小王子甜品 (已結業)

喺骨煲皇打完邊爐，原來小王子就喺隔離，見又唔多使等，於是就順便食個甜品。舖唔算大，裝修略見心思。兩個人，叫咗一個紅豆綠茶木糠。雪糕加紅豆加木糠布甸，味道唔錯，唔太甜。另外叫咗個楊枝甘露加奶凍，楊枝甘露有啲苦，不過賣相唔錯。總括嚟講，坐得都舒服（有啲圓形梳化位供五至六人坐），甜品選擇多，雖然唔係咩特別款式，但都做得幾好味同埋有心思。喺呢區嚟講都算係幾突出。