瀏覽
0 讚好
0 留言
試試最後一層先，一口咬落去，嗯，最硬嘅一層 當然餅味亦係最濃啦，纖維密成咁，當然要同芒果帶custard一齊食啦，Ok啦~ 芒果夠甜，但唔係話好甜，同淡淡地甜嘅custard好配合。
俾我感覺最大嘅係芒果，完全唔會過甜，同成件餅好夾，如果用咗另一隻甜啲嘅芒果嘅話，我就唔會俾個笑臉佢喇~
哩件西餅三層各有不同口感，食落亦有不同感覺，custard幼滑，餅香，芒果微甜，俾我一種總廚想做出一種盡善盡美，完美無瑕，無可挑剔嘅感覺，佢非常成功咁作出咗心目中想要嘅感覺，謝謝喇
張貼
